Grintta.tn

Grintta.tn instagram : grintta.tn
نصائح مطابقة للبرامج الرسمية 🇹🇳
القراية تولي أسهل ✅ نصائح مطابقة للبرامج الرسمية 🇹🇳
القراية تولي أسهل ✅

كيفاش عديت نصف العطلة الصيفية ؟
16/07/2025

كيفاش عديت نصف العطلة الصيفية ؟

بريد الصفحة :أمي الخياطة عندها هواية ، عندها ماكينة صغيرة تخيط لروحها ملاحف اغطية.. نهار من النهارات ضهرلها باش تخيطلي س...
16/07/2025

بريد الصفحة :
أمي الخياطة عندها هواية ، عندها ماكينة صغيرة تخيط لروحها ملاحف اغطية.. نهار من النهارات ضهرلها باش تخيطلي سورية ، شرات القماش و خيطتلي سورية.. شهرين تخيط فيها،بداتها في الشتاء حضرت في الصيف وقتها فصلتها باليدين ك سخنت الدنيا قصتلها يديها و انا فرحان نستنا في هاكي سورية وقتاش تحضر.. في المدة هذيكا تستدعاني طفلة تقرا معايا لعيد ميلادها ، نلبس هاكي الشوميز الزرقاء اول لبسة طااير بالفرحة بيها و سبادري ويكاند و سرووال 😎 و نهز معايا دبوزة ديدورون Fa و وحدة شكلاطة ، وصلت للدار الطفلة ندق الباب تحلي امها .. اول ما شافتني 😲... قعدت تخزرلي و تضحك .. بهت.. وانا بيني و بين روحي شبيها هذه المرا... بعد دخلتني للصالة نلقى اصحابي يقراو معايا وافراد عايلتها و الضو طافي يطفيو في الشمع.. كملو نفخو و غنااو و شعل الضو.. و يا ريتو ما شعل 😥😢😭😔
و يا ريتني ما مشيت... نلقى نفس قماش السورية امها مخيطتهم ريدوات.. و انا واقف بجنب الريدوو .. تخيلوا المنظر... في اللحظة هذيكا عرقت في بلاصتي.. تمنيت الارض تتشق و تبلعني.. و بدات الغناية سنة حلوة يا ڤميل تشا تشا تشا 🙂
كهو صعبت عليا روحي و روحت ما قعدتش ، روحت للدار حكيت لأمي على صارلي ، شبعت ضحك.. و قتلي هذا سوق قماش ما يبعليش ليا انا وحدي..
قتلها معادش لابسها لوحها ، امشي يا وقت و ايجا يا وقت.. تعاود تقنعني الحنينة باش نلبسها ماشين لعرس في دار خلتي .. دخلت لدار الخالة.. نلقى نفس القماش عاملتهم خلتي غلافات مخادد ، يا ميمتي علاش شعمتلك.. بدمها البارد قتلي بقاالي شوية قماش خيطتهم مخادد لخلتك عاد شبيه..... نحيتها و قطعتها.. هزتها و خيطتها و رجعتها منديلة كوجينة 🙂

خلي نصيحة حسب تجربتك لتلاميذ باكالوريا 2026
16/07/2025

خلي نصيحة حسب تجربتك لتلاميذ باكالوريا 2026

بريد الصفحة : النهاية أيا سيدي بعد ما الناس الكل تفرجت في ظهرها وضبوطها و و قيلة عجبهم وما فما حتى مانع باش يخطبهالي وال...
16/07/2025

بريد الصفحة : النهاية
أيا سيدي بعد ما الناس الكل تفرجت في ظهرها وضبوطها و و قيلة عجبهم وما فما حتى مانع باش يخطبهالي والجموع تضرب في القاطو وتشرب في الفانتا وما تسمع كان طرشيق الفراشط فوق الاصحنة ( ما شاء الله عليهم مسحوها خبزة القاطو ) .. وباعد سرباولنا التاي الأخضر بالبندق وبدا الصندي ..

أمها قتلو كيفاش تحبو تاخذوها و انتما ريتوهاش قلها عمي ولدنا راها و هي راتو و هذيكا الفايدة .

خرجت أنا للجنينة و كلمتها في الميسنجر قلتلها فسرلي شبي أمك تتصرف هكا .. قتلي شيهمك فيها وأسمع و فلت كان وافقت وإلا ما وافقتش أحنا رانا باش نعرسو .. هبلت عليها خوكم وزدت كبستها قلتلها أعطيني الصحيح لأني جيت على أساس عايلتها الكل متفاهمين معاها وباش نتممو الموضوع كيف ما سطرنالو .. قلتلها راني مانيش مستعد باش نحشم دارنا أعطيني الصحيح .. ياخي قتلي راهي أمي عاطية فيا الكلمة لواحد دزيري من قبل ما نعرفك بوه عندو آفاريات مع بابا وأنا مستحيل ناخذو خاطر أكبر مني وما نحبوش .. أقسم بالله شعرى ولا دخت من التنرفيز والغزول .. علقت عليها التاليفون ورجعت للدار .
فهمت إلي هوما عاطين الكلمة لواحد آخر لباس عليه .

أمها قربت لأمي و قالتلها انتي ما شفتش بنتي " نور " وغزرتلي ديراكت ليا أنا .. اهيكا تشطح مع بنات عمها اش قولك فيها (في الفيديو).. أمي غزرتلي وأنا دورت وجهي لأني نعرف " نور " (بنتها الثانية ) حق المعرفة وخرجت معانا برشا مرات وكل خرجا نبداو مسبقينها قدامنا على أساس موش معانا على خاطر " نور " هوايتها المفضلة الماكلة وما عندها حتى طموح بقر الله في زرع الله ويلزمها ديما حاجة في يدها تاكلها كيف تبدا تمشي في الشارع هذاكا علاش نسبقوها قدامنا .. موش تنمر أما بصحتها برشا برشا و بهلولة شويا " هي ماشية تقول جاية " ..
الحاصل انا فديت و حطيت يدي على ساق عمي و قمت و قلتلهم معرفة طيبة ، ياخي بوها وقف و تكلم بالفرنسي و قال توا نشاوروها و نقلولكم ، أمها قالت رانا ما نلقاوش ما خير منكم واذا ما كتبتلوش توا نعطيه " نور" مانيش مفلتو .. موش هكا ؟ ! أقسم بالله قلبي طاح وقتلو لا لا موش هكا وأنا نضحك باش ما تتنبزش وخرجت وخليتهم لين خرجو الناس الكل وروحنا لكلها تسب فيا .. و الناس الكل تنبر و انا سارح مع غناية ماجدة الرومي في الكرهبة يسمعني حين يراقصني كلمات ليست كالكلمات🙂
كملنا السهرية للصباح و اصحابي ينبرو ايا كيفاش توا عطاوك الطفلة و إلا لا ؟ نسينا ما قريناش الفاتحة ، لاخر يقلو انا قريتها في قلبي و لاخر يقلو تي انا ما ريت منها كان ضبوطها ، يتلفتلو مجدي يقلو ميسالش المرة الجاية تشوف البقية .. و كانت ليلة لا باش ننساها انا و لا حد ملي حضروها في حمام الشط .
في الأثناء مرت عمي جات الصباح تسأل ما عطاوكمش شويا من خبزة الڤاطو ؟ 🙃

بريد الصفحة : خرج بوها و أنا شادد في يدي خبزة القاطو و مستوي كيف القصبة تقول في تحية العلم وكعبة العرق وقتلي تهبط على خب...
16/07/2025

بريد الصفحة :
خرج بوها و أنا شادد في يدي خبزة القاطو و مستوي كيف القصبة تقول في تحية العلم وكعبة العرق وقتلي تهبط على خبزة القاطو تعمل " طق " ..
و أمي بجنبي ادخلي في سوريتي تحت السروال و عمي الكبير ربي يطول في عمرو يغزرلي و بدى يعيط " تغريطة على العروس ييييييا " والدنيا سكات و بوها يخزرلنا موش فاهم شي .
شعل الضو متاع الفيراندا وحلت أم العروسة الباب وخرجت اطل من بعيد وبعد رجعت تجري وسكرت الباب كيف شافتها كحلة بالعباد قدام الدار وهوما ثلاثة من الناس اكهو هههههه كانك على النساء تسمع كان يا شومي شنية قلة التربية هاذي .. كانك على عمي والله عيب ما يجيش هكا .. أنا سلمت أمري للله ..
والاولاد أصحابي على ركايبهم بالضحك وأنا شادد خبزة القاطو ومركز مع الكريمة والشكلاطة بدات تسيح في الباكو ورزنت على يدي .. أيا قعدنا واقفين بوها يخزرنا و إحنا نخزرولو حتى خرجت أمها .. و بوها يبلع في ريقو ما فاهم شي .. تعرفنا على بعضنا وقعد شي في الصالة وشي في الفيراندا وشي واقف خاطر ما عندهمش كراسي على قد العدد متاعنا لأنهم ما في بالهمش إلي باش تجي الناس هاذيكا الكل .. فما كرسي أبيض في الفيراندا لاصق للحيط فيه زوز ساقين مكسرين قعد عليه عمي ويقلو سمله ويطيح بيه .. الجماعة في الصالة يغزرو لبعضهم وعم المكان صمت رهيب حتى لين بادر عمي بالكلام من نوع نتشرفو بيكم وإن شاء الله بدو بتمام وما فما كان الخير وأحنا ولدنا متربي وخدام وكذا وبو لعروسة وعمها يتبسمو ويغزرو للصالة باش تطرشق بالعباد وأمها مسلمة أمرها لله وساكتة ما فاهمة شي ..
أيا تلفت عمي قلهم ويني عروستنا .. ياخي أمها قتلو راهي ماهيش لهنا (أنا تقولش شكون صب عليا سطل ماء بارد خاطر نعرفها هنا و فهمت إلي وقت أمها شافتنا و دخلت ، نبهت عليها ما تخرجش ). كيفاش موش لهنا خرجت تقضي ؟ لا لا قالو راهي في فرنسا ؟ الناس الكل قعدت حالة افامها باهتين .. واتلفتلي ليا أنا قلي بالحق تحكي ؟

قتلو ايه .. قعد يغزرلي وطبس عليا وقلي والله لاك راجل ، قامت وحدة من العائلة قالت لأمها عندكمشي تصاورها على الأقل خلينا نشوفوها .. لوجو لوجو ما لقاو حتى تصويرة .. عمي قالهم شوفولنا حتى تصويرة متاع ابتدائي ميسالش ياخي باش ناخذو قطوس في شكارة ؟ الكلمة إلي خلات الأحداث تاخو منحى واتجاه آخر .. 🙂

ماهو قلنا إلي عمي قلهم كيفاش باش ناخذو قطوس في شكارة ؟ وقتها وين سمعنا صوت أم العروسة بالواضح وياليتها ما تكلمت .. تلفتت لعمي و قتلو رانا ما عندناش " قطاطس " لهنا يا سي علي .. ياخي عمي جاوبو بكل ديبلوماسية : قطاطس وإلا خنافس موش مهم مادام هوما يعرفو بعضهم ومتفاهمين الباقي الكل تفاصيل

ما نطولش عليكم بوها قام جاب تاليفونو ورانا فيديو متاعها تشطح في حفلة ، الكالتي متاع الفيديو موش واضح باين منها كان شعرها و التاتواج الي على كتفها ، بداو يعدو في التاليفون من واحد لواحد حتى طاح التاليفون عند ولد عمي : قلي لا يزي جايبنا نخطبو في طفلة موش موجودة لا يزي ما باين منها كان ضبوطها 🙂في الأثناء صاحبي مجدي موش هنا يدور على راحتو و يصور في البيبلوتاك و أثاث الدار بالكاميرا .

بريد الصفحة :تعرفت على طفلة أمها تونسية و بوها فرنساوي و يجو مرة في العام لدارهم في حمام الشط بحذانا وقتها نحب نعمل أور...
16/07/2025

بريد الصفحة :
تعرفت على طفلة أمها تونسية و بوها فرنساوي و يجو مرة في العام لدارهم في حمام الشط بحذانا وقتها نحب نعمل أوراق ونخرج من البلاد .. كانت صفقة بيني وبينها أكثر منو قصة حب أو إعجاب وتفاهمنا على كل التفاصيل .. وقتها هي كلمتهم وحضرتهم على أساس باش نجي ناخو الكلمة وكان الأمر هككاكا .. ما فما كان هي و امها و بوها و عمها جاء يصيف معاهم في الدار .

مشيت لأمي قلتلها و قلتلها ماشين ناخذو كلمة من بوها و نتعرفو عليه و راو في دارهم كان هي و بوها و عمها و أمها يعني باش نمشو 4 كعبات في ستر ربي نقعدو نص ساعة و نروحو .
قتلي تهنى و أنا ما نعرش إلي أمي ما تفرقش بين ماشين ناخذو كلمة و ماشين نخطبو 🙂

حد ما فيبالو كان أنا و أمي و صاحبي و خالتي بحكم الوالد متوفي ، روحت للدار نلقى الكراسي منصوبة قدام الدار و إلي فاصع من خدمتو و إلي يفرق في الڤازوز و كراهب في الحومة و مجدي صاحبي جايب كاميرا يصور في العباد تفطر و جايب معاه اصحابو الي يقعدو معانا في القهوة 🙂

الوالدة إستدعات عايلتها الكل و الكل جايبين صغارهم ، بالعمل شدني كريز متاع ضحك ما فهمت شي ، تشليت موش عارف شنعمل ، عيطلو قتلو يا ولدي راي تعارف كهو ، تسمع كان سكر فمك خلينا نتصرفو .. باهي تصرفو وربي يستر .. قعدت نخمم ، صاحبي انا نحكيلو في المشكل و هو يقلي أنا مهمتي نصوركم ملي تخرجو لين تخلطو لدار العروسة أيا يزي بلا هزان ونفضان وخلينا نفرحو .. يا ولدي آما عروسة يا مجدي .. راني ماشي ناخو الكلمة وما فما كان بوها و أمها و عمها في الدار و أحنا باش نهبطو عليهم كي الجراد أقسم بالله لاما يطلبولنا الحاكم ..

المرة الجاية نكمللكم كيفاش الكرتاج متاع الكراهب خرج من الحومة واش صار في دار العروسة و كيفاش بوها يسمع في الحس خرج قلي :
Qu'est-ce qu'il y a ?

مطلوب من كل ناجح في الباكالوريا ، يكون عندو كلمة السر و كان مازلت ما تحصلتش عليها تنجم تاخوها من الموقع المكتوب في الصور...
16/07/2025

مطلوب من كل ناجح في الباكالوريا ، يكون عندو كلمة السر و كان مازلت ما تحصلتش عليها تنجم تاخوها من الموقع المكتوب في الصورة .

بداية من اليوم تدخل تطلع على الصيغة الإجمالية والترتيب عبر الموقع :
https://www.orientation.tn/orientation/logconFiche.jsp

كيف كيف تدخل تثبت إلي معطياتك الكل من اسم و لقب و رقم بطاقة تعريف و كل شي صحيح و إلي غالط صلحو عبر الموقع :

https://www.orientation.tn/orientation/loginmj.jsp

15/07/2025

ألف مبروك 🇹🇳❤️

15/07/2025

الترسيم الجامعي باش يولي ب Wallet edinar ، المحفظة الرقمية هذه تاخوها مجاناً من البريد التونسي ، علاش عملوها ؟ باش يحلو بيها المشكلة متاع نقص البطاقات .
المحفظة هذه تنجم تعمل بيها كل شي و حتى تجبد بيها فلوس من الموزع الآلي للأوراق المالية و تربطها ب D17 و تخلص بيها فاتوراتك و الترسيم و المبيت .
باه و إلي عندو Edinar شيعمل بيها ؟ عادي كيف كيف ينجم يرسم بيها .
إن شاء الله في الأيامات الجايين نفسرولكم أكثر .

تغيير المادة الإختيارية أو الشعبة للي عاود الباك ❤️الوثائق المطلوبة الكل باش تلقاوهم في ستوريات الأنستڤرام متاعنا لمدة 2...
15/07/2025

تغيير المادة الإختيارية أو الشعبة للي عاود الباك ❤️
الوثائق المطلوبة الكل باش تلقاوهم في ستوريات الأنستڤرام متاعنا لمدة 24 ساعة 🇹🇳
• تعمر المطلب على موقع parent.education.tn و المطلب و تطبعو سواء كان مطلب إعادة توجيه أو مطبب تغيير شعبة (حطيتلك نسخة من المطلب في ستوريات الأنستڤرام ) .
• كان راسب من الدورة الرئيسية تدخل للموقع هذا و تطبع أعدادك متاع الباك و تحط معاهم بطاقة اعداد الثلاثي الثالث .

http://www.bac.tn/principale/index.php

كان راسب من دورة المراقبة تدخل للموقع هذا و تطبع أعدادك متاع الباك و تحط معاهم بطاقة اعداد الثلاثي الثالث .
http://www.bac.tn

بداية من 1 أوت عندك الحق تهز المطلب للمعهد و معاه الوثائق إلي قتلك عليهم ، كانك مترشح بصفة فردية شرط عليك لو باش تبدل الشعبة تقيد عام في معهد خاص باش تقرا الشعبة إلي بدلتلها .

قبول المطلب متاعك يعتمد على حاجتين : الأعداد متاعك و السبب إلي باش تكتبو في مطلب تغيير الشعبة 🇹🇳

بالتوفيق و النجاح .

Address

Tunis

Telephone

+21650928239

Website

Alerts

Be the first to know and let us send you an email when Grintta.tn posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Grintta.tn:

Shortcuts

Share

Category