13/11/2025
Santo Artemide Zatti (13 Nov)
Moris iha Boretto, Itália, iha loron 12 fulan-Outubru tinan 1880. Tanba kiak, nia família imigra ba Bahía Blanca, Arjentina, iha tinan 1897. Iha ne’ebá, nia tulun pároku Salezianu. Iha tinan 1900, Bispu João Cagliero simu nia nu’udar Aspirante Salezianu. Iha komunidade saleziana, nia tau-matan ba padre foin-sa’e ida ho moras tuberkuloze ne’ebé mate iha tinan 1902. Artimede rasik hetan moras ne’e no haruka nia ba ospitál iha Viedma, iha-ne’ebé nia hetan kuidadu husi padre no médiku ida ne’ebé iha esperiénsia, Padre Garrone.
•
•
Ho Padre Garrone nia orientasaun, Artimede reza no promete ba Maria Auxiliadora katak karik nia hetan isin di’ak, nia sei dedika nia moris hodi tau matan ba ema moras sira. Ikusmai nia rekupera no kumpre nia promesa. Iha tinan 1908, nia profesa nia juramentu perpétuu nu'udar Bruder. Hafoin ne'e nia tau-matan ba farmásia ne'ebé besik ospitál. Nia aprende husi Padre Garrone: Só sira ne’ebé bele selu de’it mak selu.
Hafoin Padre Garrone nia mate, nia sai diretór ospitál ne'e rasik.
•
•
Irmaun Artemide Zatti mate iha loron 15 fulan-Marsu tinan 1951 tanba moras kankru. Nia hetan beatifikasaun hosi Amu-Papa João Paulo II iha loron 14 fulan-Abril tinan 2002, no hetan kanonizasaun iha loron 9 fulan-Outubru tinan 2022. Nia mate-isin hetan venerasaun iha Kapela Saleziana iha Viedma.
•
•
Santo Artemide Zatti,
Harohan mai ami!
Amen.🙏🏽🤍
Movimento Juvenil Salesiano TL
