الواحد يشري علوش قطايع ويركبو وحدو في الدار
دوارة 40 د و 10كيلو لحم بـ500د وراس بـ20د.
جات على التبعبيع اتو نبعبع وحدي موش مشكلة .
26/04/2024
🔴 ناس بكري قالو
إذا كان باش تغرس أغرس النخلة تربح الظل وتاكل من العرجون
وإذا كان مريض شوف عسل النحلة هو أحسن غذاء ودواء في الكون
وإذا حبيت تتهنى شوفها على أصلها وفحلة في بالك ترتاح ولعرضك تصون .
وإذا مليت اخرج وأعمل رحلة خير ما تعيش ديما مغبون .
البڨرة النطاحة والنعجة الصياحة والمرأة النواحة ماتخليهم يدورو في الساحة
والمرأة الخبارة والدجاجة الغبارة كسيبتهم في الدار خسارة
والسلوڨي اذا نبح والراجل اذا شطح ادي للواد وأذبح
والمكحلة الثقيلة والمرأة الهبيلة والضرس العليلة مافيهم حتى دواء و حتى حيلة .
تحية من القلب للناس اللي تفهم المعاني❤
24/04/2024
كلمتين خفاف و يد وحدة 🤛🏻🤜🏻 تو تشوفو وحدكم كيفاش كل شي يتبدل ...
مقاطعة شراء علوش العيد لازم تكون واجب كما عملو في المغرب وصلو 73% مشراوش اضاحي و العيد لي بعدو رخص....
لمطر موجودة ولحشيش موجود على غير 7 سنوات الفارطة و الفلاح مازال يقلك العلفة غالية و طالب في القطوس 900 و 1100د
برتاجي وقاطع 🐏🐑❌
22/04/2024
21/04/2024
قالك ثمة مرة واحد لقى لفعة فوقها حجرة غاضاتو حب يعاونها نحّى الحجرة من فوقها كي كمل قالتلو راني حالفة ألي يساعدني نلسعو قالها ألعني ابليس كيفاش أنا ساعدتك وانت تحبي تلسعيني قالتلو نلسعك نلسعك راني حالفة
قالها باهي نسألوا ثلاثة حيوانات نلقوهم في طريقنا اذا عطوك الحق ألسعيني
أيا مشوا لقوا بقرة في الثنية حكاولها الحكاية قالتلهم الإنسان قد مانعطوه الحليب ينكر الخير وفي الأخير يذبحنا ألسعيه يستاهل
زادو مشوا لقوا بهيم سألوه قالهم الإنسان قد مانخدموا ونهزلوا حاجاتوا يقسى عليا ويضربني ألسعيه يستاهل
زادوا مشوا لقوا حبيبنا الذيب حكاولوا القصة قالهم أنا منصدقش حتى تعاودوا تمثلولي المشهد من أول وجديد
أيا تكسلت اللفعة وعاود الراجل حط عليها الحجرة قالوا هكة لقيتها
قالوا خليها كيما لقيتها باش تعرف قيمتها نكارة الخير
إن أكرمت اللئيم تمردا والحديث قياس وهذا حال اغلب الناس تصله فلا يصلك، وتهديه فلا يقدرك، وتحسن إليه فيسئ، وتكرمه فيغدر، وإن من الغدر لصوراً وأشكالًا.
17/04/2024
💐نهاركم نجاحات💐
وفّق الله أبناءنا تلاميذ معهد صالح بن يوسف بالقصور
بدايتها بكالوريا رياضة و ختامها نجاح بقدرة الله .
14/04/2024
قالو يا بابا وقتاش نوليو شرفاء ؟؟
قالو يا وليدي حتى يموتو كبار الحومة...
قالو يا بابا زعمة الوقت ينظفنا ؟؟.
قالو يا وليدي العار أطول من الأعمار والنخّالة ما تولي دقيق والبصلة عمرها ما تولي تفاحة والخوّان عمرو ما يكون صديق وقليل الأصل ما تثمر فيه الملاحة وبعض الناس ما تنفع فيهم كان القباحة يا كبدي.
أمّا أعمل الخير وانساه وإذا عملت الشرّ تفكرو ويا حافر حفرة السوء ما تحفر كان قياسك والزمان يدور يدور وما ترجع كان براسك..
Be the first to know and let us send you an email when Sada el Ksour-صدى الڨصور posts news and promotions. Your email address will not be used for any other purpose, and you can unsubscribe at any time.
