عيد برتقال منزل بوزلفة

عيد برتقال منزل بوزلفة عيد البرتقال بمنزل بوزلفة

إحياء الذكرى الحادية عشرة لاستشهاد ابن الوطن القبلي، الملازم أوّل أشرف بن عزيزة 🇹🇳🔸 اليوم، شارك أبناء دار علوش إلى جانب ...
23/10/2025

إحياء الذكرى الحادية عشرة لاستشهاد ابن الوطن القبلي، الملازم أوّل أشرف بن عزيزة 🇹🇳
🔸 اليوم، شارك أبناء دار علوش إلى جانب السلط المحلية والجهوية في وقفة وفاء أمام النصب التذكاري، لتحيّة العلم الوطني واستحضار بطولات الشهيد الذي ارتقى يوم 23 أكتوبر 2014 خلال الاشتباكات ضد العناصر الإرهابية بمنطقة شباو من معتمدية واد الليل.
🔹 في كل ذكرى، تتجدّد الرسالة: دماء أبناء المؤسسة الأمنية والعسكرية ستبقى درع تونس وحصنها المنيع في مواجهة الإرهاب.
🔸 الرحمة لروح الشهيد أشرف بن عزيزة…
والخلود لكل شهداء تونس الأبرار
وتحيا راية الوطن دائمًا وأبدًا 🇹🇳

22/10/2025

في أقل من 12 ساعة، زوز حوادث خطيرة في منزل بوزلفة… ودايمًا نفس السيناريو!
الناس تنزف، والسيارات تتحطّم، والحماية تجي من ڨرمبالية بعد وقت طويل…
برشة أرواح كان ممكن تتنقذ، لكن للأسف “الموافقة موجودة” والنقطة المتقدّمة مازالت حبر على ورق!
📍 البارح في الليل، حوالي الساعة 21:00، صار حادث بين مطور وكرهبة قدّام مكتبة نجاح.
الحمد لله، الطفل بخير وتكلم رغم خطورة الحادث.
📍 واليوم، حوالي الساعة 15:00، نفس السيناريو تقريبًا: مطور وكرهبة في طريق بوسة الجديدة.
الحمد لله على السلامة، أما الوضع ما عادش يتسكت عليه.
المكان مصادق عليه، والناس طالبت، والكل يعرف قيمة الدقيقة في حالات كيما هكا…
أما القرار باقٍ في الأدراج!
إلى متى بش نبقاو نستناو في النجدة من بعيد؟
منزل بوزلفة تستحق نقطة حماية قارة تخدم أهلها مش وعود تتقال بعد كل كارثة!
✋ كفى انتظار... الأرواح ما تستناش!

منزل بوزلفة 🍊🇹🇳 | للفلاحين ولكل محبّي القوارص في بلادنابعد ما بشّرناكم في المنشور الأول بالقرار التاريخي اللي سهّل نقل...
22/10/2025

منزل بوزلفة 🍊🇹🇳 |
للفلاحين ولكل محبّي القوارص في بلادنا
بعد ما بشّرناكم في المنشور الأول بالقرار التاريخي اللي سهّل نقل القوارص عبر الباتيندا Forfaitaire،
اليوم نزيدوكم بالتفاصيل الرسمية بعد الموافقة النهائية…
واللي نجم نقولو عليه باختصار: حل جذري ومنطقي يخدم الفلاح قبل كل شيء! 💪
📌 شنوّة الجديد؟
🔹 كل فلاح (موش تاجر) يبيع من صابة القوارص متاعو، يدفع 400 دينار في العام الكل، إذا كان دخلو ما يفوتش 100 مليون.
🔹 واللي يوصل دخلو لـ200 مليون وفوق، يولي يخلّص 10٪ من المربوح، مش من راس المال.
🔹 والإجراءات واضحة وسهلة: الباتندى تتعمل في مراقبة الأداءات بسليمان، والموظفين يفسرولك كل الوثائق المطلوبة خطوة بخطوة.
✨ شنوّة النتيجة؟
• نقاط البيع بالجملة في منزل بوزلفة ولات منظمة ومراقبة.
• الفلاح يبيع بفاتورة وكاشي كما يلزم.
• السلعة تمشي قانونيًا، ما عادش تتفكّ في الكياس كيف العام اللي فات.
• المواطن يلقى القوارص بسوم معقول.
• والتاجر ما عادش يربح على ظهر الفلاح بالزيادة الفاحشة.
اليوم المنظومة رجعت تخدم، والكل يربح بالقانون 👏
الفلاح يرتاح، السوق تنظّمت، والدولة تضمن التوازن في الأسعار.
👨‍🌾 الفلاح اليوم ما عادش الحلقة الضعيفة،
رجّع اعتباره بفضل قانون منصف ووضعية واضحة تحمي رزقه وكرامته.
اللي يفيق مع طلعة الشمس، يشد المسحة والفاس، يستاهل يعيش من عرق جبينو،
موش من فوضى السوق ولا هوى التاجر.
🗣️ وللي مازال "ينبر" ويتكلم من بعيد:
بارح في الليل ينبرو ليلة كاملة ويعملو في بلبلة على مواقع التواصل،
يشكّو في القرار ويكذّبو الناس اللي تحرّكت على الموضوع،
ويقولو عليهم سمسارة للفلاح وهوما ما يعرفوش حتى شنوة وجيعة الموسم.
الفلاحة ما هيش لا سطر في بوست ولا نغزة في تعليق،
الفلاحة عرق ووجيعة ومسؤولية،
واليوم الناس اللي خدمت بعرقها هي اللي بنت الحل،
موش اللي تحبطها بالكلام الفارغ.
💬 شكر خاص لكل من خدم على الموضوع هذا،
من السلط المعنية إلى أبناء منزل بوزلفة الناشطين في المجتمع المدني والقطاع الفلاحي.
النتيجة اليوم ثمرة تعب جماعي وكلمة حق لخدمة الفلاح.
📢 دعوة من القلب لكل فلاح:
ما تستناش، أمورك واضحة وسهلة،
من توا إمشي لمراقبة الأداءات بسليمان،
سجّل واعمل باتندى فورفيتار متاعك، وارتاح من وجيعة الراس.
خدمتك بالقانون، وورقتك بيدك، خير ما تبقى ديما خايف .
✊ اليوم الفلاح رجّع مكانتو… بالقانون مش بالكلام.

21/10/2025

ما فهمو شي ههه ستنو ستنو كي مهبطنا شي قعدو يتخبطو اي كملو ليلة نبرو وغدوة طوى نهبطو الصحيح للفلاحة والحمد الله بلاد هذي تمرض ومتموتش ونعبو فرينتكم منتنها 😁🧐 الصحيح عنا ياحفتريش

إنا لله وإنا إليه راجعونالبقاء والدوام لله وحده أرملة المرحوم حمادي ڨربوج في ذمة الله 💔نسأل الله أن يتغمّدها بواسع رحمته...
18/10/2025

إنا لله وإنا إليه راجعون
البقاء والدوام لله وحده

أرملة المرحوم حمادي ڨربوج في ذمة الله 💔
نسأل الله أن يتغمّدها بواسع رحمته، ويسكنها فسيح جنّاته،
وأن يُلهم أهلها وذويها جميل الصبر والسلوان 🤲
🕊️ ستُقام الجنازة غدًا إثر صلاة العصر.
﴿ بسم الله الرحمن الرحيم ﴾
﴿ يَا أَيَّتُهَا النَّفْسُ الْمُطْمَئِنَّةُ
ارْجِعِي إِلَى رَبِّكِ رَاضِيَةً مَرْضِيَّةً
فَادْخُلِي فِي عِبَادِي
وَادْخُلِي جَنَّتِي ﴾
صدق الله العظيم 🌿

🍎 رمان منزل بوزلفة.. من خير بلادنا وعرق فلاحتها 🇹🇳🍊منزل بوزلفة ما تتبدّلش، ديما أرض خير وبركة ترابها حنين، واللي يحط فيه...
18/10/2025

🍎 رمان منزل بوزلفة..
من خير بلادنا وعرق فلاحتها 🇹🇳🍊
منزل بوزلفة ما تتبدّلش، ديما أرض خير وبركة
ترابها حنين، واللي يحط فيها نية ويخدم بصدق، أكيد يلقى.
رمانها شاهد على العطاء، كعبته كي الذهب،
لون ونكهة وريحة تشهي
منزل بوزلفة معروفة بالبردڨان، أما الخير ما وقفش عليه، كل زرعة فيها تنبت من بركتها.
اللي يعرف الأرض هذي يعرف قدّاش فيها روح، وقدّاش تعب الفلاح فيها ما يضيعش.
ورغم صعوبة الظروف وغلاء المصروف،
فما ديما رجال ونساء يخدموا بصمت، يحرثوا ويتعبوا ويزرعوا، ما يخافوش من الظروف، خاطر يعرفوا أنو اللي يخدم يلقى، والنية الطيبة عمرها ما تخيّب 🙏🌾
تحية من القلب لكل فلاّح من منزل بوزلفة،
اللي خلا ترابها يظل حيّ، وريحتها تبقى ريحة عرق وتعب ورضا ❤️

منزل بوزلفة 🍊🇹🇳 | بشرى للفلاحين والتجار ولكل محبّي القوارص في بلادنااليوم 16 أكتوبر 2025، بعد اجتماع مجلس جهوي صباحًا وج...
17/10/2025

منزل بوزلفة 🍊🇹🇳 | بشرى للفلاحين والتجار ولكل محبّي القوارص في بلادنا
اليوم 16 أكتوبر 2025، بعد اجتماع مجلس جهوي صباحًا وجلسة مطوّلة مساءً بمقر الولاية، الحمد لله وحده خرجوا بنتيجة إيجابية ومستحقة تخصّ قطاع القوارص اللي تعب برشة السنين اللي فاتت.
القرار:
السماح رسميًّا بنقل القوارص من مناطق الإنتاج إلى باقي ولايات الجمهورية عبر باتيندا Forfaitaire ودفتر فواتير فيه رقم السجل التجاري، وهذا يشمل كل محلات بيع القوارص في منطقة الإنتاج.
📦 القرار هذا باش يسهل عملية التوزيع، وينظّم العلاقة بين الفلاح والتاجر، ويخلّي الدولة قادرة تضبط الأسعار.
ما عادش فلاح يبيع الكيلو بـ1500 ويتباع عند الخضّار بـ4000 و أكثر!
اليوم الأمور ولّت أوضح، والأسعار باش تكون بيد الدولة، والمواطن يلقى القوارص بسوم معقول، والفلاح يرتاح.
باش نفسّر باختصار:
🔸 الباتيندا العادية هي رخصة تجارة كلاسيكية تخول النشاط في نطاق محدود وتخضع لمحاسبة دقيقة.
🔸 أما الباتيندا Forfaitaire فهي نظام مبسّط للفلاحين والتجار الصغار، يخليهم ينقلوا ويبيعوا قانونيًا في كامل الجمهورية بمعلوم ثابت وواضح دون تعقيدات.
من هنا نقولها بصراحة:
الفلاحين تعبوا العام اللي فات، وصار احتقان كبير، واليوم بفضل القرار هذا، الأمور ماشية في الطريق الصحيح بقدرة ربي.
🙏 شكراً لكل من ساهم وسعى من قريب ولا من بعيد في تحقيق الحل هذا، من إداريين، وممثلين، وناس غيورين على القطاع.
من هنا لأول جمعة جاية إن شاء الله، نعطيكم كل التفاصيل:
🔹 السوم السنوي
🔹 الوثائق المطلوبة
🔹 وطريقة الحصول على الباتيندا من القباضة
ربي يبارك في رزق الفلاح المنزلي وكل فلاحي تونس 🇹🇳
🟠 وفي الختام نقولها بالفم المليان:
ما يفهم قيمة القرار هذا كان الفلاح اللي يفيق مع طلعة الشمس، يشد المسحة والفاس، ويعرق بشرف باش يطلع خير الأرض 🍊.
أما اللي عمرو لا حفر ولا تعب، ويحاول يركب على عرق غيره ويتفلسف… نقوله ببساطة: خليك في بلاصتك، هذاكا قدرك، والفلاح ديما مرفوع الراس 🇹🇳.

مبروك لابنتنا ابتهال باشا، ابنة منزل بوزلفة، على هذا التكريم المستحق من جمعية بيّارة للثقافة والفن والتنمية.ابتهال نموذج...
12/10/2025

مبروك لابنتنا ابتهال باشا، ابنة منزل بوزلفة، على هذا التكريم المستحق من جمعية بيّارة للثقافة والفن والتنمية.
ابتهال نموذج من بنات منزل بوزلفة اللي يثبتوا كل يوم إنو الموهبة تولد من البساطة، وإنو الإبداع ما يحتاجش إمكانيات كبيرة باش يلمع
برغم قلة الوسائل في مدينتنا، إلا إنو ديما منزل بوزلفة تطلع المواهب وتخلق الأمل والفن والتميّز 🎨❤️
فخر كبير لمدينة صغيرة بصوتها العالي في سماء الإبداع 👏
مزيد من التألق يا ابتهال، وربي يوفّقك في مسيرتك الفنية القادمة 🌷

الناس الكل تعرف عادل...ماهوش من النوع اللي يحب يبان،أما يخدم في صمت والنتائج تحكي وحدها في اليوم العالمي للبريد – 9 أكتو...
09/10/2025

الناس الكل تعرف عادل...
ماهوش من النوع اللي يحب يبان،
أما يخدم في صمت والنتائج تحكي وحدها
في اليوم العالمي للبريد – 9 أكتوبر 2025،
تمّ تكريمه من طرف الرئيس المدير العام للبريد التونسي والمدير الجهوي بنابل
كـ أفضل عون أنجز أكبر العمليات المالية في ولاية نابل
كل مراية في مكتب البريد تشهدله بالنية والضحكة الطيّبة
مش أول تكريم، وما يكونش الأخير إن شاء الله
ولد منزل بوزلفة ديما يشرّف، وين ما يمشي يخلّي البصمة متاعو 💛💙
ربي يباركلك وديما للقدّام يا عادل 🙏

07/10/2025

Mes publications ont obtenu plus de 1 000 réactions la semaine dernière. Merci à tout le monde pour votre soutien ! 🎉

إلى بعض النقابجيّة في التعليم الابتدائي والثانوي:أبناؤنا ليسوا ساحة صراع ولا ورقة ضغط.التلميذ أمانة في أعناقنا جميعًا، و...
07/10/2025

إلى بعض النقابجيّة في التعليم الابتدائي والثانوي:
أبناؤنا ليسوا ساحة صراع ولا ورقة ضغط.
التلميذ أمانة في أعناقنا جميعًا،
ومستقبله أغلى من أي حسابات ضيّقة.
كفانا خرابًا أخلاقيًا وفكريًا ومهنيًا…
واتركوا مؤسساتنا التربوية لأجل رسالتها النبيلة: التربية والعلم.

ولد منزل بوزلفة الشهم محمد عزيز مورية، واحد من المشاركين في أسطول الصمود العالمي لكسر الحصار على غزّة.منزل بوزلفة، بلادي...
03/10/2025

ولد منزل بوزلفة الشهم محمد عزيز مورية، واحد من المشاركين في أسطول الصمود العالمي لكسر الحصار على غزّة.
منزل بوزلفة، بلادي الصغيرة على الخريطة أمّا الكبيرة بالرجال، ديما موجودة وين تكون الكرامة والحرية، من البرّ للبحر ومن تونس لغزّة.
اليوم اسمها حاضر وسط أعماق البحر مع أسطول الشرف، يرفع راية الحق كيما رفعتها أجيال قبلو.
إن شاء الله يكون محمد بخير بعد أسر المشاركين من طرف الكي.ان الصه.ي.وني.
اللهم احفظو بعينك يا رب ورجعو سالم غانم لأهلو وبلادو مرفوع الراس. 🇹🇳🇵🇸

Address

Menzel Bou Zelfa
8010

Website

Alerts

Be the first to know and let us send you an email when عيد برتقال منزل بوزلفة posts news and promotions. Your email address will not be used for any other purpose, and you can unsubscribe at any time.

Shortcuts

Share

Category

بوزلفة زين البلدان

لكنا نخدمو بلادنا