Jamhuri Digital

03/10/2026

NCHI IKO SALAMA KWA CHAKULA – YASEMA KAMATI YA BUNGE

Tabora📍

Kamati ya Kudumu ya Bunge ya Viwanda, Biashara, Kilimo na Mifugo imesema usalama wa nchi unaanza na usalama wa chakula, hivyo wananchi hawapaswi kushangazwa na mabadiliko makubwa yanayofanywa na Serikali katika kuwezesha miradi ya Umwagiliaji.

Kamati hiyo imeeleza kuwa jitihada za Serikali katika kuwekeza kwenye miradi ya Umwagiliaji zinalenga kuhakikisha Tanzania inaendelea kuwa salama na kujidhatiti katika kuongeza uzalishaji wa mazao ya chakula, hali inayoiwezesha pia kuihakikishia dunia kuhusu uwezo wake wa uzalishaji.

Akizungumza katika muendelezo wa ziara ya kukagua miradi ya umwagiliaji inayosimamiwa na Tume ya Taifa ya Umwagiliaji, Mwenyekiti wa Kamati hiyo ambaye pia ni Mbunge wa Njombe Mjini, Mhe. Deodatus Philip Mwanyika, amesema Tanzania ni salama na msingi wake ni uhakika wa chakula.

Mwanyika amesema nchi imekuwa na uzalishaji mkubwa wa mazao ya chakula kwa matumizi ya ndani na hata nje ya nchi, jambo linaloifanya kuwa tegemeo kwa baadhi ya nchi za Ukanda wa SADC.

Ameeleza kuwa ili miradi hiyo iendelee kutoa manufaa kwa muda mrefu, ni muhimu itunzwe kupitia rasilimali za ndani ikiwemo kodi na tozo, ili kuhakikisha inakuwa endelevu na yenye tija kwa wananchi.

“Si rahisi kusema mradi huu ni wetu halafu matengenezo yake apeleke mtu mwingine, si sawa,” amesema Mwanyika akisisitiza umuhimu wa uwajibikaji wa pamoja katika kulinda miundombinu hiyo.

Aidha, ametoa angalizo kuwa miradi inayojengwa na Serikali inahitaji utunzaji wa karibu, na kwamba wananchi wanapaswa kuelewa mchango wao kupitia ada na tozo mbalimbali ili kuhakikisha miundombinu hiyo inabaki katika hali nzuri muda wote.

Mwanyika ameongeza kuwa miradi ya umwagiliaji inaendeshwa kwa ufanisi na thamani ya fedha inaonekana kulingana na kazi zinazofanyika, akibainisha kuwa miradi hiyo inagusa moja kwa moja maisha ya wananchi na kutoa matumaini makubwa ya kiuchumi.

02/10/2026

MPANGO WA UUNGANISHAJI UMEME KUCHOCHEA MAENDELEO YA KIUCHUMI NA KIJAMII KWA WANANCHI – MHE. NDEJEMBI

📌Ashuhudia utiaji Saini na Uzinduzi wa mpango wa ufadhili uunganishaji umeme kwa wananchi kati ya TANESCO na CRDB

📌Asisitiza kufanyika tathmini juu ya namna mpango huo utakavyoleta matokeo Chanya kwa wananchi

Makamu wa Rais wa Jamhuri ya Muungano wa Tanzania, Mhe. Deogratius Ndejembi, amesema Mpango wa Ufadhili wa Uunganishaji Umeme kwa Wananchi unaotekelezwa kwa ushirikiano kati ya Shirika la Umeme Tanzania (TANESCO) na Benki ya CRDB, unalenga kuwawezesha wananchi wa mijini na vijijini kupata huduma ya umeme kwa urahisi na kwa wakati, ili kuongeza fursa za maendeleo katika nyanja mbalimbali za kijamii na kiuchumi.

Akizungumza leo, Oktoba 2, 2026, jijini Dar es Salaam, katika hafla ya utiaji saini na uzinduzi wa Mpango wa Ufadhili wa Uunganishaji Umeme kwa Wananchi, Makamu huyo wa Rais amesema hatua hiyo ni sehemu ya jitihada za kutekeleza Mpango wa Misheni 300, unaolenga kuhakikisha hadi kufikia mwaka 2030 wananchi milioni 300 barani Afrika wanafikiwa na nishati ya umeme.

Amesema kupitia ushirikiano huo, wananchi wanaostahili watanufaika na utaratibu wa kugharamiwa gharama za uunganishaji wa umeme, hatua ambayo itaongeza kasi ya kuzifikia kaya takribani milioni 1.7 kwa mwaka, ikiwa ni sehemu ya mkakati wa utekelezaji wa Mpango wa Kitaifa wa Nishati (National Energy Compact).

“Ninaipongeza TANESCO na Benki ya CRDB kwa hatua hii muhimu ya kuanzisha ushirikiano unaolenga kumrahisishia mwananchi kupata huduma ya umeme. Ushirikiano huu ni mfano bora wa namna taasisi za umma na sekta binafsi zinavyoweza kuunganisha nguvu na rasilimali ili kutatua changamoto zinazowagusa wananchi moja kwa moja,” amesema Mhe. Ndejembi.

Kwa upande wake, Waziri wa Nishati, Mhe. Dkt. Juma Homera, amepongeza hatua hiyo na kusema kupitia ushirikiano huo kati ya Serikali na sekta binafsi, wananchi wataendelea kunufaika na uwekezaji mkubwa unaofanywa na Serikali katika kuwafikishia huduma muhimu ya umeme.

Naye Makamu Mwenyekiti wa Bodi ya Wakurugenzi ya TANESCO, Mhe. Balozi Zuhura Bundala, amesema utekelezaji wa ushirikiano huo ni matokeo ya Serikali.

02/10/2026

CRDB, HAZINA ZANZIBAR WASAINI MAKUBALIANO YA KUIMARISHA TAASISI ZA UMMA

Benki ya CRDB imesaini makubaliano ya ushirikiano na Ofisi ya Msajili wa Hazina Zanzibar kwa lengo la kuimarisha uwezo wa taasisi za umma Zanzibar kutumia mali na fursa walizonazo kwa tija, kuvutia mitaji na kuchangia ukuaji wa uchumi.

Makubaliano hayo yanahusisha maeneo mbalimbali ikiwemo ushauri wa kifedha, kutafuta njia mbadala za upatikanaji wa mitaji, kuboresha ufanisi wa taasisi pamoja na kuunganisha taasisi za umma na wawekezaji na wadau wa ndani na nje ya nchi.

Akizungumza wakati wa hafla ya kusaini makubaliano hayo, Oktoba 1, 2026, Mkurugenzi Mtendaji wa CRDB, Dkt. Abdulmajid Nsekela, amesema taasisi za umma hazipaswi kuangaliwa k**a wahitaji wa fedha pekee, bali pia k**a wamiliki wa mali, fursa na miradi inayoweza kuzalisha thamani na kuchochea maendeleo.

Amesema CRDB ina uzoefu wa zaidi ya miaka 30 katika kufadhili miradi ya biashara, kilimo, viwanda, miundombinu, nishati na sekta nyingine za kiuchumi, ikiwemo uchumi wa buluu.

Dkt. Nsekela amesema CRDB imewahi kusaidia upatikanaji wa zaidi ya Sh bilioni 171 kwa ajili ya miradi inayozingatia mazingira na mabadiliko ya tabianchi, huku kupitia programu mbalimbali ikiweza kukusanya zaidi ya Sh bilioni 325 kwa ajili ya uwekezaji na kuwawezesha wakandarasi wazawa.

Amesema baada ya kusainiwa kwa makubaliano hayo, hatua inayofuata ni kufanya tathmini ya pamoja ya taasisi za umma Zanzibar ili kubaini mahitaji yao ya kifedha, fursa walizonazo na maeneo yanayohitaji ushauri wa kitaalamu.
“Safari imeanza. Baada ya kuweka saini leo, kazi inaanza mara moja.

Tunahitaji kutengeneza vipaumbele ili tuanze kuona matokeo,” amesema Dkt. Nsekela.

Kwa upande wake, Msajili wa Hazina Zanzibar, Waheed Ibrahim Muhammad Sanya, amesema mchakato wa kufikia makubaliano hayo ulianza kipindi kilichopita na umefikia hatua hiyo baada ya pande zote kuona umuhimu wa kuimarisha ushirikiano kati ya taasisi za umma Zanzibar na sekta ya fedha.

Amesema Ofisi ya Msajili wa Hazina Zanzibar inasimamia taasisi mbalimbali za umma zinazojihusisha na biashara, elimu, afya na huduma nyingine

02/10/2026

01/10/2026

Kauli ya zamani iliyowahi kuchapishwa kwenye mtandao wa kijamii wa X na raia wa Zimbabwe, Susan Mutami, imeibuka tena baada ya taarifa za kifo cha mfanyabiashara Wicknell Chivayo katika ajali ya helikopta.

Katika ujumbe aliouchapisha Mei 28, 2025, Mutami aliandika kuwa Chivayo angefariki katika ajali ya ndege, kauli ambayo sasa imeanza kusambaa upya kwenye mitandao ya kijamii kufuatia tukio hilo.

Hata hivyo, ujumbe huo wa zamani hauwezi kuthibitisha kwamba Mutami alikuwa na taarifa za awali kuhusu ajali hiyo. Kwa sasa, hakuna ushahidi wa kuaminika unaoonesha kuwa alijua kuhusu tukio hilo kabla halijatokea.

Kauli hiyo inapaswa kuchukuliwa k**a utabiri uliowekwa mtandaoni, huku uchunguzi rasmi wa chanzo cha ajali ukiendelea.

30/09/2026

Mfanyabiashara maarufu wa Zimbabwe, Wicknell Chivayo, amefariki dunia pamoja na mkewe Lucy “Lulu” Muteke katika ajali ya helikopta iliyotokea eneo la Marondera, mashariki mwa Harare, Septemba 30, 2026. Serikali ya Zimbabwe imethibitisha kuwa hakuna aliyenusurika katika ajali hiyo.

Kwa mujibu wa taarifa zilizoripotiwa nchini Zimbabwe, msemaji wa familia Herbert Chivayo amethibitisha vifo vya Wicknell na mkewe, huku mamlaka zikiendelea na taratibu za utambuzi rasmi wa miili na uchunguzi wa chanzo cha ajali.

Helikopta hiyo ilianguka majira ya saa 11 jioni kwa saa za huko, na taarifa za awali zilitaja kuwa watu sita walikuwa ndani ya ndege hiyo. Uchunguzi wa ajali unaendelea.

30/09/2026

28/09/2026

NMB: UKAGUZI WA NDANI NGUZO MUHIMU YA UTAWALA BORA NA UIMARA WA TAASISI

Benki ya NMB imesisitiza umuhimu wa ukaguzi wa ndani katika kuimarisha utawala bora, usimamizi wa vihatarishi na kujenga imani ya wadau, hususan wakati huu ambapo taasisi zinakabiliana na mabadiliko ya kiteknolojia, vihatarishi vinavyobadilika na matarajio yanayoongezeka kutoka kwa wadau.

Akizungumza katika Kongamano la 13 la Utawala Bora na Kongamano la 19 la Mwaka la Wakaguzi wa Ndani nchini yaliyofanyika katika Kituo cha Kimataifa cha Mikutano Arusha (AICC), Mkaguzi Mkuu wa Ndani wa Benki ya NMB, Benedicto Baragomwa, alisema nafasi ya wakaguzi wa ndani imeendelea kuwa muhimu katika kusaidia taasisi kufanya maamuzi sahihi na kujenga mifumo imara ya utawala.

Baragomwa aliyasema hayo wakati Benki ya NMB ikishiriki na kudhamini makongamano hayo yaliyoandaliwa na Taasisi ya Wakaguzi wa Ndani Tanzania (IIA) kuanzia Septemba 21 hadi 25, 2026, yakilenga pamoja na mambo mengine kuimarisha nafasi ya wakaguzi wa ndani katika kutoa maarifa, kuchochea ubunifu na kujenga uaminifu ndani ya taasisi.

Katika hatua nyingine, Waziri wa Nchi, Afisi ya Rais – Ikulu Zanzibar, Mhe. Dkt. Saada Mkuya Salum, aliipongeza NMB kwa kuendelea kuunga mkono jitihada za kuimarisha utawala bora nchini kupitia udhamini na ushiriki wake katika makongamano hayo.

Kwa upande wake, Kaimu Mkaguzi Mkuu wa Ndani wa Serikali, Eng. Kenneth Nindie, alisema Serikali kupitia Wizara ya Fedha na Ofisi ya Mkaguzi Mkuu wa Ndani wa Serikali inatambua umuhimu wa wakaguzi wa ndani katika kuimarisha utendaji na utawala bora wa taasisi.

Ushiriki wa NMB katika makongamano hayo ulienda zaidi ya udhamini, ambapo viongozi waandamizi wa Benki pia walishiriki katika mijadala ya kitaalamu kwa kuwasilisha mada zinazohusu maeneo muhimu ya uendeshaji na utawala wa taasisi.

Mkurugenzi wa Uhusiano wa Wawekezaji, Uendelevu na Mawasiliano wa Benki ya NMB, Innocent Yonazi, aliwasilisha mada kuhusu uendelevu pamoja na masuala ya mazingira, jamii na utawala bora (ESG) na Mkurugenzi wa Bodi na Afisa Mkuu wa Fedha wa Benki ya NMB, Juma Kimori, aliwasilisha mada yenye Kichwa “Trust: The Currency of Internal Audit”