Watetezitv

Watetezitv WATETEZI TV is a Not-For-Profit online Tv under the Tanzania Human Rights Defenders Coalition(THRDC). Watetezi Tv operates in lieu of all applicable laws.

It will not be responsible to any subscriber who will post anything contrary to the applicable laws

10/09/2026

Na Rajab Athuman, Tanga

Baadhi ya majeruhi wa ajali iliyohusisha basi aina ya Yutong, lililoacha njia na kupinduka katika eneo la Ndabwa, Kata ya Lukozi, Wilaya ya Lushoto, Mkoa wa Tanga, wameeleza walivyopata ajali hiyo.

Akizungumza akiwa katika Hospitali ya Wilaya ya Lushoto ambako anaendelea na matibabu, mmoja wa majeruhi, Charles Mashombo, amesema ajali hiyo ilitokea Septemba 9, 2026, majira ya saa 1:15 asubuhi, ambapo alijikuta tayari ajali imetokea na yeye pamoja na familia yake kujeruhiwa.

Kaimu Mganga Mfawidhi wa Hospitali ya Wilaya ya Lushoto, Dkt. Fadhil Bwere, amesema jumla ya majeruhi 28 walipokelewa katika hospitali hiyo na wote walipatiwa huduma za matibabu.

Dkt. Bwere pia amesema hospitali hiyo ilipokea mwili wa mtu mmoja aliyefariki katika ajali hiyo.

Kamanda wa Polisi Mkoa wa Tanga, Almachius Mchunguzi, amethibitisha kutokea kwa ajali hiyo na kusema ilihusisha basi aina ya Yutong lenye namba za usajili T.669 DGB.

Amesema ajali hiyo ilitokea Septemba 9, 2026, majira ya saa 1:15 asubuhi katika eneo la Ndabwa, Kata ya Lukozi, Wilaya ya Lushoto.

Kwa mujibu wa Kamanda Mchunguzi, uchunguzi wa awali umebaini kuwa chanzo cha ajali hiyo ni uzembe wa dereva kushindwa kulimudu gari, hali iliyosababisha basi hilo kuacha njia na kupinduka.

Uchunguzi zaidi unaendelea ili kubaini kwa kina mazingira ya ajali hiyo.

Mahak**a Kuu Kanda ya Tabora imemhukumu kunyongwa hadi kufa Simon Misonge, maarufu kwa jina la Fimbo, baada ya kumtia ha...
10/09/2026

Mahak**a Kuu Kanda ya Tabora imemhukumu kunyongwa hadi kufa Simon Misonge, maarufu kwa jina la Fimbo, baada ya kumtia hatiani kwa kosa la kumuua kwa kukusudia mfanyabiashara Magreth Ahadi Mvyombo.

Mauaji hayo yalitokea Julai 13, 2024, majira ya usiku katika Mtaa wa Mayeye, Kata ya Cheo, Manispaa ya Tabora, ambapo marehemu alishambuliwa kwa mapanga hatua chache kutoka kwenye geti la nyumba yake.

Kesi hiyo yenye namba 21180 ya mwaka 2025 imehitimishwa leo katika Mahak**a Kuu Kanda ya Tabora, ambapo upande wa Jamhuri uliwasilisha mashahidi 17 pamoja na vielelezo 10 kuthibitisha mashtaka dhidi ya washtakiwa watatu.

Mbele ya Jaji wa Mahak**a Kuu Kanda ya Tabora, Dkt. Martha Mpaze, mawakili watano wa Jamhuri wakiongozwa na Gloria Mwenda waliwasilisha ushahidi kuhusu mazingira ya tukio na namna mauaji ya Magreth Ahadi Mvyombo yalivyotekelezwa.

Upande wa Jamhuri uliieleza Mahak**a kuwa marehemu alishambuliwa kwa mapanga akiwa karibu na nyumbani kwake, tukio lililosababisha kifo chake.

Baada ya kupitia, kuchambua na kutathmini ushahidi uliowasilishwa na pande za kesi, Jaji Dkt. Martha Mpaze alifikia uamuzi wa kumtia hatiani Simon Misonge Fimbo kwa kosa la mauaji ya kukusudia.

Kutokana na uamuzi huo, Mahak**a imemhukumu Misonge kunyongwa hadi kufa, adhabu inayotolewa kwa mujibu wa sheria kwa kosa la mauaji ya kukusudia.

Hata hivyo, Mahak**a imeacha wazi milango ya kisheria kwa mshtakiwa kukata rufaa iwapo hataridhishwa na uamuzi huo.

THE HIGH COURT HAS RULED THAT CHIEF OF DEFENCE FORCES, INSPECTOR GENERAL OF POLICE AND DIRECTOR OF CRIMINAL INVESTIGATIO...
10/09/2026

THE HIGH COURT HAS RULED THAT CHIEF OF DEFENCE FORCES, INSPECTOR GENERAL OF POLICE AND DIRECTOR OF CRIMINAL INVESTIGATIONS TO BE SUMMONED AS DEFENCE WITNESSES IN THE TREASON CASE AGAINST TUNDU LISSU.

MAHAK**A KUU YARUHUSU MKUU WA MAJESHI, MKUU WA JESHI LA POLISI NA MKURUGENZI WA UPELELEZI WA MAKOSA YA JINAI KUITWA K**A...
10/09/2026

MAHAK**A KUU YARUHUSU MKUU WA MAJESHI, MKUU WA JESHI LA POLISI NA MKURUGENZI WA UPELELEZI WA MAKOSA YA JINAI KUITWA K**A MASHAHIDI WA UTETEZI KATIKA KESI YA UHAINI YA TUNDU LISSU.

Jaji Dunstan Ndunguru leo Septemba 10,2026 amesoma uamuzi kuhusu maombi ya Mwenyekiti wa CHADEMA, Tundu Lissu, ya kutak...
10/09/2026

Jaji Dunstan Ndunguru leo Septemba 10,2026 amesoma uamuzi kuhusu maombi ya Mwenyekiti wa CHADEMA, Tundu Lissu, ya kutaka Mahak**a itoe hati za wito kwa mashahidi mbalimbali katika kesi ya uhaini inayomkabili.

Lissu aliomba Mahak**a iwaite mashahidi 11, akiwemo Rais Samia Suluhu Hassan, aliyekuwa Makamu wa Rais Philip Mpango, aliyekuwa Waziri Mkuu Kassim Majaliwa, Mkuu wa Jeshi la Polisi (IGP) Camillius Wambura, Mkuu wa Majeshi ya Ulinzi (CDF) John Mkunda, Mkurugenzi wa Upelelezi wa Makosa ya Jinai (DCI), viongozi wa TISS pamoja na viongozi wa CHADEMA.

Upande wa mashtaka ulipinga maombi hayo kwa hoja sita, ikiwemo kifungu cha 218(1) cha Sheria ya Mwenendo wa Makosa ya Jinai, wakidai kuwa mshtakiwa alipaswa kuwataja mashahidi hao wakati wa hatua ya awali ya mwenendo wa kesi kabla ya kufikishwa Mahak**a Kuu.

Pia, upande wa mashtaka ulidai ushahidi wa Rais Samia Suluhu Hassan na Kassim Majaliwa hauna uhusiano na shauri hilo.

Katika uamuzi huo, Jaji Ndunguru amesema kifungu cha 281 cha Sheria ya Mwenendo wa Makosa ya Jinai kinaeleza kuwa msajili atatoa hati za wito kwa mashahidi waliotajwa wakati wa hatua hiyo ya awali, huku kifungu cha 314 kikiipa Mahak**a mamlaka ya kuruhusu mashahidi kuitwa kwa kuangalia umuhimu wa ushahidi wao.

Mahak**a imeeleza kuwa katika kesi za jinai, Jamhuri ina wajibu wa kuthibitisha mashtaka dhidi ya mshtakiwa, huku upande wa utetezi ukiwa na haki ya kuwasilisha ushahidi wa kutetea kesi yake.

Kuhusu baadhi ya mashahidi waliopendekezwa, Mahak**a imeona hakuna haja ya kuwaita kwa kuwa ushahidi wao hauna uhusiano na shauri hilo. Hata hivyo, Mahak**a imeona ushahidi wa DCI, CDF na IGP una umuhimu, hivyo imeelekeza hati za wito zitolewe ili waje kutoa ushahidi kwa upande wa utetezi.

Kuhusu Mkuu wa Usalama wa Taifa aliyewahi kutoa ushahidi katika kesi ya Khatibu Ghandi, Mahak**a imeeleza kuwa aliitwa na Jamhuri na si upande wa utetezi, huku mazingira ya kesi hiyo yakitofautiana na shauri la sasa.

Kesi hiyo imeahirishwa hadi kesho saa 3:00 asubuhi.

Mahak**a ya Hakimu Mkazi Dodoma imemwachia huru Mhadhiri wa Chuo Kikuu cha Dodoma (UDOM), Melkisedek Kaijage, baada ya S...
10/09/2026

Mahak**a ya Hakimu Mkazi Dodoma imemwachia huru Mhadhiri wa Chuo Kikuu cha Dodoma (UDOM), Melkisedek Kaijage, baada ya Serikali kueleza kuwa haina nia ya kuendelea na mashtaka yaliyokuwa yakimkabili.

Uamuzi huo umetolewa leo Alhamisi, Septemba 10, 2026, na Hakimu Mkazi Mkuu wa Mahak**a ya Hakimu Mkazi Dodoma, Denisi Mpelembwa.

Akizungumza mahak**ani, Mwendesha Mashtaka Mwandamizi wa Serikali, Jonathan Chuwa, amesema Serikali imeamua kutokuwa na nia ya kuendelea na mashtaka ya ugaidi na uhujumu uchumi dhidi ya Kaijage.

Chuwa ameomba Kaijage aachiwe huru kwa masharti kwamba hana kosa jingine la jinai linalomkabili.

Hata hivyo, kabla ya mahak**a kutoa uamuzi wa kumwachia huru, Mkuu wa Upelelezi wa Makosa ya Jinai Mkoa wa Dodoma (RCO) aliwasilisha maombi yaliyokuwa yameambatanishwa na kiapo, akiiomba mahak**a kumwekea masharti ya mwenendo baada ya kuachiwa.

Katika uamuzi wake, Hakimu Mpelembwa amemtaka Kaijage kuwa na wadhamini wawili ambao ni wakazi wa Mkoa wa Dodoma.

Wadhamini hao wanatakiwa kuwa na barua za utambulisho kutoka mamlaka za Serikali zinazotambulika, vitambulisho halali na kusaini dhamana ya maneno ya Sh5 milioni kila mmoja.

Mbali na masharti hayo, Kaijage ametakiwa kuripoti kwa Mkuu wa Upelelezi wa Makosa ya Jinai Mkoa wa Dodoma (RCO) kila Ijumaa ya mwisho wa mwezi kwa kipindi cha mwaka mmoja.

Mahak**a imeelekeza kuwa kila anaporipoti, anatakiwa kufanya hivyo saa 2:30 asubuhi bila kukosa.

10/09/2026

Daktari bingwa wa magonjwa ya ndani, Conrad Kahyoza ameachiwa kwa dhamana baada ya kufikishwa katika Mahak**a ya Wilaya ya Kinondoni jijini Dar es Salaam na kusomewa shtaka moja la kushambulia mwili.

Kahyoza anadaiwa kumshambulia askari wa Kikosi cha Usalama Barabarani, F.8886 SGT Andrew, Septemba 8, 2026, majira ya saa 1:30 asubuhi katika Barabara ya Bagamoyo, eneo la Makongo, wakati askari huyo akiwa akitekeleza majukumu yake.

Akisoma hati ya mashtaka, Leo Septemba 102026 mwendesha mashtaka wa Serikali, Irene John, amesema mtuhumiwa huyo anashtakiwa kwa mujibu wa kifungu cha 243(d) cha Sheria ya Makosa ya Jinai, Sura ya 16, k**a kilivyofanyiwa marekebisho.

Baada ya kusomewa shtaka hilo na Hakimu Mkazi Mfawidhi wa Mahak**a ya Wilaya ya Kinondoni, Jacqueline Rugemalila, Dk Kahyoza alikana kutenda kosa hilo.

10/09/2026

Daktari bingwa wa magonjwa ya ndani katika Hospitali ya Taifa Muhimbili-Mloganzila, Dk Conrad Agonza Kahyoza, amefikishwa katika Mahak**a ya Hakimu Mkazi Kinondoni, Dar es Salaam, leo Septemba 10, 2026, baada ya kuk**atwa na polisi kwa tuhuma za kumshambulia askari wa Usalama Barabarani.

Kahyoza anatuhumiwa kufanya tukio hilo Septemba 8, 2026, katika eneo la Lugalo, Barabara ya Bagamoyo, Dar es Salaam.

Kwa mujibu wa taarifa ya Jeshi la Polisi Kanda Maalum ya Dar es Salaam, tukio hilo lilitokea majira ya saa 1:30 asubuhi wakati askari wa Kikosi cha Usalama Barabarani, F.8886 SGT Andrew, alipokuwa akitekeleza majukumu yake.

Taarifa hiyo inaeleza kuwa askari huyo alikuwa akizuia magari yaliyokuwa yakitumia barabara ya huduma (Service Road) kinyume na utaratibu.

Katika tukio hilo, Dk Kahyoza alik**atwa na polisi na leo amefikishwa mahak**ani kwa ajili ya hatua za kisheria.

Daktari bingwa wa Magonjwa ya Ndani katika Hospitali ya Taifa Muhimbili-Mloganzila, Dk. Conrad Agonza Kahyoza, amefikish...
10/09/2026

Daktari bingwa wa Magonjwa ya Ndani katika Hospitali ya Taifa Muhimbili-Mloganzila, Dk. Conrad Agonza Kahyoza, amefikishwa katika Mahak**a ya Hakimu Mkazi Kinondoni, Dar es Salaam, leo Septemba 10, 2026, baada ya kuk**atwa na polisi kwa tuhuma za kumshambulia askari wa Usalama Barabarani.

Dk. Agonza anadaiwa kumshambulia askari huyo katika eneo la Lugalo, Dar es Salaam, katika tukio lililotokea Jumanne, Septemba 8, 2026, majira ya saa 1:30 asubuhi katika Barabara ya Bagamoyo.

Kwa mujibu wa taarifa iliyotolewa na Jeshi la Polisi Kanda Maalum ya Dar es Salaam, tukio hilo lilitokea wakati askari wa Kikosi cha Usalama Barabarani, F.8886 SGT Andrew, alipokuwa akitekeleza majukumu yake ya kudhibiti matumizi yasiyo sahihi ya barabara.

Taarifa hiyo inaeleza kuwa askari huyo alikuwa akizuia magari yaliyokuwa yakitumia barabara ya huduma (Service Road) kinyume na utaratibu.

Katika hatua hiyo, inadaiwa kuwa kulitokea tukio lililohusisha Dk. Agonza kumshambulia askari huyo, hali iliyosababisha daktari huyo kuk**atwa na kufikishwa katika vyombo vya sheria.

Dk. Agonza amefikishwa mahak**ani kujibu tuhuma hizo, huku hatua zaidi za kisheria zikitarajiwa kufuatwa kwa mujibu wa taratibu za sheria.

Mwenyekiti wa Chama cha Demokrasia na Maendeleo (CHADEMA), Tundu Lissu, pamoja na Makamu Mwenyekiti wa chama hicho Bara,...
10/09/2026

Mwenyekiti wa Chama cha Demokrasia na Maendeleo (CHADEMA), Tundu Lissu, pamoja na Makamu Mwenyekiti wa chama hicho Bara, John Heche, wamewasili katika Mahak**a Kuu, Masijala Ndogo ya Dar es Salaam, ambako kesi ya uhaini inayomkabili Lissu inaendelea.

Heche ambaye ni shahidi wa tano wa upande wa msh*takiwa, anatarajiwa kuendelea kutoa ushahidi wake katika kesi hiyo namba 19605/2025.

Katika kesi hiyo, upande wa msh*takiwa umewasilisha jumla ya mashahidi 11, ambapo upande wa Jamhuri ulipinga mashahidi saba kati yao.

Wakati huo huo, Mahak**a inatarajiwa kutoa uamuzi kuhusu pingamizi dhidi ya baadhi ya viongozi wa Serikali, akiwemo Rais Samia Suluhu Hassan, kuja kutoa ushahidi katika kesi hiyo.

Baadhi ya mawakili wanaomtetea Lissu, akiwemo Paul Kisabo na Deogratius Mahinyila, pia wameonekana mahak**ani pamoja na Heche.

Address

P. O Box 105926
Dar Es Salaam
00225

Telephone

+255659963417

Website

Alerts

Be the first to know and let us send you an email when Watetezitv posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Watetezitv:

Shortcuts

Share

Category