Grintta.tn

27/12/2024

آخر يوم جمعة في 2024 .
اللّهم لا تحرمنا فرحة الباكالوريا ♥️💪

26/12/2024

26/12/2024

كيفاش تعداو أوّل 4 أيام في العطلة ؟

26/12/2024

معدّل الثلاثي الأول ما عندو حتى علاقة بنجاحك في الباك ، جايب 7 جايب 8 ، جايب 9 ، جايب 15 ما عندها حتى علاقة بالنجاح في الباك ♥️
مالا شنوا إلي عندوا دخل ؟
المعدل العام هو شرط من بين 4 شروط للنجاح بالإسعاف .
شنوما الشروط :
•9 معدل في الباك برنسيبال أو كنترول
• ما يكونش عندك 0 في مادة إجبارية في الباك (في البرنسيبال )
• يكون عندك رمز حسن السيرة و السلوك
• يكون عندك أرتميتيك يعني 18 مجموع زوز مواد المميزين للشعبة متاعك .

✓ في بطاقة الأعداد إلي تاخذها آخر العام ، باش تلقى المدير كتبلك (يرسب إن لم ينجح في الإمتحان ) ، حتى كان جايب 17 معدّل ، و القصد منها إنو الباك برنسيبال أو الكنترول هو المحدد لنجاحك موش وسط العام ♥️
كان تعرضت لخيبة أمل الثلاثي الأوّل ، عادي ، مازال عندك عام كامل باش تحسن أمورك و تطور من روحك .

إستغل العطلة قد ما تنجم في المراجعة ، و نشالله بالنجاح و التوفيق ♥️

25/12/2024

♥️♥️

اللّهم لا ترد لنا دعوة ،و لا تخيب
لنا رجاء ، اللّهم بلغنا الغايات و حقق لنا الأمنيات
و أصلح لنا النّيات يا رب العالمين .

25/12/2024

💪♥️

25/12/2024

أفكار بسيطة للعطلة ♥️

25/12/2024

تلميذ الباك مستحق حاجات هكا
كلمة "إكبس روحك " خليها عندك ♥️😎

25/12/2024

مركي حد تتمنالو فرحة النجاح في الباك ♥️

25/12/2024

صباح النور ♥️
طقس بارد و أنت قايم تريفز خاطر عندك باكالوريا 😎
برافو ، موش ساهلة ، الحاجة هذه تدل على إنك تستاهل تنجح وباش تنجح ♥️
المهم ، ديما تنجم تعمل ما خير ، يعني المعدل متاعك الثلاثي الأول باش يزيد في الثلاثي الثاني و الثالث .
لازم تبقى متشجع ، و واعي إنك بالمراجعة متاعك توا قاعد تصنع في ح**ة و الح**ة هذه غدوة تولي حقيقة و تعيشها و تمسها 💪
ثالث يوم في المراجعة ، كان ما بديتش قوم أبدى و كان بديت كمّل و ما تحطش روحك في ستراس ، خاطر المهم ريفزت ، حتى كان ما تكملش كل شي ، حتى كان ما تفهمش حاجات ، المهم خير من بلاش و خير من العجز و تكتيف اليد و أنت تخزر للوقت يتعدى .

ربي ينجحك و ربي يعوضك على كل دقيقة تعب
و مراجعة ببرشا نجاح و فرحة ♥️💪
محلاه الإحساس إنو تريفز دروسك و تبدى ثلاثي جديد بعد 15 يوم و أنت نظيف و تخدم باش تتقدم في المعدل .. برشا عباد تجيب أعلى معدلات في حياتها في الثلاثي الثاني و الثالث .

25/12/2024

في فجر هذا اليوم ♥️
اللّهم ليس بجهدي وإجتهادي إنما بتوفيقك يكون نجاحي.. اللهم إني أستودعتك مستقبلي و دراستي فأرزقني فيهما التوفيق و اليسر، ربي وفقني في أيامي القادمة ❤️
www.instagram.com/grintta.tn

24/12/2024

أوائل باكالوريا 2024 ♥️

24/12/2024

تلميذ باك نشجع فيه باش يريفز قلي :
الطقس هذا يخليك تأجل عمل اليوم إلى الأبد.🙂

24/12/2024

ريت فيديو لأستاذ (يقري دروس خصوصية ) ، عامل فيديو يحفّز في التلامذة ، قلهم إلي ما بداتش تريفز في العطلة تبدا تحضر في زهازها 🙂 .
بعيد على إنو الأستاذ يفذلك ، و هو من أحسن الناس ،
أما ديما عندنا الخزرة متاع إنو المرا إلي ما تكملش قرايتها ، بروڤرامها الوحيد في الحياة هو العرس .

كاينو العرس خدمة ، ما نجحتيش في القراية ، برّي عرسي ، لا راو القراية مهمة أما ماهيش الطريق الوحيد في الدنيا ، أصلاً في بلادنا ولينا نعتبرو شخص وصل للباك ما كملش قرايتو ، خاطر نسبة التمدرس عنا عالية و خاطر الناس في بلادنا تحب تخرج من الفقر أو عالأقل تعيش حياة كريمة عن طريق قرايتها .

شخص وصل للباكالوريا و ما نجحش، قادر ينجح في تكوين ، ينجح في مهنة ، ينجح في مشروع ، نعطيكم مثال : أشهر web designer في تونس هو مروان ، المعروف على أنستڤرام ، ماهوش ماخو الباك ، أما تعلّم و جرب و مشى في الدومان متاعو إلي هو من أكثر المجالات المطلوبة في تونس و برا و توا عباد تاخو الباك و تقرا نفس الإختصاص عندو و كي يتخرجو يجو يعملو فورماسيون في الشركة متاعو . ♥️

فحبيت نقلك ، إلي ما نجحش في الباك ، ما يحضرش زهازو ، خاطر العرس باهي كي يكون إختيار و موش إضطرار .
النجاح في بلادنا صعيب ، أما ممكن ، الحياة تتعاش مرّة ، جرّب ، ما فما شي مضمون أما ربي قادر على كل شي و في لخر تنجم تقرى تقرى و تتعطل باش تلقى خدمة ، يعني كل شي و ربي شنوا كتبلوا في الدنيا ♥️

24/12/2024

عندي خويا ، كان مغروم بجو العملات الرقمية و البيتكوين ، عمناول في الصيف إحنا راقدين في القايلة ، قام يعيط في الدار ، ربحت 700 مليار ؟

ربحت 700 مليار ، ينڤز و يعيط و يصيح بطريقة هستيرية ، الوالد قام موش فاهم شي و الوالدة مريضة عندها جمعة راقدة قامت تمشي على ساقها لباس من البيت .
و أنا فيبالي هبل و إلا ضرب من القراية متع Prepa و كملت عليه سخانة الصيف 🙃 قتلو يا ولدي 700 د ؟ قلي لا 700 مليار دولار 🙂
قتلوا يعني وليت أغنى من psg 🙂
المشكل إلي أمي و بابا صدقوه و هو فرحان
خاطر هو يقرى و يخدم freelance و يدخل في شويا فلوس و يصرف على روحو ، يعني أمي و بابا متقبلين فكرة إنو ولدهم يجيب في فلوس مالأنترنات .
و الوالدة تطلب في خويا الكبير باش تقلو .
و لتو ماني فاهم علاش الوالد قام لبس الChemise الزرقة إلي ما يلبسها كان في الأفراح و المسرّات و حللنا الكليماتيزور و قعد ماشي جاي في الكلوار 🙂
20 دق و الدار خايضين ، و خويا يحلف و يتكتف ، قتلوا وريهملي فين ، حل application ، مكتوب فيهمم 700 M$ ، حاسيلو طلعت حكاية ما فماش منها 🙃 قعد جمعة كاملة في البيت يتحسّر ، تقول تصبولو بالرسمي و باعد تفكولو .
و من وقتها محرمين عليه يحل pc في القايلة و الدنيا سخونة .

24/12/2024

وقت المشاكل ما يداووش في وقتهم
يكبرو و يولو مشاكل أكبر ببرشا ❤️✅
أنت توا مشاكلك درس زوز في كل مادة أساسية
بعد شهر باش تولي مشاكلك ثلاثي أول موش مريفزو و فروض مراقبة ثلاثي الثاني ..
و باعد يولي مشاكلك الثلاثي الأول + الثلاثي الثاني
و في عطلة الربيع إلي هي مع رمضان 2025 في عوض تلقى عندك دروس الثلاثي الثاني تلقى روحك مجبر تريفز سداسي (1+2) .. !
تكبر المشاكل في آخر العام و تولي المشكل إسمها : ما ريفزتش عام كامل !
المشاكل لاز تتداوى توا !
و الثلاثي الثاني تبدى في النظيف و كيما ديما نقول موش مهم أبداً إنك تريفز و تفهم كل شي ، حاجات تفهمهم ، حاجات تخدمهم و تقعد ناقص خدمة فيهم أما في النهاية تتسمى مريفز ❤️✅
بالفلاقي ، جيبها برُجلة من توااا و ريفز ، خير ملي تندم برشاااااا برشااااا باعد ، تنجم تقلب كل شي توا و تمشي في طريق باهي علخر .
نعرف إنها صعيبة نفسيا و بدنيا خاصة البدايات
أما ورب الكعبة نهار النتيجة كي ترا روحك نجحت و كي ترا روحك جبت معدل محترم و كي ترا أمك تبكي من الفرحة و كي ترا بوك فخور بيك و رافع راسو بيك تحس فما جبل كان فوق كتفك و تنحى ❤️💪
هو عام .. تي أقل من عام ، أش مازال بعد العطلة ، جانفي فيفري مارس أفريل و ماي ، يعني 5 أشهر ، تريفز ما تريفزش باش يتعدو ، عديهم بأحسن طريقة ممكنة خير ملي تبخل ويتعداو أما بالفارغ ✅❤️ مازلت تنجم تبدى 💪❤️

23/12/2024

توكل على ربي و أبدى ، و كان تحس روحك ناقص برشا ، العطلة فرصة باش تعوض إلي فاتك ، تضيعها تضيع فرصة كبيرة على روحك ♥️
كان الرغبة في النجاح موش قاعدة تحفز فيك كيما يلزم ، ما عليك كان تعرف عاقبة الفشل ، و تخاف منها ، في لخر القرار قرارك ، 5 شهور و نص و يوفى هذا الكل .
إلي باش تعملوا توا باش يحددلك النتيجة بعد 6 شهور ♥️ بالرسمي تشجع ، شجع روحك ، و ركز على الهدف متاعك تو توصل 💪

22/12/2024

ربي لا تحرمنا فرحة الباكالوريا 🇹🇳♥️💪