26/08/2025
توضيح خاص برأيي بخصوص عرض 25 أوت 2025 بمسرح بوقرنين لي تم إلغائو البارح لي أنا كنت مشارك فيه كديدجاي بدعوة من الشركة المنظمة للحفل لي جابت فيه جنجون لي حسب البرنامج باش يخدم ساعة وربع يعني من العشرة للأحداش وربع وبعد نكمّل أنا ديدجاي.
التجهيزات الصوتية والاضاءة كانت موجودة صحيح ركبت متأخرة وبقاو ناقصين الروتورات الثلاثة القدامين في الركح ماركبوش مابقالوش التكنيسيان وقت بش يركبهم وتجاوزهم حسب رايو خاطر فما روتورات من ورا الفنان لي باش يغني في الركح لكن يلزم روتورات القدامين يكونو موجودين وتستيت أنا كديدجاي من التسعة ونصف حتى للعشرة موزيكا وحتى الجمهور كان متفاعل معاها يعني " الفاساد Facade" متاع البافلوات للجمهور كان امورو هانية وبعد خليت المجال للديدجاي لي مع جنجون وحط موزيكا وبقات للأحداش غير ربع وفي الأثناء قام التقني بتركيب الروتورات القدامين والميكرو كان موجود هو نفسو لي خاطبو بيه الجمهور وعلموه بالإلغاء .
السبب حسب رأيي طبعا للإلغاء لي خلى جنجون ماخرجش للركح وحسب ماريتو من ثلاث نواحي، من تأخر تركيب الصونو وخاصة الروتورات القدامين ماهمش يخدمو من الاول بسبب التأخير في تركيب التجهيزات لي خلى التقني جاء متأخر قرابة السادسة والنصف مساء عوض الثالثة مساء وذلك بسبب إلغاء الحفل فجر يوم العرض ثم التراجع عن الإلغاء في الصباح وللتأكيد بتواجد الحفل من طرف الشركة باش جاء التقني، ومن تواجد بعض الفراغات في المدارج من الجمهور موش معبّي المسرح طبعا بسبب تأخر موعد بيع التذاكر ومن إلغاء الحفل من طرف الشركة المنظمة في صبيحة يوم الحفل ثم التدارك وتأكيد اقامته .
في التعليقات تو نحطلكم فيديو تفاعل الجمهور مع موزيكا الديدجاي قبل العشرة
