02/08/2025
كيف نعمل مكدوس 😍😍
الطريقة والمقادير لخمسه كيلو 😍
منحيب بيتنجان حجم صغير بلدي او حموي او حمصي الي بتفضلو منشيل العوده اللي فوق ومنحطن بطنجره كبيره كتير ومنغمرن بالمي ومنحط عليهن تتقيله مشان تنغمر كل حبات البيتنجان بالمي
بس تغلي المي عالبيتنجان منستنى 15 دقيقه ومنختبر استوا البيتنجان بايدنا لازم مايكون مهتري ولا يابس استوا وسط اذا حسينا ماتستوى منيج منستنى شوي منشلين من المي المغليه وفورا منحطن بمي بارده ومنشيل الطربوش الاخضر تبع البيتنجان ومنحطن عصينيه بعدين بدنا ملح صخري بنعمل شق بنص البيتنجانه ومنحط تلت معلقه صغيره ملح جوا البيتنجانه ومنصفن بالمصفاي واذا كميه كبيره حطون بسحاره بلاستيك من الي الها شقوق ومكان ماعنلنا شق بالبيتنجانه بيكون لتحت وبس خصلنا كل الكميه منحط شي صحن كبير او خشبه حسب قياس المصفايه او السحاره ومنحط تتقيله كبيره وتقيله عليهن مشان تنزل كل المي من البيتنجان لحد مايبطل ينزل مي بالمره لان ان ضل مي بالبيتنجان رح يحمض طعمو
بتكون فرمنا 700 غرام جوز وراس توم وكيلو فليفله حمرا منحطا بالشمس لتدبل ومنفرما بمحضره الطعام واذا كان فيا الفليفله مي منصفيا منيح من المي
منحط الجوز والفليفله والتوم المهروس ومنملحن بملح صخري لتكون ملوحة مزبوطة ومنخلط الحشوه ومنحشي البيتنجان فيا ومنمسح المكدوسات بقماشه ومنصفن بقطرميز ومنعبي عليهن زيت زيتون بدنا ننتبه انو المحدوس رح يفور لهيك خلو شي صحن تحت القطرميز ولا تترسو القطرميز للاخير وبعد يومين تلاته بيكون حضرنا اطيب مكدوس وصحتين وهنا 😍😍طجولي لايك اذا كملتو قرايه 😍😍
