3al-keef

30/05/2024

في إطار دورنا الإعلامي كمنظّمة لخلق مجال للصحافة البديلة، نمدكم اليوم بعودة مع الصور لأهم اللقطات في مضاهرة احكموا الحيوط بتاريخ الجمعة 24 ماي 2024 بتونس العاصمة تحت شعار :
لا دساترة لا خوانجية لا دولة إخشيدية.

26/05/2024

26/05/2024

في إطار دورنا الإعلامي لخلق مجال للصحافة البديلة، نمدكم اليوم بمواكبة لأهم اللقطات في مضاهرة احكموا الحيوط يوم الجمعة 24 ماي 2024 بتونس العاصمة تحت شعار :
لا دساترة لا خوانجية لا دولة إخشيدية.

16/05/2024

💼🔍 تعرف على حقوقك والقانون التونسي! في أول منشور من سلسلتنا حول المعرفة القانونية التونسية، نحكيولكم اليوم على الفصل 101 من المجلة الجزائية، اللي يحدّد العقوبات على تجاوز حدّ السلطة وعدم القيام بواجبات الوظيفة العمومية. 🏛️✨

👮‍♂️ القانون يدين بالسجن والغرامات على كل واحد يتعدى بالعنف أو يمارس التعذيب بأي شكل.
⚖️ وإذا تسبب التعذيب في إصابات خطيرة أو وفاة، العقوبات تصبح أشدّ!

🔔 تابعونا لمزيد من المعلومات الهامة حول الحقوق و القانون التونسي. #قانون #تونس #حقوقك #العدالة

13/11/2023

من 1992 حتى ل 2023 و القانون 52 يحصد في ضحايا من الشباب.
احكام من عام و عباد وصلت ل30 سنة و مازالة السياسة الجزائية للدولة و المقاربة الردعية هي نفسها.
محمد الهمامي موقوف عندو جمعة بتهمة الاستهلاك و تعدى ببطاقة ايداع في حالة ايقاف على كمية ضئيلة تحشم في دولة شعارها 3000 سنة حضارة. و الدولة بعد ما تشد الشباب و تحطو في الحبس على تهم تافهة يطلعلنا المسؤول في التلفزة و يقلنا مستقبلنا مع شبابنا.
اناهو الشباب ؟ اللي دمرتولو ماضيه و حاضرو و ماشين في سياسة ممنهج نحو تحطيم مستقبلو ؟
المقاربة الردعية و المدمرة للشباب ما وصلتش لا تونس لا حتى دولة اخرى لنتيجة و وقيت اليوم نسيبو الشباب و ما نزيدوش نكرهوه في بلادو.
عدد الناس اللي هجت من البلاد بين اللي حرق و اللي دبر كونتراتو كافي باش تفهمو الخنقة اللي في قلوب شبابنا.
تونس متاعنا سيبو شبابنا يعيش فيها.
سيب محمد.
سيب كل ضحايا القانون 52 و ردلهم الاعتبار.
يزي فك من سياستكم القمعية و كلامكم الفارغ.
تونس لشبابها موش لشيابها.

11/07/2023

زياد الغناي، نائب عرفناه في المجلس القديم و كان عندنا لقائات معاه وين حكينا هلى مشاكل الشباب و شفنا تمثيل حقيقي للشباب في المجلس و إنسان حابب يخدم، نتصدمو توا إنو بعد حل مجلس النواب يتم منع زياد الغناي من السفر بقرار من المحكمة الإبتدائية في تونس صادر في آخر شهر جوان الفارط..
كل الدعم زياد الغناي Zied Ghanney
زياد كان تدخل معانا في عديد الفرص و ما بخلش علينا حتى مرة و وصل يمشي للمراكز مع اصدقائنا كيف يتوقفو بصورة غير قانونية.. و اليوم زياد يواجه في هرسلة من النظام بيدو..
تنجمو تلقاو هوني البعض من مداخلات زياد معانا و المواضيع اللي حكينا فيهم و تعرفو اكثر قداش كان يخدم على المواضيع اللي تهم الشباب و الحريات في تونس.

https://www.facebook.com/3alkeef/videos/1140298893074594/?mibextid=Nif5oz
https://fb.watch/lJ73tG73Ls/?mibextid=Nif5oz
https://www.facebook.com/3alkeef/videos/768683607066877/?mibextid=Nif5oz
https://fb.watch/lJ6-V7dR8d/?mibextid=Nif5oz
https://fb.watch/lJ6-msKRmn/?mibextid=Nif5oz

26/05/2023

الكلنا نعرفو الغزرة الدونية للي شد حبس في تونس، هذاكا قاتل روح، لاخر سارق دار، ولد الجيران فار حبوسات شد على براكاج و غيرهم..
و في وسط هذا الكل نلقاو ضحايا القانون 52، اللي القانون هذا زادة يعطي تصنيف المجرم للمستهلكين للمواد المخدرة و بالخصوص موضوعنا القنّب او المعروف بالزطلة و اللي العقوبة في تونس عام حبس..
نحنا نعرفو اللي برشا من ضحايا هذا القانون سيء الذكر هوما من الشباب اللي فيهم طلبة، فنانين، مبدعين و حتى العباقرة، اللي ديما يسمعو في كلمة إنتوما مستقبل البلاد، اما مستقبل البلاد حكمتو عليه بعام حبس
اليوم عالكيف جات بمبادرة جديدة، قريبا باش تكون فما منصّة وين تشاركو فيها حكاياتكم، الظلم اللي تعرضتولو، الفرص اللي القانون هذا خلاكم تفلتوها، قرايتكم اللي خسرتو منها اعوام كان موش عام فقط على الإستهلاك، هذا كان التيتر ماهوش اصلا "نيّة الإستهلاك"، وين القانون يحاسبك على النية..
في المنصة هاذي باش تنجمو تكتبو و تحكيو حكاياتكم و توريو للناس الكل اللي إنتوما ماكمش مجرمين، و تنجمو زادة تعرفو باصدقائكم اللي ينجمو يكونو توقفو على فصول القانون هذا و توصلو صوتهم و ممكن حتى تلقاولهم محامين يتطوعو و ينوبوهم..
و تقوللو للناس إنو القانون 52 يصنع المجرمين موش يحاسب.. و القانون 52 هو اللي دمر شباب يعمل في برشا حاجات مزيانة اما تدفنت وقت اللي اصبح حامل لLabel مجرم..

17/05/2023

حتى كلامك و افكارك لازمهم يكومو حسب معايير عون الأمن و سيادة ممثلي النيابة العمومية..

25/03/2023

هل صحّة المواطن في تونس اولوية ؟ هل المشرع قادر إنو يغير فلسفة كتابة القوانين في محاولة لمقاربة جديدة قبل ما تصير كارثة ؟