Nipashe

Nipashe Nipashe - Mwanga wa Jamii - Most reliable Kiswahili newspaper in Tanzania. YouTube: https://www.youtube.com/channel/UCsp4pNVOxIl6RzKIZwzsRfQ

Rais wa FC Barcelona, Joan Laporta, amemtumia salamu za pole Rais Samia Suluhu Hassan kufuatia kifo cha mwenza wake, Mze...
15/09/2026

Rais wa FC Barcelona, Joan Laporta, amemtumia salamu za pole Rais Samia Suluhu Hassan kufuatia kifo cha mwenza wake, Mzee Hafidh Ameir Hassan, kilichotokea Septemba 7, 2026.

Salamu hizo zimewasilishwa na Waziri wa Habari, Utamaduni, Sanaa na Michezo, Paul Makonda, aliye nchini Hispania kwa ziara ya siku nne katika klabu hiyo.

Laporta amekabidhi barua ya rambirambi, akimtaka Rais Samia kuwa na subira na nguvu katika kipindi hiki cha majonzi.

Makonda pia anafanya mazungumzo kuhusu ushirikiano katika kukuza vipaji vya soka, maendeleo ya kiufundi na maandalizi ya AFCON 2027.

Imeandikwa|Mwandishi Wetu

Tembelea http://epaper.ippmedia.com kusoma gazeti lako au wasiliana nasi đź“ž+255 745 -700 710 au 0677- 020 701 kwa maelezo zaidi.
‎
‎

15/09/2026

Waziri wa Nchi, Ofisi ya Makamu wa Rais, Muungano na Mazingira, Hamad Masauni, ameitaka Serikali, sekta binafsi, taasisi za fedha na vijana kutumia changamoto za mabadiliko ya tabianchi k**a fursa za kukuza uchumi, ajira na ubunifu.

Masauni amesema mabadiliko ya tabianchi si suala la mazingira pekee, bali pia ni sehemu ya maendeleo ya kiuchumi, hivyo Tanzania inapaswa kutumia fursa zinazotokana na uchumi wa kijani.

Ametaja maeneo yenye fursa kuwa ni pamoja na kilimo endelevu, nishati safi ya kupikia, utalii endelevu, usimamizi wa taka na matumizi ya teknolojia.

Masauni ametoa kauli hiyo leo, Septemba 15, 2026, jijini Dar es Salaam, wakati akizindua Tanzania Green Summit 2026 yenye kaulimbiu “Kugeuza Hatua za Kukabiliana na Mabadiliko ya Tabianchi Kuwa Fursa.”

Imeandikwa|Sagini Hamis

Tembelea http://epaper.ippmedia.com kusoma gazeti lako au wasiliana nasi đź“ž+255 745 -700 710 au 0677- 020 701 kwa maelezo zaidi.
‎
‎

15/09/2026

ACT Wazalendo imewataka Watanzania kuungana kudai kuanzishwa mara moja kwa mchakato wa Katiba Mpya, ikisema mkwamo wa kisiasa nchini hauwezi kutatuliwa kwa marekebisho ya Katiba iliyopo.

Akizungumza katika Siku ya Kimataifa ya Demokrasia, Kiongozi wa Chama, Dorothy Semu, amesema Tanzania inakabiliwa na changamoto za kubanwa kwa uhuru wa habari na kujieleza, kukandamizwa kwa upinzani na matumizi ya kesi za kisiasa dhidi ya wakosoaji wa Serikali.

Amesema Katiba Mpya inapaswa kulinda haki na uhuru wa wananchi, kuweka mipaka ya mamlaka ya dola, kuimarisha taasisi huru na kuhakikisha uchaguzi huru, wa haki na wa kuaminika.

ACT Wazalendo imetoa wito wa kuwekwa ratiba kamili ya mchakato wa Katiba Mpya, ikisisitiza kuwa Tanzania inaweza kupata Katiba Mpya kabla ya mwaka 2029.

Imeandikwa|Mwandishi Wetu

Tembelea http://epaper.ippmedia.com kusoma gazeti lako au wasiliana nasi đź“ž+255 745 -700 710 au 0677- 020 701 kwa maelezo zaidi.
‎
‎

Waziri wa Nchi, Ofisi ya Waziri Mkuu, Kazi, Ajira na Mahusiano, Deus Sangu, amemuagiza Mkurugenzi Mkuu wa Mfuko wa Fidia...
15/09/2026

Waziri wa Nchi, Ofisi ya Waziri Mkuu, Kazi, Ajira na Mahusiano, Deus Sangu, amemuagiza Mkurugenzi Mkuu wa Mfuko wa Fidia kwa Wafanyakazi (WCF) kuhakikisha waajiri ambao hawawasilishi michango yao katika mifuko ya hifadhi ya jamii, hususani WCF, wanachukuliwa hatua stahiki.

“Nakuelekeza Mkurugenzi Mkuu wa WCF kuhakikisha ndani ya miezi mitatu kunafanyika kampeni maalum kuhakikisha wale waajiri ambao hawaleti michango yao kwa makusudi au kutokujua kwenye mifuko ya hifadhi ya jamii, waweze kuchukuliwa hatua,” amesema.

Ametoa agizo hilo jana wakati wa hafla ya kukabidhi msaada wa miundombinu ya nishati safi ya kupikia katika Shule za Sekondari za Kinambeu na Kizaga, wilayani Iramba, mkoani Singida.

Naye, Mkurugenzi Mkuu wa WCF, Dk. John Mduma, amesema msaada huo ni sehemu ya utekelezaji wa sera ya mfuko ya kurejesha kwa jamii, inayolenga kushiriki katika kutatua changamoto mbalimbali, ikiwemo kuweka mazingira wezeshi ya upatikanaji wa huduma bora katika sekta ya elimu.

Amesema WCF imeweza kusaidia takribani wanafunzi 2,000 wanaosoma katika shule hizo mbili, kupitia msaada wa miundombinu ya nishati safi ya kupikia.

Imeandikwa na Thobias Mwanakatwe


Kuna nyakati ambazo jamii inapaswa kusimama na kujiuliza imefika wapi. Tukio la kijana Steven Kaaya kupigwa hadi kufari...
15/09/2026


Kuna nyakati ambazo jamii inapaswa kusimama na kujiuliza imefika wapi. Tukio la kijana Steven Kaaya kupigwa hadi kufariki dunia baada ya kutuhumiwa kuiba kiti cha chuma huko Spaincon, Kata ya Bomambuzi, Manispaa ya Moshi, linapaswa kuwa moja ya nyakati hizo.

Si kwa sababu tu kijana amepoteza maisha, bali kwa sababu baada ya kifo chake kulitokea tukio lingine la kutisha. Kundi la vijana lilidaiwa kuvamia eneo hilo, kuchoma gari, kuvunja duka na vibanda na kuchukua mali kwa madai ya kulipa kisasi.

Hivyo, tukio moja la tuhuma za wizi likazaa kifo, kisha kifo kikazaa vurugu na uharibifu wa mali. Mwishowe, swali linabaki: Jamii inapata nini inapochagua kisasi badala ya sheria? Jibu ni chungu. Haipati haki. Inazalisha maumivu zaidi.

Taarifa zilizotolewa na viongozi zinaonesha kuwa Steven alishukiwa kuiba kiti cha chuma katika eneo la biashara. Badala ya mfanyabiashara aliyedai kuibiwa kutoa taarifa polisi ili uchunguzi ufanyike, kijana huyo alik**atwa na kupigwa na wananchi, hali iliyosababisha majeraha makubwa na hatimaye kifo.

Hapa ndipo tunapaswa kuweka mstari usiovukwa. Tuhuma si hukumu. Mtu anaposhukiwa kuiba, hata k**a ushahidi unaonekana kuwa wazi kwa macho ya wananchi, mamlaka ya mwisho ya kuamua hatia yake si kundi la watu lililomk**ata. Ni vyombo vya sheria.

https://ippmedia.com/nipashe/maoni/maoni-ya-mhariri/read/hakuna-tuhuma-inayostahilihukumu-ya-kifo-tujisahihishe-2026-09-15-105012

15/09/2026

Wakati wachimbaji wa Dhahabu na matajiri wa madini wa Katoro mkoani Geita wakizidi kujizolea umaarufu na sifa kutokana na utamaduni wao wa kumwaga na kutunza fedha na kuandaa sherehe za kufuru, tahadhari imetolewa dhidi yao.

Tahadhari hiyo imetolewa na Mbunge wa Jimbo la Geita Vijijini, Joseph Kasheku 'Msukuma', leo mkoani Mwanza wakati akizungumza katika ufunguzi wa mkutano mkuu wa Jumuiya ya Wanajiolojia Tanzania (TGS).

Msukuma ambaye pia ni Mjumbe wa k**ati ya kudumu ya bunge ya nishati na madini, amesema jambo hilo siyo zuri na linaonyesha wachimbaji hao hawana uelewa, hivyo wanahitaji msaada wa wataalam wawasaidie ili wawe na mwisho usio na aibu.

Amesema ana uzoefu wa muda mrefu na fedha zinazotokana na madini kwani amekuwa mchimbaji tangu miaka ya 1980, hivyo ameshuhudia watu wengi wa aina hiyo ambao kwa mujibu wake waliishia pabaya na kwa aibu.

Amesema yanayotokea Katoro siyo dhambi bali inaoonyesha watu hawakuwa wamejiandaa baada ya kupata fedha nyingi baada ya muda mrefu wa kusota.

"Kwa sababu baada ya kutupa huna asset (mali) huna kila kitu ukirudi duarani (shimoni) unakuta hamna dhahabu, sasa haya yanayotokea Katoro si dhambi kwa sababu pia tulikaa muda mrefu bila kupata hela lakini sasa wamezipata hela hatujajiandaa na matumizi," amesema Msukuma.

Imeandikwa na Damian Masyenene


Address

The Guardian Limited
Dar Es Salaam
31042,DSM

Telephone

+255745700710

Website

Alerts

Be the first to know and let us send you an email when Nipashe posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Nipashe:

Shortcuts

Share

Category