13/08/2026
DR. RUI MARIA DE ARAÚJO HAMUTUK HO NIA KOMPOZISAUN EKIPA SUSESU BA KANDIDATURA, MARKA AUDENSIA HO PREZIDENTE CNE, DR. JOSÉ A. DA COSTA BELO PEREIRA.
Audensia Dr. Rui hamutuk kometivas ne’e ho objetivu atu hetan esplikasaun no informasaun adisional balu relasiona ho prosesu eleisaun, enkuadramentu legal no lejislasaun sira ba eleisaun prezidensial. Dr. Rui Maria de Araújo hola intensaun sai kandidatu independente iha eleisaun Prezidente 2027.
Iha okaziaun ne’e Lider máximu CNE, Dr. Jose Belo hamutuk ho kompozisaun membru CNE nian akresenta pontu importante sira kona-ba lalaok eleisaun Prezidente Repúblika, ba Dr. Rui ho ekipa.
Relembra fali katak dr. Rui Maria de Araújo assume pasta Ministru Saude iha Governu Dahuluk Fretilin nian iha tinan 2002 – 2007. Iha tinan 2015, Asume mos pasta Primeiru Ministru VI Governu, ne’ebe indijitadu hosi Kayrala Xanana Gusmão hafoin nia rejigna-an.
Antes ne’e viral iha mídia social sira katak dr. Rui Maria de Araújo iha intensaun atu kandidata–an ba Eleisaun Prezidente Repúblika periodu 2027 – 2032.
Partisipa iha audiensia ne’e mak Vise Prezidente CNE, Dr. Domingos Barreto, Sekretaria CNE Dra. Odete Maria Belo, Komisariu Dr. Elvino Bonaparte no Komisariu Eng. Olavio Monteiro de Almeida, inklui dirijentes sekretariadu jeral CNE nian.
:
