Tanzania Editors Forum-TEF

07/07/2026

02/07/2026

MHIMILI wa Bunge la Jamhuri ya Muungano wa Tanzania umezindua rasmi safari ya kuelekea Maadhimisho ya Miaka l9100 ya chimbuko lake, likiazimia kutumia fursa hiyo kutafakari historia, kutathimini mafanikio na kuweka dira mpya ya kujiimarisha kuelekea miaka 100 mingine.

Akizungumza na wahariri na waandishi wa habari jijini Dar es Salaam, Spika wa Bunge, M***a Azan Zungu, amebainisha kuwa maadhimisho hayo yatafikia kilele Januari mwakani.

Amesema, safari hiyo ni muhimu, kwani inabeba utambulisho wa Taifa na mageuzi makubwa ya uongozi na demokrasia yaliyotokea nchini tangu utawala wa kikoloni hadi sasa.

Historia ya chimbuko la Bunge nchini, lilianza Machi 19, 1926, wakati Tanganyika ikiwa chini ya Utawala wa Uingereza.

Siku hiyo, Bunge la Uingereza lilipitisha sheria iliyoitwa Tanganyika (Legislative Council) Order in Council 1926, iliyoanzisha Baraza la Kutunga Sheria, lililojulikana kwa jina maarufu la Legco (Legislative Council).

Kikao cha kwanza cha kihistoria kilifanyika Desemba 7, 1926, chini ya mwenyekiti wake wa kwanza, Sir Donald Cameron, aliyekuwa Gavana wa Tanganyika wakati huo. Baraza hilo lilikuwa na wajumbe 20 walioteuliwa na Gavana.

Spika Zungu ameeleza kuwa, historia ya Bunge imepitia hatua nyingi, ikiwamo kuingia kwa wawakilishi wa kwanza wa kizalendo k**a vile Chifu Abdiel Shangali na Chifu Kidaha Makwaia mwaka 1945.

Mageuzi mengine makubwa ni pamoja na kuanzishwa nafasi ya Spika mwaka 1953, ushindi wa chama cha TANU katika uchaguzi wa kwanza wa majimbo mwaka 1958, na mabadiliko ya kuelekea Bunge la Jamhuri baada ya Muungano wa Tanganyika na Zanzibar mwaka 1964.

Maadhimisho yatatumia kaulimbiu isemayo; "Miaka 100 ya Bunge; Historia Yetu ni Fahari Yetu". Lengo kuu ni kuenzi mchango wa viongozi waasisi, kutathimini jinsi Bunge lilivyosimamia Serikali na kutunga sheria zilizolinda rasilimali za nchi, na kuimarisha diplomasia ya Bunge kimataifa.

26/06/2026

Huduma bingwa na ya kipekee ya kupandikiza uume inapatikana katika Hospitali ya Benjamin Mkapa (BMH), Dodoma.

26/06/2026

Gharama za upandikizaji wa figo na uloto ni kubwa, baadhi ya watu wanashindwa kumudu hivyo tunaomba Watanzania wajumuike katika kampeni yetu ya uchangiaji huduma hiyo kabla ya Kilele cha Sherehe ya Miaka 10 ya kuanzishwa kwa hospitali hii ya Benjamin Mkapa, Dodoma - Kaimu Mkurugenzi Mtendaji wa Hospitali ya Benjamin Mkapa, Dk. Abdallah Beja mbele ya Wahariri.

26/06/2026

Hospitali ya Benjamin Mkapa (BMH) inahitaji Tsh 17 Bilioni ili kufanikisha huduma ya kupandiliza figo na uboho kwa wagonjwa sikoseli nchini.

Kauli hiyo imetolewa na Kaimu Mkurugenzi Mtendaji wa hospitali hiyo, Dk Abdallah Baja wakati wa ziara ya wahariri iliyoandaliwa na Mfuko wa Bima ya Afya (NHIF) tarehe 25 Juni 2026 katika hospitali hiyo.

Dk. Baja amesema, gharama za upandikizaji figo ni Sh45 milioni kwa mgonjwa mmoja, huku upandikizaji wa uboho ikigharimu Tsh 75 Milioni kwa mgonjwa mmoja, hali inayowafanya wagonjwa wengi kushindwa kumudu matibabu hayo.

Hivyo, amewaombaa Watanzania kushik**ana kwa kuchangia mfuko maalumu wa kusaidia wagonjwa wasiokuwa na uwezo katika kugharamia matibabu hayo kwa lengo la kurejesha matumaini na tabasamu kwao.

“Kuishi ni haki ya kila mtu. Tunaishukuru NHIF kwa mchango wake katika kugharamia matibabu kwa kiwango fulani, lakini bado tunahitaji msaada zaidi kwa wagonjwa hawa,” amesema Dk Baja.

Mwenyekiti wa Jukwaa la Wahariri Tanzania (TEF), Deodatus Balile amesisitiza umuhimu wa kila mwananchi kuchangia kwa kuwa, ni suala la kuokoa maisha ya watoto na urejeshaji wa furaha.

"Gharama za matibabu haya ni kubwa, kila kiasi kinapokelewa hata ukiwa na 3,000 tuchangie kupitia 'control number hiyo" amesema.

19/06/2026

Kamishna wa Tume ya Maadili (Sekretareti ya Maadili ya Viongozi wa Umma), Jaji Mstaafu Sivangilwa Mwengesi amesisitiza umuhimu wa wanahabari kuendelea kutumia weledi wao katika kuchapisha habari zinazohusu ukiukwaji wa maadili ya utumishi wa umma kwa kuwa, kufanya hivyo ni kuliokoa taifa.

Kwenye taarifa yake iliyosomwa na Katibu wa Idara ya Usimamizi wa Maadili ya Utumishi wa Umma, Kassim Mkwawa kwenye Kikao Kazi katika ya taasisi hiyo na Wahariri leo jijini Dar es Salaam, Jaji Mwengesi amesema, tume hiyo haiwezi kufikia mafanikio k**a haitafanya kazi bega kwa bega na vyombo vya habari.

"Hatuwezi kutoboa bila kushirikiana na vyombo vya habari...Kila mmoja ajitathmini kwa njia ipi anatumia weledi wake kukuza maadili ya viongozi nchini," amesema.

03/06/2026

Akichangia maudhui ya Filamu ya Matukio ya Oktoba 29, 2025, Joshua Makongwa 'Pan Africanism' kutoka Zimbabwe alihoji :-

"Kwanini vijana wa Afrika wanashindwa kutambua k**a hapa tunatumiwa?"

Makongwa amesema, matatizo yapo katika nchi zote duniani na kwamba, mifumo ya kikoloni haijawahi kutumika kuinufaisha Afrika.

Ametoa tahadhari kwa wanasiasa kuwa wazalendo wa taifa lao katika kutatua changamoto badala ya 'kujiuza' kwa wakoloni ambao mifumo yao ya unyonyaji kwa zaidi ya miaka 65 haijabadilika.

Filamu hiyo imeoneshwa leo katika Ukumbi wa Mikutano wa Chuo Kikuu cha Dar es Salaam mbele ya wahariri ambao walipata nafasi ya kujadili maudhui yake.

Muandaaji wa filamu hiyo David Hundeyin, Raia wa Nigeria anayeishi Ghana amesema, aliandaa filamu hiyo kutokana na matukio ya namna hiyo kujirudia rudia katika nchi za Afrika na kuwa na taswira zinazofanana.

03/06/2026

Baadhi ya wahariri wakichangia maudhui ya Filamu ya Matukio ya Oktoba 26, 2025 iliyooneshwa kwa mara ya kwanza katika Ukumbi wa Mikutano wa Chuo Kikuu cha Dar es Salaam leo. Filamu hiyo iliandaliwa na mwandishi David Hundeyin, Raia wa Nigeria anayeishi Ghana.