T 24 TV

08/08/2025

امریکانینگ باش قاضیتی پام بوندی، پنجشنبه گۆنی، ونزوئلانینگ جمهور باشلیغی نیکولاس مادورو-نینگ توتساغ ادیلمه‌گینه سبأپ بولوپ بیلجک هر هیلی معلوماتلار اۆچین 50 میلیون دالار بارغی (جایزه) برجکلیگینی آیتدی.

ونزوئلانینگ جمهور باشلیغی، 12 گۆنلۆک ایران- اسرائیل اوروشیندا، ایرانی غولدادی و امریکا بیلن اسرائیلی اینگ گؤدک سؤزلر بیلن یازغاریپ‌تی.

امریکا، مادورونی نشه سریشده‌لرینه و غالپ‌چیلیغا کُمک اتمکده عیب‌لیور.

https://t24.media/
https://www.youtube.com/

08/08/2025

تورکمن دیلی و ادبیاتینا بولان غیزیقلانمانینگ آرتماغی؛ بو ییلقی کانکور سیناغیندا 39 اوقوچی بو بؤلۆمه قبول ادیلدی.

گچن ییل جوزجان بیلیم یوردوندا، تۆرکمن دیلی و ادبیاتی بؤلۆمی اوقوچی یتمزچیلیگینه دوچار بولوپ بیر ییل تعلیق غالیپ‌تی.

بو بؤلۆمه اوقوچی چکمک اۆچین انترنت اولغاملاریندا گچیرلن خبر سریشته‌لری، مدنی و جمعیت ایشنگیرلری‌نینگ ادن ایشلری‌ و (T24 tv)-نینگی یولا غویان کمپاینلاری‌ یاشلارینگ انه دیللرینه و فرهنگ‌لرینه بولان سؤیگیسینی آرتدیدیپ، اولاردا اۇز انه دیللرینده اوقیماغا هؤوه‌س دؤرتدی.

بو اۆستۆنلیک، یاش تورکمن نسلی‌نینگ آراسیندا مدنی اویانماغینگ علاماتی و افغانستانداقی تۆرکمنلرینگ دیلینی و فرهنگینی غوراپ ساقلاماق و یایراتماق اۆچین مهم آردیم‌دیر.

https://t24.media/
https://www.youtube.com/

06/08/2025

تۆرکیأنینگ خوفسیزلیق چشمه‌لری، داشاری یورت رعیتی بولان بیر آدامینگ، دوشنبه گۆنی آغشام استانبولداقی تاریخی آیا صوفیه مسجدینی اودا یاقماغا سینانشانلیغینی آیتدی.

انتک کیملیگی آچیقلانمادیق بو آدام، مسجده گیرندن سونگ اوت یاقیپدیر؛ رسمی‌لرینگ خبر برمه‌گینه گؤرأ، تیز کُمک و خوفسیزلیق گۆیچلری یانغینی یایرامازدان اؤنگ اؤز وقتیندا اؤچۆریپ، بو تاریخی یادگأرلیگینگ ضایع‌لانماغی‌نینگ اؤنگۆنی آلماغی باشاریپدیرلار.

استانبول پولیسی، ایشگأرلری و شُبهه‌لی آداملاری توتساغ ادیپ، ایشلرینینگ درنگلیونلیغینی و قاضیت ایشی‌نینگ غوزغالجاغینی آیدیپدیر.

یونسکو-نینگ بۆتین دنیا میراثی‌نینگ ساناوینا یازیلان ایا صوفیه مسجدی، تؤرکیأنینگ اینگ مهم تاریخی و دینی نشانلاریندان بیریدیر و هر ییل دنیانینگ دۆرلی کۆنجه‌کلریندن میلیونلارچا آدام گؤرمأگه گلیور.

https://t24.media/
https://www.youtube.com/

05/08/2025

بلخ بیلیم یوردوندا بولوپ گچن اۆیتگشمه‌لردن و دوکتور محمدصالح راسخ‌ینگ «ماسترلیق برنامه‌لارنینگ باشلیغی» وظیفه‌سیندن بوشادیلماغیندان سونگ، اول حأضر جوغاپکأرلرینگ تأزه قراری بیلن علمی ایشلرینه دوام برجکدیر.

گلیپ یتن معلوماتلارا گؤرأ، اونونگ اؤنگکی بستی، یوقاری بیلیم وزیرلیگی‌نینگ آزالتماق (تنقیص) پروسه‌سی‌نینگ چأگینده آلینیپ‌تی یؤنه دوکتور راسخ‌، T24 میدیاسینا، بلخ بیلیم یوردونینگ دری دیلی و ادبیاتی بؤلۆمی‌نینگ استادی حؤکمونده وظیفیه‌سینه دوام اتجگینی تصدیقلادی.

یازیجی و گؤزله‌گچی رحمت‌الله تورکمن، بو خبره جوغاب حؤکمۆنده، "بیلیم یوردا، استاد راسخ‌ینگ تأزه‌دن غایدیپ گلمه‌گی، یوردونگ علمی دنیاسی اۆچین اولی خبر بولوپ، یوقاری بیلیمی گۆیچلندیرمکده اونگین رول اویناپ بیلر" - دییدی.

https://t24.media/
https://www.youtube.com/

05/08/2025

اوغانستاندا سیاسی حزب لارینگ ایش تاریخی دموکراسی نینگ اون ییل لیغنا(۱۳۴۰- ۱۳۵۰)ییل لارا غایدیپ گلیار. بوحزب لار،چپچی بولسون یا اسلامچی،اوءزلریندن ریکورد غویوپ گیدن و بوبارادا بها برمک لیک بولسا خلقینگ و وتاریخینگ پایینا دشیار. بوگون ،بیز تاریخینگ تازه تاپغیریندا دوریس؛
بوتاپغیر،سیاسی حزب لارینگ خلق بیلن سیاسی گویچ آراسینداقی آراچی غورامالار حکمونده رولونی دیکلتمگی طلب ادیان تاپغیردیر. جهاندا سیاسی حزبلارینگ دویبی، کوءپولنچ اوچ خصلت دا توتولیاندیر:
۱- ملی وترانس ملی چمه لشیان خلق حزبلاری؛
۲- آیراتین فکرلنمه اساسلارا انس بریان ایدیولوژیکی حزب لار؛
۳-اوچونجی دنیادا رواچ تاپان شخصیت لر طرفیندان دولاندیریلیان حزبلار.
اینگ غووسی ، سیاسی حزب خلقینگ سیاسی اقبالیندا خبر لی لیق، غوراماچیلیقلی و ایشجنگ غاتناشماغینگ غورالی بولوپ بیلر.

دوامییینی ویب سایت میز دن اوقاب بیلرسینگیز

(اوغانستانینگ ملی عدالت)حزبی نینگ غورولماغی بارادا بیرناچه سوءزاوغانستاندا سیاسی حزب لارینگ ایش تاری

05/08/2025

فاریاب پولیسی‌نینگ سرکرده‌لیگی، قرغان اولوسواللیغی‌نینگ «دشت‌کمانگیر» اوباسیندا بی‌قانون غازو- آختاریش ایشلری و تاریخی یادگأرلیکلری و انتیکلری اوغورلاماق بیلن بیر آدامی توتساغ ادنلیگینی آیتدی.

فاریاب پولیسی‌نینگ خبرناماسینا گؤرأ، بو آدامدان اپ-اسلی قدیمی و انتیک زاتلار اله سالینیپدیر.

بو یادگأرلیکلر، مهم تاریخی اهمیته اییه و رسمیلرینگ فکریچه، سبیتینگ مدنی میراثی‌نینگ بیر بؤله‌گی حسابلانیور.

پولیس جوغابکأرلری، عیب‌لانیون آداملارینگ شخصیتینی معلوم اتمه‌دی، یؤنه بلخ ولأیتی‌نینگ یاشایجیسی‌لیغینی آیتدی. شؤیله هم اونونگ یولداشلاریندان بیری‌نینگ غازو-آختاریش انجاملاری بیلن غاچیپ بیلنلیگی و خوفسیزلیق گۆیچلری طرفیندان گؤزلنیون‌لیغی خبر بریلدی.

فاریاب ولأیتی‌نینگ خوفسیزلیق گۆیچلری، ایکینجی گُناه‌کأرینگ توتساغ ادیلمه‌گی اۆچین دگیشلی اداره‌لارینگ خدمتداشلیغی بیلن دوام اتیونلیغینی آیتدی.

https://t24.media/
https://www.youtube.com/

04/08/2025

ملی توپارینا قبول ادیلن اویونچیلار: غلام‌رسول حیدری، عاشور میرآبادی و الله‌نظر کریمی اندخویلی تورکمن یاشلاریدیر.

بو ذهینلی و زحمت‌سؤیر یاشلارینگ ملی والیبال توپارینا غوشولماغی، افغانستان تورکمنلرنینگ جمعیتی اۆچین آبرایلی اۆستۆنلیک حسابلانیور.

ملی و خلق‌آرا یاریشلاردا یاختی گچمیشی بولان بو اویونچیلار، تخنیکی اوقیپ‌لارینی و سپورتا بولان اقرارلی‌لیغینی گؤرکزمک بیلن تعلیم‌چیلرینگ و هنأرمنلرینگ اۆنسلرینی اؤزلرینه چکمه‌گی باشاردیلار.

یوردونگ دۆرلی ولایتلریندن یرلی، سبیتله‌یین و حتی داشاری یورت یاریشلاریندا شُعله ساچیون بو تورکمن یاشلاری ایندی افغانستانینگ ملی والیبال توپارینینگ گؤرنۆکلی اویونچیلاری حؤکمۆنده تانیلیورلار.

اولارینگ اۆستۆنلیکلی چیقیشلاری و اویونلاری دینگه بیر ملی توپ اویونلادیندا بولمان، خلق‌آراسیندا، اساسان هم تۆرکمن خلقی‌نینگ آراسیندا کؤپ مشهورلیق غازاناندیرلار.

بو اویونچیلارینگ ملی توپارینا غوشولماغی، یوردونگ دۆرلی اتنیک قوملارنینگ آراسیندا سپورت اویونلارنینگ و ذهینلرنینگ اؤسمه‌گی‌نینگ آیدینگ علاماتی‌دیر و یقین وقتدا گچیریلجک یاریشلاردا افغانستان اۆچین مناسب وکیل بولوپ بیلجکلرینه امید دؤرتیور.

https://t24.media/
https://www.youtube.com/

03/08/2025

انگلیستانینگ ملی ایلات ساناوی (احصائیه) غوللوغی طرفیندان یایرادیلان ساناولارا گؤرأ، ۲۰۲۴-ینجی ییلدا مسلمانلارینگ پیغمبرینینگ آدی بولان «محمد» آدی، انگلیستاندا و ولز-ده اوغلانلار اۆچین اینگ مشهور و چاغالارا کؤپ تاقیلان آت بولدی.

بو آت ۲۰۱۶-ینجی ییلدان بأری همیشه اینگ یاغشی ۱۰ اوغلان آدی‌نینگ توپارینا گیریپ گلیور.

پنجشنبه گۆنی ایردن نشر ادیلن ساناودا ۲۰۲۴-ینجی ییلدا انگلیستاندا و ولز-ده تاقیلان اینگ غووی ۱۰۰ سانی اوغلان و غیزینگ آدی گؤرکزیلیور.

اوغلان آتلارنینگ آراسیندا «محمد» آدیندان سونگ «نوح»، «اولیور»، «آرتور»، «لیو»، «جورج»، «لوکه»، «تیودور»، «اوسکار» و «آرچی» آتلاری ۱۰ غووی آتلارینگ آراسیندا یر آلاندیر.

غیز آتلارنینگ آراسیندا «اولویا» آدی هنیزم اینگ مشهور آت؛ اوندان سونگ «آملیا»، «لیلی»، «ایسلا»، «ایوی»، «فلورنسیا»، «فریا»، «پاپی»، «اوا» و «السی» آتلاری بار.

https://t24.media/
https://www.youtube.com/

03/08/2025

بو بأسله‌شیگه بنگلادیش، مالدیف، پاکستان، تورکمنستان، هندستان، تاجکستان، بوتان، قیرغیزستان و افغانستان یالی مرکزی آسیا یورتلاری غاتناشجاقدیر.

بنگلادیش‌ینگ پایتختی، داکا شهرینده غورنالان بو یاریش میزان آیی‌نینگ، ۳۰-یندن باشلار.

شؤیله بیر یاغدایدا، افغانستانینگ ملی والیبال توپاری، سونگقی آیلاردا تعلیمچی‌سیز‌ غالدی.
بو توپار اۆچین تأزه باش‌تعلیمچی بلله‌مک بارادا شو وقته چنلی خبر بریلمه‌دی.

https://t24.media/
https://www.youtube.com/

03/08/2025

تۆرکیأنینگ آذربایجان، قزاقستان، تورکمنستان، اوزبیکستان و قیرغیزستاندان عبارت تورکی جمهوریتلارینا بولان اکسپورتی شو ییلینگ ایلکینجی یاریمیندا تخمینان 5.1 میلیارد دالار بولدی.

https://t24.media/
https://www.youtube.com/

02/08/2025

یوردونگ آزاد یاریش (مبارزات آزاد) سپورتچی‌سی عبدالعظیم بدخشی، روس غارشیداشی نادر علی‌اف‌دان اوتولدی.

اول شو گیجه (شنبه) گؤره‌ش میدانینا گیردی و یاریشینگ اۆچ تاپغیریندان سونگ نتیجأنی روسیانینگ وکیلینه غالدیردی.

بو یاریش، هندیستانینگ (MFN) یاریش غوراماسی‌نینگ چأگینده گچیریلدی.

https://t24.media/
https://www.youtube.com/

02/08/2025

انرژی و سو وزیرلیگی بیلن بیر ایچرکی خصوصی شرکتینگ آراسیندا، 10 مۆنگ میگاواتلیق برق اؤندوریش تاسلامانینگ شرطناماسینا غول چکیلدی.

انرژی و سو وزیرلیگی‌، بو شرطنامانی اسلام امیرلیگی اۆچین مهم اۆستۆنلیک و افغانستانینگ اقتصادی اؤسۆشی اۆچین تأثیرلی آردیم دییپ خاصیت‌لندیردی.
شؤیله هم، ایچرکی و داشاری یورت مایادارلارینی (سرمایه‌گذاران) بار بولان ممکنچیلیکلردن پیدالانماغا و افغانستانا، اساسان هم انرژی و بؤیله‌کی پوداقلارا مایا غویماغا چاغیردی.

بو تاسلامانینگ باهاسی 10 میلیارد دالار بولوپ، افغانستانینگ تاریخیندا اینگ اولی مایا غویوملارینگ بیریدیر.

https://t24.media/
https://www.youtube.com/