28/03/2026
Ilikuwa wazi kuwa Jonathan atarithi kiti cha baba yake Mfalme Sauli, lakini hayo hayakuwa mapenzi ya Mungu maana tayari alishaamua kuwa Daudi ndiye atakuwa Mfalme.
Vivyo hivyo, Samweli alipoenda nyumbani kwa Yese kuchagua Mfalme k**a alivyoagizwa na Mungu, Samwel, Yese na watoto wake walitegemea kuwa Eliabu mzaliwa wa kwanza ndiye atakuwa Mfalme, lakini hayo pia hayakuwa mapenzi ya Mungu maana tayari alishaamua kuwa Daudi ndiye atakuwa Mfalme.
Kila mmoja kwa wakati tofauti (Jonathani na Eliabu) waliumia sana kutoka mioyoni mwao maana kwa mtazamo wa kibinadamu ni kana kwamba walionekana hawafai mbele za Mungu kwasababu walikuwa halali kwa sifa za kibinadamu kupata nafasi hio.
Hata hivyo jambo zuri ni kuwa Jonathani na Eliabu walikubali kuwa maamuzi ya Mungu ni sahihi na hayapingwi ijapokuwa walikuwa na maumivu ya kukataliwa, hivyo wakaamua;
1. Kutunza siri ya Daudi kuwa yeye ndiye atakayekuwa Mfalme isifahamike mbele ya Sauli,
2. Walimlinda Daudi kwenye vita vikali wakati bado alikuwa hajakomaa kivita,
3. Walikubali kuwa chini ya Daudi ijapokuwa wao walikuwa
a. Wanauhalali wa sifa za kibinadamu kupata nafasi ya ufalme,
b. Wakubwa kiumri,
c. Wanauzoefu mkubwa wa kivita kuliko Daudi.
FUNZO: Mungu anapoamua nani awe nani anafahamu zaidi kusudi, hata k**a kwa namna za kibinadamu unaweza kuwa na uhalali wa nafasi hio lakini kiroho inaweza isiwe hivyo. Mungu anapoamua kuwa tofauti na unayoyatarajia kuna mawili;
i. Ukubali uwe na amani kusubiri kilicho bora zaidi au wakati mwingine ubaki hivyo hivyo.
ii. Uamue kupingana nae, ujitie mawazo, uishi kwa msongo mkubwa na mwisho uwe muasi.
JUA NAFASI YAKO
