20/11/2025
Wakati naanzisha rasmi account ya tiktok, kati ya video tatu za mwanzo na zilizopata maelfu ya watazamaji, maoni mengi na vipendwa vingi zaidi hata sasa, moja wapo ni ile niliyoipiga katika pwani hii ya jeshi.
Maswali yalikuwa mengi sana kule tiktok, wengi wanauliza, jinsi ya kufika, wengine wanaweka hofu kutembelea, wengi wameuliza vipi amani ipo huko? 😄😁, jibu ni kuwa, hata sasa ni kuwa k**a ukitembelea usiache kufika hapa. Hapa ni kati ya maeneo salama na tulivu zaidi.
Hapa ni nje kidogo ya jiji, eneo mbele kidogo baada ya kuupita uwanja wa ndege wa jijini Mwanza. Sehemu hii inaitwa Ihale, ni eneo tulivu na zuri sana kwa mapumziko binafsi au familia. Mimi nimetembelea hapa tena, na rasmi eneo hili linakuwa eneo langu la pili Pendwa zaidi kwa hapa Mwanza.
Unataka kujua kwanini nataka ufike huku?? Unapaswa kujua kwanza, licha ya kuwa nje kidogo ya mji, beach hii inakaribiana na beach zote kubwa, maarufu na nzuri kwa hapa Mwanza, hivyo unaweza kufika hapa na kuweza kutembelea maeneo hayo jirani kwa wakati mmoja na muda mfupi.
Hapa hakuna gharama ya kiingilio, na k**a ukipanga kutembelea siku za mwisho wa juma, ukiwa njiani kidogo kukaribia maeneo haya utabahatika kuona michezo ya pikipiki, mbio zisizo rasmi sana za magari, kwa kuwa kwa Mwanza nzima ukanda huu ndio utabahatika kuona vijana wakifanya mashindano ya freestyle na ubunifu wa kucheza na pikipiki zao kuzidi wale vijana wa .
Hii usisahau, unataka kuona ndege zikitua na kupaa kutokea juu ziwani? nakuhakikishia sehemu hii utapata bahati ya kuona ukubwa wa ziwa Victoria kwa kutazama uwanda wa maji usiokuwa na mwisho wala kikomo??
