30/01/2025
في تونس الشيكات هي العمود الفقري للتعاملات التجارية أصحاب المشاريع يتعاملوا بيها يوميًا مع الموردين اللي يبيعولهم بالتقسيط والحرفاء زادة يشريوا بيها خاطرها تسهّل الشراء على دفعات
إلغاء الشيكات بلا حلول واضحة هو بمثابة قطع شريان مهم في الدورة الاقتصادية، والنتيجة هي عجز الشركات على توفير البضائع وزيد المواطن العادي ما عاد يلقى كيفاش يشري بالتقسيط.
المشكل الأكبر إنو هالإجراء ما يراعيش واقع المؤسسات التجارية ولا حتى واقع المواطن خاصة مع نقص السيولة وصعوبة الحصول على التمويل
بلا حلول عملية، الاقتصاد بش يزيد يضعف والتجارة بش تتعطل
#الحل مش في إلغاء الشيكات، بل في تطوير منظومة مالية حديثة تكون عادلة ومرنة، تعطي البدائل الحقيقية وتضمن استمرارية المعاملات التجارية بلا ما تضر أصحاب المشاريع ولا الحرفاء. السوق التونسي اليوم محتاج قرارات مدروسة تخدم مصلحة الجميع مش قوانين تزيد تعمّق الأزمة وتزيد الضغط على التجار والمواطنين.
200 ألف شركة سكرت في 2023 ... و القادم أفضل !
