Nuurul_islam

28/08/2026

Alhamdulillah kwa kutujaalia kuamka salama na kutufikisha siku nyingine yenye neema. Leo ni Ijumaa, siku tukufu ambayo Allah ametupa fursa nyingine ya kuongeza ibada, kumkumbuka na kujikurubisha Kwake.

Ndugu yangu Muislamu, tusiiache siku hii ipite bila kufanya kheri. Tujitahidi kusoma Surah Al-Kahf, kumtakia kwa wingi rehema na amani Mtume wetu Muhammad s.a.w, kufanya dua, kusoma adhkari na kuomba msamaha kwa Allah.

Tuweke pembeni shughuli za dunia kwa muda, tutafakari maisha yetu na tujiulize: Ikiwa leo ndiyo siku yangu ya mwisho, nimejiandaa kukutana na Mola wangu?

Allah atujaalie Ijumaa hii iwe sababu ya kusamehewa madhambi yetu, kukubaliwa dua zetu, kufunguliwa milango ya kheri na kutuongezea imani na uchamungu.

Allahumma barik lana fi yaumil-Jumu'ah, waqbal minna salihal-a'mal, waghfir lana dhunubana.

Aamiin ya Rabbal-'Alamiin. 🤲🤲🤲🤲

27/08/2026

Katika Qur'an, kuna aya nyingi ambazo zinatajwa kuwa ni "za kushangaza" kwa sababu ya muujiza wa lugha yake, maelezo ya kisayansi ambayo hayakujulikana wakati huo, au mafunzo ya kina ya kiroho.

Hapa kuna baadhi ya aya ambazo mara nyingi huwashangaza wasomaji na watafiti

1. MUUJIZA WA MAUMBILE YA BINADAMU
"Na kwa yakini Tulimuumba mtu kutokana na asli ya udongo. Kisha Tukamjaalia awe tone la mbegu (ya uzazi) katika makazi yaliyohifadhika. Kisha Tukaliumba tone kuwa pande la damu, kisha Tukaliumba pande la damu kuwa pande la nyama, kisha Tukaliumba pande la nyama kuwa mifupa, kisha Tukaivisha mifupa nyama..." Q(23:12-14)

Aya hii inashangaza kwa jinsi inavyoelezea hatua za ukuaji wa kiumbe tumboni (embryology) kwa usahihi wa hali ya juu, jambo ambalo sayansi ya kisasa imekuja kulithibitisha ushahihi wake.

2. KUPANUKA KWA ULIMWENGU
"Na mbingu Tumezijenga kwa nguvu (Zetu), na hakika Sisi bila shaka ndio Wenye kuzipanua." Q(51:47)

Wakati watu wa zamani waliamini ulimwengu uko vile vile, aya hii inazungumzia "kupanuka kwa ulimwengu" (Expanding Universe), nadharia ambayo wataalamu wa anga k**a Edwin Hubble waligundua na kuithibitisha.

3. KIZUIZI KATI YA BAHARI MBILI
"Ameziachia bahari mbili zikutane baina yao kipo kizuizi (barzakha), zisivuke mipaka." Q(55:19-20)

Aya hii inaelezea jambo la kustaajabisha ambapo bahari mbili maji ya chumvi na maji matamu au bahari mbili tofauti zinakutana lakini maji yake hayachanganyiki pamoja.

4. MILIMA KUIFANYA DUNIA ISIYUMBE
"Je! Hatukuifanya ardhi kuwa k**a tandiko? Na milima kuwa k**a vigingi?" Q(78:6-7)📖

Sayansi ya jiolojia ilikuja kugundua kuwa milima ina mizizi mirefu chini ya ardhi inayosaidia kuimarisha na kushikilia tabaka la nje la dunia.

5. SIRI YA ALAMA ZA VIDOLE
"Kwani anadhani mwanadamu kuwa Hatutaikusanya mifupa yake? Kwani! Sisi Tunaweza hata kuzitengeneza sawa sawa ncha za vidole vyake!" Q(75:3-4)📖

Qur'an iliteremka miaka mingi iliyopita, watu walichukulia ncha za vidole k**a sehemu ndogo tu ya mwili isiyo na maana yoyote ya kipekee. Lakini sayansi ya kisasa imekuja kugundua kuwa alama za vidole ndiyo utambulisho wa kipekee zaidi wa mwanadamu. Hakuna watu wawili duniani (hata mapacha wanaofanana kabisa) wenye alama za vidole zinazofanana. 📖

26/08/2026

MAJINA 99 YA ALLAH

1. Allah — Mwenyezi Mungu anayestahiki kuabudiwa kwa haki.

2. Ar-Rahmaan — Mwingi wa rehema kwa viumbe vyake wote.

3. Ar-Rahiim — Mwenye kuwahurumia sana Waumini.

4. Al-Malik — Mfalme na Mwenye mamlaka yote.

5. Al-Qudduus — Aliyetakasika na kila upungufu.

6. As-Salaam — Mwenye salama na asiyekuwa na kasoro.

7. Al-Mu'min — Mwenye kutoa usalama na amani.

8. Al-Muhaymin — Mlinzi na Msimamizi wa kila kitu.

9. Al-Aziiz — Mwenye nguvu na utukufu usioshindika.

10. Al-Jabbaar — Mwenye nguvu kuu na anayetengeneza hali za viumbe vyake.

11. Al-Mutakabbir — Mwenye ukubwa na utukufu usio na mfano.

12. Al-Khaaliq — Muumba wa kila kitu.

13. Al-Baari' — Muumba aliyeumba viumbe kwa utaratibu na hekima.

14. Al-Musawwir — Mwenye kuvipa viumbe sura na maumbile mbalimbali.

15. Al-Ghaffaar — Mwenye kusamehe dhambi mara kwa mara.

16. Al-Qahhaar — Mwenye kuwashinda na kuwatawala viumbe wote.

17. Al-Wahhaab — Mwenye kutoa neema nyingi bila kudai malipo.

18. Ar-Razzaaq — Mwenye kuruzuku viumbe wote.

19. Al-Fattaah — Mwenye kufungua milango ya kheri na hukumu kwa haki.

20. Al-Aliim — Mwenye kujua kila kitu, kilicho wazi na kilichofichika.

21. Al-Qaabidh — Mwenye kuzuia na kubana kwa hekima yake.

22. Al-Baasit — Mwenye kukunjua na kupanua riziki na rehema.

23. Al-Khaafidh — Mwenye kushusha kwa hekima yake.

24. Ar-Raafi' — Mwenye kuinua kwa daraja na heshima.

25. Al-Mu'izz — Mwenye kumpa utukufu amtakaye.

26. Al-Mudhِل — Mwenye kumdhalilisha anayestahili kwa hekima yake.

27. As-Samii' — Mwenye kusikia kila kitu.

28. Al-Basiir — Mwenye kuona kila kitu.

29. Al-Hakam — Mwenye kuhukumu kwa haki.

30. Al-Adl — Mwenye uadilifu kamili.

31. Al-Latiif — Mwenye upole na anayefikisha kheri kwa njia zisizojulikana.

32. Al-Khabiir — Mwenye kujua undani wa kila jambo.

33. Al-Haliim — Mwenye subira na asiyeharakisha kuwaadhibu waja.

34. Al-Aziim — Mwenye utukufu na ukubwa usio na mfano.

35. Al-Ghafuur — Mwenye kusamehe madhambi.

36. Ash-Shakuur — Mwenye kuthamini na kulipa mema kwa malipo makubwa.

37. Al-Aliyy — Aliye juu kabisa kwa cheo na utukufu.

38. Al-Kabiir — Mkuu kuliko kila kitu.

39. Al-Hafiidh — Mwenye kuhifadhi na kulinda kila kitu.

40. Al-Muqiit — Mwenye kuwapa viumbe chakula na uwezo wanaouhitaji.

41. Al-Hasiib — Mwenye kuhesabu na kumtosheleza mja wake.

42. Al-Jaliil — Mwenye utukufu na heshima kuu.

43. Al-Kariim — Mwenye ukarimu mwingi.

44. Ar-Raqiib — Mwenye kuchunguza na kujua kila jambo.

45. Al-Mujiib — Mwenye kujibu dua za waja wake.

46. Al-Waasi' — Mwenye upana wa rehema, elimu na fadhila.

47. Al-Hakiim — Mwenye hekima katika kila anachokifanya.

48. Al-Waduud — Mwenye upendo mkubwa kwa waja wake wema.

49. Al-Majiid — Mwenye utukufu na heshima kuu.

50. Al-Baa'ith — Mwenye kuwafufua viumbe baada ya kufa.

51. Ash-Shahiid — Mwenye kushuhudia kila kitu.

52. Al-Haqq — Mwenye haki na ukweli wa kweli.

53. Al-Wakiil — Mwenye kusimamia mambo ya waja wake.

54. Al-Qawiyy — Mwenye nguvu zisizo na mwisho.

55. Al-Matiin — Mwenye nguvu thabiti na zisizodhoofika.

56. Al-Waliyy — Mlinzi na Msaidizi wa Waumini.

57. Al-Hamiid — Anayestahiki kusifiwa katika hali zote.

58. Al-Muhsii — Mwenye kuhesabu kila kitu kwa ukamilifu.

59. Al-Mubdi' — Mwenye kuanzisha uumbaji.

60. Al-Mu'iid — Mwenye kurejesha viumbe baada ya kufa.

61. Al-Muhyii — Mwenye kutoa uhai.

62. Al-Mumiit — Mwenye kuleta mauti.

63. Al-Hayy — Mwenye uhai mkamilifu usio na mwanzo wala mwisho.

64. Al-Qayyuum — Mwenye kusimamia na kuendesha kila kitu.

65. Al-Waajid — Asiye na upungufu wa chochote na anayepata kila anachokitaka.

66. Al-Maajid — Mwenye utukufu na heshima nyingi.

67. Al-Waahid — Mmoja na asiye na mshirika.

68. Al-Ahad — Mmoja wa pekee, asiye na mfano.

69. As-Samad — Mwenye kutegemewa na viumbe wote katika mahitaji yao.

70. Al-Qaadir — Mwenye uwezo juu ya kila kitu.

71. Al-Muqtadir — Mwenye uwezo kamili wa kutekeleza kila jambo.

72. Al-Muqaddim — Mwenye kutanguliza kwa hekima yake.

73. Al-Mu'akhkhir — Mwenye kuchelewesha kwa hekima yake.

74. Al-Awwal — Wa Kwanza, hakuna kitu kilichomtangulia.

75. Al-Aakhir — Wa Mwisho, hakuna kitu kitakachobaki baada yake.

76. Az-Zaahir — Aliye juu na ambaye dalili za uwepo wake ziko wazi.

77. Al-Baatin — Mwenye kujua mambo yaliyofichika.

78. Al-Waalii — Mwenye kumiliki na kusimamia mambo yote.

79. Al-Muta'aalii — Aliye juu sana na ametakasika na kila upungufu.

80. Al-Barr — Mwenye wema mwingi kwa viumbe vyake.

81. At-Tawwaab — Mwenye kupokea tawba za waja wake.

82. Al-Muntaqim — Mwenye kuadhibu madhalimu kwa haki.

83. Al-Afuww — Mwenye kufuta na kusamehe madhambi.

84. Ar-Ra'uuf — Mwenye huruma na upole mkubwa.

85. Maalikul-Mulk — Mwenye kumiliki ufalme wote.

86. Dhul-Jalaali wal-Ikraam — Mwenye utukufu na ukarimu mkuu.

87. Al-Muqsit — Mwenye kusimamisha uadilifu.

88. Al-Jaami' — Mwenye kukusanya viumbe wote na kukusanya mambo kwa hekima yake.

89. Al-Ghaniyy — Asiyehitaji chochote, bali viumbe wote wanamhitaji.

90. Al-Mughnii — Mwenye kuwatosheleza na kuwatajirisha waja wake.

91. Al-Maani' — Mwenye kuzuia kwa hekima yake.

92. Ad-Dhaarr — Mwenye uwezo wa kuleta madhara kwa hekima na uadilifu wake.

93. An-Naafi' — Mwenye kuleta manufaa na kheri.

94. An-Nuur — Mwenye nuru na Mwenye kuangaza nyoyo kwa uongofu.

95. Al-Haadii — Mwenye kuongoza kwenye njia iliyonyooka.

96. Al-Badii' — Muumbaji wa ajabu asiye na mfano wa uumbaji wake.

97. Al-Baaqii — Mwenye kubaki milele, asiye na mwisho.

98. Al-Waarith — Mwenye kubaki baada ya viumbe wote na mwenye kumiliki kila kitu.

99. Ar-Rashiid — Mwenye kuwaongoza waja kwenye yaliyo sahihi kwa hekima yake.

25/08/2026

WATU WA 5 AMBAO DUA ZAO HAZIKATALIWI

Mbali na nyakati nzuri za kuomba dua, Mtume Muhammad ﷺ pia alitaja makundi ya watu ambao, kutokana na hali zao au matendo yao, dua zao hupokelewa haraka na Allah (Subhaanahu wa Ta'ala) na hazirudishwi.

1. DUA YA MZAZI KWA MWANAWE

Mzazi ana nafasi kubwa sana mbele ya Allah. Dua anayomuombea mtoto wake (iwe ni ya kheri au ya laana) hukubaliwa bila kizuizi. Hii ni sababu kubwa inayowahimiza wazazi kuwaombea watoto wao mema nyakati zote na kujizuia kuwatamkia maneno mabaya wanapowakasirisha. (Sunan Ibn Majah 3862)

2. DUA YA MSAFIRI

Mtu aliyeko katika safari (safari iliyo halali) yuko katika hali ya uchovu na kumhitaji sana Allah. Mtume ﷺ alitaja kuwa dua ya msafiri ni miongoni mwa dua ambazo hazina shaka katika kujibiwa kwake, mpaka pale atakaporudi nyumbani. (Sunan Ibn Majah 3862)

3. DUA YA ALIYEDHULUMIWA (Madhluum):

Uislamu unakataza sana dhuluma, kwani kati ya dua ya mtu aliyedhulumiwa na Allah hakuna pazia. Mtume ﷺ alimwambia Mu'adh bin Jabal alipomtuma Yemen: "Ogopa dua ya aliyedhulumiwa, kwani hakuna pazia kati yake na Allah." Hata k**a aliyedhulumiwa sio Muislamu, dua yake dhidi ya yule aliyemdhulumu hupokelewa. (Ṣaḥīḥ al-Bukhari 1496)

4. DUA YA MUISLAMU KWA NDUGU YAKE (Bila Yeye Kujua):

Unapomuombea kheri ndugu yako Muislamu akiwa hayupo (ghaib) au bila yeye kujua, dua hiyo inakubaliwa haraka sana. Zaidi ya hayo, unapofanya hivyo, kuna Malaika aliyepangwa ambaye huitikia kwa kusema: "Amiin, na wewe upate mfano wa hicho (ulichomuombea)." (Ṣaḥīḥ Muslim 2732)

5. DUA YA KIONGOZI MUADILiFU (Imamul-Aadil):

Kiongozi anayetenda haki na kuongoza watu wake kwa uadilifu, dua yake haikataliwi. Hii ni kutokana na ukubwa wa jukumu alilonalo, mtihani alioubeba, na jinsi anavyojizuia na kufuata matamanio ili kusimamisha haki. ((Sunan At-Tirmidhi 2526))

25/08/2026

ALHAMDULILLAH KWA KUIONA SIKU NYINGINE TENA

Alhamdulillah, sifa njema zote ni za Allah سبحانه وتعالى ambaye ametupa nafasi ya kuiona siku nyingine tena tukiwa hai, tukiwa na afya, tukiwa na uwezo wa kupumua na kutekeleza ibada zake. Kuna watu waliolala jana na hawakuamka leo, lakini Allah kwa rehema zake ametupa nafasi nyingine ya kuishi. Hivyo basi, kuiona asubuhi mpya si jambo la kawaida tu, bali ni neema kubwa na fursa nyingine ya kumrudia Allah.

Ewe ndugu yangu katika imani, kila asubuhi unapofumbua macho yako, mkumbuke Allah. Usianze siku yako kwa kusahau Muumba wako na kujishughulisha na mambo ya dunia pekee. Anza siku kwa kumshukuru Allah, kwa kuswali Swala ya Alfajiri kwa wakati, kusoma Qur’an na kufanya adhkari za asubuhi.

Adhkar za asubuhi ni katika mambo yanayomfanya Muislamu aanze siku yake akiwa amemtegemea Allah. Zinaukumbusha moyo kwamba hakuna kinga, nguvu wala msaada wa kweli isipokuwa kutoka kwa Allah. Zisome kwa utulivu, kwa kutafakari maana yake na kwa yakini kwamba Allah ndiye Mlinzi wako.

Allah سبحانه وتعالى amesema:

فَاذْكُرُونِي أَذْكُرْكُمْ وَاشْكُرُوا لِي وَلَا تَكْفُرُونِ

“Basi nikumbukeni Mimi, nami nitawakumbuka, na mnishukuru wala msinikufuru.”
Suratul Baqarah 2:152

Ewe mja wa Allah, usiache asubuhi ipite bila kumtaja Mola wako. Mshukuru kwa neema ya uhai, kwa afya, kwa familia, kwa chakula, kwa usalama na kwa kila neema ambayo huenda huioni kwa sababu umeizoea.

Kumbuka kwamba siku hii mpya inaweza kuwa siku yako ya mwisho duniani. Kwa hiyo itumie katika mambo ambayo yatakufaidisha unapokutana na Allah. Swali kwa unyenyekevu, soma Qur’an, fanya dhikri, waombee wazazi wako, watendee wema watu, epuka maasi na jitahidi kutenda mema hata k**a ni madogo.

Usiseme bado nina muda mwingi. Muda wa mwanadamu ni siri. Jana ilikuwa maisha, leo ni fursa, lakini kesho haijulikani k**a tutakuwa miongoni mwa watakaoiona.

Basi ewe ndugu yangu katika imani, ukiiona asubuhi hii sema Alhamdulillah, kisha jiulize: Je, leo nitamridhisha Allah kwa jambo gani?

Usikose kusoma adhkari za asubuhi, kwani ni sehemu ya kumkumbuka Allah na kuanza siku yako kwa ibada. Muweke Allah mbele katika mambo yako yote, na muombe akupe moyo unaomkumbuka, ulimi unaomtaja na viungo vinavyomtii.

EWE ALLAH TUFANYE MIONGONI MWA WANAOKUKUMBUKA SANA, WANAOKUSHUKURU NA WANAOKUTUBIA KWA UAMINIFU.

Ewe Allah, ibariki siku yetu, tulinde na kila shari, tuepushe na maasi, turuzuku riziki ya halali, tupe afya na amani, tusimamie katika Swala, tufungulie milango ya kheri na utufanye tuimalize siku hii katika utiifu wako.

EWE ALLAH TUSITOE DUNIANI MPAKA UWE UMERIDHIKA NASI.

ALHAMDULILLAH KWA KUIONA SIKU NYINGINE TENA. TUITUMIE KATIKA KUMRUDIA ALLAH, KUMSHUKURU, KUMTUKUZA NA KUMTII.

ALLAHUMMA AMIIYN 🤲🤲🤲🤲

24/08/2026

USIISHI TU KWA AJILI YA DUNIA

Usiishi tu kwa ajili ya dunia
Kumbuka kuwa safari yako ina mwisho, na mwisho wake ni mbele ya Mola wako

Ewe ndugu yangu katika Imaan, dunia hii si makazi ya kudumu. Leo tupo ndani yake, tunatembea juu yake, tunatafuta riziki, tunajenga nyumba, tunafanya mipango na tunafurahia maisha. Lakini siku moja kila mmoja wetu ataondoka na kuacha kila kitu nyuma

Usidanganyike na uzuri wa dunia, kwa sababu dunia ni ya kupita. Mali utakayoikusanya itabaki, nyumba utakayoijenga itabaki, cheo utakachopata kitabaki, lakini wewe utaondoka. Watu watakusindikiza mpaka kaburini, kisha watarudi na kukuacha peke yako

Kumbuka siku ambayo macho yako yatafungwa na hutakuwa tena na nafasi ya kuongeza amali. Siku ambayo utatamani kurudi duniani hata kwa muda mfupi ili uswali rakaa moja, utoe sadaka, umdhukuru Allah, usome Qur’an au utubu kwa dhambi ulizozifanya

Allah ametukumbusha kwamba kila nafsi itaonja mauti. Hivyo basi, usiache maandalizi ya safari ambayo hakuna anayejua lini itaanza

Ishi duniani lakini usiifanye dunia kuwa lengo la moyo wako. Tafuta riziki halali, jenga maisha yako, saidia familia yako na tumia neema za Allah, lakini usimsahau Yule aliyekupa hizo neema

Swali ni hili

Ikiwa leo ndiyo siku yako ya mwisho duniani, je ungefurahia amali ulizo nazo mbele ya Allah?

Je, swala zako ziko katika hali gani?

Je, Qur’an yako iko katika hali gani?

Je, wazazi wako wameridhika nawe?

Je, umewahi kuwatendea watu kwa dhulma?

Je, una madeni ya watu?

Je, moyo wako umejaa chuki, husuda na kiburi?

Ewe mja wa Allah, kabla mlango wa toba haujafungwa, tubu. Kabla nguvu hazijakuisha, mtii Allah. Kabla hujafikishwa kaburini, jiandae kwa kaburi. Kabla hujafika mbele ya Mola wako, tengeneza uhusiano wako na Yeye

Usiishi maisha yako yote ukikimbizana na dunia huku ukisahau Akhera. Dunia ni muda mfupi sana, lakini Akhera haina mwisho

Basi fanya kila siku iwe siku ya kurudi kwa Allah

Swali kwa moyo wako

NIKIITWA LEO NA MOLA WANGU, NIKO TAYARI?

Mola wetu Allah atujaalie tuishi katika utiifu Wake, atupe mwisho mwema, atusamehe madhambi yetu, aturehemu siku tutakapokutana Naye na atujaalie makazi yetu ya milele yawe Jannatul Firdaus

AAMIIN YA RABBAL AALAMIIN 🤲🤲🤲

23/08/2026

NGUZO SITA ZA IMANI

1. Kumuamini Allah
Ni kuamini kwa moyo kwamba Allah ni Mola na Muumba wa kila kitu, hana mshirika, na Yeye pekee ndiye anayestahiki kuabudiwa. Tunamwamini katika majina na sifa Zake, na tunamtegemea Yeye katika mambo yetu yote.

2. Kuwaamini Malaika wa Allah
Ni kuamini kwamba Allah amewaumba Malaika kutokana na nuru na kwamba wapo kweli. Wao ni viumbe wanaomtii Allah na hawamuasi. Miongoni mwao ni Jibril anayeteremsha Wahyi, Mika’il, Israfil na Malakul-Maut.

3. Kuviamini Vitabu vya Allah
Ni kuamini kwamba Allah aliwapelekea Mitume Wake vitabu na maandiko kwa ajili ya kuwaongoza wanadamu. Miongoni mwa hivyo ni Tawrat, Zabur, Injil na Qur’an. Qur’an ndiyo Kitabu cha mwisho alichokiteremsha Allah na ni mwongozo kwa watu wote.

4. Kuwaamini Mitume wa Allah
Ni kuamini kwamba Allah aliwatuma Mitume kuwaongoza watu katika kumuabudu Yeye pekee. Tunawaamini Mitume wote bila kumkanusha yeyote, kuanzia Adam, Nuh, Ibrahim, Musa, Isa mpaka Muhammad s.a.w., ambaye ndiye Mtume wa mwisho.

5. Kuamini Siku ya Qiyama
Ni kuamini kwamba baada ya maisha haya ya dunia, Allah atawafufua viumbe wote na kuwahisabu kwa matendo yao. Waumini na wenye kutenda mema watapata malipo mema, na wenye kukataa haki na kufanya maovu bila kutubia watapata adhabu kwa mujibu wa hukumu ya Allah.

6. Kuamini Qadar, kheri na shari yake
Ni kuamini kwamba kila jambo limetokea na linatokea kwa elimu, ujuzi na makadirio ya Allah. Tunapaswa kufanya juhudi na kuchukua sababu, lakini moyo wetu umtegemee Allah na kuridhia yaliyotokea kwa hikmah Yake.

Imani si maneno ya ulimi pekee, bali ni kuamini kwa moyo, kutamka kwa ulimi na kuthibitisha kwa matendo.✍️📚

23/08/2026

*MOYO ULIO HAI*

*----••----*

🍃⚪▪️⤵️Amesema Mtume (swalla Allaahu Alayhi Wasallama):

🍃⚪▪️ مَثَلُ الذي يَذْكُرُ رَبَّهُ والذي لا يَذْكُرُ رَبَّهُ، مَثَلُ الحَيِّ والمَيِّتِ..
Mfano wa yule ambaye anamtaja Mola wake, na yule ambaye hamtaji Mola wake ni mfano wa aliye hai na maiti

Hadith imepokewa na imaam Bukhari kutoka kwa Abu Muusa al-ash'ary (Allaah amridhie)

🍃⚪▪️قال الإمام ابن الجوزي رحمه الله :-
Na akasema Ibn Aljauziy (Allaah amrehemu):

🍃⚪▪️‏ليس الميت من خرجت روحه من جنبيه
Si aliyekufa yule ambaye roho yake imetoka ktk mwili wake

🍃⚪▪️وإنما الميت من لا يفقه ماذا لربه من الحقوق عليه
Lakini aliyekufa ni yule haelewi ni zipi haki za Mola wake juu yake

التذكرة / ١٨
At-tadhkirat 18

*NYONGEZA YA MFASIRI*

🍃⚪▪️Mwanadamu kuishi pasina ibada kufa kwake ni bora kuliko kuishi kwake, kwa sababu uhai wako wenye faida nawe ni ule uliotumia katika twaa ya Allaah

🍃⚪▪️Sasa una faida gani ya kuendelea kuwepo pasina kufaidika na ulicho nacho (uhai) ?

🍃⚪▪️Ndio maana mtume wa Allaah akamfananisha asiyemtaja (muabudu) Mola wake ni mfano wa aliyekufa kwakuwa uwepo wake hauna faida kwake ktk maandalizi ya safari ya kuelekea kwa Mola wake

*🍃⚪▪️MOYO ULIOHAI NI MOYO WENYE KUABUDU*

*🍃VUNA THAWABU KWA KUENEZA ELIMU HII🍃*

*⚪USIBADILISHE ...... CHOCHOTE⚪*
🍃⚪➿➿➿➿➿➿➿⚪🍃

22/08/2026