Forum Clubiste

Forum Clubiste Agir pour le CA ❤️🤍 LA VOCE DI CA

يا القطب المالي و الستراتيجييا مهدي ميلاد و محسن الطرابلسيالجمهور ديما يقعد أكثر مكوّن دعم النادي تاريخيا، ماديا و معنوي...
01/08/2026

يا القطب المالي و الستراتيجي
يا مهدي ميلاد و محسن الطرابلسي

الجمهور ديما يقعد أكثر مكوّن دعم النادي تاريخيا، ماديا و معنويا.
الجمهور بدى يشوف في بوادر متاع موسم دون الطموحات.
صيف complètement raté من ناحية المداخيل (يا قطب يا فااااشل) و بوادر فشل في الميركاتو (معتز زدام و ياسين مرياح في المستوى و الباقي مستوى 2 و 3).
جوارات جايين يعملو في test في فريق هازز بطولة و ماشي لإفريقيا بطموحات كبيرة.

3 أسابيع لإصلاح ما أفسد و الحساب يبدى من اليوم.

لا مكان للعاطفة في الأمور الفنية.ماهر الكنزاري (حسب الهيئة المديرة الناجحة إلى حد الآن) هو رجل المرحلة.الجمهور إلي كان م...
21/07/2026

لا مكان للعاطفة في الأمور الفنية.
ماهر الكنزاري (حسب الهيئة المديرة الناجحة إلى حد الآن) هو رجل المرحلة.
الجمهور إلي كان مثالي العام لي فات و ما تدخلش في عمل و قرارات الهيئة (خاطرو ماهوش مؤهل باش يتدخّل) بدى يبلبز و رجع للشعبوية الفاشلة إلي ما عندها حتى علاقة بالرياضة.
دور الجمهور هو الدعم ثم التقييم.
ربي معانا. ❤️🤍

ما عندكش abonnementما شاركتش حتى ب10dt في all4one.رأيك في الميركاتو و في مستقبل الفريق ما عندو حتى قيمة.
18/07/2026

ما عندكش abonnement
ما شاركتش حتى ب10dt في all4one.

رأيك في الميركاتو و في مستقبل الفريق ما عندو حتى قيمة.

14/07/2026

علاش ما نعملوش média clubiste ؟
شنوا لي يمنع باش يكون عنا média clubiste ؟

تحاليل ماتشوات - actualités - reportages & documentaires - بودكاست ...

إشتراك شهري ب 20 دينار ... 20 ألف كلويست مشترك ... 400 ألف دينار في الشهر.

🤔

فيرغي تشامبرز يساري راديكالي، عمره ما خبّى أفكارو، واختار يكون واقف 100% مع القضية الفلسطينية… موش بالشعارات ولا وقت الت...
13/07/2026

فيرغي تشامبرز يساري راديكالي، عمره ما خبّى أفكارو، واختار يكون واقف 100% مع القضية الفلسطينية… موش بالشعارات ولا وقت الترند، أما بالمواقف، بالفعل وبفلوسو زادة.
وفي العالم إلي عايشين فيه اليوم، وين النفوذ الصهيوني حاضر بقوة في السياسة والإعلام والاقتصاد، كي تختار تكون واقف للآخر مع فلسطين، إلي صار اليوم ما كانش مفاجأة… وكان متوقّع عاجلاً أم آجلاً.
أما بالنسبة لصفحات الجار إلي لقاتها فرصة باش تتشفّى وتتمسخر، رأيهم لا يهمّنا لا من قريب لا من بعيد. بالعكس، ردود أفعالهم تضحّك وتأكد قداش رجوع الإفريقي واقف على ساقيه مازال يوجعهم.
فيرغي جا للإفريقي في واحدة من أصعب الفترات في تاريخو. وقت إلي الديون كانت تخنق في النادي والمستقبل كان مجهول، آمن بالمشروع، وقف معانا وساهم بشكل كبير في إنقاذ الجمعية وإرجاعها للطريق الصحيح.
واليوم الإفريقي بطل تونس، وقريب أكثر من أي وقت من الاستقرار والاستقلالية المالية.
أكيد فيرغي كان عندو دور كبير، أما القوة الحقيقية كانت وستبقى جمهور الإفريقي: جمهور خلّص، ضحّى، صبر وما خلّاش جمعيتو تموت.
وهذا هو المودال إلي نفتخرو بيه: نادي يبني استقلاليتو بقوة جمهورو، موش نادي حاضرو ومستقبلو مربوطين بشخص واحد.
وقبل ما البعض يبدى ينبح يلزم يتفكر الفرق بيناتنا:
إنتوما عملتو تيفوات بوجوه سليم شيبوب وحمدي المدّب، و رديتو الأشخاص رموز تتعلّق في المدارج. تاريخكم الحديث مربوط برئيس سابق صدرت في حقّو أحكام بالسجن، وحاضركم مازال مربوط بحمدي المدّب، ممثل دانون في تونس.
أما إحنا، حتى فيرغي إلي وقف معانا في أصعب الظروف وساهم في إنقاذ النادي، عمرنا ما عملنا منّو رمز، وعمرنا ما حطّينا وجهو في تيفو.
خاطر الأشخاص يجيو ويمشيو… أما الإفريقي يبقى.
رمزنا موش رئيس، موش مستثمر وموش ممول.
رمزنا شعار النادي الإفريقي، تاريخو، ألوانو وجمهورو.

أحنا وإنتوما موش كيف كيف…
والحمد لله إلي موش كيف كيف.
UNO DI NOI 🇵🇸🔴⚪

من أهم الحاجات إلي خلات الإفريقي ما تضيّعش الـ équilibre متاعها الموسم إلي تعدّى وتوصل للقب، هي وعي جمهورها بالأساليب ال...
12/07/2026

من أهم الحاجات إلي خلات الإفريقي ما تضيّعش الـ équilibre متاعها الموسم إلي تعدّى وتوصل للقب، هي وعي جمهورها بالأساليب القذرة متاع سيستام كرة القدم التونسية.

والحلقة الأولى والأهم في السيستام هذا هي الإعلام.

تونس تقريبًا من البلدان القليلة إلي فيها تغطية رياضية بالكثافة هاذي:

🔴 الراديو الأحمر: برنامج رياضي يومي على عام كامل.
🔵 الراديو الأزرق: برنامج رياضي يومي على عام كامل.
📺 برنامج قناة «تونسهم» الرديء... إلخ، إلخ.

أما المقاربة في الأعوام الأخيرة ولات أخبث برشا.

ناخذو كمثال الراديو الأحمر وبرنامجو اليومي:

معلّق متعصّب لجمعيتو، داير بيه كرونيكورات يقدّمهم على أساس إنهم محايدين وبرشا منهم يمكن فعلًا يحاولو يكونو محايدين.

أما عدم الحياد ما عادش بالضرورة في الرأي.

عدم الحياد ولى في اختيار المواضيع.
في شنوّة يتحلّ وشنوّة يتدفن.
في توقيت طرح الموضوع.
في طريقة صياغة السؤال.
وفي الخبث إلي يتخبّى وراء السؤال.

كرونيكورات على قدّ يديه، يلعب بيهم كيف الماريونات ويوجّه في النقاش وين يحب. وكيف يلقى الحكاية ماشية في اتجاه ما يعجبوش، يقصّ عليهم، يدخل في الوقت المناسب، ويعطينا رأيو في دور الإذاعي الحكيم، الرصين، المحايد والمختلف.

وباش خوّنا يعمل الـ équilibre بين فرق العاصمة (خاطر البرنامج عاصمي بامتياز، وهاذا موضوع آخر) وما نلقاو ما نحكيو معاه، عمل حصة مخصّصة مرة في الأسبوع لاستبلاه جمهور الإفريقي:

حصة عبد الوهاب بالحاج.

الإعلامي الكبير... في العمر.

شايخ ببلاصتو في موزاييك وموش مستعد يسلّم فيها، حتى كان يستعملو فيه كأداة équilibre.

يجيبهولنا الإعلامي «المحايد»، ويبدى يعطينا في حصريات من نوع:

«فوزي البنزرتي متفائل و فرحان برشا»
«النادي الإفريقي في مفاوضات مع عدة لاعبين»
«فما خبر سار باش يفرح برشا جماهير الإفريقي»

وهكّا سي الإعلامي ياخذ étiquette النزاهة والحياد، وبعد يرجع للتهريج متاعو مع كرونيكوراتو البودورو، إلي في 2026 مازالو يحلّلو الكرة بالأمثلة الشعبية، بالتنبير، وبادّعاء المثالية.

وفيهم شكون بعث صبع لجمهورو، واعتدى على لاعبين في الماضي القريب، وبعد يطلع يعطينا دروس في الأخلاق والرزانة...

نسبة كبيرة من جمهورنا بدات تفيق.

والأهم: لازمها تقعد فايقة.

الحل موش بالضرورة في مقاطعة البرامج هاذم.

الحل إننا نسمعوهم، نضحكو عليهم، نفكّكو خطابهم، نكشفو أساليبهم، ونورّيو للناس كيفاش تتصنع «الموضوعية» وكيفاش يتباع التوجيه في قالب نقاش رياضي محايد.

خاطر الإعلام المنحاز موش ديما يقولك شنوّة لازم تفكّر...

ساعات يكفي إنو يختارلك شنوّة لازم تحكي عليه.

والصفحة هاذي باش تعمل من تكمبينهم وكشف ألاعيبهم فقرة شبه يومية.

يتبع...

موسم التأكيد محلياموسم العودة لإفريقياموسم المداخيل القياسيةأبونمون + سوسيوس + all4one + مريول KELME = واجب.
11/07/2026

موسم التأكيد محليا
موسم العودة لإفريقيا
موسم المداخيل القياسية
أبونمون + سوسيوس + all4one + مريول KELME = واجب.

العام لي تعدى كان ربحنا منو حاجة هي أنو فهمنا كيفاش تتهز البطولة.صبر، solidarité و ثقة في الprocess.عادي إنك تخسر ماتش ع...
10/07/2026

العام لي تعدى كان ربحنا منو حاجة هي أنو فهمنا كيفاش تتهز البطولة.
صبر، solidarité و ثقة في الprocess.
عادي إنك تخسر ماتش
عادي إنك تضيع بينالتي
عادي إنك تتعادل في بلادك
عادي إنك تكون موش في نهارك

جمهور الإفريقي العام لي فات كان مثالي. من الأول للآخر. ما شكّش ما نبّرش ما سبّش و ما أيّسش.

2026 2027 نعاودوها.
الإفريقي بطل ⏳️🏆

Record ديما عندي ❤️🤍الأبونمون واجب على كل كلوبيست صحيح.
08/07/2026

Record ديما عندي ❤️🤍
الأبونمون واجب على كل كلوبيست صحيح.

Address

Tunis

Website

Alerts

Be the first to know and let us send you an email when Forum Clubiste posts news and promotions. Your email address will not be used for any other purpose, and you can unsubscribe at any time.

Shortcuts

Share

Category