08/11/2025
#المريض : قداش الفزيتة يا مادموازيل
#السكرتيرة : 80 دينار
#الدكتور : شنوة يوجع فيك🦊💰
المريض : عندي كذا وكذا
الدكتور : باهي باش تاخد الدوا هذا وتعملي سكانار والتحاليل هذي باش نطمانو عليك وترجعلي الجمعة الجاية
المريض : باهي يا دكتور
#مركز الأشعة : السكانار ب 180 دينار ميسيو
#مخبر التحاليل : طلعولك ب150 دينار خويا
#الصيدليه : #الدواء طلعلك ب145 دينار
المريض : بعد جمعة بربي اختي عندي rendez vous مع الدكتور يعيشك
السكرتيرة : اوك خويا تفضل ارتاح و اعطيني 80 دينار
المريض : باهي تفضل
الدكتور : اهلا سي فولان ، شنوا عملت إللي قولتلك عليه ؟؟
المريض : ايه يا دكتور اتفضل هذا السكانار و هذي التحاليل
الدكتور : عال عال الحمد لله ، التحاليل والأشعه لاباس مافيهمش حاجة تخوف
المريض : الحمد لله
الدكتور : كمل خوذ دواك وارجعلي بعد شهر
السكرتيره : آلو مركز الأشعه الدكتور قاللكم بعثتلكم 180 حالة الشهر هذا ×20% يعني الحسبة تطلع 6430 دينار
مركز الأشعة : اوك ، غدوا الصباح ان شاء الله نبعثولو فلوسو
السكرتيره : آلو مخبر التحاليل الدكتور بعثلكم 170 حالة الشهر هذا ×25% يعني الحسبة تطلع 6375 دينار
مخبر التحاليل : اوك ، غدوا الصباح ان شاء الله نصبولو فلوسو في الcompte
السكرتيره : آلو شركة الأدوية الدكتور كتب الدواء متاعكم لكل الحالات الي عندو والدكتور طالب جمعة vacance في تركيا هو والأولاد
شركة الأدويه : اوك ، قول للدكتور إنو الحجز في رحلة اسطنبول احسبو تم و اليوم العشية نبعثولك تساكر الطيارة و حجز الhotel # وأجازة سعيده للدكتور والمدام والأولاد
هكذا تُدار الأمور ويتم الاتجار بآلام وأوجاع الناس☠️💀
طبعا باستثناء البعض ممن مازالو يمارسون المهنة بضمير و شرف فنحن لا نعمم .
تحياتي واسفي على الضمائر الغائبة🥺
ويستمر الكادحون في المعاناة ويستمر المستغلون في اللامبالاة..
👈لا تتردد في ابداء رأيك .
