18/09/2025
صانعة المحتوى عيش انقليزي تنصح تلامذة الباكالوريا :
عودة ميمونة للجميع، نصيحة للتلاميذ البكالوريا :
- ما تغيبش و ما تفصعش، الدقيقة بحسابها
- ما تصاحبش ناس متماحة من القراية، فيهم برشا اهلهم لباس بيهم و الا عندهم plan b اما انت لا عندك فلوس باش تقدر تقرا خواص و لا اهلك عندهم ورثة و الا مشروع باس تعمل عليها فاقرا على روحك، زوالي بشهادة خير برشا من زوالي من غير
- اقرا دروس خصوصية وقت ما تكون محتاج مش على خاطر صحابك الكل بقروا ما تبعهمش في كل شيء، تقرا ايتيد و ما تستفيدش هذاكا تضييع للوقت
- عود روحك من اول العام انك تخدم سيريات و تراجع à jour باش كي تجي في اخر العام تلقى مخك متعود على revision
- صاحب تلامذة من اقسام اخرى تنجم تستفيد من كورهم كان فيه حاجة زايدة
- اعمل اصحاب يشجعوك على قراية عندهم اهداف
- من اول العام اخضر events متاع توجيه و حاول تعدي تاست متاع لغة كانك باهي في اللغة الانجليزية تنجم تدبر منحة بلاش و تقرا البرا
- نقص من تيك توك و سوشيل ميديا هذاكا يضعف تركيزك المخ الي متعود على فيديوهات القصيرة صغب يركز مع محتوى طويل وهو الدرس الي يفدمه الاستاذ
- اشري des parascolaires
- علق flash cards في بيرويك نظم بيتك و نظفها باس تشره على القراية
- كان عندك قلق نفسي من ارل العام شوف اخصائي بعاونك
- لو عانيت السنة الي فاتت من التنمر ما تخليش الماضي يأثر على المستقبل و حط في مخك ان العام هذا باش يتعدى فيسع و سنوات دواسة بكلها تمثل خمس عمرنا على هذا الكوكب معظمنا ننسوهم كي نخرجوا من المعاهد
- ما تنقلش لقيم اخر خاطر تحب تقرا مع صحابك، القسم الي تحطيت فيه ربي مكتباك فيه حاجة انت ما تعرفهاش، كان تحب تنقل نقل لاسباب عندها علاقة بالقراية
