16/03/2026
Kiongozi wa Israel, Benjamin Netanyahu, amemaliza uvumi na nadharia za njama zilizokuwa zikisambaa kuhusu kifo chake kupitia video mpya.
Katika video hiyo yenye maelezo “Wanasema nimefanya nini? Tazama hii…”, kiongozi huyo anaonekana akitania kuhusu uvumi huo. Akiwa katika duka la kahawa, anasema kwa mzaha: “Nimekufa… kwa ajili ya kahawa,” wakati akiagiza kahawa yake.
Pia alijaribu kufanya utani kuhusu madai ya kifo chake akitumia msemo wa kawaida wa Kiebrania unaomaanisha kumpenda kitu sana kiasi cha “mpaka kufa”. Alisema: “Naipenda nchi yangu hadi kufa,” akiongeza kuwa anavutiwa na jinsi wananchi wanavyojiendesha.
Katika video hiyo, Netanyahu anaonyesha vidole vyake vyote 10 mbele ya kamera ili kupinga uvumi uliokuwa ukisambaa mtandaoni—ambao hata ulidaiwa kuthibitishwa na Grok—kwamba mkutano wake wa hivi karibuni ulikuwa umetengenezwa kwa teknolojia ya akili bandia (AI).
Katika ujumbe wake, aliwahimiza Waisraeli watoke majumbani mwao kupata “hewa safi”, lakini wakae karibu na maeneo ya kujikinga (shelters) wakati mashambulizi kutoka Iran yakiongezeka.
Pia aliwahakikishia wananchi kuwa vikwazo vya serikali kuhusu shughuli mbalimbali vitaondolewa haraka iwezekanavyo.
“Uungwaji mkono wenu ni wa ajabu—unanipa nguvu mimi, serikali na jeshi la Israel Defense Forces,” alisema.
Aliongeza: “Tunafanya mambo ambayo siwezi kuyasema sasa, lakini leo pia tunafanya operesheni kali sana nchini Iran na Lebanon.”
Aliwataka wananchi wote kufuata maagizo ya Israel Home Front Command wakati wote.
“Hata viongozi wa nchi wanapaswa kuwa karibu na chumba kilicholindwa. Tutafanya kila tuwezalo,” alisema.
Mwisho wa video, alitania tena akisema: “Asante kwa kahawa. Sijui kuhusu kalori… hii inaonekana hatari kwangu.”
