Bantu Media

Bantu Media Hard News | Entertainment | Gossip | Celebrity News | Sports News

31/08/2026

Aliyekuwa Mwenyekiti wa CHADEMA Wilaya ya Mwanga, Lembrus Mchome, amemshauri Makamu Mwenyekiti wa chama hicho, John Heche, kuongoza mchakato wa maridhiano kati ya CHADEMA na Serikali.
‎
‎Mchome amesema maridhiano si suala la mtu binafsi au chama pekee, bali ni jambo la kitaifa linaloweza kusaidia kuponya jamii na kujenga mazingira bora ya kisiasa.
‎
‎Amesema chama kinapaswa kutumia hekima na busara badala ya kushindana kwa nguvu na Serikali, akisisitiza kuwa lengo la CHADEMA ni kushinda kisiasa na kuiondoa CCM madarakani.
‎
‎Aidha, Mchome amesema changamoto ya fedha iliyosababisha kuahirishwa kwa kikao cha Baraza Kuu cha CHADEMA kinachotarajiwa kufanyika Septemba 15, ni miongoni mwa sababu zinazopaswa kuifanya chama kutafuta njia za kujenga maridhiano.

31/08/2026

Katibu wa CHADEMA Jimbo la handeni Mjini, Kombo Mohammed Ali Matunda, ameeleza kuwa ana mashaka kuhusu msimamo wa Makamu Mwenyekiti wa chama hicho, hasa katika suala la mwenendo wa kesi inayomkabili Mwenyekiti wa Taifa, Tundu Lissu.
‎
‎Amesema Lissu amekutwa na kesi ya kujibu kutokana na matamshi yanayohusishwa na uchaguzi, huku akidai kuwa baadhi ya kauli hizo pia zimewahi kutolewa na Makamu Mwenyekiti wa chama.
‎
‎Kombo amemshauri Makamu Mwenyekiti kukubali meza ya mazungumzo na mihimili inayohusika, akiamini kuwa mazungumzo yanaweza kusaidia kupatikana kwa suluhu na hatimaye Lissu kuwa huru na kuungana na familia yake.
‎
‎Amesema ana wasiwasi kwa kuwa Lissu anaendelea kukaa ndani, huku akiomba viongozi wa chama kuweka nguvu zaidi katika mazungumzo, akisisitiza kuwa ushindi wa chama haupaswi kutenganishwa na juhudi za kutafuta suluhu.

Tumalize utata hapa, tuambie kati ya Zuchu na Maua Sama yupi kati yao mimba iliharibu muonekano wake zaidi?‎‎
31/08/2026

Tumalize utata hapa, tuambie kati ya Zuchu na Maua Sama yupi kati yao mimba iliharibu muonekano wake zaidi?
‎
‎

Mratibu wa CHADEMA Mkoa wa Morogoro, Barnabas Okola, amesema chama hicho kinaamini kesi inayomkabili Mwenyekiti wake, Tu...
30/08/2026

Mratibu wa CHADEMA Mkoa wa Morogoro, Barnabas Okola, amesema chama hicho kinaamini kesi inayomkabili Mwenyekiti wake, Tundu Lissu, ni ya kubambikiwa na inalenga kupunguza kasi ya chama hicho katika harakati zake za kisiasa.
‎
‎Okola amesema licha ya Lissu kukutwa na kesi ya kujibu, CHADEMA inaamini kuwa kwa uwezo wa Mungu mwenyekiti huyo atakuwa nje na kuendelea kuwaongoza katika harakati za kuiondoa CCM madarakani.
‎
‎Hata hivyo, Okola ameibua hoja kuhusu kauli zilizotolewa na Lissu zilizohusishwa na mashtaka yanayomkabili, akisema kuna clip inayosambaa mtandaoni ikimuonyesha Makamu Mwenyekiti wa CHADEMA, John Heche, akitoa kauli zinazofanana na zile zilizotolewa na Lissu, lakini Heche hajakumbwa na hatua k**a hizo.
‎
‎Amehoji kwa nini Lissu yupo gerezani wakati Heche, ambaye anadaiwa kutoa kauli zinazofanana, yuko nje.
‎
‎“Kwanini mwenyekiti awekwe ndani na makamu awe nje wakati wote wameongea"

28/08/2026

‎WAZIRI wa Nchi, Ofisi ya Waziri Mkuu - Sera, Bunge na Uratibu, Profesa Palamagamba Kabudi, amesema uteuzi wa Deogratius Ndejembi kuwa Makamu wa Rais ni uteuzi mwanana unaoendana na mahitaji ya wakati huu, akisema nchi inahitaji kijana mwenye sifa na uwezo k**a Ndejembi.
‎
‎Profesa Kabudi amesema hayo Ijumaa Agosti 28, 2026 bungeni jijini Dodoma amesema, Rais Dkt. Samia Suluhu Hassan amemleta mtu sahihi kwa wakati sahihi, akisisitiza kuwa Ndejembi anazo sifa zote za kikatiba za kuwa Makamu wa Rais, pamoja na sifa za ziada zinazomfanya kufaa kushika nafasi hiyo.
‎
‎“Maana ya jina Deogratius ni mshukuruni Mungu. Majina hubeba watu. Rais Samia ametuletea mtu sahihi kwa wakati sahihi,” amesema Kabudi.
‎
‎Amesema Ndejembi anapaswa kutunza tabia njema alizokuwa nazo kabla ya kupewa dhamana hiyo, akimtaka kuendelea kuwa mtiifu, mwadilifu, mwaminifu na mwenye heshima na staha kwa viongozi wakubwa k**a ilivyo tabia yake.
‎
‎Amemtaka Ndejembi kuendelea kuridhika na kutunza dhamana aliyopewa, huku akisisitiza umuhimu wa kutambua nafasi yake mpya k**a msaidizi wa Rais wa Jamhuri ya Muungano wa Tanzania.
‎
‎“Tunza tabia ambayo umekuwa nayo kabla ya Mungu hajakupa nafasi hii. Ukiwa msaidizi wa Rais, uendelee kuwa na utii usiotiliwa mashaka, muadilifu na mwaminifu,” amesema.
‎
‎Amesema moyo wake umejaa shangwe na shukrani kutokana na uteuzi huo, huku akimtaka Ndejembi kuendelea kuheshimu na kuzingatia nafasi yake katika kutekeleza majukumu mapya aliyopewa.
‎
‎“Nenda ukamsaidie Rais, ukiwa na heshima na staha kwa mkubwa wako k**a ilivyo tabia yako. Endelea kuheshimu na kuzingatia kimo chako. Unakwenda kuwa msaidizi wa Rais,” amesema Kabudi.

28/08/2026

Mbunge wa Jimbo la Singida Magharibi, Elibariki Kingu, amesema uteuzi wa Deogratius Ndejembi kuwa Makamu wa Rais umetimiza ujumbe wa kiimani aliomweleza Ndejembi takribani miezi miwili iliyopita.
‎
‎Akizungumza bungeni jijini Dodoma leo, Ijumaa, Agosti 28, 2026, Kingu amempongeza Rais Dkt. Samia Suluhu Hassan kwa kumteua Ndejembi, akisema hatua hiyo imeonesha namna Rais anavyowaamini na kuwathamini vijana katika uongozi wa Taifa.
‎
‎Kingu amesema uteuzi huo ni kutambua na kuthamini vijana waliolelewa katika misingi ya unyenyekevu, uadilifu, uzalendo, uchaji Mungu na kulipenda Taifa.
‎
‎“Nchi yetu inapata kijana mwenye kaliba ya kuwapenda watu, mnyenyekevu, anayejishusha na mkarimu,” amesema Kingu.
‎
‎Amesema Ndejembi amedhihirisha uzalendo katika utekelezaji wa majukumu yake, akitoa mfano wa namna alivyoshiriki katika kuhakikisha Taifa linapata uhakika wa upatikanaji wa mafuta kupitia Shirika la Maendeleo ya Petroli Tanzania (TPDC) wakati dunia ilipokuwa ikikabiliwa na misukosuko ya gharama na upatikanaji wa mafuta.
‎
‎
‎
‎Akizungumzia kile kinachoelezwa kuwa ni unabii kuhusu uteuzi huo, Kingu amesema miezi miwili iliyopita alimtafuta Ndejembi kwa simu na kumweleza kuwa alikuwa amefunuliwa kuhusu jambo kubwa ambalo Mungu angeenda kumfanyia.
‎
‎“Miezi miwili iliyopita Mungu alizungumza na mimi. Nilimpigia simu Ndejembi na kumtumia message kwamba nimefunuliwa na Mungu kwamba kuna jambo Mungu anakwenda kukufanyia,” amesema Kingu.
‎
‎Ameongeza kuwa alimweleza Ndejembi: “Mungu amezungumza na mimi, nimekuona unapanda kwenye red carpet.”
‎
‎Kingu amemtaka Ndejembi kutumia nafasi hiyo kumsaidia Rais Samia, akisema anapaswa kuhakikisha Rais anapata utulivu na matumaini katika kutekeleza ahadi zilizotolewa kupitia Ilani ya Uchaguzi.
‎
‎“Nenda kamsaidie Rais, kamfanye Rais wetu apate utulivu, awe na matumaini makubwa ya kutekeleza ahadi tulizozitoa kupitia Ilani,” amesema.
‎
‎Kingu ameahidi kuwa wabunge wataendelea kuwa wanyenyekevu na kutoa ushirikiano kwa Rais Samia, Makamu wa Rais Ndejembi na Waziri Mkuu katika kuliongoza Taifa.

28/08/2026

MAKAMU wa Rais Mteule wa Jamhuri ya Muungano wa Tanzania, Mhe. Deogratius Ndejembi, amesema ukubwa wa dhamana aliyopewa hautapimwa kwa umri au ujana wake, bali kwa utii kwa Rais wa Jamhuri ya Muungano wa Tanzania, uadilifu kwa Watanzania na utekelezaji wa majukumu atakayopewa.
‎
‎Ndejembi amesema anamshukuru Rais Samia Suluhu Hassan kwa imani aliyomuwekea kwa kumpa dhamana mbalimbali serikalini, ikiwemo kuwa Waziri wa Nchi Ofisi ya Waziri Mkuu, Kazi, Vijana, Ajira na Wenye Ulemavu; Waziri wa Ardhi, Nyumba na Maendeleo ya Makazi na Waziri wa Nishati, kabla ya kumteua kuwa Makamu wake wa Rais.
‎
‎Amesema uteuzi huo ni ishara ya imani kubwa aliyooneshwa na Rais Samia, huku akiahidi kutumia nafasi hiyo kwa unyenyekevu katika kumsaidia Rais kutekeleza majukumu yake na kuwa kiungo kwa Watanzania.
‎
‎“Nafahamu ukubwa wa dhamana hii hautapimwa kwa ujana wangu peke yake. Dhamana yangu itapimwa kwa utii kwa Rais wa Jamhuri ya Muungano wa Tanzania, uadilifu kwa Watanzania na kazi yoyote nitakayotumwa na mamlaka ya Rais wa Jamhuri ya Muungano wa Tanzania,” amesema Ndejembi.
‎
‎Aidha, amekishukuru Chama Cha Mapinduzi (CCM) kwa imani kilichoionesha kwake baada ya jina lake kujadiliwa katika Kamati Kuu na kuungwa mkono na Halmashauri Kuu ya Taifa ya CCM kuwa msaidizi wa kwanza wa Mwenyekiti wa CCM ambaye pia ni Rais wa Jamhuri ya Muungano wa Tanzania.
‎
‎Ndejembi amesema imani hiyo si kwake binafsi pekee, bali ni ishara kwamba CCM inaendelea kulea, kuwaamini na kuwaandaa vijana kushika dhamana mbalimbali za uongozi nchini.
‎
‎Ameeleza kuwa amekulia ndani ya CCM na amepata nafasi za kuhudumu katika Baraza Kuu la UVCCM, Halmashauri Kuu ya CCM Taifa na baadaye serikalini k**a Mkuu wa Wilaya, Mbunge, Naibu Waziri na Waziri, hatua iliyomfikisha katika nafasi ya Makamu wa Rais wa Jamhuri ya Muungano wa Tanzania.
‎
‎“Najua nafasi hii si ya mtu mmoja bali ni ya taifa letu na Watanzania. Nakuwa Makamu wa Rais si wa CCM pekee, bali nakwenda kuwa Makamu wa Rais wa Watanzania wote na wa vyama vyote,” amesema.
‎
‎Ndejembi amesema atajitahidi kwa unyenyekevu mkubwa kumsaidia Rais Samia katika kutekeleza majukumu yake na kuhakikisha anakuwa kiungo kwa

28/08/2026

Mbunge wa Jimbo la Nzega Vijijini, Hussein Bashe, amempongeza Rais Dkt. Samia Suluhu Hassan kwa kuendelea kuwaamini vijana wanaotokana na Jumuiya ya Umoja wa Vijana wa Chama Cha Mapinduzi (UVCCM), akisema Deogratius Ndejembi ni zao la CCM na amelelewa kwa misingi ya chama hicho.
‎
‎Akizungumza bungeni jijini Dodoma leo Ijumaa Agosti 28, 2026, Bashe amesema Ndejembi si mtu aliyepitia CCM, bali ni zao la chama anayefahamu misingi, dhamana na wajibu wa CCM kwa taifa.
‎
‎“Deogratius ni zao la Chama Cha Mapinduzi, ni mtu aliyetokana na Chama Cha Mapinduzi na si mtu aliyepitia Chama Cha Mapinduzi,” amesema Bashe.
‎
‎Amesema Ndejembi amelelewa kwa misingi ya kuheshimu viongozi walio juu yake, huku akisisitiza kuwa wabunge hawana wasiwasi kuhusu uwezo, tabia, nidhamu na uzoefu wake.
‎
‎Bashe amekumbusha kuwa mwaka 2015 Ndejembi aligombea nafasi ndani ya chama, lakini Halmashauri Kuu na Kamati Kuu zikamteua mwingine, jambo ambalo alisema Ndejembi alilipokea kwa busara na kumshukuru Mungu.
‎
‎“Mwenyezi Mungu humuandikia mtu kadari yake,” amesema Bashe, huku akiwataka wabunge kumpa Ndejembi ushirikiano, moyo na kumuombea katika majukumu yake mapya.
‎
‎Amesema kura watakazompigia Ndejembi zitakuwa ujumbe kwa Rais Samia kwamba wamekubali pendekezo lake na wako tayari kumpa ushirikiano msaidizi wake ili aweze kufanya naye kazi kwa ufanisi.
‎
‎Bashe amewataka Watanzania kuungana kuwaunga mkono viongozi wao ili kukabiliana na changamoto zinazolikabili taifa, akisisitiza kuwa Tanzania ni moja na haina mbadala.
‎
‎“Sisi wabunge hatuna shaka na uwezo wa Ndejembi. Tuungane na tushirikiane sote kulijenga taifa letu,” amesema.

28/08/2026

Mbunge wa Jimbo la Bahi mkoani Dodoma, Kenneth Nollo, amempongeza Rais wa Jamhuri ya Muungano wa Tanzania Mhe. Dkt. Samia Suluhu Hassan kwa kumteua Deogratius Ndejembi kuwa Makamu wa Rais wa Jamhuri ya Muungano wa Tanzania, akisema amepata kiongozi mwenye hekima na busara kubwa.
‎
‎Akizungumza bungeni jijini Dodoma leo Ijumaa Agosti 28, 2026, Nollo amesema Ndejembi ni mtu mwenye hekima kubwa kuliko umri wake, mwenye upendo na uwezo wa kuhimili mawimbi mbalimbali ya siasa kutokana na busara aliyonayo.
‎
‎“Rais Samia amepata mtu mwenye hekima kubwa kuliko umri wake, ni mtu mwenye upendo sana,” amesema Nollo.
‎
‎Amesema uzoefu na busara ya Ndejembi vitamsaidia Rais Samia katika kutekeleza majukumu yake, akieleza kuwa Tanzania imepata kiongozi ambaye atakuwa mshauri na msaidizi muhimu katika uongozi.
‎
‎“Tumempata kiongozi ambaye atamshauri na kumsaidia kwa kiasi kikubwa sana,” amesema.
‎
‎Nollo amesema Ndejembi ni kiongozi safi mwenye moyo wa kutoa, akisisitiza kuwa sifa hizo zinamfanya kuwa chaguo zuri kwa nafasi hiyo.
‎
‎
‎Aidha, Nollo amewataka wabunge kumpigia kura zote Ndejembi, akisema kufanya hivyo kutakuwa ishara ya heshima kwa Rais Samia na kuthamini imani aliyowaonesha kwa kumteua Mbunge mwenzao kutoka Bunge hilo kushika nafasi ya Makamu wa Rais.
‎
‎“Nawaomba wabunge tumpe kura zote ili kuonesha heshima hii ambayo Rais Samia ametuamini, Mbunge mwenzetu ambaye ametoka katika Bunge hili kupata nafasi ya Makamu wa Rais wa Jamhuri ya Muungano wa Tanzania,” amesema Nollo.

28/08/2026

Mbunge wa Geita Vijijini, Joseph Kasheku ‘Msukuma’, amempongeza Rais Samia Suluhu Hassan na Chama Cha Mapinduzi (CCM) kwa kukubaliana na pendekezo la kumleta Deogratius Ndejembi katika majukumu mapya ya uongozi.
‎
‎Akizungumza bungeni jijini Dodoma leo Ijumaa Agosti 28, 2026 Msukuma amesema Ndejembi amekuwa akifanya kazi kwa bidii na kuaminiwa katika majukumu mbalimbali, akipanda kutoka Naibu Waziri hadi Waziri kamili katika wizara tofauti.
‎
‎“Tumekuwa naye huku bungeni, akapanda Naibu Waziri hadi Waziri kamili katika Wizara mbalimbali,” amesema.
‎
‎Kwa niaba ya Kamati ya Madini na Nishati, Msukuma amesema wanafuraha kuona Ndejembi akipewa majukumu mapya, huku akiiomba Serikali atakayeteuliwa kuwa Waziri wa Nishati afanye kazi kwa kiwango kinachofanana na Ndejembi.
‎
‎“Tunamuomba Rais Samia akituteulia Waziri mwingine wa Nishati afanane angalau na Deo,” amesema.
‎
‎Msukuma amesema utendaji wa Ndejembi unathibitisha msemo kwamba “ukifanya kazi kwa bidii, cheo kinakutafuta chenyewe,” akieleza kuwa hajawahi kuwa chanzo cha migogoro.
‎
‎“Hajawahi kumpigisha shoti mtu yoyote,” amesema.
‎
‎Aidha, amewataka wabunge kumuunga mkono Ndejembi kwa asilimia 100, akisisitiza kuwa ni zao la Bunge hilo.
‎
‎“Mhe. Spika, ungeruhusu kila mtu amzungumzie Deogratius, tungepiga kura saa 11,” amesema.
‎
‎Msukuma amesema pendekezo la Rais Samia ni la busara na linaonesha kuwa viongozi wanaweza kuaminiwa kutokana na utendaji wao.
‎
‎“Rais Samia amefanya pendekezo la busara kubwa sana. Kikubwa kitakachowafuata kitawafuata kwa bidii yenu,” amesema.
‎
‎Amehitimisha kwa kuwaomba wabunge kupiga kura kwa asilimia 100 kumuunga mkono Ndejembi, akisema: “Huu ni uzao wetu.”

Address

Dar Es Salaam

Telephone

+255782511323

Website

Alerts

Be the first to know and let us send you an email when Bantu Media posts news and promotions. Your email address will not be used for any other purpose, and you can unsubscribe at any time.

Shortcuts

Share

Category