21/09/2025
محمد الجبالي في برنامج مع أميمة العياري وإعداد فرح مرواني وشادلية الخياطي:
🔷أنا ما نلوجش على البوز. معروفين جماعة البوز... جيبولي محمد الجبالي عمل البوز من لا شيء؟
🔷فنياً، عبّرت على اللي في قلبي بأغنية الراب لزيتوني وبأغنية إلا وأنا معاكو.. نفس اللحن لكن بكلمات مختلفة.
🔷اللي تعدى عليا ما نجمش ما نخرجش بيه حاجة... فما ناس تتمنالي الموت. إلى متى نتحمّل؟ عبّرت عن الوجيعة فنياً.
🔷ما تنساوش شكون محمد الجبالي، ما تنساوش مسيرتي. اسمي ما هوش جاي من البوز.
🔷أنا ما مشيتش لطبيب نفسي.. نعيش حالة ونعبر عليها في غناية.
🔷حمدي المهيري صوّر الأغنية بالتلفون، وموش مقصودة طريقة التصوير اللي شبّهتني بفضل شاكر.
🔷ممكن البعض يدرسو كلامهم، أما أنا نعبّر على اللي نحسّو.
🔷مقتنع إني محمد الجبالي ما نجمش نروق للناس الكل. أنا فنان محترم، نميل للطربي لكن مواكب عصري.
🔷ادخلو لقناتي في اليوتيوب تلقاو الطربي متاعي: عجبتك الغناية اسمعها، ما عجبتكش بدّل، وإن شاء الله الغناية الجاية تعجبك.
🔷عندي غناية جديدة طربي باش نسجّلها قريب.
