08/01/2025
ALARGAMENTU ESTRADA IHA DILI, AFEITADU TENKE PREPARA-AN HAMAMUK FATIN
DILI, Tersa, 07 Janéiru 2025: Vise MAE no SEATOU enkontru ho ekipa konjunta hodi fó orientasaun ba ekipa konjunta atu apela ba komunidade afeitadu alargamentu estrada iha kapitál Dili.
Aleinde ne'e, jestaun lixu husi APM, Ministru MAE entrega ona ba SEATOU mak jere tuir tempu indeterminadu.
Tuir mai akompaña no lee informasaun kompletu husi SEATOU:
𝗘𝗡𝗞𝗢𝗡𝗧𝗥𝗨 𝗘𝗞𝗜𝗣𝗔 𝗞𝗢𝗡𝗝𝗨𝗡𝗧𝗔 𝗜𝗛𝗔 𝗜𝗡Í𝗦𝗜𝗨 𝗧𝗜𝗡𝗔𝗡 2025.
Díli, 07 Janeiru 2025; 𝗦𝗲𝗸𝗿𝗲𝘁á𝗿𝗶𝘂 𝗘𝘀𝘁𝗮𝗱𝘂 𝗔𝘀𝘂𝗻𝘁𝘂 𝗧𝗼𝗽𝗼𝗻í𝗺𝗶𝗮 𝗻𝗼 𝗢𝗿𝗴𝗮𝗻𝗶𝘇𝗮𝘀𝗮𝘂𝗻 𝗨𝗿𝗯𝗮𝗻𝗮 (𝗦𝗘𝗔𝗧𝗢𝗨), 𝗚𝗲𝗿𝗺𝗮𝗻𝗼 𝗦𝗮𝗻𝘁𝗮 𝗕𝗿𝗶𝘁𝗲𝘀 𝗗𝗶𝗮𝘀, hamutuk 𝗩𝗶𝘀𝗲-𝗠𝗔𝗘, 𝐉𝐚𝐜𝐢𝐧𝐭𝐨 𝐑𝐢𝐠𝐨𝐛𝐞𝐫𝐭𝐨 𝐆𝐨𝐦𝐞𝐬 𝐝𝐞 𝐃𝐞𝐮𝐬, ohin terça-feira, konvoka enkontru ho ekipa konjunta hosi liña Ministerial, Administrador Postu Administrativu, Xefe Suku sira no Polisia Nasional Timor Leste (PNTL), hodi implementa planu ba servisu iha tinan ida ne’e nia laran. Enkontru ne’e hala'o iha sala VIP-MAE.
𝗢𝗯𝗷𝗲𝘁𝗶𝘃𝘂 𝗵𝗼𝘀𝗶 𝗲𝗻𝗸𝗼𝗻𝘁𝗿𝘂 𝗻𝗲’𝗲, atu diskute kona-ba Monitorizasaun lisu, Kontrola konstrusaun Edificio (Chineza, Komersio, Valeta leten, trotoar leten, etc), Kontrola espasu públiku, servisu Gestão Merkadu, Kontrola komunidade hela iha foho lolon, tasi ibun no seluk tan, kontrola komunidade ne’ebé hakiak no kesi animal iha fatin públiku no mós Organiza fiu operador telekomunikasaun.
𝗜𝗵𝗮 𝗲𝗻𝗸𝗼𝗻𝘁𝗿𝘂 𝗩𝗶𝗰𝗲-𝗠𝗔𝗘, 𝗝𝗮𝗰𝗶𝗻𝘁𝗼 𝗥𝗶𝗴𝗼𝗯𝗲𝗿𝘁𝗼 𝗚𝗼𝗺𝗲𝘀 𝗵𝗮𝘁𝗲𝘁𝗲𝗻, “hau sempre akompaña servisu hosi ekipa konjunta ne’ebé koletiva no integradu hosi setór hot-hotu, inklui seguransa hosi PNTL no F-FDTL. Ohin ita hare imajen Díli ituan ba ituan iha mudansa ba diak, hakarak ka lakohi tenki hahú hadi’a, se la hahú agora bainhira mak atu halo, kona-ba progresu servisu agora seidauk senti, maibe tinan 2 to’o 5 ba oin sei hare nia rejultadu”.
SEATOU mós hatutan, kona-ba jestaun lixu, sai asuntu ida kompleksu tebes, nune’e liu-hosi Sua Exelénsia Ministru Administrasaun Estatál, 𝐓𝐨𝐦𝐚́𝐬 𝐝𝐨 𝐑𝐨𝐬𝐚́𝐫𝐢𝐨 𝐂𝐚𝐛𝐫𝐚𝐥 foti dezisaun, hahú hosi fulan janeiru to’o fevereiru, provizoriamente sei monitorizasaun direta hosi SEATOU, enkuantu haree progresu iha futuru to’o Autoridade Munisípiu Díli rejolve jestaun lixu ne’e ho diak.
𝗢𝗿𝗶𝗲𝗻𝘁a𝘀𝗮𝘂𝗻 𝗻𝗼 𝗣𝗼𝗹𝗶𝘁𝗶𝗸𝗮 𝗦𝗘𝗔𝗧𝗢𝗨
1). Ekipa SEATOU, sei deztaka funsionáriu kajuias Gestão Merkadu ba lokasi sira hanesan iha área Fatuhada, eis-Merkadu Comoro, Kampung baru, Elemloi, Tasi-tolu, Bairo-pite, Audian, Becora, Cristo-rei, Largo-lecidere no Bidau hodi kontrola espasu públiku.
2). Iha área Cristo rei, se kuando hetan animal hanesan karau, fahi no bibi sira ne’ebé husik livre, sei la iha toleránsia tan.
3). Ba operadór telekomunikasaun, fiu sira ne’ebé kesi no lulun rolu hodi tara iha besi-rin, ekipa sei tesi-kotu, ita la’os foin avizu, tinan ida resin ona ita koalia asuntu ne’e. hau lakohi haree fiu tara hanesan labadai iha estrada protokolu.
4). Iha planu mós atu m***a CCTV, iha área públiku sira hanesan iha Cristo rei liliu fatin sira ne’ebé m***a lixeiru nune’e bele kontrola oráriu soe lixu no ema sira ne’ebé la iha responsavel hodi estraga lixeiru.
5). 𝗢𝗿𝗶𝗲𝗻𝘁𝗮𝘀𝗮𝘂𝗻 𝗦𝗘𝗔𝗧𝗢𝗨 𝗯𝗮 𝗔𝗱𝗺𝗶𝗻𝗶𝘀𝘁𝗿𝗮𝗱𝗼𝗿 𝗣𝗼𝘀𝘁𝘂 𝗔𝗱𝗺𝗶𝗻𝗶𝘀𝘁𝗿𝗮𝘁𝗶𝘃𝘂 (𝗔𝗣𝗔) 𝘀𝗶𝗿𝗮, 𝗮𝘁𝘂 𝗮𝘃𝗶𝘇𝘂 𝗯𝗮 𝗽𝗼𝗽𝘂𝗹𝗮𝘀𝗮𝘂𝗻 𝘀𝗶𝗿𝗮 𝗻𝗲’𝗲𝗯é 𝐧𝐢𝐚 𝐮𝐦𝐚 𝗶𝗱𝗲𝗻𝘁𝗶𝗳𝗶𝗸𝗮 𝗸𝗼𝗻𝗮 𝗔𝗹𝗮𝗿𝗴𝗮𝗺𝗲𝗻𝘁𝘂 𝗘𝘀𝘁𝗿𝗮𝗱𝗮 𝗶𝗵𝗮 𝗽𝗮𝗿𝘁𝗲; Kuluhun to’o Fatuahi, sei halao enkontru ho Ekipa liña Ministerial iha kinta-feira, 09 Janeiru 2025, no sexta-feira ho komunidade sira iha Becora, iha favereiru laran sei hahú servisu ba alargamentu ne’e.
“Alargamentu estrada mós sei halo iha área Elemloi to’o Rate-ain (área Canossa Has-laran), Surikmas, Lurumata (CCF nia sorin to’o Embaixada Amerika) no dalan kapela lurumata nia sorin”. Iha fulan fevereiru.
Intervensaun no planu ba alargamentu estrada lubuk ida mak ekipa halo ona no iha mudansa, nune’e SEATOU husu ba komunidade sira atu koopera ho planu ba alargamentu estrada hodi fó biban ba Ministeriu Obras Públika atu aselera, konstrui no kompleta kondisaun hodi haree imajen ne’ebé diak ba desenvolvimentu ita nia nasaun.
Foto: Paj. SEATOU
Ekipa: FT
