Moonego, Tunis (2025)

26/12/2024

Promo de fin d'année

Lexique spécialisé du mooré
Le mooré du calcul, de la comptabilité simplifiée, de la culture générale, de l'agriculture, de la géographie, de la grammaire et des sciences d'observation à seulement 2000f au lieu de 3000f

Contact 00 226 01013203

10/09/2024

Formation en mooré du 16 au 20 septembre
Session de rattrapage
Hâtez-vous

Contact 00 226 01655668

16/08/2024

Formation en mooré
Moore Center

Contenu
Lire et écrire en mooré
Littérature moaaga

Participation
Inscription 5000f
Formation 5000f

Avantages
Attestation offerte
Suivi au centre

Date
Du 02 au 06 septembre 2024

Besoins
Sponsors/partenaires pour l'achat des documents en mooré et l'obtention d'une salle de formation

Contact
Robert Kiswendsida Kaboré
01 65 56 68
Emmanuel Badiel
54 99 00 42

28/11/2022

Polɩɩsã taoor dãmb sega kiba-kɩtbã

Sapaolg kiuug rasem 26 yʋʋm 2022 soabã, polɩɩs rãmbã taoor dãmb talla sɛk ne kiba kɩtbã n na n kõ-b vẽenem, sẽn na n yɩlẽ tɩ b bãng b tʋʋmdã sẽn ya a soaba, la b sẽn segd n kogl nebã ne b arzɛkã toto. Komisɛɛr Apolineer KAFAAND sẽn ya polɩɩs rãmbã kiba-kɩt togsame, tɩ f sã n dat n kõ ned sɩda, rẽnd f reng n bãng a sẽn ya a soaba. Yaa rẽ n kɩt tɩ b bool kiba-kɩtbã n na n wilgb polɩɩs tʋʋm na-kẽndr sẽn segd n yɩ a soaba. Polɩɩs rãmbã taoor soab a Rooze WEDRAOOGO, sõasgã ne kiba-kɩtbã sõngame tɩ b paamd vẽenem wʋsgo, polɩɩs rãmbã sẽn be tẽngã pʋg n tʋmdẽ võore. Polɩɩs p**i tʋʋm pakre, yaa nebã ne b arzɛkã koglgo. Yaa rẽ n kɩt tɩ b rɩk na-kẽndr n wilg-b polɩɩs rãmbã tʋʋmde, sẽn na n yɩlẽ tɩ b tõog n tʋm b tʋʋmdã kibayã kũun wɛɛngẽ t’a tẽeg tɩrga. Polɩɩs rãmbã taoor soab pẽga kiba-kɩtbã tʋʋmde, b kibaya kũun sẽn ya toto wã.

Kell n yɩɩ wakat polɩɩs rãmbã taoor soab sẽn wilg bãmb tʋʋma na-kẽndre, la neb sõor sẽn be a pʋgẽ, la btʋʋma zãmsg na-kẽndr sẽn ya a toto. Veẽnmã kũun poore, kiba-kɩtbã tall sogsg buud toor-toore, la b kõ b me tasgo, sẽn na n sõng tɩ b ne polɩɩs rãmbã tʋmd-n-taar tõog n paam pãnga. Kiba-kɩtbã sẽn gom a soab n yɩɩda, yaa ninsaal yam daabã , sull ning sẽn zabd ne rẽ wã rãmb sẽn wilg tɩ polɩɩs rãmbã n be taoorã.
Zĩ-kãnga, a Rooze WEDRAOOG kos-b lame tɩ b sã n wa yã tɩ polɩɩs tʋmd ninsaal yam daab tʋʋmd bɩ b ning pãng tɩ ta b taoor dãmbã. A kell n kosa nebã fãa tɩ b sã n yã polɩɩs t’a yals sor zug n yeel t’a yao la a looge, a soabã ka segd n kõ-a ligd ye. B sẽn yet t’a soab yao wã tog n talla gomdã n kẽng Komsɛɛrya sẽn pẽ n tɩ wilg sebr ning b sẽn kõ-a wã, la a yao yaood ning b sẽn yeel t’a yao wã. Polɩɩs rãmbã taoor soab wilgame tɩ wakat sẽn wat pʋgẽ, b na n le sigla tʋʋm a taaba, sẽn na n kɩt tɩ kiba-kɩtbã ne polɩɩs rãmbã tʋmd-n-taar paam pãnga.
kibarã yii Faso.net

raamde-bf.net

21/11/2022

Moonego
raamde-bf.net

Burkĩna Faso tẽngã taoor soab togsa tẽngã nu-gãaga

Rasem sẽn looge, tẽngã taoor soab ra sega lagem-n-taar sula buud toor-toor taoor dãmba, la pagtɩ Politikã rãmba. B seg-taabã fãa poore, Sapaolg kiuug rasem 13 yʋʋm 2022 soabã, Ɛɛrtebe la sull ning sẽn get na-zakẽ kibayã, yiisa tẽngã taoor soab koees a sẽn gomd ne Burkĩna Faso nin-buiidã n togsd bũmb nins b sẽn segd n maan tẽngã koglg wɛɛngẽ.

A wilgame tɩ tẽngã beoog neer bee ned kam fãa nugẽ, la zu-bʋkã, neb wʋsg pa rɩk tẽngã sẽn vʋɩ nug ningã tɩ ya b zuloees ye. A paasame tɩ sodaasã sula kẽera ra kẽesa mens politikã tʋʋm pʋga. Rẽ kɩtame tɩ ba b sã n boond nebã tɩ b kẽes b toog n sõng tɩ b zabe, leokrã pa tolg n ya vẽeneg fasɩ ye. A wilgame tɩ bãmb sẽn da be zabrã pʋgẽ wã, b ra nee bũmbã fãa sẽn kẽnd toto. Kapitɛnd Yɩbrayɩɩm TARWAR wilgame tɩ nebã sã n na n wa bãng tɩ tẽngã bee yell pʋgẽ, ya b sẽn na n wa mik tɩ b ka le tõe n yi tẽn-bɛdã pʋsẽ bɩ b yi ye. Wakat kãng masã, la neb wʋsg na n bãng yellã sẽn taẽ. A kell n bẽdame n wilg tɩ nin-wẽnsã sẽn yãmb babg nins pʋsã neb wʋsg vʋɩɩ ninbãaneg pʋgẽ. Yaa rẽ t’a wilg tɩ nebã fãa n segd n kẽes b toogo. Bala, ka arzɛk n ka be tõnd tẽngã ye, yaa nebã n pa tar ninbãanzoeer ne taaba. A kẽnga taoor n paas tɩ yellã yãgre, yaa nebã fãa n wa ne-a. Sõng-taabã boogdame. Yaa rẽ t’a kot nin-buiida tɩ b gãd taab nus tɩ rẽ, la b na n tõoge.

Kibarã yii Burkĩna 24

14/11/2022

A Wʋsmaan BUGMA lebga tãrãzisẽo wã depite rãmb taoor soaba

Sapaolg kiuug rasem 11 yʋʋm 2022 soabã, tãrãzisẽo wã depite rãmb sega taab Asãmble nasnall wala, b sẽn gʋls n wilg tãrãzisẽo wã sẽn segd n zã toto wã pʋgẽ. Tʋʋmdã sɩngrẽ, yɩɩ Asãmble wã seb -gʋnd-kaseng n dɩk koɛɛga, tɩ tʋʋmdã sɩnge. Tʋʋmdã tɩʋʋsg poore, b yãk a Burɛɛma TARWAR sẽn ya depite rãmbã fãa kasem t’a lʋɩ tʋʋmdã taoore. Yaa rẽ poore, la b yãk neb nins sẽn na n lʋɩ depite rãmbã taoore.
Yɩɩ depite rãmb a tãab n wilg tɩ b rat n lʋɩɩ Asãmble wã taoore. Sẽn wilg-ba, ya a Daooda GƐLLO, a Wʋsmaan BUGMA, la a Benedit BAYILU. A Daooda GƐLLO, wa n wilgame t’a yiis a meng wags-taabã pʋgẽ. Yẽ yi wã, wa n kell a Wʋsmaan BUGMA ne a Benedit BAYILU. Votã pʋgẽ depite rãmbã yãka a Wʋsmaan BUGMA t’a lʋɩ b taoore. A Wʋsmaan BUGMA ra yɩɩ deptte tʋʋlg kiuug n tãag bõn-bɩʋʋng kiuug yʋʋm 2022 soabã, Asãmble ning sẽn lʋɩ wã pʋgẽ, n da get ninsaal yalẽ wã yelle. Dogtɛɛr Wʋsmaan BUGMA yaa sari karen-saamba, n be Yinivɛrsite Tooma SÃNKARÃ pʋgẽ. Depite rãmbã yãk-a lame t’a lʋɩ b taoore.

kibarã yii Faso.net
www.raamde-bf.net

05/04/2022

Rog-N-Mikã Ne Dĩinã Taoor Dãmb Sega Tẽngã Taoor Soaba

Posted on 25 mars 2022 Authorjuleskaf

Tʋʋlg kiuug rasem 24 yʋʋm 2022 soabã, Burkĩna Faso tẽngã taoor soaba, Letena Kolonell Poll Ãari Sãadaoogo DAMIB reega rog-n-mik nannambse, tigung katoliki, merka , la lislambã taoor dãmb Kosyam.

B sõsa ne taaba, sẽn kẽed ne tẽnga nug gãag sẽn be zĩig ningã, n ges ned kam fãa sẽn tõe n kẽes a toog toto tɩ tãrãzisẽo wã tõog n kẽn wa sẽn segde. Tẽngã taoor soab sũur yɩɩ noogo. A kell n kos-b lame tɩ b sɩd tʋm n sõng-a, tɩ nin-buiidã vɩɩmd-n-taare la b wʋm taabã tõog n kẽng taoore, tɩ tẽngã gãad bãane. Sõasga poore, rog-n-mik nanambsã la dĩinã taoor dãmb wilgame tɩ zu-loees nins sẽn be wã ya b fãa yel-pakre, la b na n yãag taab n tʋm tɩ laafɩ lebg n wa. B pegame la b wilg tɩ b be a poorẽ wĩndg la yʋngo. B na n maoome tɩ tãrãzisẽo wã tõog n kẽnd ne zemsgo tɩ tẽngã kamb lebg n wʋm taaba.

Kibarã yii na-zakẽ kiba-kɩtba nengẽ
raamde-bf.com

23/03/2022

Minisr Ning Sẽn Get Kadensã La Yõ-Koglgã Keoogda Nin-Buiidã

Posted on 16 mars 2022 Authorjuleskaf

Miniis Kolonell Mazoor Omeer BATEONO yiisa mooneg koɛɛg tʋʋlg kiuug rasem 15 yʋʋm 2022 soabã, n wilg tɩ neb n be reezo soso rãmbã pʋs n kõt kibay sẽn pa sɩda, sẽn kẽed sodaarã tʋʋm wɛɛngẽ. Ya arẽ t’a pĩnd n keoogd-b rãmba, tɩ b sã n leb n yiis kibare, tɩ b mik tɩ yaa ziri, b na n paama sɩbgre.

A wilgame tɩ neb n yiisd kibayã, la b kibayã sãamda sodaasã nins sẽn zabd-b ne nin-wẽnsã yʋya. Sẽn yɩɩd fãa nug n bãensã b sẽn boond tɩ reezo soso rãmbã zutu. B rãmb bãng tɩ b rɩka na-kẽndre, n na n sɩbg neb nins sẽn kõt kibay n yaool n pa tar kaset vẽenes b kibayã zugu. Miniisrã paasame tɩ b sã n yã kibay sẽn tõe n wa ne Burkĩna Faso nin-buiidã welgre, pa rẽ bɩ sẽn na n wa ne mo-yõsr tẽngã pʋga, b pa na n maan zoe nif ne a soab ye, b na n dɩka sɩbgr sẽn zems ne a soabã tʋʋmd n dogl-a. Kolonell Mazoor Omeer BATEONO kell n tũnuga mooneg koɛɛgã n bool Burkĩna Faso nebã fãa tɩ b yɩ maag-m-mens rãmba; la b tʋm nin-buiidã na zems taab n n zab n tõog nin-wẽnsa sẽn sãamd nebã sũy wakat fãa wã.

Kibarã yii minut.bf
raamde-bf.com

23/03/2022

Gosneerã Taoor Soab Zĩnda Ne A Miniisr Dãmb Kẽer Tɩ B Sõs Tẽngã Koglg Yelle

Posted on 22 mars 2022 Authorjuleskaf

Tʋʋlg kiuug rasem 21 yʋʋm 2022 soabã, gosneerã taoor soaba a Albɛɛr WEDRAOOG talla sɛk ne a miniisr dãmb nins sẽn get yõ-koglgã yelle. B seg taabã, pʋgẽ, b gesa na-kẽnda nins b sẽn na n dɩke, n paam n kogl nin-buiidã yõya, la b ges tɩ b vɩɩmã paam manegre. Miniisr nins sẽn zĩnd seg taabã pʋgẽ wã, wilgame tɩ b na n modga b pãng sẽn tõe tɛka, n tʋm ne tʋʋlem la yãgbo, tɩ yel-tɩɩm paame.

Tãrãzisẽo wã miniisr dãmb p**i sɛk taab sẽn zĩnd tʋʋlg kiuug rasem 18 yʋʋm 2022 soabã, b ra goma yal ning sẽn pɩʋʋgd tẽngã rũnda-rũnda wã yelle, n wilg tɩ sẽn yɩɩd fãa yaa soay la rabay nins b sẽn na n dɩk n zab ne yõ-koglg kaalma tɩ nin-buiida tõog n vɩɩmd bãane.

B seg-taab-kãngã yaa no-rɩkrã na paam pidsg n kɩt gosneerã taoor soab zĩnd ne-ba, tɩ b na n ges b sẽn tõe n sigl yõ-koglgã na-kẽndr toto. Sekã pʋgẽ minisr fãa wilga zu-loees nins sẽn be a tʋʋm-noor pʋga, la a kõ a me tagsg yal kẽer zugu.

Albɛɛr WEDRAOOG wilgame tɩ wakatã yaa pẽdga. Yaa rẽ n so, tɩ b segd n ning pãnga n tʋm n tõog n tũ tẽngã taoor soab sẽn dat tɩ bũmb nins pidã.

Miniisr ning sẽn get sodaasã yelle, Zenerall Bagtelemi SẼEMPOOR wilgame tɩ b seg taabã sõngame tɩ b tõog n pʋɩ zu-loees nins sẽn be wã ne taaba. A pasaame, tɩ sodaasã taoor dãmb na n tʋmame tɩ yɛlã kolg weoogo.

Minisr Lionelll BILGO, sẽn ya goosneer no-rɛɛsã wilgame tɩ miniisr rãmbã rɩka noya sẽn tũud ne tẽngã sẽn be nug-gãag ning zugã, la b naag taab n dɩk noore, sẽn tũud ne nin-buiidã fãa na lob b toog n sõnge. Sã n ya ne yẽ, seg taabã, yaa bũmb sẽn wat ne naag taab tagsgo, la naag taab n bao zu-loeesã tɩɩm. A kẽnga taoor n paas tɩ ka sodaarã tʋʋmd bal n tõe n fãag tẽngã ye, yaa gosneer tʋʋm-noya sẽn be tẽngã babs fãa pʋs sã n tõog n tʋmd wa sẽn segde, rẽ n tõe n wa ne zu-loeesã weoog kolgre. A wilgame tɩ sẽn sɩngd ne tʋʋlg kiuug rasem 22 yʋʋm 2022 soabã, sɛk la b na n zĩnigi. Seg-taab-kãng tʋlsem ya b ning sull b sẽn boond tɩ « task force » tɩ b zĩnd n tags noy nins b sẽn dɩk seg-taabã pʋgẽ n pids-a. Sɛkã pʋgã miniisr dãmbã kell n tẽega sodaas 13 sẽn maan kaalma, la b kos Wẽnd t’a kõ sẽn paam-b sãmpoagã laafɩ. Miniisr Lionell BILG pasaame tɩ seg-taabã zĩnda wakat ning tẽngã sẽn le be sũ-sãams pʋgẽ, la raood sẽn na n sõng tɩ b tʋm tɩ tẽng gãand bãanã tõog n zĩndi.

Kibarã yii permye ministɛɛrã kiba-kɩtb nengẽ
raamde-bf.com

17/03/2022

Communiqué de l'Association D Bãng Moore

Ne y wĩndga d saam-biisi
Tõnd sullã D Bãng Moorã paam a rogem-sebre. Ya tʋʋmda na kẽng taoor yĩnga la sullã taoor dãmba yãk yam n na kẽne tɩ sulla paama a rogemã sebre.

Sullã sigla moor karengo sibr la hat daar fãa n na sõng neb nins n dat n zãms b moorã gʋlsgo la karenga. Karenga na sɩnga tʋʋlg-kiuug rasem pisi la yoobe. Karenga ya sibr la hat daar fãa wakat piig n na te tãag wakat pii la yiibu.
Yao n naaga ya wakɩr tus a yiibu kiuug kareng fãa.

L'association D Bãng Moore a obtenu son récépissé dans le but de concrétiser ce que les membres fondateurs ont initié dès le début.

L'association organise des formations d'apprentissage de l'écriture et de la lecture en mooré chaque samedi et dimanche à partir de 10h00. Le prix de participation est fixé à 10 000f par mois.

Association D Bãng Moore
Contact : 54269566
Contact WhatsApp : 00 226 58772319

12/03/2022

Burkĩna Faso Rãmb Maana Tõnd Sẽn Dog Ne Goam Ninsã Raare

Posted on 22 février 2022 Authorjuleskaf

Ãnduni wã tẽns fãa pʋse, b yãka wao-fugdg kiuug rasem 21 wã tɩ ya ninsaal sẽn dog ne gomd ningã raare. Rẽ n so, tɩ Burkĩna Faso ministɛɛr ning sẽn get kaorengã la buudã goam maan a tẽegre. Gom zug b sẽn tiki, yaa « Buudã goam sõngda ne bãngre, la minim kaorengã taoor kẽnd wɛɛngẽ ».

Ministɛɛr ning sẽn get kaorengã la buudã goam seb-gʋnda porfesɛr Kalifa TARWAR boonda neb nins sẽn be a pʋgẽ wã, tɩ b tʋm tɩ buudã goam kẽng taoore, la b kɩte, tɩ waoog taab lebg n wa zamaanã pʋga. A rɩka makre, wala nasaarendẽ wã b sẽn boond tɩ « demi fɛrɛɛrã » sã n ya buudã goamẽ ba y pa ma biidu, bɩ saam-biiri, ned sã n yɩɩd-fo, f boond-a lame tɩ f kasem soaba, ka rẽ bɩ f saamba, wall a ba.

Yaa na-kẽnd-kãng ra yaa bũmb sẽn sõngd tɩ nebã ne vɩɩmd-n-taar ya sõma. Ministɛɛrã seb-gʋnd wilgame, tɩ buudã goam sã n kẽ kaorengã pʋgẽ Karen-biisã na n bãnga yel-kẽer võore, la a yõodo, n yɩɩd b sẽn na n karemd nasaarendã bala.

Ministɛɛrã sigla sõs-kaseng wao-fudg kiuug rasem 21 soabã. B kotame tɩ b sõangdbã mao n tʋm tɩ buudã goam katɛk sẽn be Burkĩna Faso wã kẽng taoore, t’a na n sõngame tɩ zɩɩlmã kolg weoogo. Porfesɛr Kalifa TARWAR wilgame tɩ rɩk buudã gomd n naag nasaara wã gomd n karmã wekda kambã yam wʋsgo. A kaoren-dotã pʋse, yʋʋm a nu tɛka, kambã baooda bãngr kaset sebr b sẽn boond ne farend tɩ sɛtfika wã. Sã n ya nasarẽnda zĩigẽ, yaa yʋʋm a yoob la b zĩndid Karen-doogẽ wã n yaool n paam seb-kãnga. Tẽegre, Burkĩna Faso, yaa Farẽnda la b gomd gosneer tʋʋm-noyã fãa pʋsẽ, la buud goam sẽn be tẽngã pʋg yaa bãmb pisoob la zaka. Goam b sẽn gomd n yɩɩd yaa moore, zʋlle , la Silmiirindi. Goama a taabã, b nan be b menesg zugu. Bala, b goamdbã sõor pa waoog ye. Porfesɛr Kalifa WATARA pʋlmame tɩ b na n maoome tɩ gom-kãens me ra menem ye.

Kibarã yii aouaga.com
raamde-bf.com

12/03/2022

Polɩɩs Rãmbã Yãka Yam N Na N Tʋm Tɩ Kambã Meneg Kolg Weoogo

Posted on 23 février 2022 Authorjuleskaf

Sẽn sɩng ne wao-fugdg kiuug yʋʋm 2022 soabã, kamb piig la zak n meneme, tɩ b ka tar b nao n dɩkdẽ ye. Rẽ n so, tɩ polɩɩs tɩ rãmba tʋʋm-noor sẽn get kambã yellã sẽn wilgi, tɩ b na n maoome n zab kambã meneng t’a leb poorẽ. B tʋʋm-noor ning sẽn get nin-buiidã la b arzɛkã koglg na n dɩka na-kẽnda n tʋm t’a sã n ka fas me, bɩ a kolg weoogo. B kota nin-buiidã tɩ b kell n kõ-b sɩda, tɩ bãmb me na n maana pãng sẽn tõe tɩ kambã sẽn menemdã, bɩ b lebg n paam-b n lebs b ba rãmbã. Polɩɩs taoor rãmb bẽda zĩ-kãnga, n kot kambã roagdb tɩ b ges b kambã sõma, la b ra bas tɩ b gõod yaar ye. Ned kam kẽes a toogo, tɩ b naag taab ne koglgo, tɩ boto me tõe n sõngame t’a kolg weoogo.

Kibarã yii minute. bf
raamde-bf.com

Moonego

26/12/2024

10/09/2024

16/08/2024

28/11/2022

21/11/2022

14/11/2022

05/04/2022

23/03/2022

23/03/2022

17/03/2022

12/03/2022

12/03/2022

Address

Telephone

Website

Alerts

Contact The Business

Shortcuts

Share

Category