Dnpdml - Direção Nacional Promoção e Desenvolvimento Media Local

04/01/2024

DNPDML:DIRETÓR NASIONÁL-PDML HO XEFI DEPARTEMENTU SIRA INKONTRU DAHULUK HO FUNSIONÁRIU

Kintal Boot Dili, 04-01-2023, Diretór Nasionál-PDML Adriano Monteiro akompania husi xefi departementu Apoiu Rádiu Komunidade Julio da Costa Beremali, Xefi Departementu Naroman ba Suku , Alberto da Costa Ribeiro ho Funsionáriu Públiku DNPDML-SEKOMS inkontru dahuluk iha tinan 2024.

Iha inkontru ne’e, Diretór Nasionál-PDML, Adriano Monteiro husu ba funsionáriu sira atu hatudu disiplina iha servisu fatin ho pontualidade no garante prestasaun serbísu ho kualidade.

Iha biban ne’e diresaun ho departementu rua kria planu trimesterál 2024 nebe’e sei ejekuta iha janeiru to marsu tinan ida ne’e.

DNPDML simu re alokasaun funsináriu permanente nain 5 husi diresaun Nasionál Finansas-MAPKOMS inklui nain ida husi Departementu lojistik .

Entretantu Funsionáriu Permanente haknár an iha Diresauan Nasionál Promosaun no Dezenvolvimentu Mídia Lokál DNPDML hamutuk nain 31.

29/12/2023

DNPDML: SEKOMS ATRIBUI MOTORIZADA BA RÁDIU KOMUNIDADE SIRA

IX Governo liu husi Sekretária Estadu Komunikasaun Sosiál, atribui ka fahe motorizada ba rádiu komunidade sira hodi bele fasilita jornalista sira iha aktividade kobertura iha terenu.

Iha biban ne'e, Sekretáriu Estado Komunikasaun Sosiál, Expedito Loro Dias Ximenes, husu ba jestor rádiu komunidade sira atu uza sasan ne'ebe governu fo ho Koidadu atu nune'e fasilita servisu sira ho diak iha kada estasaun radio idak-idak.

Governante ne'e mos husu ba jestór rádiu komunidade sira katak, liu husi meius ida ne'e bele hakmaan jornalista sira nia aktividade.

Entretantu rádiu komunidade ne'ebe hetan motorizada mak hanesan, Rádiu Komunidade Rai Husar Aileu, Rádiu Komunidade Manu Koko Atauro, Rádiu Komunidade Loriko Lian, Rádiu Komunidade Lian Matebian Baucau, Rádiu Komunidade Sahe Bucoli, Rádiu Komunidade Tokodede Liquiça no Rádiu Komunidade Vox Populy Lospalos.

Totál motór ne'ebé fahe ba rádiu komunidade iha edifisiu hamutuk 8.

Seremonia entrega no simu motorizada hirak ne'e hala'o iha edifisiu DNPDML, Kintál Boot-Dili, sesta feira ne'e.

27/12/2023

DNPDML: DIRETÓRt NASIONÁL-PDML LIDERA INKONTRU ANUÁL HO FUNSIONÁRIU

Kuarta Feira, 27/12/2023, Diretór Nasionál-PDML, Adriano Monteiro Akompaña mós husi Xefi Departamentu Apoiu Rádiu Komunidade, Julio da Costa Beremali no Xefi Departamentu Apoiu Sentru Informasaun Suku Alberto da Costa Ribeiro kria inkontru anuál ho funsionáriu DNPDML-SEKOMS iha Kintál Boot-Dili.

Diretór Nasionál-PDML Adriano Monteiro hatete inkontru ne'e hanesan avaliasaun ikus 2023 nian hodi hare ba serbísu no funsionamentu programa iha DNPDML-SEKOMS durante ne'e.

Husu mós ba funsionáriu hotu atu hatudu prestasaun di'ak ba serbísu hodi serbí públiku ho responsabilidade.

Durante inkontru funsionáriu sira mós hato'o sujestaun ba direjenti sira atu a nota ba hodi implementa iha futuru relasiona ho funsionamentu Rádiu METRO FM no programa sira seluk.

Iha biban ne'e mós partisipa funsionáriu destakadu husi Munisípiu sira.

27/12/2023

19/12/2023

DNPDML: RÁDIU METRO FM DEZAMINA INFORMASAUN KONA-BA MORAS SARAMPU

Radio Metro FM (19 Desembru 2023) - Programa Moris Saudavel nudar Programa neebe priense husi Servisu Saúde Munisípiu Dili (SSMD) servisu hamutuk ho Radio Metro FM, DNPDML - SEKOMS hodi dessemina informasaun ba komunidade sira konaba oinsa kuida Ita Ida Idak Nia saude. Edisaun ohin nian koalia konaba "MORAS SARAMPO". ho bainaka dotora Madalena no Aprezentadora Rádiu Metro FM, Elisabet Soares no Domingos Savio iha meja operadór.

14/12/2023