12/02/2026
من شباط 2020 بتتذكروا شو صار؟
كان في أخبار عن فيروس بعيد بالصين…
والحياة طبيعية…
أسهم طالعة…
سفر… مدارس… قعدات…
وبثلاث أسابيع العالم تغيّر.
اليوم نحن بنفس المرحلة…
بس مو فيروس.
ذكاء اصطناعي.
أنا قرأت مقالة لمات شومر (مستثمر ومؤسس شركة AI)
وإذا 50% من يلي حكيه صحيح… نحن داخلين على أكبر هزة وظيفية بتاريخ البشرية.
خليني بس أعطيكم أرقام:
▪️ 2022: الذكاء الاصطناعي كان يغلط بضرب 7×8
▪️ 2023: نجح بامتحان المحاماة
▪️ 2024: صار يكتب برامج كاملة تشتغل بدون أخطاء
▪️ 2025: مهندسين كبار سلموه شغلهم
▪️ 2026: GPT-5.3 Codex و Claude Opus 4.6 غيروا اللعبة بالكامل
اليوم في موديلات مثل:
ChatGPT 5.3 (Codex)
Claude Opus 4.6
Kling 3 للفيديو الواقعي
Sora / Sedance 2 لإنتاج مشاهد سينمائية كاملة
مو عم يحسنوا شوي…
عم يحلوا المشكلة كاملة من الألف للياء.
بتقله:
"بدي تطبيق بهالمواصفات"
بيرجعلك:
✔️ الكود كامل
✔️ مختبر لحاله
✔️ معدل أخطاؤه
✔️ مصمم تجربة المستخدم
✔️ جاهز للنشر
بتعطيه:
ملف قانوني → بيحلله ويكتب رد قانوني
بيانات مالية → بيبني نموذج استثماري
داتا فوضوية → بيطلع insights احترافية
مشكلة معقدة → بيقسمها ويحلها خطوة خطوة
وفي مؤسسة اسمها METR بتقيس قدّيش AI يقدر ينجز مهمة لحاله بدون تدخل بشري.
من سنة: كان ينجز مهمة مدتها 10 دقائق
بعدين ساعة
بعدين 5 ساعات
والمنحنى عم يتضاعف كل 4–7 أشهر.
إذا استمر هيك:
خلال سنة → يشتغل أيام كاملة بدون تدخل
خلال سنتين → مشاريع أسبوع
خلال 3 سنوات → شهر كامل لوحده
CEO أنثروبيك توقع:
50% من وظائف المكاتب للمبتدئين ممكن تختفي خلال 1–5 سنوات.
مو لأنه AI عم يستبدل مهارة وحدة…
لأنه عم يستبدل التفكير نفسه.
أي شغل:
قراءة
كتابة
تحليل
تقارير
قرارات
إيميلات
برمجة
دراسة ملفات
إذا بيصير على شاشة…
هو داخل منطقة الخطر.
والأخطر؟
GPT-5.3 ساعد ببناء نفسه.
يعني الذكاء الاصطناعي صار جزء من تطوير النسخة الأذكى منه.
حلقة تسارع.
مو تطور خطي…
تضاعف أُسّي.
هل لازم تخاف؟
لا.
بس لازم تصحى.
إذا أنت:
محامي – محاسب – محلل – مبرمج – مدير – كاتب – موظف إداري
وما عم تستخدم أقوى نسخة مدفوعة من أدوات AI يومياً بشغلك…
أنت مو عم تواكب.
الناس يلي عم تتقدم اليوم مو الأذكى.
يلي عم تتقدم هي يلي:
عم تستخدم AI ليعمل شغل 3 أيام بساعة.
الفرق بين شخصين بنفس الشركة خلال سنة من هلأ
رح يكون مخيف.
واحد بيشتغل لحاله.
واحد عنده فريق ذكاء اصطناعي كامل.
السؤال مو:
“هل رح يأثر علينا؟”
السؤال:
“إيمت رح يوصل لعندي؟”
وإذا لسا شايف الموضوع مبالغ فيه…
تذكر شباط 2020.
—
ملخص عن مقالة مات شومر
(أنصح تقرؤوها كاملة)
