تونس الأولى

03/08/2025

👏👏👏👏👏الف مبروك الجوادي double champion du monde
بعد الملولي و الحفناوي الجوادي يواصل التفوق التونسي في المسافات الطويلة بتتويجه بطلا للعالم في 1500 متر سباحة حرة الف مبروك 🇹🇳تونس بإبطالها و رجالها رغم قلة ذات اليد مقارنة بدول عملاقة في هذه الرياضة الإعجاز الرياضي التونسي يتواصل من انجاز إلى انجاز 💪🏻
#بطولة العالم للألعاب المائية سنغفورا 2025
#احمد الجوادي
#توتس

03/08/2025

من قصص علي بوشكارة.
🛑👍
✅علي بوشكارة راجل قليل محتحت حتى من سروالا منقوب من تالي يخدم على كدس صغار ،يسري عالفجاري يرمي الشكارة على ظهرا ويبدى ينبش في الزبايل مرة يطيح بطرف نحاس مرة بمغرفة مرة بصحن يهز ينصب بيهم في سوق الاحد ويروح بشوي خضرة وخبيزتين للعيلة ،كل نهار ونصيبا، وساعات يخدم ايامات مرمة ولا كيف تواتي جمعان الزيتون ولا الحصيدة، عيشة مزمرة ما يقلع الفرنك كان بسيف لكن هاك العويلة سعيدة والبنيات قاد فيهم ربي متربين ربي ما رزقاش بالذكر والمرية تمروح مابين يديه بتبسيمة وكلمة طيبة تنسيه في النقب اللي في سروالا يدخل قطوس...
نهار مالنهارات جوه خطابة لبنتا الكبيرة سعاد ،بنية حليلتها وجيهها مدور وعويناتنها كحل وضحكتها ديمة على فمها.. خطبها ولد مولى الهنشير شافها تملى قال لباباه ناخذها كان هي ، دارو بيه لما وخواتا قالولا لوح عليك باباها راهو بوشكارة الفقر والنقر تو ناخذولك فاطنة بنت السايح باباها في سراه ورباية عز ودلال ،قاللهم والله وكان ما نخذهاش الا منعمل كوردة ونرتحكم.😔
ايا عرست سعاد وسكنت في حوش عمها ، حوش كبير كي السرايا ودخلت على زوز سلفات اهلهم من كبارات الدشرة ، زوز متخرجين أساتذة وشادين ديارهم معززين مكرمين في الذهوبة والخير لعينيهم.
نهار كامل وهي شادة الكوجينة،تخبز وأطيب والفم ساكت ،اذا غلطت كلاها ربي واذا تكلمت كلمة ماتعجبهمش يقولولها: اسكتي يا بنت بوشكارة
تبكي مسكينة وتسكت وحتى كيف يروح راجلها ما تشكيلاش باش متنكدش عليه تقول راجلي يروح تاعب.
ونهار مالنهارات سلفتها الكبيرة عملت عشوية ولمت صاحباتها قروا معاها ،كلفت سعاد أطيب وتتلهى ،مشت نصبتها طاولة من هنا لغادي عملتلهم كسكسي بالمسلان من يدياتها وزيناتا بالعظم العربي والفلفل المقلي والزبيب، وقطعتلهم سلاطة خضراء وشوتلهم سلاطة عالفحم وطيبت طاجين عزيز وغالي بالكبدة وبعد جمعت القارصة ورحت ليموناظا تعشق حطتها في دبابيز بلار وكل دبوزة بحذاها كيسانها المذهبين.
بعد ما كملت مسحت يدياتها وجت داخلة معاهم يا خي جبدتها سلفتها من يديها بشوية وقالتلها: آسعاد وين داخلة؟ ياخي باش تناقشي معانا رسالة ابو العلاء المعري؟
هزت سعاد عينيها مصدومة وقالتلها: وخيتي ناي زوالية لا نعرف لا علاءالمعري ولا المغطي. وخلتها وروحت لدارها تبكي بالشهقة على قلة حظها وعلى جهلها وتقول الله يسامحك يا وبي ما قريتنش.
عشيتها ماتت العزوز حماتها ما لحقوش يمشمشوا لحمة مالمسلان وقامت منوحة عالمرحومة وبعدها بجمعةالشايب حموها تجلط بالغزول وشد تركينة لا تحريكة ولا تصكيكة.
ناس زمان يقولو خوذ بنات الأصول بالك الزمان يطول وبنات الاصول تصيبهم في المرض والفقر والعجز وكانت هي بنت الأصل، تلهات بحموها كينو بوها، هي اللي توكل وتشرب وتنظف وهاك السلفيين طلوا عليه مرتين وبعد نسوه ماعادوش طالين عليه لاهن ولا رجالهم ولا عيالهم
قالوا الشايب خراي وجلطام يبدى يسب فينا ومش مستكفي بروحا.
نهار مالنهارات قالها : آ سعاد بنتي ايجي
قربتلا وباساتا من جبينا وقالتلا لاباس ابابا ؟،
قلها غدوة الصباح كلمي العدول حاجتي بيه ودخليه من الباب التيلاني .
قالتلا : السمع والطاعة
ايا جاء العدول قعد هو وياه وخربشلا تخربيشتين في ورقة وقاللها ايجي اسعاد ،صححي
قالتلا : آعمي راني مانعرفش نصحح انجم نبصم؟
قالها ايصمي ،عملت هكة وبصمت ناداها حموها وقاللها : أسمعي بنيتي كتبتلك الحوش وهنشير الطابية الكل وجنان للوز متخرجي هالورقة كان بعد منام عيني ،هنيني بنيتي على هالضياع وحني عليهم وكان متحنيش ميسالك حد ، الرزق راهو رزقك حلال عليك .
بكت سعاد مالفرحة وكبت عليه تبوسلا في يديه وكمل معاها شهرين معزز مكرم وبعد هز ربي امانته.
يانهارت الميتة يا نهارت الكشفة كيما يقولو ،تنصب العزى وتدفن الشايب وكل حد روح لداره.
شدت سعاد ذبحت بركوس ونادت النساوين يطيبوا في الكسكسي قالت باش تعمل صدقة على روح حموها وعيطت لباباها وخواتها وامها وخالاتها ورجاجيلهم وذريهم جمرش،قالت طيب لهم كسكسي بالمسلان واللي يفضل لحم اعملوه روز ازعر وكثروا الفاكية.😍 والعنب والبانان
تنصبت طاولة طويلةعريضة قدام دار المرحومة تحت العنبة وتنصب الكرسي بجنب الكرسي وهدت عايلة سعاد ، هما قعدو وتكماصو في الكسكسي وجت سلفتها تدهكل ومدت يديها باش تغرف بايها تضربها سعاد عالملغيفة تجيب دمها يشتل.
شهقت المرى كان شهقة قالتلها : تضربيني يا بنت علي بوشكارة؟؟
وقفت سعاد صبعها وقالتلها : سي علي بوشكارة من فضلك 😍
وتجبد ورقة مخبيتها في صدرها وتمدهالها وهي تتبسم وقالتلها : ابو علاء المعري كتبلي اللمة واللي ثمة❤
اطيح سلفتها مافي عينها بلة وعمك علي بوشكارة كمل شطر المسلان وحدا.
قالك من نهارتها يفطر ويتعشى بالعلوش والديسار بانان هاذي طول الكعبة 🫣🤫...

رجاء انها مجرد حكاية بسيطة

13/06/2025

🚨 #عاجل #الان :
السلطات المصرية تحاصر المشاركين في المسيرة العالمية من أجل كسر الحصار ، اعتقالت و احتجاز لجوازات السفر
المشاركين من دول عدية

13/06/2025

🚨 عاجل الان : فضيحة
السلطات المصرية تحاصر المشاركين في المسيرة العالمية من أجل كسر الحصار و تقوم بافتكاك جوازات السفر

13/06/2025

🚨 عاجل مصر الان :
السلطات المصرية تحاصر المشاركين في المسيرة العالمية من أجل كسر الحصار

13/06/2025

🇮🇱🇺🇲⚔️🇮🇷
عـــــــــــــــــاجل
🔴 رفع العلم الأحمر للانتقام فوق مسجد جمكران في إيران.

13/06/2025

🇮🇱🇺🇲⚔️🇮🇷
عـــــــــــــــــاجل
🔴 المواقع التي استهدفتها إسرائيل في إيران👇
🔥منظمة الطاقة الذرية الإيرانية:
نقوم بتقييم أضرار العدوان "الإسرائيلي" على منشأة نطنز.
🔥لا يوجد أي تسرب إشعاعي أو تلوث كيميائي خارج منشأة نطنز في أصفهان وسط إيران.

13/06/2025

🇮🇱🇺🇲⚔️🇮🇷
🔴 غير عادي
إعلام إسرائيلي:

في هذا المبنى، في قلب إيران، اغتيل قائد الحرس الثوري، حسين سلامي، وهو نائم في فراشه، بعد ساعات فقط من تهديده لمستقبل دولة إسرائيل.

لاحظوا كم كانت المعلومات الاستخباراتية دقيقة ومجنونة - لقد اغتيل ولم يُصب جيرانه من فوقهم ومن تحتهم بأذى... هكذا تسللت إسرائيل إلى النظام الإيراني بالمعلومات الاستخباراتية!

13/06/2025

11/06/2025

من استقبال اهالي تاجوراء و اهالي طرابلس. رجال ،أطفال، نساء، صور فيهم برشا محبة... لكم منا كل الحب والاحترام❤️🙏🏻

11/06/2025

صورة للتاريخ : نحب التصويرة هاذي تزلزل الفايسبوك 😍❤️🔥🇹🇳🇱🇾🇩🇿