21/08/2022
في وقت مالأوقات نبداو ما طالبين شي مالدنيا تلقانا نلوجو على لحظات سلام نلوجو عالسكات عالرياض و ما عيناش في كلام …ماناش طالبين أكثر من هكا.. ماذابيك توقف الوقت تحط كل شي pause …تحب ترتاح تجبد نفس تراجع روحك تداوي جروحك .. تحب تشوف حل .. تحب تبعد وساعات الناس ما تفهمكش.. مش ما تفهمكش برك ، ما ترحمك تلقاك جابد روحك .. ما عينك في شي و ما عندكش قوة .. وكلها تغيب تغيب وما تعرف كان تلوم و تحاسب و انت ما عندكش حتى الجهد باش تقعد تفسر وتفهم …صحيح فيهم الي يحبك و يعزك ، أما زادة الله غالب ، هاذي حاجة مش بيدك و ما تنجمش تفسر أنو نفسيتك تاعبة مهدهدة لازمها وقت و نفس جديد يرجعها من بعيد حتى اللوم بيدو يولي قلق في وقت الي يعلم بيك كان الي خلق
ممكن انت عندك الحق باش تلومني أما زادة أنا عندي الحق باش تعذرني
