21/07/2025
قوي النيفو ✅🤷🏻♂️
مصلحة النادي قبل الأسماء 🇧🇪
رسالة مضمونة الوصول لإدارة النادي و كواليسها :
السيزون قريب تبدأ جمعتين أخرين عنا سوبر و جمعة بعدو تبدأ البطولة ، نعرف في تخمامكم إنو السيزون تبدا عندكم مع أول مباراة في إفريقيا و المحلية متاعنا حتى بالجينيور نلعبو براحتنا لكن :
وقتاش ناويين تصفيو و تغربلو الرصيد البشري ؟! العايب بوقرة أهولو سوي بوشنيبة السميري الحمروني دياكيتي رودريغو الموحلي و غيرهم ولا ناويين تخليوهم و الشهرية تمشي ؟ كيما الساحلي مثلا !!
وقتاش ناويين تكبسو في الميركاتو و تسكرو الدوسيات !؟ علاش كل شي بالمرج و كل شي بالتقسيط الممل !! يزي ما ضاعت علينا صفقات نتيجة التقاعس و صحة الراس في المفاوضات
فيبالكم إنو لحد اللحظة رصيدنا البشري محلي لا غير ما عنا وين نوصلو قاريا !!!
قوة الترجي في لمة رجالها موش التفرقة لي صايرة حاليا !! تي الإدارة بكلها في قالب بعضها ثلاثة مالناس و زيد متحكيوش مع بعضكم !!! كيفاش التنسيق و التخطيط !!!
مليار و نص دخلو للكاسة من مرابيح مريول المونديال دون إحتساب فلوس المشاركة العالمية دون إحتساب فلوس الإشتراكات لي باش تهبط دون إحتساب فلوس الشراكة مع الكورية ولا هي الصينية (سامحوني لتو ما دخلتش لمخي) نتصور في مقدورنا باش ندعمو الفريق بثلاثة ملاعبية سوبر يهزونا لمستوى آخر موش خسارة فينا
الترجي تستحق ما خير ماللي تعملو فيه حاليا و تستحق زادة فرض الإنضباط مع ساس البلايلي و حتى موكوينا و الجمهور معاكم عمرنا ما قصرنا في حق جمعيتنا و موش مزية ديما وراها لكن إنتوما حاليا مقصرين و مجهوداتكم موش في قيمة المسؤولية لي عندكم
رجاءً رجاءً رجاءً قوي النيفو لمصلحة الترجي الرياضي التونسي
