Bantu Media

Bantu Media Hard News | Entertainment | Gossip | Celebrity News | Sports News
📩 For Advertisement:
📱 Whatsapp: +255 (658) 840 840
📬 Email: [email protected]

07/10/2025

Mgombea wa Urais wa Jamhuri ya Muungano wa Tanzania kupitia Chama Cha Mapinduzi (CCM), Dkt Samia Suluhu Hassan amesema endapo atapewa ridhaa ya kuunda Serikali, anaahidi kuboresha huduma ya upatikanaji wa maji ikiwemo kukamilisha miradi ya maji na miradi ya upanuzi wa chanzo cha Capri Point ili kuimarisha upatikanaji wa maji mkoani Mwanza.
‎
‎Akihutubia maelfu ya wananchi wa Mwanza, leo Jumanne Oktoba 7,2025, Dkt Samia amesema uwekezaji mkubwa wa sekta ya maji umefanyika jijini Mwanza.
‎
‎“Tumetengeneza mradi mkubwa wa Butimba wa Tsh Bilioni 71 na Milioni 700 na kuwafikishia Maji safi na salama wakazi laki nne na hamsini wa Buhongwa, Nyegezi, Igoma na maeneo ya pembeni, Tumetengeneza mradi mwingine wa Tsh Milioni 864 ulionufaisha maeneo ya Sarwa, Buhongwa”, ameeleza.
‎
‎Aidha, Dkt Samia ameitaja miradi mingine inayoendelea kutekelezwa kwa gharama ya Tsh Bilioni 46 ipo maeneo ya Buhongwa, Kishiri ambapo miradi hiyo hadi sasa imefikia 85%.
‎

04/10/2025

Mgombea wa Urais wa Jamhuri ya Muungano wa Tanzania kupitia Chama Cha Mapinduzi (CCM), Dkt. Samia Suluhu Hassan, amesema serikali yake itaendelea kuimarisha sekta ya madini kwa kuongeza thamani ya madini nchini na kuweka mazingira wezeshi kwa wachimbaji wadogo ili vijana wengi wapate ajira.
‎
‎Akizungumza leo Jumamosi Oktoba 4, 2025 katika mkutano wa kampeni uliofanyika viwanja vya CCM Saba Saba, Babati mkoani Manyara, Dkt. Samia amesema hatua kubwa zimechukuliwa tayari, ikiwemo ujenzi wa kituo cha uuzaji wa pamoja wa madini ya Tanzania Mirerani, Simanjiro, ambako mnada wa kwanza wa Tanzanite umefanyika na kuipa Tanzania heshima kubwa katika sekta hiyo.
‎
‎“Kwenye sekta ya madini tumejenga kituo cha uuzaji wa pamoja Mirerani ili kuhakikisha biashara inafanyika kule. Vilevile tulifanya mnada wa kwanza wa Tanzanite kulekule Mirerani na jina la Tanzania limekwenda juu sana. Tutaendelea kuendeleza madini yetu na kuongeza thamani yake hapa nchini,” amesema Dkt. Samia.
‎
‎Ameongeza kuwa endapo CCM itapewa ridhaa ya kuunda serikali, itapima maeneo zaidi nchini ili kubaini aina na kiasi cha madini yaliyopo, hatua ambayo itawavutia wawekezaji wakubwa huku wachimbaji wadogo wakiwekewa mazingira bora zaidi ya kufanya kazi.

04/10/2025

Mgombea wa nafasi ya Urais wa Jamhuri ya Muungano wa Tanzania kupitia Chama Cha Mapinduzi (CCM), Dkt. Samia Suluhu Hassan, ameahidi kuimarisha shughuli za uvuvi na usalama wa wananchi katika Ziwa Babati na maeneo mengine ya Mkoa wa Manyara kwa kununua boti mpya tano.
‎
‎Akihutubia wananchi wa Babati Mjini leo Jumamosi, Oktoba 4, 2025, Dkt. Samia amesema kati ya boti hizo, nne zitakuwa za kusaidia shughuli za uvuvi na moja itakuwa maalumu kwa ajili ya ulinzi na usalama wa wavuvi na wananchi katika maeneo ya ziwa.
‎
‎“Jana nilipokuwa Hanang nilitoa ahadi ya kununua boti nne za uvuvi na moja ya usalama. Katika hizo nne, moja ni ya kuangalia usalama wa wavuvi ndani ya maeneo hayo. Boti hizo zitakwenda kutusaidia katika shughuli za uvuvi lakini pia kuhakikisha usalama wa wananchi wetu. Serikali imejipanga vyema na ilani imetuelekeza kufanyia kazi maeneo hayo,” amesema Dkt. Samia.
‎
‎Ahadi hiyo inalenga kuinua sekta ya uvuvi katika Mkoa wa Manyara, pamoja na kuhakikisha wavuvi wanafanya kazi zao katika mazingira salama zaidi.

03/10/2025

Mgombea Urais wa Jamhuri ya Muungano wa Tanzania kupitia Chama Cha Mapinduzi (CCM), Dkt. Samia Suluhu Hassan, ameahidi uboreshaji wa barabara katika wilaya za Karatu na Monduli, mkoani Arusha, ikiwa ni sehemu ya vipaumbele vya CCM katika Ilani ya Uchaguzi ya mwaka 2025/30.
‎
‎Akizungumza leo Ijumaa, Oktoba 3, 2025, katika mkutano wa kampeni wilayani Karatu, Dkt. Samia amesema serikali itajenga kwa tabaka gumu barabara yenye urefu wa kilomita 88 kutoka geti la Ngorongoro kuelekea Serengeti, kazi itakayogawanywa katika awamu tatu.
‎
‎Aidha, amesema ombi la kujenga barabara ya kilomita 10 inayoelekea kwenye hoteli za kitalii litafanyiwa kazi, sambamba na uwekaji wa taa za barabarani kuanzia Mto wa Mbu, Karatu, hadi mpakani mwa geti la Ngorongoro.
‎
‎Kwa upande wa Monduli, Dkt. Samia amesema serikali inaendelea na ujenzi wa barabara ya Mto wa Mbu–Engaruka yenye urefu wa kilomita 50 kwa kiwango cha lami, na kuongeza kuwa kazi ya uboreshaji wa barabara nyingine katika wilaya hizo itaendelezwa kadri ilani inavyotekelezwa.
‎

03/10/2025

Mgombea Urais kupitia Chama Cha Mapinduzi (CCM), Dkt. Samia Suluhu Hassan, amesema ikiwa atapewa ridhaa ya kuongoza katika awamu ijayo atahakikisha kiwanja cha ndege cha Wasso kitafanyiwa ukarabati ili kuruhusu ndege kutua kwa urahisi.
‎
‎Katika mkutano wake wa kampeni wilayani Karatu Mkoani Arusha leo Oktoba 3, 2025, pia mgombea huyo amesema atahakikisha uboreshaji wa barabara zinazoufikia uwanja huo wa ndege na Uwanja wa Ndege wa Ziwa Manyara ili kuwafanya wasafiri kwenda kwa urahisi
‎
‎"Tumepokea maombi hapa kutoka Ngorongoro, wamesema kile kiwanja cha Ndege cha Wasso, kifanyiwe ukarabati na ndege ziweze kutua kule. mipango hiyo tunayo ndani ya serikali, tunafanya mazungumzo na wenzetu ambao ndio wanakitumia sana kuwanja kile, ili tukifanyie ukarabati, tutanue ile njia na ndege ziweze kutua vizuri" ameeleza Mgombea huyo.
‎
‎Karatu ni kituo cha mwisho katika zoezi la kampeni mkoani Arusha, ambapo ameelekea katika mkoa wa Manyara kwaajili ya kuendelea na kampeni.

Umati mkubwa wa wananchi umefurika leo Oktoba 3, 2025 katika Viwanja vya Karatu, mkoani Arusha, kumlaki kwa shangwe na v...
03/10/2025

Umati mkubwa wa wananchi umefurika leo Oktoba 3, 2025 katika Viwanja vya Karatu, mkoani Arusha, kumlaki kwa shangwe na vifijo Mgombea wa Urais kupitia Chama Cha Mapinduzi (CCM), Dkt. Samia Suluhu Hassan.
‎
‎Wananchi wakiwa na nyuso za furaha na hamasa wamejitokeza kwa wingi kusikiliza sera, ahadi na Ilani ya Uchaguzi ya CCM kwa kipindi cha mwaka 2025–2030, ambazo Dkt. Samia ananadi.

30/09/2025

Mgombea wa Urais wa Jamhuri ya Muungano wa Tanzania kupitia CCM, Dkt. Samia Suluhu Hassan, amesema Serikali itaendelea kuwekeza katika ujenzi wa barabara muhimu wilayani Same ili kurahisisha usafirishaji wa mazao ya kilimo na kufungua fursa mpya za maendeleo.
‎
‎Akihutubia mkutano wa kampeni uliofanyika Septemba 30, 2025, Dkt. Samia alisema kuwa ujenzi wa barabara ya Mkomazi–Kisiwani–Same yenye urefu wa kilomita 101 tayari umeanza na kugawanywa katika vipande viwili.
‎
‎“Kipande cha kwanza ni Mkomazi–Ndungu chenye kilomita 36 ambapo ujenzi umeanza kwa gharama ya shilingi bilioni 59, na mkandarasi ameshakamilisha kilomita 10. Aidha, kipande cha pili cha Mroyo–Same chenye kilomita 65 mkandarasi amepatikana na tumeshasaini mkataba. Tunachosubiri sasa ni malipo ya awali ili kazi ianze mara moja,” alisema Dkt. Samia.
‎
‎Aliongeza kuwa Serikali inatambua changamoto za usafirishaji wa zao la tangawizi linalolimwa kwa wingi katika tarafa za Mamba na maeneo mengine ya milimani, na hivyo imepanga kujenga barabara hizo kwa kiwango cha zege na lami ili kurahisisha usafirishaji wa mazao.
‎
‎“Niwaahidi barabara hizi muhimu tutazikamilisha kwa viwango bora. Mungu akituwezesha, tutaendelea kufanya kazi hii ili kila mkulima anufaike,” alisisitiza.
‎

30/09/2025

Mgombea wa Urais wa Jamhuri ya Muungano wa Tanzania kupitia Chama Cha Mapinduzi (CCM), Dkt. Samia Suluhu Hassan, amesema Serikali imepiga hatua kubwa katika kupeleka umeme vijijini na kuboresha huduma za afya nchini, huku akiahidi kuendeleza juhudi hizo ili Watanzania wote wanufaike na maendeleo.
‎
‎Akihutubia mkutano wa kampeni uliofanyika Septemba 30, 2025, wilayani Same mkoani Kilimanjaro, Dkt. Samia alisema Ilani ya Uchaguzi ya CCM iliahidi kupeleka umeme vijijini, lakini utekelezaji wake umevuka malengo hayo na kufika hadi vitongoji.
‎
‎“Tumemaliza zaidi ya nusu ya vitongoji vyote nchini na katika mwaka mmoja na nusu ujao tutakuwa tumemaliza vilivyobaki. Tanzania nzima itawaka umeme,” alisema Dkt. Samia.
‎
‎Akizungumzia sekta ya afya, Dkt. Samia alikumbuka changamoto kubwa alizoziona mwaka 2015 alipokuwa mgombea mwenza, ambapo alishuhudia zahanati duni zilizoshindwa kutoa huduma bora kwa wajawazito. Alisema hali hiyo ndiyo iliyompa dhamira ya kuhakikisha kila wilaya inakuwa na hospitali na vituo vya afya vyenye vifaa kamili, dawa na watumishi.
‎
‎“Leo namshukuru Mungu tumefanikiwa kuboresha sekta ya afya. Tutaendelea kujenga hospitali za wilaya na vituo vya afya vya kisasa ili hakuna mwanamke atakayepoteza maisha kwa sababu ya kujifungua,” alisisitiza.
‎
‎Kwa upande wa Same, alisema tayari vituo sita vya afya vimekamilika, na sasa Serikali inakamilisha ujenzi wa vituo vingine vitatu vya afya pamoja na zahanati tano. Pia alibainisha kuwa katika kata za Zewa na Makanya miradi ya ujenzi inaendelea kwa kasi.

Mgombea Urais wa Jamhuri ya Muungano wa Tanzania kupitia Chama Cha Mapinduzi (CCM), Dkt. Samia Suluhu Hassan, ameahidi k...
30/09/2025

Mgombea Urais wa Jamhuri ya Muungano wa Tanzania kupitia Chama Cha Mapinduzi (CCM), Dkt. Samia Suluhu Hassan, ameahidi kukamilisha miradi mikubwa ya maendeleo katika Wilaya ya Same, mkoani Kilimanjaro, endapo atachaguliwa kuendelea kuongoza nchi katika Uchaguzi Mkuu wa mwaka huu.
‎
‎Akizungumza na wananchi wa Same, Dkt. Samia amesema CCM imeweka kipaumbele cha kuimarisha huduma za jamii, miundombinu ya barabara, elimu, afya na maji, ili kuinua maisha ya wananchi wa wilaya hiyo na kuchochea maendeleo ya kiuchumi.
‎
‎Dkt. Samia amebainisha kuwa tayari barabara za milimani zikiwemo Mwembe–Myamba–Ndungu, Lembeni–Kilomeni–Lomwe na Kifaru–Kirurumo–Kichwa cha Ng’ombe zimekamilika, sambamba na daraja la Hingiriri lililojengwa ili kurahisisha usafiri na shughuli za kibiashara. Aidha, amesema barabara ya Same–Kisiwani–Mkomazi nayo imefungua fursa kubwa za kiuchumi na kijamii kwa wananchi.
‎
‎Katika sekta ya afya, Dkt. Samia ameahidi kukamilisha ujenzi wa Hospitali ya Wilaya ya Same, huku barabara za lami zikijengwa katika mji wa Same na barabara za kiwango cha changarawe zikiboresha usafiri maeneo ya John Malecela, Makanya–Ruvu–Muungano, Same–Ruvu–Mferejini na Makuruvila.
‎
‎Akizungumzia huduma za maji, amesema miradi ya Mroyo, Vuje, Kihurio, Msindo Awamu ya Pili na Maore–Beseline–Ihindi itakamilishwa, sambamba na ukarabati wa skimu za umwagiliaji katika maeneo ya Maore, Ngoja, Igoma, Kalemane, Bendera, Mbuyu na Yongoma, ili kuongeza uzalishaji wa kilimo.
‎
‎Vilevile, ameeleza kuwa mradi mkubwa wa tangawizi “Mamba Myamba” wenye thamani ya Shilingi bilioni 2.5 ni kielelezo cha uwekezaji utakaosaidia wananchi kuongeza kipato, huku sekta ya elimu ikiboresha kupitia ujenzi wa shule mpya ikiwemo Sekondari ya Angellah Kairuki.
‎
‎Katika sekta ya utalii, amesema Serikali yake itaendelea kuimarisha vivutio kwa kukamilisha jengo la kulia chakula katika Hifadhi ya Taifa Mkomazi pamoja na kuchimba visima viwili vya maji kwa ajili ya wanyamapori.

Mgombea wa nafasi ya Rais wa Jamhuri ya Muungano wa Tanzania na Mwenyekiti wa Chama cha Mapinduzi (CCM) Taifa Ndugu Dkt....
29/09/2025

Mgombea wa nafasi ya Rais wa Jamhuri ya Muungano wa Tanzania na Mwenyekiti wa Chama cha Mapinduzi (CCM) Taifa Ndugu Dkt. Samia Suluhu Hassan akimkabidhi Ilani ya Uchaguzi Mgombea Ubunge wa Jimbo la Muheza Ndugu Hamis Mwijuma ‘Mwana FA’ mara baada ya kuwahutubia wananchi katika mkutano wa hadhara uliofanyika Muheza mkoani Tanga tarehe 29 Septemba, 2025.
‎

Mgombea Urais wa Chama Cha Mapinduzi (CCM), Mhe. Dkt. Samia Suluhu Hassan, ameendelea kuwasihi wananchi wa Muheza kuiami...
29/09/2025

Mgombea Urais wa Chama Cha Mapinduzi (CCM), Mhe. Dkt. Samia Suluhu Hassan, ameendelea kuwasihi wananchi wa Muheza kuiamini CCM kwa mara nyingine, akibainisha utekelezaji mkubwa wa miradi ya maendeleo iliyofanyika wilayani humo chini ya serikali ya awamu ya sita.
‎
‎Akizungumza kwenye mkutano wa kampeni leo, Dkt. Samia amesema sekta ya afya imepewa kipaumbele, ambapo zahanati 10 zimejengwa katika vijiji mbalimbali, vituo vya afya vitatu kwenye kata za Misalai, Misozwe na Mhamba, pamoja na ujenzi na ukarabati wa Hospitali ya Wilaya. Aidha, nyumba 15 za watumishi wa afya zimejengwa huku hospitali ya wilaya ikipatiwa majengo mapya ya wagonjwa mahututi (ICU) na huduma za dharura.
‎
‎Katika miundombinu ya barabara, amesema serikali imetekeleza ujenzi na matengenezo makubwa, ikiwemo barabara ya Muheza–Amani yenye urefu wa kilomita 40 kwa kiwango cha lami, barabara za Amani–Muheza, Pangani–Muheza na Mlingano–Kiomoni zikiwa kwenye kiwango cha changarawe, pamoja na matengenezo ya barabara ya Old Maguzoni–Old Korogwe (km 28). Pia, kilomita tatu za barabara mpya zimewekwa lami ndani ya Wilaya ya Muheza, zaidi ya kilomita 200 za changarawe zikijengwa, pamoja na madaraja matatu mapya.
‎
‎Kwa upande wa maji, Dkt. Samia amebainisha utekelezaji wa miradi mikubwa inayogusa vijiji zaidi ya 50, vikiwemo Mikwinini, Msasa, Kwamdakeo, Kwemsala, Kisiwani, Maduma, Kwakifua, Ngarani, Mkwajuni, Gare, Kwasimba, Magomba, Misufini, Kwemwewe, Maramba A, Kwemsoso, Mwarimba, Kazita, Mgambo, Shambangeda, Zirai, Kwedunda, Mtiti na maeneo mengine mengi.
‎
‎“Wanamuheza wenzangu, miradi hii mnayoiona ni ushahidi kwamba CCM ikiahidi, inatekeleza. Tumeboresha afya, tumefungua barabara, tumewaletea maji. Na bado tuna mpango wa kufanya zaidi tukipata ridhaa yenu tena.

29/09/2025

Mgombea wa Urais kupitia Chama Cha Mapinduzi (CCM), Dkt. Samia Suluhu Hassan, ameahidi kuendeleza uwekezaji katika sekta ya uvuvi na mifugo kwa wananchi wa Wilaya ya Pangani, Mkoa wa Tanga.
‎
‎Akihutubia mamia ya wananchi katika Viwanja vya Gombero leo Jumatatu, Septemba 29, 2025, Dkt. Samia alisema serikali imeanza mchakato wa ujenzi wa Soko la Kimataifa la Samaki katika Kata ya Kipumbwi, litakalogharimu shilingi bilioni 1.3. Soko hilo pia litahusisha miundombinu ya kukaushia dagaa ili kuongeza thamani ya bidhaa na kipato cha wavuvi.
‎
‎Aidha, alisisitiza umuhimu wa wafugaji kutumia fursa ya ruzuku za chanjo zinazotolewa na Serikali ya Awamu ya Sita, ikiwemo chanjo za bure kwa kuku na punguzo la nusu bei kwa chanjo za mbuzi na ng’ombe. Alieleza kuwa hatua hiyo inalenga kuongeza thamani ya mazao ya mifugo na kuviwezesha kushindana katika masoko ya kimataifa.
‎
‎Akizungumzia mafanikio yaliyopatikana ndani ya miaka minne ya uongozi wake, Dkt. Samia alibainisha kuwa Pangani imenufaika na upatikanaji wa boti 15 za kisasa za uvuvi zenye thamani ya shilingi bilioni 1.6, jambo lililoongeza eneo la uvuvi na kukuza pato la wavuvi na wilaya kwa ujumla.

Address

Tabata
Dar Es Salaam

Website

Alerts

Be the first to know and let us send you an email when Bantu Media posts news and promotions. Your email address will not be used for any other purpose, and you can unsubscribe at any time.

Shortcuts

Share

Category