يحيى الجربي

09/07/2025

يسخّفوا فيا اللي كانوا في الجامعة معاي ينجحوا من الاوايل و منهم حصل معيد ….. قاعدين في الحقف تحت زيتونة

07/07/2025

ليبيا والنرويج من الدول اللي عندها نفط , بس فيه فرق كبير بيناتهم .
تفرج
#ليبيا #طرابلس #بنغازي

06/07/2025

في الفيديو هذا نتكلموا على مناطق طرابس من جت أساميها , هذا الجزء الأول
#طرابلس #قرجي #قدّح #جنزور #الزاوية

05/07/2025

وين ماشي الذكاء الاصطناعي ؟
#ليبيا

05/07/2025

The Devil's Drink | مشروب الشيطان
يحيى الجربي

04/07/2025

03/07/2025

#ليبيا #شمنت #الخمس #زليطن

01/07/2025

يا محافظ مصرف 🏦 ليبيا 🇱🇾 المركزي راهو اللي اتديروا فيه حيسبب كوارث عالاقتصاد الليبي .

اللي اتديروا فيه مش قرار ، بل تاثير كوبرا 🐍 حيرجع بمشاكل اكبر عالاقتصاد الليبي .

الالاف من صغار التجار اللي يخدموا بالف والفين وثلاثة الاف $ و فوق شوية تخلوا فيهم يمشوا لمرتب الدولة .

القرار هذا لازم ما ينسكتش عليه ابدا ❌❌❌
ولازم يلقى غضب شعبي .

و بالنسبة لفوطة السنفاز الحويج والله ما انحطك عساس على بير امية .

18/06/2025

ناجي عيسى لو فتح الـPaypal فعلا، حتطلع فرقة من الغلاة تنادي بيه .

ويجلدوا روحهم في عاشورا ويقولوا اسمه ويتسموا الشيعة الناجاوية العيساوية .

و يندارله ملحق في كتاب تاريخ جهاد ابطال طرابلس الغرب .

11/06/2025

من الاشياء اللي شفتها لما جيت ليبيا بش نتزوج قعدت قريب شهر .

و هادي كانت اول مرة نجي من 4️⃣ سنوات ونصف ، مش عارف هل لانني بعدت ورجعت او لانه الوضع اسوء من قبل .

ولكن كمية البؤس في وجوه الناس مكتوبة على جباههم زي كلمة كافر على جبهة المسيح الدجال.

اللي نكلمه خلوقه في شيشة ويولع من ابسط شي ، مافيش حد طايق روحه بكل ، و كل الابتسامات تجارية لغرض تسيير المحادثة .

بس هذا طبيعي ، شن متوقع من مواطن دخله 200$ يتبع في النت بش يشوف اما طريق مافيهاش حرب ، و اما ماكينة فيها سيولة .

كيف تبي مواطن سعيد بدخل معدوم وخدمات منتهية عالديسكو

الاخلاق والنفسية يبدو من دخل 1000$ في الشهر ، برا شوف حد مثلا عنده بزنس او عمل كويس و يخشله الرقم هذا و اكثر ، تلقا جوه مليج وعايش في عالم موازي .

الشعوب المقهورة تسوء أخلاقها
عبد الرحمن بن خلدون

10/06/2025

في العشرة سنين الاخيرة ، بدي جدا ملاحظ انه معاش فيه حد يسال ع حد ، قطع صلة الرحم ليفل الوحش .

القيم المعنوية والاخلاقية داخل المجتمع تُبنى دائما على دخل الفرد .

دخل الفرد مؤشر جيد لقياس الامور، مثلا :

شخص بلا دخل 0️⃣ = شخص مقعمّز و يقرم في فلان وعلان والنميمة + pro max

اذا في الواقع ، النميمة ظاهرة اقتصادية مش اخلاقية و تختفي كل ما توفرت فرص عمل جيدة بعائد مادي جيدا جيدا الى ممتاز .

كذلك صلة الرحم ، لما انت تخلي المواطن في 2025 مرتبه 200$ فقط ، يعنى بالرقم هذا انت في كل مكان في العالم مصنّف فقير .

يعني، المواطن بمرتب زي هذا واضح حيخدم العشية خدمة ثانية بش يقدر يأمن احتياجاته .

عكس لو عطيت للمواطن الليبي مرتب محترم زي 1000$ تقريبا ، ونحّيتله كالّو الجواز و مايترتب عليه من منزل و مصاريف .

وقدمتله خدمات ذات جودة كويسة تمس حياته المادية ووفرتله ترفيه.

هذا يساوي مواطن فقط يخدم من الساعة 8️⃣ للساعة 2️⃣ أي مواطن نفسيته كويسة ومتطمن و مايفكرش في زيت و طماطم حكّة وزيت محرك و خروف العيد.

الاخلاق مربوطة بدخل الفرد ، دخل منخفض يساوي اخلاق منخفضة.

09/06/2025

من اسوء الصفات في الشخصية الليبية هي عدم التعاطف بتاتا مع اي شيء يصيرلك

كلها مدايره نظام zero tolerance .

تمرض يقولك هذا اللي يرقد قدام المكيف و ماتعرفش تلبس ، بس يمرض هو قضاء و قدر و ان شاء هذا حد السو.

تتعرض لحالة سرقة يطلعوك بهيم و متعرفش تتصرف و يبدا جو الحذاقة وكان اني ره مستحيل تصيرلي ويطلع الحاذق الفالح الزبّيط .

ما يوفقكش ربي في تجارة تطلع فاشل و ماتفهمش في التجارة ، ويتم تقييمك من شخص عايش عالمرتب و ياكل من مرتب بوه .

في 2020 كانت الكورونا تقول حد دار جريمة ، و كان مرضك بيها تهمة تقول شدوك خانب في يده شمعة .

شخص تطلع قصته تريند وكان هو الضحية ينزلوا فيه هو ويقولك اكيد مداير شي و ما اتدير شي ما يجيك شي .

الشخصية الليبية غير متعاطفة بتاتا .