18/07/2025
خوذ عبرة من قصة أشرف :
شاب تونسي من صفاقس كان يحب مرتو حب كبير، شافها هبطت صورة مرسداس في فايسبوكها مشى شرالها نفس الكرهبة، و هذا بخلاف المحبة و الاهتمام الي معيش مرتو فيهم بشهادة المحيطين بيهم ... مرتو هبطت الفيديو كيفاش يهديلها في الكرهبة و حب و رومانسية و .. و .. البارح يتحرق محل بيع العطورات متاعو بلاصة كلها ألكول متاع برفانات يعني سريعة الاشتعال .. و هو يتوفى في الحريقة و هي تخرج بالسيف من البلاصة ساقيها شاعلة فيهم النار و أسعفوها ... العين ما ترحمش، و الحسد ما يعرفش قريب ولا غريب…اليوم تفرح بخبر، غدوة تلقى بلا سبب الدنيا تعكرت، الصحة تهزّت، النوم ثقل، الفرحة طفات…تقعد تسأل روحك: شنيا صار؟ علاش كي ضحكت قلبي وجعني؟ علاش كي حكيت على النعمة تبدل الحال؟يا خويا، العين حق و الحسد موجود… مش لازم العبد يقول كلمة،
يكفي نظرة حاقدة تنسف كل شي!أما ربي ما ينساش، و الحافظ هو الله ولذا حط حرزك فى ربى، و ديما حط على لسانك ذكر الله اقرا آية الكرسي، و المعوذات، و كل صباح قول:بسم الله الذي لا يضر مع اسمه شيء في الأرض ولا في السماء وهو السميع العليم...حصن دارك، حصن ولادك، حصن روحك حتى من أقرب الناس…و ديما قول ما شاء الله، تبارك الله على كل نعمة، راهو الشكر و الذكر هو اللي يرد العين و يبعد شر الحاسدين…💯♥️
ربي يرحموا وينعموا ويغفرلوا . وربي،يسترنا دنيا وآخره
أن شاء الله
