https://www.facebook.com/184957561360462/

صحيفة الشبيبة الرياضية بالعمران - JSO Magazine, El Omrane, Tunis (2025)

17/03/2025

أجواء إفطار الشبيبة الرياضية بالعمران بنزل الشيراتون و إجتماع الفريق مع رئيس النادي السيد طارق حمزة

16/03/2025

عرفتوه شكون إلي علي يمين الصورة ؟
أي أي هذاكا رئيس النادي طارق حمزة
أكلي كل شهرين تخرجو فيه إشاعة
زوز احدث تصاور ليه خلال شهر رمضان الحالي
الحاسيلو ربي يدوم الضحكة

14/03/2025

متى سيتم فتح تحقيق ؟؟؟

13/03/2025

هل بعد هذا الفساد فساد ؟
للي موش فاهم الموضوع
الصورة الأولى من موقع suspious game على منصة X (تويتر سابقا )
تتحدث عن قرابة 180 الف دينار تمت المراهنة عليها على فوز تطاوين ضد باجة قبل انطلاق المقابلة
( الموقع معروف عالميا يجيب نتائج للأطراح التي يتم التلاعب بنتائجها )
و فيه العديد من المنشورات الأخرى التي تتحدث عن هذه المقابلة
الصورة الثانية موقع رهان على المباشر ، الكوتة متاع متلوي وصلت ل8 بين الأشواط وقت النتيجة كانت 0-0.
إلي يفهمو في الرهان الرياضي يعرفو حجم الأموال إلي تحطت على فوز قفصة
الحاسيلو بالنسبة للي ناسين إلي أحنا في شهر فضيل و إلي فما ربي في الوجود
سيتم رفع قضايا محليا و دوليا في المحاكم الرياضية و محاكم الرهان الرياضي حتى نقضي على هاته الظاهرة التي تمس من نزاهة اللعبة
و مهما طال الزمن سيتم الكشف عن هذه الشبكة التي إستثرت من الرهان الرياضي

تنويه : ننزه كل سكان المناطق التي تم ذكرها و نعلم جيدا أنه لا علم لهم بما يجري تحت الطاولة، كما نعلم أن معظمهم ضد مثل هذه الأساليب القذرة

إذا فسدت البيئة، فلا بد للإنسان أن يحتمي بعقله لينجو من الفساد

11/03/2025

صعيبة الحياة في الرابطة الأولى،
بعد ضربة جزاء ضد سليمان الجمعة إلي فاتت ضربة جزاء الجمعة هاذي ضد متلوي مقابلة كاميرا الفار بالضبط
الحكم حسام بولعراس
شمازال، هاي باش تاقف البطولة شهر، عنا الوقت الكافي باش نلمو اللقطات إلي تظلمنا فيهم من أول العام خلي الشارع الرياضي يتفرج

06/03/2025

وقتلي تصلح الغلطة بغلطة أكبر منها،
المفيد تعرف تختار شكون ترضي
شبيبة العمران على سبيل المثال ، لا مبالاة تامة من لجنة التعيينات،
في الوقت إلي الشارع الرياضي الكل كان يستنى في تأجيل الجولة العاشرة للسبت و الأحد، صار تقديمها …
يعني العمران تلعب نهار الأحد ضد المتلوي و المقابلة التالية ملي كانت نهار الخميس، ردوها نهار الإربعاء !!
في رمضان ، الساعتين متاع القايلة تكور في متلوي ، و تروح باش تعاود تكور بعد نهارين ماتش آخر
و متأكدين أنو صلب اللجنة فما شكون شاف أنها ما تجيش و عمرها ما صارت ، كيما متأكدين أنهم قالو مادامها العمران، تو يسكتو كي العادة…

26/02/2025

صحيح قلنا لن ننقد أي حكم هذا الموسم، و قلنا الحكم جزء من اللعبة و الخطأ وارد
و لكن بوجود الفار و لقطة كي هاذي ما تتزفرش، هاذي فضيحة و ما تتقرى كان بسوء نية و تلاعب بنتيجة مباراة

21/02/2025

ولدنا و واحد منا
منتصر في موسم 2024-2025
تصدي لضربة جزاء ضد الملعب التونسي في باردو، مقابلة وفات 0-0
- تصدي لضربة جزاء في قفصة في الدقيقة 80, مقابلة وفات 0-0
- تصدي لضربة جزاء ضد النادي الإفريقي على مرتين في الدقيقة 47 وقتها كانت النتيجة 1-0 ، خلى صحابو في الطرح و النتيجة وفات 1-1
- تصديات حاسمة ضد صفاقس في الذهاب كي ربحنا و في الإياب تعادل
- تصديات حاسمة ضد تطاوين، متلوي، بنزرت ، سليمان و قفصة
و مع هذا الكل لا يتحمل المسؤولية في أي هدف من السبعة الأهداف إلي قبلتهم الشبيبة البارح
بكل بساطة منتصر قاعد يخدم على روحو و قاعد يصلح و يتطور يحب ينجح.
و مع هذا الكل نراو في حملة تنمر من أشخاص ما يعرفوش شنوة يجم يحس إنسان يتعرض لمثل هذه الحملات، ناس أعطيها تتمقعر و كهو و تحس الحسد و البغض في تعاليق مسمومة علخر
ما نجمو نقولو كان ربي يهدي و كهو.
من حسن الحظ أنو منتصر عندو شخصية قوية جدا و لم و لن يتأثر ببعض التعاليق.

17/02/2025

نقطة نظام

نجد أنفسنا مضطرين في كل مرة للتأكيد على أن الشبيبة الرياضية بالعمران تحرص ضمن أولوياتها على الحفاظ على علاقات قوية ومتينة مع جميع فرق البطولة الوطنية، دون استثناء، وعلى نفس المسافة من الجميع. و كذلك سنضل بإذن الله، فنحن نؤمن بأن الرياضة هي وسيلة للتقارب، وليس لتأجيج الفتن والخلافات.

كما أننا نود أن نؤكد أن منطقة الجبل الأحمر شأنها شأن بقية الأحياء الشعبية، تضم جماهيرًا من مختلف الفرق التونسية، كلوبستية و مكشخين، سواحلية و صفاقسية و جمهور البقلاوة ورغم اختلاف الإنتمائات، فإن روابط الأخوة تظل قائمة و حب الشبيبة يجمعنا، و لا مكان للشيطان و لا للفتنة بأن تتسلل بيننا بفضل الله.

وبخصوص حضور مديرنا الرياضي عبد السلام بوحوش، في حفل تقديم لقب كأس العالم للأندية الذي نظمته جمعية الترجي الرياضي التونسي، فإننا نستغرب من محاولة البعض استغلال هذا الحضور لتحقيق أغراض شخصية ضيقة. حيث لاحظنا انتقادات غير مبررة بسبب مشاركته في الحدث، خاصة بعد تصريحه بأنه من مشجعي النادي الإفريقي. وهنا، نوضح أن هذا التصريح جاء ردًا على سؤال أحد الصحفيين حول حضوره ككلوبيست لهذا الحفل، مما دفعه ببساطة و بكل عفوية إلى ذكر انتمائه الكروي مع التأكيد أن حضوره كان بصفته مدير رياضي للشبيبة الرياضية بالعمران.

وفي الختام، ندعو كافة الجماهير الرياضية إلى التعقل والابتعاد عن التعصب الأعمى قبل أن تنجرف البلاد نحو كارثة حقيقية، خاصة في ظل تنامي مظاهر العنف في كافة الملاعب التونسية ، والتي تنطلق من مجرد تعاليق في العالم الإفتراضي لتمتد للعالم الحقيقي. يجب أن نوقف هذه الظواهر الخطيرة، من شتائم وتهديدات ونعرات جهوية، قبل فوات الأوان وأن نتذكر أننا مسلمون قبل كل شيء، وأنه من السذاجة والعبث أن نتقاتل بسبب رياضة كان من المفترض أن تقرب بين الناس لا أن تفرقهم.

"والفتنة إذا ثارت عجز الحكماء عن إطفاء نارها"

27/01/2025

12 جمعية على 16 قامو بتهنئة المكتب الجامعي الجديد.
علاش ؟؟ على خاطرهم هوما جمعيات كرة قدم و الهيكل المنظم للعبة هاذي جاه مكتب جديد باش يسيرو في المدة الجاية.. هوني العادي و المعمول بيه هو تهنئته .
12 جمعية هناوه وقتلي فيهم 7 كهو إنتخبوه، يعني التهنئة ما تجيش كان من عند إلي إنتخب المكتب هذا !
مع هذا نلقاو تعاليق تكتبت في الصفحة الرسمية من نوع هاي قفة هاو فارينة هاو درا شنوة، لاخر فالك تحبو تمنعو و لاخر كاتب طيحتو قدر الجبل جملا وحدة !!!
هوما و الحمد لله ماهمش برشا و لكن وجب التوضيح و نحطو النقاط على الحروف
تطييح قدر الجمعية هو وقتلي تلعب في بلادك و جمهور ما يحضرش
تطييح قدر الجمعية هو كيف تشجع الفريق المنافس متاعك و تحب جمعيتك تخسر باش تجم تنبر
و تطييح القدر خاصة هو كيف تنبر على جمعية حومتك ولا مسؤول من حومتك على الفايسبوك باش تلم جامات ولا باش تظهر متعصب أكثر مالناس الكل
أما تهنئة مكتب جامعي جديد تم إنتخابو من طرف أغلبية رؤساء الجمعيات عمرو لا كان تطييح قدر و لا عيب.
حاجة أخرى وجب توضيحها للناس إلي ولات تنقد فينا على تكريم الفرق و لخرين إلي يحبو يطلعونا نخدمو لمصلحة فرق معينة ،
شبيبة العمران علاقتها طيبة مع ال15 الفريق إلي معانا ، بالترجي و الإفريقي و النجم و البقلاوة لقفصة و تطاوين و بن قردان، الكل بدون إستثناء و اي جمعية جات ولا باش تجي لزويتن رانا كرمناها بالنوار و باش نكملو هكاكة لنهاية الموسم مهما تكون نتيجة المباراة و مهما يكون الترتيب، و باش نبقاو حارصين إن شاء الله باش تبقى العلاقة متميزة مع الفرق الكل !!
و لا تحبونا نتصرفو بخمج و فوضى و حجر يخيّط باش تقولو مسؤولين يغيرو على الجمعية و رجال ياسر ؟؟؟
علاقتنا طيبة مع الكل و حارصين باش تبقى طيبة بالرغم من التقلقيل و إلي يحبو يزرعو الفتنة في التراكن،
و كيف كيف مع كل الهياكل الرياضية ، تظلمنا في 5 مباريات في الذهاب و لا واحد من الهيئة خرج نهار حكا على حكم و لا على مساعد و لا تشكينا و لا تبكينا، نلعبو كرة للكرة و ديما التقصير منا أحنا و نحاولو نصلحو باش نزيدو نقدمو، أول قاعدة في تحمل المسؤولية هي انك ما تلصقش الفشل متاعك في طرف آخر حتى او كان عندو نسبة !
فما مافيولا تصير و فما عباد تفهم كرة تعرف وقتاش تظلمنا، غير هذا البكاء الزايد موش بش يربحنا شيء
يعني ملخر عمرنا لانا باش نكونو باراشوك لحتى طرف،
شبيبة العمران في للرابطة الأولى بهدف واحد ، تشريف المنطقة، جينا باش نبدلو نظرة العباد للأحياء الشعبية عامة و للجبل الأحمر خاصة. نلعبو كرة للكرة فوق الميدان و نخليو إنطباع طيب في الشارع الرياضي.
يرحم والدين الناس الكل إلي واقفة معانا من كل الجمهورية تقرى تعاليق من معتمديات بعيدة تخليك تحس بالفخر و يشجعك. و ربي يهدي الكعبتين و كعبة إلي ساعات يكتبولك تعليق مستفز و يفشلك !

17/01/2025

الله أكبر، إن لله وإن إليه راجعون
ببالغ الأسى و الحزن تلقينا خبر وفاة الدكتور طارق فريعة الطبيب السابق للترجي الرياضي الجرجيسي
و بهذه المناسبة الأليمة تتقدم الهيئة المديرة للشبيبة الرياضية بالعمران برئاسة السيد طارق حمزة بالتعازي لكافة افرد العائلة و كافة أهالي جرجيس و تسأل الله أن يتغمده بواسع رحمته و يسكنه فسيح جناته و يرزق أهله و ذويه جميل الصبر والسلوان.
إن لله و إن إليه راجعون.

20/12/2024

الله أكبر، إن لله وإن إليه راجعون
ببالغ الأسى و الحزن تلقينا خبر وفاة محمد بن سمير، لاعب و مدرب سابق في صنف كرة اليد بالشبيبة الرياضية بالعمران
و بهذه المناسبة الأليمة تتقدم الهيئة المديرة للشبيبة الرياضية بالعمران برئاسة السيد طارق حمزة بالتعازي لكافة افرد العائلة و تسأل الله أن يتغمده بواسع رحمته و يسكنه فسيح جناته و يرزق أهله و ذويه جميل الصبر والسلوان.
إن لله و إن إليه راجعون.

صحيفة الشبيبة الرياضية بالعمران - JSO Magazine

17/03/2025

16/03/2025

14/03/2025

13/03/2025

11/03/2025

06/03/2025

26/02/2025

21/02/2025

17/02/2025

27/01/2025

17/01/2025

20/12/2024

Address

Website

Alerts

Shortcuts

Share

Category