مواجهة الإستيطان والنفوذ الأجنبي

مواجهة الإستيطان والنفوذ الأجنبي مواجهة الإستيطان والنفوذ الأجنبي

21/09/2025

- المؤسسة التعليمية لازم يكون عندها قداسة و احترام عند الجميع. السلوك داخل المؤسسة التعليمية لازمو يكون محترم و مأطر بالظبط كيف السلوك في العايلة، الخدمة الثكنة او الجامع.
- المؤسسة التعليمية هيا تربوية زادا. من الروضة للجامعة النشئ التونسي لازمو يقرا و قبل كل شي يتربا على الوطنية الاحترام، الانطباط،الواجب و الاستقامة.
- المؤسسة التعليمية مهيش علبة ليلية و مهيش قهوة او قاعة عرض ازياء. المؤسسة التعليمية مهيش الفضاء المناسب لابراز الجمال، المفاتن او الاستعراض اللباس و الجسدي.
- التلميذ و الطالب يمشي للمؤسسة التعليمية باش يقرا يتعلم يتكون و يتدرب و لذا لازمو ينظبط للنظام في سلوكو، كلامو،لبستو و ماكلتو زادا.
- اللباس الخليع المنحل و العهري لازمو يتمنع تماما من كل المؤسسات التعليمية بنسبة للتلامذة، الأساتذة، الاداريين و العملة.
- قرار عدد من المؤسسات الجامعية فرض الانظباط اللباسي و فرض الاحترام هوا قرار صحيح علخر ووطني علخر ( عندو فايدة عامة) و يستحق المساندة و يا حبذا لو يولي قانون عام ملزم في كل المؤسيات التعليمية و العمومية.
- اللبسة في الفضاء العام مهيش حرية شخصية و من حق وواجب الدولة تنظيمها و منع كل لبسة تعمل إثارة جنسية و تتناقض مع القيم التونسية المجتمعية و الدينية.









21/09/2025

مفماش دولة في العالم ساندت نوازل خارجية بكل عفوية و طيبة قد تونس. تونس ضحات بالدم باش تساند شعوب اخرا.
- من فلسطين لجنوب افريقيا( حتا كان جو يستاهلو) لإيريتريا للبوسنة و الهرسك. ساندت تو نس كل أنواع النوازل لسبب أخلاقي بحت مغير حتا ربح من اي نوع و بالعكس بتحمل الأضرار من كل الأنواع.
- الدولة التونسية هيا الوحيدة في العالم الي متحسبش في مواقف المساندة للنوازل الاخلاقية. الدول لخرا يساندو صحيح اما وقتلي يتوقعو ربح معين و دوب ميحسو فما ريحة خسارة يتهربو اما تونس ديما تتحمل المسؤولية كاملة.
- سلوك الدولة التونسية في الخارج خالي من الأنانية و الحساب و هاذا باهي علخر عاطفيا و لكنو كارثي سياسيا في وضعنا الحالي.
- في وضع تونس الحالي التهديدات جاية من الداخل و الخارج و لذا معادش عندنا الترف باش ناخذو مواقف خارجية على اساس عاطفي مهما كان شعورنا ووجيعتنا.
- في وضع تونس الحالي وين التهديد ولا وجودي المواقف الخارجية لازمها تتخذ على اساس المصلحة التونسية وحدها لا شريك لها.
- تونس حاليا لازمها تتصرف بأنانية مطلقة و تخمم كان في روحها لنو حتا حد ماهو شيحكم فيها او يضرب عليها.
- الاعداء صادمين علينا من كل الشيرات و لذا فانو تخمامنا و عواطفنا و كل مواردنا لازمهم يتركزو في مواجهة الاعداء و إنقاذ الذات التونسية و معناش الحق في حتا طرف تخمام او اهتمام في اي حكاية برانية اخرا.
- وفا وقت العاطفية في السياسة الخارجية و جا وقت الأنانية، الحساب، المنطق و المصلحة التونسية الصرفة.









20/09/2025

المرسوم 88 الاستكشاف المشبوه و الاستعلام البراني

- في القرون 17-18 و 19 ركزت القوى الاوروبية( طلاين، فرانسيس، انقليز و حتا دانماركيين) على مشاريع رسم خرايط السواحل التونسية.
- الدول الأوروبية القوية بعثو رحالة، دبلوماسيبن و مستكشفين مهمتهم رسم خرايط السواحل، التضاريس و التحصينات متع تونس استعدادا لأي عمليات إنزال بحري و احتلال مستقبلية.
- كتب تكتبت في الموضوع على مدى ثلاثة قرون و اكمل مشروع و أدق خرايط عملوهم الفرانسيس ( استفادو خاصة من الخدمة الدانماركية).
- الكارثي انو الحكومات التونسية مكانتش تشوف في الخطر و كانت تراها عمليات استكشاف عادية و أبحاث جغرافية سلمية ووصلت عطات أوامر لتسهيل مهام رسامي الخرايط الي هوما عمليا كانو ظباط عسكريين اما متغطين كجغرافيين، رحالة و دبلوماسيين.
- دراسة الأرض ضرورية لأي عملية احتلال مستقبلي ليها و الجغرافيا هوا علم تجاري-عسكري منذ قديم الزمان.
- اليوم الاحتلال تبدل و معادش موجه للارض و لكن للعقل. توا القوى الكبرى ولات تحب تحتل العقول و الحروب ولات تصير بالأفكار و العواطف و لذا الدراسات معادش تمشي للارض و لكن للثقافة، المجتمع، الدولة، الدين، الاقتصاد، الإعلام و غيرهم.
- توا الدول الغربية معادش محتاجة تعمل دراسات جغرافية( الأقمار الصناعية تكفى) و لكن دراسات نفسية-مجتمعية و سياسية تمكنها من خوض الحرب الاعلامية و التحكم في الدول من داخلها.
- توا معادش يبعثو ظباط عسكريين في صورة رحالة و جغرافيين و إنما يبعثو ظباط استعلامات في صورة مدربين، اطارات و ناشطين في الجمعيات و المؤسسات السياسية.
- المنظمات و الجمعيات البرانية يعملو في دراسات رهيبة على الفرد، الجماعة، العايلة الثقافة، الدين، المجتمع القيم، العادات التقاليد و السياسة التونسية.
- المنظمات البرانية و الجمعيات المحلية الممولة من الخارج يخدمو في دراسات مدققة تعطي صورة على الرأي العام و الميولات الفكرية-السياسية العاطفية للشعب و خاصة للشباب و هاذم تتبنا عليهم سياسات اعلامية و اتصالية يتحكمو بيها في العقلية و السلوك التونسي مستقبلا.
- رحالة و جغرافي القرون السالفة تحولو الى اطارات المنظمات غير الحكومية و الجمعيات البرانية و كيف قبل بالظبط يلقو تسهيل سياسي عبر المرسوم 88 لسنة 2011.
- غلطة القرون السالفة الي سهلت الاستعمار قاعدة تتعاود توا لتسهيل الهيمنة البرانية و الاستيطان.
- مفماش استكشفاف بريئ و زادا مفماش نشاط جمعياتي بريئ و لذا لازم في أسرع وقت يتسكر هاذا الباب و يتطردو الجواسيس الي مالين تونس تحت تغطية الجمعيات.
- الوضع متع تونس اليوم حرج دقيق و عصيب كيما في القرن 19 بالظبط. هاذا علاش في أسرع وقت لازم وقفة حازمة و سياسة صارمة كاسحة تنهي العمل بهاذا المرسوم المشوم و تعوضو بقانون جمعيات يفرض التونسة التامة للنشاط الجمعياتي و استقلالو على الخارج من كل النواحي و زادا اجلاء المنظمات و الجمعيات الأجنبية من تونس.









20/09/2025

بينات 2024 و 2025 نقصت العروسات في تونس بما يقارب 10٪ معناها نقص عدد العايلات الجديدة ب10٪ معناها نقص احتمالي في عدد المواليد الجدد ب10٪ معناها نقص في زيادة النسل ب10٪ معناها تونس تقترب من لحظة التزايد الصفري و ما يعقبها من تناقص سكاني.
- هاذا شي خطير علخر، هاذا تهديد وجودي ،هاذي كارثة مجتمعية و سياسية ،هاذي مأساة حقيقية.
- و لكن الكارثي ما أكثر منها هوا غياب الاهتمام و القلق العام. لا النخب تكلمت و لا الجمهور علق. الخبر تعدا عادي علخر كيف خبر اي حادث او مبارات متع كورة.
- الكارثة النفسية هوا انو تونس كاملة تحتج و تتقلق و تهتم و تجاهد في سبيل نازلة خارجية و لكن المأساة التونسية تقريبا يقع تجاهلها.
- الكارثة النفسية هيا انو عنا تعاطف و تضامن مع الآخرين و معناش تعاطف و تضامن مع ارواحنا و هاذا بالظبط السبب الي خلانا ضعاف و خلا اي كان يستوطا حيطنا و اي جهة برانية تخرط علينا.
- في تمبك الاستيطان و الاختراق البراني و في تمبك أزمة مجتمعية، أخلاقية ،معنوية ووجودية. النخب و معاهم جزء كبير من عموم الشعب بش يموتو على خاطر شعوب و دول أخرى.
- الهزيمة تصير في العقل قبل الميدان و العقل التونسي وقع هزمة من الداخل من طرف النخب التابعة و الموالية للخارج.
- سياسيا اقتصاديا، مجتمعيا و تناسليا نحتاجو لانتصار على كل القوى و النفسيات التابعة-الموالية للخارج لخلق الاهتمام و التركيز التونسي على النوازل التونسية.
- معركتنا و ثورتنا الحقيقية لازمها تكون اعلامية،ثقافية ،سياسية و نفسية على التبعية للخارج اي كان هاذا الخارج شرقي او غربي شمالي او جنوبي.









18/09/2025

الأمة التونسية في مواجهة الخمس تهديدات الوجودية

- تونس اليوم تواجه خمس تهديدات حقيقية يتشافو بالعين و كل يوم خطرهم يكبر :
-1.الاستيطان الي بش يلغيها من الوجود.
- 2.التفكك السياسي-المجتمعي الي بش يشركو الوحدة التونسية و يسهلو الهيمنة البرانية و الاستيطان.
- 3.الاختراقات البرانية الي بش تسلب تونس وعيها و هويتها الذاتية و تتحكم فيها بنعومة.
- 4.المديونية للخارج الي تضعف الدولة قدام المطالب البرانية و ترغم الحكومة على تقديم تنازلات سيادية تسمح بالاختراق التفكك و الاستيطان في لخر.
- 5.النفوذ الثقافي، الاقتصادي، السياسي و النفسي البراني (خاصة الفرنسي) إلى يلغي الارادة التونسية و يحول تونس لمجرد تابع للخارج تمهيدا لتحويلها مستوطنة لكل غير المرغوب فيهم من اوروبا او الكيان الصهيوني.
- هاي نوازل تونس الحقيقية، هاذي هيا التهديدات الخارجية و الأخطار الوجودية الي تواجه فيهم الأمة التونسية.
- تونس اليوم كيما الفلوكة في بحر العواصف محاطة بالقروش و يحصرو فيها القراصنة و إذا متوحدناش و متنظمناش و مضحيناش على خاطرها بش تضيع و نضيعو احنا معاها يا تاكلنا القروش يا يستعبدونا القراصنة.
- تونس اليوم في مواجهة مصيرها يا تفرض روحها، ذاتها و تفك سيادتها يا تنتهي الله لا يقدر.
- تونس اليوم تحتاج التخمام سياسي مركز عليها وحدها لا شريك لها تخمام مهتم بنوازلها هيا وحدها و تنبع منو ارادة الإنقاذ و مشروع سياسي للإنقاذ.
- تونس اليوم تخوض حرب الخمس كلمات ( تونس دولة مستقلة ذات سيادة):حرب السيادة و الوجود.









18/09/2025

مشاركة المنحرف جنسيا( الكويري) في اسطول الصمود مكانتش صدفة او حادث و هاو كيفاش:
- النازلة الفلسطينية تحظا بتعاطف خارق للعادة في تونس. ممكن التوانسة هوما أكثر شعب قلبو على فلسطين و اي حاجة تخص فلسطين يهتمو بيها التوانسة و اي فعل مساند لفلسطين حتا بالكذب يعجب التوانسة. التوانسة عموما ميشوفوش و ميحسبوش مع فلسطين.
- لذا كيف يتحط شخص منحرف جنسيا و ناشط علخر في مجال نشر الانحراف الجنسي و الدفاع عليه ( و الدفاع على الاستيطان زادا) فانو المقصود هوا تحسين صورة الانحراف الجنسي واكسابو معاني الشجاعة البطولة و رمزية الجهاد.
- المنحرف جنسيا كيف يركب ( او يركبوه) على النازلة الفلسطينية فانو بش ياخو جزء من التعاطف الشعبي و النخبوي العام.
- بالطبيعة هاذا مش في ليلة و نهار و إنما على طوال، هاذي خدمة مخططة تهدف للقبول العام بالانحراف الجنسي كحريج فردية و تحويلها لفعل بطولي و رمز في اعين الشعب و خاصة الشباب.
- لازم نتذكرو انو جزء هام من تمويلات الجمعيات و الحركات الداعمة للأسطول هوا من مؤسسة المجتمع المفتوح المملوكة لعايلة سوروس الصهيونية.
- مؤسسة المجتمعي المفتوح هيا اول داعم و ممول في العالم للحركات المنحرفة جنسيا و القيم المخربة للمجتمع،الوطن،الدولة،الدين و الطبيعة البشرية.
- تمويلات عايلة سوروس كيفها كيف التمويلات الفرنسية، الألمانية و الغربية عموما هيا موجهة نحو التفكيك السياسي،المجتمعي و التشويه الغريزي و لذا دوب متتهز لأي نازلة مهما كانت فانها بش تشوهها و اتعفنها من الداخل.
- فما مسعى رهيب جدا لضرب الطبيعة الجنسية عند التوانسة لإضعافهم نفسيا و إخصائهم تناسليا و هكا اتطيب تونس للاستيطان كيما تحب الصهيونية العالمية و عايلة سوروس.
- النخب الدحئية نجحت علخر في انها تستعمل التعاطف الشعبي مع فلسطين سلاح ضد تونس و عملية قرن الانحراف الجنسي باسطول الصمود هيا المثال الحي على هاذا.
- تحبو تحررو فلسطين اذا حررو تونس قبل من النخب الدحئية و النفوذ البراني و طهررها من الانحرافات المجتمعية، الجنسية و النفسية.









17/09/2025

التحرر النفسي هوا شرط استكمال التحرر السياسي. المشكلة التونسية مع النفوذ الفرنسي تبدأ من العقلية العامة حتا لسياسة الدولة.
- التونسي لازمو يتحرر من المرجعية و المركزية الفرنسية و يحط في موقعهم مرجعية و مركزية تونسية( مش أمريكية او تركية او قطرية).
- التونسي في كلامو، لبستو، ماكلتو، سلوكو و طريقة تخمامو لازمو يتحرر من آثار الاستعمار و يطالب بتحرير الدولة، التعليم، الادارة،المالية،الاقتصاد ،الثقافة ،الاعلام و اسماء الشوارع و الانهج من التلوث الفرنسي.









17/09/2025

تونس ما محلها من الإعراب في جامعة الدول العربية.
- شبش تنفعنا الجامعة في مواجهة النفوذ الفرنسي.
-شبش تنفعنا الجامعة في مواجهة الاختراقات و التدخلات البرانية.
-شبش تنفعنا الجامعة في مواجهة الاستيطان.
-شبش تنفعنا الجامعة في مواجهة التفكك السياسي و المجتمعي.
-شبش تنفعنا الجامعة في مواجهة الجريمة، الانفلات، و الفوضى.
-شبش تنفعنا الجامعة في مواجهة التهديدات الخارجية و الداخلية.
- شبش تنفعنا الجامعة سياسيا عسكريا او اقتصاديا.
- من شيرة اخرا الجامعة فاش قاعدة تقدم حقيقة خاطي البيانات و الاجتماعات و الندوات و القمم و الدعوات و النفاق السياسي-الاعلامي.
- عروبة تونس موجودة من قبل تأسيس الجامعة و ظهور القومية العربية بحد ذاتها. عروبة تونس متحتاجش للجامعة او غيرها.
- الجامعة العربية هيا مجرد نادي للثرثرة و التغطية على العجز بدون اي فايدة او قيمة تذكر حاليا و على مدى طويل مستقبلا و لذا نرجعو للسؤال الاصلي شنوة محل تونس من الإعراب فيها.
- لو انسحبت تونس من الجامعة شنوة الاصرار الي ممكن تصيرلها : الجامعة عمليا لا تبل لا تعل و غير قادرة تاخو قرار عندو فايدة و بالعكس الدول المؤثرة فيها نجحو في إلغاء وجود ثلاث دول أعضاء (ليبيا، سوريا و اليمن) و وحدا فيهم(قطر) عاملة مجهودات رهيبة لزعزعة استقرار تونس منذ ثلاثين عام. تونس جاتها من الجامعة و الانخراط في نوازلها كان الأضرار و المشاكل و تطييح القدر.
- جامعة عربية بدون منافع و كلها اضرار و غير قادرة تاخو قرار يصلح اذا تونس لازم تنسحب منها بدون خوف على عروبتها و بدون اسف عليها.









17/09/2025

*القمة العربية-الإسلامية، العبث و ضرورة الانسحاب *

- نبدو بالبادي دولة قطر هيا احد ممولين الحملات الانتخابية لبنيامين نيتانياهو زيادة على احتضانها لقاعدة عسكرية أمريكية (و أمريكا هيا المساند و المسلح الأول الصهاينة) زيادة على هاذا ساهمت قطر في تفكيك ثلاث دول عربية(ليبيا، سوريا و اليمن) مع محاولة دؤوبك لزعزعة استقرار تونس و مفماش دولة قدمت خدمات للصهيونية بعد امريكا قدها.
- نتعدو لتركيا دولة حليفة عسكريا لامريكا و ساهمت في تفكيك زوز دول عربية( ليبيا و سوريا) و حليفة للصهاينة في صراعهم ضد إيران و رغم كل مجازرهم في فلسطين عمرها مقطعت علاقتها بيهم.
- نكملو تو عدد من الدول الحاضرة في القمة و العضوية في الجامعة العربية و منظمة التعاون الإسلامي هوما دول حاضنة لقواعد عسكرية أمريكية او دول ذات علاقة طبيعية بالصهاينة.
- اذا كيف نشوفو هاذا الوضع وين المعتدى عليه هوا حليف و خادم وفي للمعتدي ووين عدد من الحاضرين المؤثرين هم حلفاء للمعتدي بطريقة غير مباشرة شنوة شنتوقعو من القمة خاطي التنديد، الشجب،الدعوة للتضامن و التخظريط.
- من الاول هاته القمة هيا تعداية ملام و تنفيس على الغش (جرة التهنتيل و الذل) من البداية و من قبل البداية هاته القمة بدون أدنى فايدة او قرار حاسم.
- مكونات الحاضرين من الاول بش تشل و تقتل اي مبادرة او اي تمشي حقيقي للمواجهة مع الصهيونية و خاصة القوة الأولى الداعمة ليها "امريكا". من البداية هاته قمة متع تقشقيش حناك و تصاور و تغطية اعلامية على الهزيمة و العار.
- لذا السؤال الطبيعي، المنطقي و الشرعي هوا شنوة قاعدة تعمل تونس معاهم و علاش تونس اتعب في روحها و تجهد في نفسها و تتكلف عناء التواجد و الانخراط في منظمات بدون معنى و الحضور في قمم عبثية.
- تونس معندها ما تستنفع، ما عندها ماتضيف للجامعة العربية و معندها متخسر كيف تخرج منها و الجامعة بحد ذاتها بتواجد قطر بالذات فيها ولات عبثية.
- القمة العربيةو الجامعة العربية النفس متاعهم ولا صهيوني من اصلو و لذا انسحاب تونس منهم شيكون مفيد سياسيا نفسيا و مشرف اخلاقيا.









16/09/2025

المجهودات الي تبذلت لصالح النازلة الفلسطينية و الموارد الي تصرفت و الخس الي تعمل كان عشرهم ( 10٪) تبذل،تصرف و تعمل في نازلة الاستيطان راو منع تونس منها .
- النخب التابعة-الموالية للخارج نجحت في انها تلهي الشعب على تونس و تشغشبو على الأخطار الداهمة و تخليه يهتم، يصرف و يبذل على نوازل خارجية معندوش حتا قدرة على تغيير الواقع فيها و يضيع هكا النوازل التونسية الحقيقية الي عندو قدرة التغيير الحقيقي فيها.
- النخب التابعة-الموالية للخارج هيا السبب الأول لكل مصايب و كوارث الأمة التونسية و إذا كان فما ثورة حقيقية فانها بش تكون عليها و ضدها لتحرير تونس من هيمنتها و إنقاذها من مما يدبر لها تواطئ منها.









16/09/2025

ملازمش ننسو خونا عبد القادر الذيبي،ملازمناش ننسو الجرايم الفرنسية ضد الأمة التونسية و ملازمش ننسو معاركنا الحقيقية: استكمال الاستقلال،تحقيق السيادة و مواجهة الاستيطان.









16/09/2025

**التهديد الاجصائيلي و النخب المهيمنة في تونس **
- الاجصائيلية (او الزنجوئيلية) هيا عقيدة سياسية-دينية تعتبر ان كل القارة الأفريقية هيا ارض الاجصيبن( تسميهم الزنوج) و كل تاريخها،ثقافتها و دينها هوا تاريخهم ثقافتهم و دينهم ( خاصة قرطاج و الفراعنة) وانو لازم تصير حركة استرجاع لكل شمال أفريقيا و طرد لسكانهم او تطهيرهم منهم( كيما صار في زنحيبار) .
- هاته العقيدة بردةزت منذ القرن 19 مع مارتن ديلاني و لكنها بلغت اشدها فكريا و تنظيميا في القرن 20 مع ماركوس قارفاي، الشيخ انطا ديوب، ايلايجا محمد و موليفي اسانتي.
- هاته العقيدة تبناتها تنظيمات سياسية،نقابية و دينية و تبنات عليها ديانات( كيما الرستفاري) و نمط موسيقى (الريقاي).
- هاته العقيدة و التنظيمات السياسية الي تتبناها و حركات الهجرة من جنوب الصحراء يمثلو تهديد وجودي حقيقي لتونس .
- و لكن النخبة المثقفة في تونس عمرها لا ترجمت كتاباتها و لا عملت عليها حتا دراسة و الإعلام عمرو مركز معاها و عمرو مربطها بالزحف البشري نحو تونس.
- شنعملو بيها النخبة المثقفة و الاعلامية اذا مدرستش التهديدات الوجودية و منشرتش الوعي بيها عند الشعب.
- النخب الوطنية الحقيقية مهمتها انها تطلع على صاير في العالم و تواكب التطورات الفكرية و الجديد و تشوف التهديدات و الفرص و لكن هاذا بالذات مفقود في نخبتنا الثقافية-الاعلامية الحالية.
- نخبنا في عمومها حاليا متخزرش للعالم عبر تونس و إنما تخزر لتونس عبر العالم و تقيسها بيه عوض انها تقيسو بيها. نخبنا متراش تونس مركز و مرجع و غاية و هاذا علاش متنجمش تهتم بلي ينفع تونس و متنجم كان تكون تابعة و موالية للخارج.
- ازمة تونس في جزء منها هيا أزمة نخب فقدت الارتباط و الجذور و الاهتمامات التونسية الحقيقية و طاحت في مدار فكري-نفسي براني و لذا معاد عندها حتا منفعة لتونس و بالعكس تحولت إلى عبئ عليها و معطل ليها.
- تونس تحتاج نخبة وطنية-سيادية حقيقية متجذرة في الهوية،مستوعبة للتاريخ، مدركة للاخطار و مرجعياتها، مركزيتها،ولائها و غاياتها لكلهم يتعلقو بتونس وحدها لا شريك لها.









Address

Ariana

Website

Alerts

Be the first to know and let us send you an email when مواجهة الإستيطان والنفوذ الأجنبي posts news and promotions. Your email address will not be used for any other purpose, and you can unsubscribe at any time.

Shortcuts

Share

Category