10/09/2025
Mahadsanid ustaad, juhdiga iyo dedaalka aad ku bixisay kor u qaadista wacyiga Ummadeenna Rabbi SW hakaa abaalmariyo.
Magacaa hajiro if iyo aakhiroba.
Safar yar baan ku jiray oo shalay iyo dorraad wax badan bogga maan haleelin. Dhalinyarada inta talooyinkayga soo dhoweysey iyo inta wax badan oo cay ah iigu bedeshey waan u mahad celinayaa dhawr sababood:
1) horta bogga waad kala kiciseen maashallah, 3k like ku dhowaad ayaa ku soo korodhay. Ajar badanna waan ka helay oo qaar baa xasanaadkoodii iigu deeqay.
2) qaar badan ayaa talooyinka iyo xogaha cilmi baarista ku salaysan si fiican uga falceliyey waa ku mahadsanyihiin, waxaan rajaynayaa in Ilaahay intii aragtaba ku anfaco.
3) xagga is barashada wadaadkani ilaahay mahaddiis waa soomaali, cid uu marti uga yahay soomaalinimana ma jirto, jabuuti ilaa jigjiga, borame iyo hargeysa iyo burco, ilaa buuhoodle iyo laascaano, ilaa boosaaso iyo qandala, gaalkacayo, gelinsoor, cadaado ilaa beledweyne iyo jawhar, xamar ilaa baydhabo, luuq ilaa kismayo iyo kamboni, ilaa garissa iyo wajiir, intaaba waan ahay adeero, Ilaahay baana mahaddaas leh waayo qof intaasba ahi soomaali waa ku yaryahay.
4) Soomaaliland markaan si gaar ah u tilmaamo, adeer waa beerka iyo wadnaha soomaalida, ninna beerkiisa ama wadnihiisa waranka kuma dhufto. Xumaan horana iigama dhicin 30 sano aan ka shaqaynayey haddana uma quudho, Cid iga xigtaana ma jirto adeer, dhirta iyo dhagaxa dooxa hargeysa iyo gibiley, sheekh iyo burco, ayaa garan og waxaan ahay haddaadan aqoon ee soo weyddii gobta reer sheekh isxaaq, culimo, siyaasi, salaaddiin, haddaad doontana dhulka iyo dhagaxa weyddii, Ilaahay agtiisana wey ka qorantahay. Isagaana dadka u garsoora.
Intaas baan anoo safar ku jira ka gaarey, haddii loo baahdana waan ku soo noqon inshallah.
