Habari Digital

Habari Digital Kwa habari na matukio, kitaifa na kimataifa, saa 24 siku 7 za wiki.

15/07/2026

Mchungaji Bizimana

14/07/2026

Furaha, nderemo na matumaini mapya vilitawala miongoni mwa vijana wa Wilaya ya Kyela, Mkoa wa Mbeya, baada ya Serikali ya Awamu ya Sita kutekeleza sehemu ya ahadi zilizotolewa wakati wa ziara ya Waziri wa Nchi, Ofisi ya Rais - Maendeleo ya Vijana, Mhe. Joel A. Nanauka, aliyefanya wilayani humo tarehe 17 Novemba 2025 kwa lengo la kusikiliza changamoto za wananchi na vijana.

Kupitia Programu ya Taifa ya Uwezeshaji Vijana Kiuchumi ya Shilingi Bilioni 200 iliyoanzishwa na Serikali chini ya uongozi wa Rais wa Jamhuri ya Muungano wa Tanzania, Mhe. Dkt. Samia Suluhu Hassan, makundi mawili ya vijana yamekabidhiwa pikipiki 22 zenye thamani ya Shilingi milioni 87, hatua ambayo wananchi wameitaja kuwa ni ushahidi wa Serikali inayosikiliza na kutekeleza.

Kwa vijana wengi wa Kyela, tukio hilo halikuwa la kawaida. Lilikuwa ni siku ya kuona maneno yakigeuka vitendo.

Wakizungumza mara baada ya kupokea vifaa hivyo, baadhi ya wanufaika walieleza kuwa wakati Waziri Nanauka alipofanya ziara yake mwaka jana walimweleza wazi changamoto zilizokuwa zinawakwamisha kupanua shughuli zao za kiuchumi, hususan ukosefu wa mtaji na vifaa vya kufanyia kazi.

Leo, miezi michache baadaye, changamoto hizo zimeanza kupata majibu. "Tulizungumza na Waziri wakati wa ziara yake.

Alitusikiliza kwa makini na akatuahidi Serikali itafanyia kazi changamoto zetu. Leo tunashuhudia utekelezaji wake. Kwa kweli tunamshukuru Mheshimiwa Rais Samia kwa kutuona sisi vijana.

14/07/2026

KINGU: MIMI SEWEZI KUTUMIKA KUMSAFISHA MFANYABIASHARA ASIYEKUWA MWAMINIFU

14/07/2026

VIDEO:

Kwa mujibu wa Benki ya Dunia, biashara ndogondogo na za kati huchangia takribani asilimia 90 ya biashara zote duniani na zaidi ya asilimia 50 ya ajira, lakini changamoto ya upatikanaji wa mitaji imeendelea kuwa kikwazo kikubwa kwa maendeleo ya biashara hizo.

Katika kukabiliana na changamoto hiyo, Serikali ya Rais Dkt. Samia Suluhu Hassan imeendelea kutekeleza mpango wa utoaji wa mikopo ya asilimia 10 isiyo na riba kwa vijana, wanawake na watu wa makundi maalumu kupitia halmashauri zote nchini.

Mkoani Njombe, Halmashauri ya Mji wa Makambako imeingia awamu ya tatu ya utekelezaji wa mpango huo ambapo zaidi ya Shilingi milioni 400 zimetolewa kwa vikundi vya vijana, wanawake na watu wenye mahitaji maalumu ili kukuza shughuli zao za kiuchumi.

Mnufaika wa mikopo hiyo kutoka kundi la watu wenye ulemavu, Ezekia Tumaini, amesema wamewezeshwa kwa mkopo wa Shilingi milioni 44, ambapo baadhi yao wamepata vyombo vya usafiri kwa ajili ya biashara, huku wengine wakielekeza fedha hizo katika kilimo, ufugaji na biashara nyingine.

Kwa upande wake, Dennis Julius, mmoja wa wanufaika wa vijana, amesema kabla ya kupata mkopo huo walikuwa wakishindwa kupata mitaji ya kuendeleza shughuli zao, lakini kupitia mpango wa Rais Samia sasa wamepata fursa ya kujikwamua kiuchumi bila mzigo wa riba.

Naye Daudi Yustine, ambaye ni fundi, amesema alitamani kwa muda mrefu kupata mtaji wa kuendeleza kazi yake bila mafanikio, lakini baada ya kusikia kuhusu mpango wa mikopo wa Serikali ya Rais Samia aliamua kujiunga na hatimaye kufanikisha ndoto yake.

Afisa Mikopo wa Halmashauri ya Mji wa Makambako, Imaculeta Kamwezi, amesema kuwa mikopo hiyo imekuwa chachu ya kuwafanya vijana kujikita kwenye uzalishaji na ujasiriamali, jambo linalosaidia kupunguza utegemezi, vitendo vya uhalifu pamoja na tabia nyingine hatarishi zinazowakumba vijana.

Matumaini ya dunia kuanza kurejea katika utulivu wa upatikanaji wa mafuta na kushuka kwa bei zake yanaelekea kuyeyuka ba...
14/07/2026

Matumaini ya dunia kuanza kurejea katika utulivu wa upatikanaji wa mafuta na kushuka kwa bei zake yanaelekea kuyeyuka baada ya kuanza upya kwa mashambulizi makali kati ya Marekani na Israel dhidi ya Iran, huku bei ya mafuta ghafi aina ya Brent ikipanda hadi zaidi ya dola 84 kwa p**a katika soko la dunia na hofu ikiongezeka zaidi baada ya Serikali ya Falme za Kiarabu (UAE) kutangaza kuwa meli zake mbili za mafuta, Mombasa na Al Bahiyah, zimelipuliwa kwa makombora mawili ya cruise yanayodaiwa kurushwa na Iran zikiwa katika njia ya kusini ya Mlango wa Hormuz ndani ya maji ya Oman.

Kwa mujibu wa taarifa rasmi ya Serikali ya UAE pamoja na ripoti za vyombo mbalimbali vya habari vya kimataifa, shambulio hilo limesababisha kifo cha mfanyakazi mmoja raia wa India aliyekuwa ndani ya meli ya Mombasa, huku watu wengine wanane wakijeruhiwa, wanne kati yao wakiwa katika hali mbaya. Meli zote mbili zilipata uharibifu mkubwa na kushika moto kabla ya vikosi vya dharura vilivyokuwa ndani ya meli hizo kufanikiwa kuudhibiti.

Mashambulizi hayo yamekuja wakati mvutano wa kijeshi katika Mashariki ya Kati ukiongezeka upya kufuatia kuendelea kwa operesheni za kijeshi za Marekani dhidi ya Iran sambamba na mashambulizi ya Israel, hali iliyowafanya wafanyabiashara wa mafuta duniani kuongeza tahadhari kuhusu usalama wa njia za usafirishaji wa mafuta.

Wachambuzi wa masoko wanaeleza kuwa kuendelea kwa mashambulizi katika Mlango wa Hormuz kunaweza kuongeza gharama za bima za meli, usafirishaji wa mafuta na hatimaye kusukuma bei za mafuta kupanda zaidi katika soko la dunia.

Kwa mujibu wa taarifa ya Wizara ya Mambo ya Nje ya UAE, meli hizo zilikuwa zikisafiri katika njia ya kusini ya Mlango wa Hormuz ndani ya maji ya Oman zilipolengwa na makombora mawili ya cruise.

Serikali hiyo imelilaani shambulio hilo na kulieleza kuwa ni ukiukwaji mkubwa wa sheria za kimataifa na uhuru wa usafiri wa baharini, huku ikisisitiza kuwa inahifadhi haki ya kuchukua hatua zinazofaa kulinda usalama wa taifa, raia wake na maslahi yake ya kimkakati.

Rais Dkt. Samia Suluhu Hassan ametekeleza ahadi aliyowapa wanafunzi wa Shule ya Sekondari ya Wasichana Samia Suluhu Hass...
13/07/2026

Rais Dkt. Samia Suluhu Hassan ametekeleza ahadi aliyowapa wanafunzi wa Shule ya Sekondari ya Wasichana Samia Suluhu Hassan iliyopo Wilaya ya Namtumbo, mkoani Ruvuma, baada ya Serikali kukabidhi gari jipya litakalotumika kuboresha huduma kwa wanafunzi, shughuli za kiutawala na safari za kimasomo.

Akikabidhi gari hilo kwa niaba ya Rais, Waziri wa Uchukuzi na Mlezi wa Mkoa wa Ruvuma, Prof. Makame Mbarawa, alisema Serikali inaendelea kuwekeza kwa kiwango kikubwa katika sekta ya elimu ili kuboresha mazingira ya kujifunzia na kufundishia, huku akimpongeza Rais Samia kwa kutimiza ahadi aliyowapa wanafunzi wa shule hiyo. Alisisitiza kuwa gari hilo litumike kwa shughuli rasmi za shule pekee na lifanyiwe matengenezo kwa wakati ili liweze kudumu na kuwanufaisha wanafunzi wa sasa na vizazi vijavyo.

Mkuu wa Wilaya ya Namtumbo, Ngollo Malenya, alisema wananchi wa wilaya hiyo wanamshukuru Rais Dkt. Samia Suluhu Hassan kwa kuendelea kuipa kipaumbele Namtumbo kupitia uwekezaji katika sekta ya elimu na kwa kutekeleza ahadi ya kuwapatia wanafunzi gari.

Alisema uongozi wa wilaya utasimamia kikamilifu maelekezo yote yaliyotolewa na Serikali ili kuhakikisha gari hilo linatumika kwa shughuli za shule pekee na si kwa matumizi mengine yasiyohusiana na majukumu ya taasisi hiyo.

Kwa upande wake, Mkuu wa Mkoa wa Ruvuma, Brigedia Jenerali Ahmed Abbas, alisema Rais Samia alikubali shule hiyo ibebe jina lake baada ya kujiridhisha kuwa imekidhi viwango vinavyostahili, huku wanafunzi wakiahidi kuliheshimisha jina hilo kwa kufanya vizuri kitaaluma na kinidhamu.

Alisema ahadi hiyo imeanza kuzaa matunda baada ya matokeo ya Kidato cha Sita ya mwaka huu kuonyesha shule hiyo ikiendelea kufanya vizuri, huku mafanikio hayo yakichangia kuipandisha Mkoa wa Ruvuma kutoka nafasi ya 27 hadi nafasi ya 12 kitaifa.

Naye Mwalimu Mkuu wa Shule ya Sekondari ya Wasichana Samia Suluhu Hassan, Dafrosa Chilumba, alisema gari hilo litakuwa msaada mkubwa katika kuwapeleka wanafunzi hospitalini wanapohitaji huduma za matibabu, kurahisisha ziara za kimasomo na kuongeza ufanisi wa shughuli mbalimbali za shule.

13/07/2026

Tanzania imepata heshima ya kuwa mwenyeji wa Kongamano la Kimataifa la Ukuzaji Viumbemaji Duniani (WA26T) na Kongamano la Ukuzaji Viumbemaji Afrika (AFRAQ26), baada ya Serikali ya Jamhuri ya Muungano wa Tanzania na Jumuiya ya Wakuzaji Viumbemaji Duniani (WAS) kusaini hati ya makubaliano ya maandalizi ya kongamano hilo litakalofanyika nchini Jijini Dar es Salaam katika Ukumbi wa Kituo cha Mikutano cha Kimataifa cha Julius Nyerere (JNICC), kuanzia Desemba 1 hadi 4, 2026.

Makubaliano hayo yamesainiwa leo Julai 13, 2026 Jijini Dar es Salaam na Waziri wa Mifugo na Uvuvi, Mheshimiwa Balozi Dkt. Bashiru Ally Kakurwa, kwa niaba ya Serikali, huku WAS ikiwakilishwa na Mwenyekiti wa Tawi la Afrika (AFRAQ), Prof. Julius Manyala.

Akizungumza baada ya utiaji saini huo, Mheshimiwa Balozi Dkt. Bashiru alisema uteuzi wa Tanzania kuwa mwenyeji wa kongamano hilo ni matokeo ya mafanikio makubwa yaliyopatikana katika sekta ya ukuzaji viumbemaji, hususan ongezeko la uzalishaji kwa zaidi ya asilimia 300 ndani ya kipindi cha miaka mitano.

Alifafanua kuwa uzalishaji wa viumbemaji umeongezeka kutoka tani 44,700 katika mwaka wa fedha 2020/2021 hadi tani 181,535.76 mwaka 2025/2026, hatua aliyoeleza kuwa imechangiwa na sera za Serikali za kuboresha mazingira ya uwekezaji, kuimarisha tafiti, kuendeleza matumizi ya teknolojia na kuongeza ushiriki wa sekta binafsi.

"WAS imeionesha Tanzania imani kubwa kwa kuipa fursa ya kuwa mwenyeji wa kongamano hili, na hii ni nafasi muhimu ya kuitangaza nchi yetu na kuonesha mafanikio tuliyoyapata katika sekta ya ukuzaji viumbemaji na Uchumi wa Buluu," alisema.

Alisema kongamano hilo linatarajiwa kushirikisha zaidi ya wajumbe 2,000 kutoka zaidi ya mataifa 100, wakiwemo watafiti, wawekezaji, watunga sera, wabunifu wa teknolojia na washirika wa maendeleo.

Kwa mujibu wa Waziri huyo, mkutano huo utafungua fursa za kuvutia uwekezaji, kuimarisha ushirikiano wa kimataifa, kubadilishana teknolojia na kuongeza masoko ya bidhaa za sekta ya uvuvi na ukuzaji viumbemaji.

Aliwataka wadau wote, wakiwemo vyuo vikuu, taasisi za utafiti, sekta binafsi, taasisi za fedha na mamlaka za serikali za mitaa, kushiriki kikamilifu katika maandalizi ya kongamano hilo ili kuhak

Rais wa Zanzibar na Mwenyekiti wa Baraza la Mapinduzi, Mhe. Dkt. Hussein Ali Mwinyi, ameshuhudia Wakala wa Nishati Vijij...
13/07/2026

Rais wa Zanzibar na Mwenyekiti wa Baraza la Mapinduzi, Mhe. Dkt. Hussein Ali Mwinyi, ameshuhudia Wakala wa Nishati Vijijini (REA) ukitwaa Tuzo ya Muoneshaji Bora wa Taasisi za Serikali (*Government Institutions Exhibitor*) katika Maonesho ya 50 ya Biashara ya Kimataifa ya Dar es Salaam (Sabasaba) 2026.

Tuzo hiyo imepokelewa na Mkuu wa Kitengo cha Uhusiano na Mawasiliano kwa Umma wa REA, Bi. Martha Chassama, kwa niaba ya Wakala.

REA inawashukuru wadau wote waliotembelea banda lake, kujionea mafanikio na utekelezaji wa miradi ya nishati vijijini, pamoja na kuendelea kuunga mkono jitihada za Wakala za kupeleka nishati ya umeme kwenye vitongoji.

13/07/2026

Tanzania imeandika historia mpya katika tasnia ya urembo baada ya Tracy Nabukeera kuondoka rasmi kwenda kuiwakilisha nchi katika mashindano ya Miss Supranational 2026 yatakayofanyika nchini Poland.

Hii itakuwa mara ya kwanza kwa Tanzania kushiriki katika mashindano hayo ya kimataifa, hatua inayotajwa kuwa muhimu katika kuendelea kuitangaza nchi kupitia sekta ya urembo, utalii na utamaduni.

Akizungumza katika hafla ya kumuaga Tracy iliyofanyika jijini Dar es Salaam na kuandaliwa na Millen Privé & Co. Lifestyle, waandaaji wamesema ushiriki huo si mafanikio kwa Tracy pekee bali ni mafanikio kwa Watanzania wote wanaotamani kuona bendera ya Taifa ikipepea katika majukwaa ya kimataifa.

Wamesema kupitia mashindano hayo, Tanzania itapata fursa ya kuonesha uzuri wa mwanamke wa Kitanzania, utamaduni wa Taifa pamoja na vipaji na maadili yanayowatambulisha Watanzania duniani.

Kwa upande wake, Tracy Nabukeera anatarajiwa kubeba bendera ya Tanzania katika mashindano hayo huku akilenga kuiwakilisha nchi kwa heshima na kuitangaza Tanzania katika jukwaa la kimataifa.

13/07/2026

Balaa la Mashemeji na wakwe upande wa mume kwenye sendoff ya Monalisa Sylvester, mji mdogo wa Katoro, Mkoani Geita.

Address

Dar Es Salaam

Website

Alerts

Be the first to know and let us send you an email when Habari Digital posts news and promotions. Your email address will not be used for any other purpose, and you can unsubscribe at any time.

Shortcuts

Share

Category