Nukta Fakti

Nukta Fakti NuktaFakti ni ukurasa rasmi ulioanzishwa na tovuti ya Nukta Habari kufuatilia habari za uzushi Tanzania.

Nukta Fakti is the first Swahili fact-checking initiative in Tanzania under Nukta Africa, a fast growing digital media and technology company. We debunk misinformation and disinformation to minimise more harm to our society. We believe in improving people's lives through quality content which is free from disinformation. Share with us any doubtful information for verification and we will do it for you.

22/10/2025

NuktaFakti imefanya uchunguzi kwenye video inayosambaa kwenye mitandao ya kijamii ikionyesha mtu anayedaiwa kuwa na mapepo akipanda ukuta kwa jinsi ambayo binadamu wa kawaida hawezi kufanya.

Kwa kutumia zana ya Invid, NuktaFakti imejiridhisha video hii imehaririwa kwa AI na sio halisi k**a watu wanavyodhani na kuisambaza kwenye mtandao.

Aidha, NuktaFakti imebaini pia kuna video nyingi za aina hii ambazo zimetengenezwa kwa AI inayojulikana kwa jina la Sora na kusambazwa mtandaoni.




Na Nukta Fakti

22/10/2025

NuktaFakti imefanya uchunguzi kwenye video inayosambaa kwenye mitandao ya kijamii ikimuonyesha aliyekuwa Katibu Mkuu wa Chama cha Mapinduzi (CCM) na Mgombea Mwenza wa Urais kupitia chama hicho, Dk Emmanuel Nchimbi akitamka maneno "Samia must GO" na kujiridhisha kuwa video hiyo imehaririwa kwa lengo la kupotosha uhalisia.

Tukio linaloonekana kwenye video ni tukio la Septemba 13, 2024, ambapo Balozi Emmanuel Nchimbi (alipokuwa katibu mkuu wa CCM) alikuwa akizungumza na waandishi wa habari kuhusu hali ya usalama wa nchi baada ya tukio la kutekwa kwa aliyekuwa mwanachama wa Chadema, Ali Kibao.




Na Nukta Fakti

Kumekuwa na taarifa zinazosambaa kwenye mitandao ya kijamii zinazosema kuwa mtengeneza maudhui maarufu wa Marekani, Khab...
22/10/2025

Kumekuwa na taarifa zinazosambaa kwenye mitandao ya kijamii zinazosema kuwa mtengeneza maudhui maarufu wa Marekani, Khaby Lame amefariki dunia.

NuktaFakti imejiridhisha kuwa taarifa hizo si za kweli na zina lengo la kupotosha kwani Khaby Lame anaonekana akiendelea na kufanya shughuli zake za utengenezaji wa maudhu mitandaoni. Aidha, hakuna chombo chochote cha habari wala familia yake ilichothibitisha taarifa za kupoteza kwake maisha.




Na Nukta Fakti

Nukta Fakti imefanya uchunguzi kwenye chapisho linalosambaa kwenye mitandao ya kijamii linaloonekana k**a chapisho la mt...
22/10/2025

Nukta Fakti imefanya uchunguzi kwenye chapisho linalosambaa kwenye mitandao ya kijamii linaloonekana k**a chapisho la mtandao wa X (zamani Twitter) lenye majibizano kati ya Rais wa Tanzania, Samia Suluhu Hassan na Masanja na kubaini kuwa chapisho hilo ni feki, limetengenezwa kwa lengo la kupotosha.

Nukta Fakti imejiridhisha kuwa chapisho hilo halijachapishwa halijachapishwa na Masanja Mkandamizaji wala Rais Samia, halipo kwenye kurasa zao rasmi za mtandao wa X. Aidha, aina ya mwandiko (fonts) na mpangilio (theme) unaoonekana kwenye chapisho hili, si rasmi unaotumika katika machapisho halisi ya mtandao wa X.




Na Nukta Fakti

"Wananchi wana nafasi kubwa sana katika uhakiki wa taarifa,’ amesema Elizabeth Orembo, Mtafiti katika Shirika la Tafiti ...
20/10/2025

"Wananchi wana nafasi kubwa sana katika uhakiki wa taarifa,’ amesema Elizabeth Orembo, Mtafiti katika Shirika la Tafiti la Research ICT Africa, wakati wa kikao cha wadau wa uhakiki wa taarifa kuhusu uzoefu wa mtandaoni katika kukabiliana na taarifa potofu kilichoratibiwa na Nukta Africa.

Amesisitiza kuwa wananchi ndio walengwa wakuu na watumiaji wakubwa wa taarifa, hivyo ni muhimu wawe mstari wa mbele katika uthibitishaji wa taarifa.




Na Nukta Fakti

"Taarifa potofu hazichagui chaneli” amesema Nuzulack Dausen, Mkurugenzi Mtendaji wa Nukta Africa, wakati wa kikao cha wa...
20/10/2025

"Taarifa potofu hazichagui chaneli” amesema Nuzulack Dausen, Mkurugenzi Mtendaji wa Nukta Africa, wakati wa kikao cha wadau wa uhakiki wa taarifa kuhusu uzoefu wa mtandaoni katika kukabiliana na upotoshaji.

Ameeleza kuwa taasisi yoyote iwe serikali, binafsi au ya kijamii inaweza kushambuliwa na taarifa potofu.

Ni wajibu wa kila mmoja kuthibitisha kabla ya kusambaza.

18/10/2025

Taarifa potofu zinaweza kugawa jamii, kuchochea chuki, na kuhatarisha amani. Kabla hujasambaza tarifa, chukua muda kuthibitisha. Taarifa moja ya uongo inaweza kugharimu utulivu wa taifa.




Na Nukta Fakti

14/10/2025

Huenda ukawa ni moja ya watu waliokutana na chapisho katika mitandao ya kijamii linalodaiwa kuwa ni waraka uliotolewa na Baraza la Maaskofu Katoliki Tanzania (TEC) likitoa msimamo wa baraza hilo kuelekea Uchaguzi Mkuu unaotarajiwa kufanyika Oktoba 29.

Chapisho hilo feki limesambaa likiwa na nembo na mhuri wa baraza hilo pamoja na sahihi ya Rais wa TEC, Wolfgang Pisa pamoja na Katibu Mkuu, Padri Dk Charles Kitima likiwa na kichwa kinachosomeka ‘TAMKO LA BARAZA LA MAASKOFU KATOLIKI TANZANIA (TEC) KUHUSU AMANI KWA TAIFA KUELEKEA SIKU YA UCHAGUZI MKUU WA JAMHURI YA MUUNGANO WA TANZANIA UTAKAOFANYIKA TAREHE 29 OKTOBA 2025’.

Chapisho hilo ambalo pia liliripotiwa na baadhi ya vyombo vya habari bila kuhakikiwa, limepokelewa kwa sura na mitazamo tofauti na baadhi ya wadau na kuzua mijadala katika mitandao ya kijamii kutokana na ajenda yake inayogusa moja kwa moja Uchaguzi Mkuu 2025.

13/10/2025

NuktaFakti imefanya uhakiki na kubaini kuwa taarifa inayosambaa mtandaoni ikidai ni mawasiliano ya simu ya Makamu Mwenyekiti wa Chama cha Demokrasia na Maendeleo (Chadema), John Heche na Mwanaharakati, Maria Sarungi wakiwa na mipango ya kumficha aliyekuwa balozi wa Tanzania nchini Cuba, Humphrey Polepole si ya kweli, bali imetengenezwa kwa lengo la kupotosha.

NuktaFakti kwa kutumia dhana za kidigitali za uhakiki, imejiridhisha kuwa sauti inayosikika kwenye mazungumzo si sauti halisi ya Heche bali imetengenezwa na wapotoshaji kwa kuiga sauti. Aidha, sauti ya Maria Sarungi inayosikika ni sehemu ya mazungumzo yake kutoka kwenye X (zamani Twitter) Space.

Pia, chapisho lililotumika kusambaza taarifa hiyo ni feki kwani haijachapishwa na Jambo TV, halipo kwenye kurasa rasmi za chombo hicho cha habari. Aina ya mwandiko (fonts) uliotumiwa sio mwandiko rasmi unaotumika kwenye machapisho rasmi ya Jambo TV.




Na Nukta Fakti

Taarifa za uongo ni silaha inayoweza kuvuruga demokrasia.Usiruhusu uongo uamue kura yako. 🗳️ Na Nukta Fakti
13/10/2025

Taarifa za uongo ni silaha inayoweza kuvuruga demokrasia.
Usiruhusu uongo uamue kura yako. 🗳️




Na Nukta Fakti

Nukta Fakti imefanya uchunguzi kwenye chapisho linalosambaa kwenye mitandao ya kijamii lenye muonekano wa machapisho ya ...
10/10/2025

Nukta Fakti imefanya uchunguzi kwenye chapisho linalosambaa kwenye mitandao ya kijamii lenye muonekano wa machapisho ya chombo cha habari cha Swahili Times, likuwa na kichwa kinachosomeka 'UAMUZI WA DKT SAMIA KUMDHIBITI POLEPOLE UMEREJESHA HESHIMA SERIKALINI' na kubaini kuwa chapisho hilo ni feki na taarifa hizo si za kweli.

Nukta Fakti imebaini kuwa chapisho hilo halijachapishwa na Swahili Times, halipo kwenye kurasa rasmi za mitandao ya chombo hicho cha habari. Aidha aina ya mwandiko (fonts) na mpangilio (theme) unaoonekana kwenye chapisho hili, si rasmi unaotumika katika machapisho halisi ya chombo hicho cha habari.




Na Nukta Fakti

Nukta Fakti imefanya uchunguzi kwenye chapisho linalosambaa kwenye mitandao ya kijamii, likuwa na kichwa kinachosomeka '...
10/10/2025

Nukta Fakti imefanya uchunguzi kwenye chapisho linalosambaa kwenye mitandao ya kijamii, likuwa na kichwa kinachosomeka 'ZITTO: POLEPOLE ALIPO WAULIZWE CHADEMA' na kubaini kuwa chapisho hilo ni feki na taarifa hizo si za kweli.

Nukta Fakti imebaini kuwa chapisho hilo halijachapishwa na Millard Ayo, halipo kwenye kurasa rasmi za mitandao ya chombo hicho cha habari. Aidha, aina ya mwandiko (fonts) na mpangilio (theme) unaoonekana kwenye chapisho hili, si rasmi unaotumika katika machapisho halisi ya chombo hicho cha habari.




Na Nukta Fakti

Address

1st Floor, 12 Mwinjuma Road, (Msolomi Street), Kinondoni Studio
Dar Es Salaam
76762

Website

http://www.nuktaafrica.co.tz/

Alerts

Be the first to know and let us send you an email when Nukta Fakti posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Nukta Fakti:

Shortcuts

Share

Category