https://www.facebook.com/106594937808820/

Joven Ba Unidade-JBU_Aldeia Fatulaun

Página Inicial
Timor-leste
Dili
Joven Ba Unidade-JBU_Aldeia Fatulaun

Hamutuk ita bele ho unidade ita lao ba oin

02/09/2026

Husi Komisaun organizadora (K.O) Hakarak Hato’o Agradesimentu no Apreziação ba Apoiu iha Realizasaun Marsa Saudavel ba Loron 30 de Agusto tinan 2026 ba dala 27.

Liu husi pájina ida ne'e, ami husi Komisaun Organizadora atu hato'o agradesimentu kle'an no apresiativu ba Belun, Parte Apoiu, Patrisipador, no entidade sira hotu ne'ebé envolve aan hodi fó apoiu morál, materiál, no finanseira ba atividade 30 agustus ne'ebé realiza ho susesu iha loron 28 t’o 30 foin lalais ne'e husi Laclubar to’o Manatuto durante loron tolu (3).

Atividade ne'ebé lori tema "Hametin Espíritu Nasinalismu no Patritismu " ne'e hala'o ho susesu boot no atinji ona ninia objetivu, liuhusi partisipasaun ativa husi públiku no mós kontributu importante husi Ita-Boot sira. Liuhusi eventu ne'e.
Maske ita hasoru dezafiu balun iha prosesu preparasaun nia laran, maibé ho dedikasaun no kolaborasaun makas husi parte apoiu sira hotu, traballu difisil ne'e bele sai realidade. Ami rekoñese katak susesu ne'e la'ós de'it ami nian, maibé mós rezultadu husi sakrifísiu no laran-di'ak husi Ita-Boot sira hotu.

Ami husu deskulpa iha tempu preparasaun ka durante eventu ne'e hala'o, iha frakeza ka sala ruma ne'ebé akontese. Ami espera katak relasaun di'ak ne'ebé ita harii ona bele kontinua iha futuru ba atividade sira seluk.
Ikus liu, ami hato'o fali agradesimentu wain ba belun no parseiru sira hotu, ne’ebé apoiu ami, liuhusi moral, material no orasaun ba atividade ne hotu to remata.

Atividade ne realiza hetan mós, Apoiu husi . # no Konsilerru JBU na'in haat (4) Media Postu Laclubar 🙏 obrigadu no Agrdese ba Apoiu tomak🙏

📷 📃JoelSilva

28/08/2026

"JBU Hahu Jornada La'o Ain Loron rua (2) husi Laclubar to Manatuto: Hodi Halo Refleksaun ba Loron Istóriku 30 de Agostus Ba Dala 27"

Manatuto- 28 de Agustus 2026
MANATUTO — Hodi komemora no halo refleksaun kle'an ba loron istóriku 30 de Agostu, Juven Ba Unidade (JBU) Aldeia Fatulaun, Suco Orlalan hahú ona jornada la'o ain loron rua (2) hahu husi loron 28 to’o 30 fulan agustu 2026 husi Postu Administrativu Laclubar to’o Munisípiu Manatuto. Atividade ne'e la'ós de'it atuezersísiu fisiku, maibé mós nu'udar momentu ida hodi hanoin-fali sakrifísiu no istória povu Timor-Leste nian.

Atividade ne'e hetan partisipasaun pasivu husi membru JBU sira. Partisipante sira hateten katak jornada ne'e sai nu'udar dalan ida atu sente rasik susar no terus ne'ebé Veteranus sira liú ba iha tempu rezolusaun nian, liuhusi dalan rai-rahun no foho-lolon husi Manatuto to'o Laclubar.

Durante loron rua (2) nia laran, grupu ne'e sei la'o ain hamutuk, hodi hasoru dezafiu oioin iha dalan nian klaran. Nune'e mós, iha kalan sira, sira sei hala'o diskusaun ka sesaun refleksaun nian kona-ba signifikadu husi loron 30 de Agostu—loron ne'ebé povu Timor-Leste hili votu ba independénsia iha tinan 1999.

"Administradór Postu Administrativu Laclubar, Sr. Raimundo Soares, hato'o agradesimentu no apresiasaun bo'ot ba Inisiativa Joven ba Unidade ho Sikla (JBU) Aldeia Fatulaun. Nia hateten katak JBU fó ona ezemplu ne'ebé di'ak tebes ba súku no aldeia seluk iha Postu Administrativu Laclubar, tanba maske hahú husi joven Aldeia Fatulaun rasik, maibé nia impaktu no reprezentasaun to'o ona nivel Munisípiu Manatuto."

"Atividade ne'e la'ós de'it viajen fízika ida, maibé mós hanesan eskola moris nian ida hodi hametin unidade, disiplina, no sentimentu nasionalizmu ba jerasaun foun sira iha Aldeia Fatulaun no Suku Orlalan. Ida-ne'e hanesan esforsu ida hodi asegura katak ita labele haluha loron istóriku sira ne'ebé iha ona abut kle'an iha ita-nia rai-laran," tenik Administrador.

"Iha atividade jornada la'o ain ne'e, hetan abertura direta husi Administradór Postu Administrativu Laclubar, Sr. Raimundo Soares, no hetan mós partisipasaun husi autoridade lokál súku no aldeia, Veteranus, hamutuk ho akompañamentu seguransa husi PNTL Postu Laclubar."

15/08/2026

Karik iha interese bele Kontaktu Ami🇹🇱🫡

05/07/2026

JBU FORMA ONA KOMISAUN BA LORON 30 AGOSTU: SEI HALO MARSA AIN HUSI MANATUTO VILA BA LACLUBAR

DILI— Juven Ba Unidade (JBU) Aldeia Fatulaun realiza enkontru ba dala rua tuituir malu iha Postu Administrativu Laclubar no Dili, hodi diskute no aprova atividade hodi selebra Loron Konsulta Populár ba dala 27 ne'ebé sei monu iha loron 30 Agostu tinan ida-ne'e.

Iha enkontru ne'ebé hala'o iha Laclubar, Sábadu (04/07), membru JBU sira hamutuk ho Xefe Aldeia no Delegadu, konkorda ona atu organiza atividade "Marsa Ain" ka la'o ain hamutuk, ne'ebé sei husi Osoáriu Manatuto Vila to'o Postu Administrativu Laclubar. Atividade ne'e rasik sei hala'o durante loron haat, hahú husi loron 27 to'o 30 Agostu 2026.

Alende ne'e, enkontru mós aprova ona katak membru grupu nian sei uza vestuáriu fardamentu hanesan jake no kamiza kaus gola (polo) durante atividade ne'e la'o.

Hodi dudu planu sira-ne'e ba oin, iha enkontru tuir mai ne'ebé hala'o iha Dili, Domingu (05/07), JBU aprezenta rezultadu husi Laclubar no foti kedas desizaun hodi forma no foti estrutura Komisaun Organizadora.

Tuir mai ne'e mak estrutura Komisaun Organizadora ne'ebé mak simu ona responsabilidade:

Estrutura Komisaun Organizadora:

Prezidente: Fernando S. Pedro
Vise Prezidente: Lourenco Soares
Sekretáriu:
1. Lindelfia E. Soares
2. Jonio Alves Soares

Tezoureira:
1. Noviana M. de Jesus
2. Sonia L.D. Soares

Seksaunn Sira:

Lojístika: Ladislau Gusmão & Joanito S. Pinto
Dokumentasaun:Julito Soares, Marcelino da C. Sarmento, & Lourenco Luis
Relasaun Públiku: Martino S. Tasi, Domingas de Jesus, Cerilio Duarte, Jose Gonçalves, Jaimito Gusmõo, & Agosto Dias
P3K (Saúde):Juliana Calado, Otavio Sarmento, & Aida da Costa
Konsumu: Josefa Soares, Flavia da C. Soares, Abrilia de J. Soares, & Baquita da Costa.

01/07/2026

Informativu: Rezultadu Enkontru Grupu Joven ba Unidade (JBU) Aldeia Fatulaun
Ami hakarak hato'o rezultadu enkontru ne'ebé hala'o ona iha loron, 30 de Juñu 2026. Enkontru ne'e foka liu ba kestaun sira hanesan:

1. Transizaun Estrutura
Halo ona entrega serbisu ho susesu husi estrutura sesante (anterior) ba estrutura foun ne'ebé eleitu ona.

2. Atividade Komemorasaun 30 de Agostu
Atu selebra loron istóriku ne'e, grupu deside ona atu hala'o atividade boot rua:

Jornada La'o Ain: Sei hahú husi loron 27 to'o 30 de Agostu 2026, ho rota husi Ossoáriu Manatuto Vila to'o Postu Administrativu Laclubar.

Semináriu Nasionál: Sei organiza mós semináriu ida ne'ebé sei liga ho tópiku ba loron Istóriku nian hamutuk ho selebrasaun ne'e.

3. Farda Ofisiál Grupu nian (GP)
Deside ona atu mantein dezenu farda anterior nian, ne'ebé kompostu husi Kaos no Jákete.

Ba membru estrutura hotu, obrigatoriu atu halo.💪

"Hamutuk ita bele, ho unidade ita la'o ba oin."

Dili, 30 de Juño 2026.
Fatin Jardim 5 de maio

Endereço

Dili

Telefone

+67076323118

Website

facebook.com

Notificações

Seja o primeiro a receber as novidades e deixe-nos enviar-lhe um email quando Joven Ba Unidade-JBU_Aldeia Fatulaun publica notícias e promoções. O seu endereço de email não será utilizado para qualquer outro propósito, e pode cancelar a subscrição a qualquer momento.