Watetezitv

Watetezitv WATETEZI TV is a Not-For-Profit online Tv under the Tanzania Human Rights Defenders Coalition(THRDC). Watetezi Tv operates in lieu of all applicable laws.

It will not be responsible to any subscriber who will post anything contrary to the applicable laws

Serikali ya Tanzania imetoa ufafanuzi kuhusu azimio lililopitishwa na Bunge la Umoja wa Ulaya (EU) mnamo Novemba 26, 202...
28/11/2025

Serikali ya Tanzania imetoa ufafanuzi kuhusu azimio lililopitishwa na Bunge la Umoja wa Ulaya (EU) mnamo Novemba 26, 2025, ambalo lilidai kuwepo kwa ukiukwaji wa haki za binadamu nchini na kusababisha Kamisheni ya EU kusitisha kwa muda utiaji saini wa Programu ya Ushirikiano ya Mwaka 2025 (AAP 2025) yenye thamani ya Euro milioni 156.

Katika taarifa iliyotolewa leo na Wizara ya Mambo ya Nje na Ushirikiano wa Afrika Mashariki, Serikali imeeleza kuwa madai yaliyotajwa kwenye azimio hilo hayana uthibitisho wa kuaminika na yametokana na taarifa za upande mmoja ambazo hazikupata nafasi ya kupingwa ama kuwekewa ufafanuzi.

Serikali imesisitiza kuwa Tanzania na EU zimekuwa na uhusiano wa muda mrefu unaodumu kwa zaidi ya nusu karne, uhusiano ambao umejengwa juu ya misingi ya mazungumzo, kuheshimiana na kutokuingiliana katika masuala ya ndani ya kila upande.

Taarifa hiyo imeeleza kusikitishwa kwa Serikali kutokana na Bunge la EU kujadili na kupitisha azimio hilo bila kulipa Tanzania haki ya kusikilizwa, hatua inayokiuka misingi ya natural justice inayotambuliwa kimataifa.

Aidha, Serikali imefafanua kuwa Tanzania ni taifa huru lenye mamlaka kamili ya kitaifa, hivyo halifungwi na maamuzi ya Bunge la Umoja wa Ulaya. Kwa mujibu wa taratibu za kidiplomasia, uhusiano rasmi baina ya Tanzania na EU unasimamiwa na Kamisheni ya Umoja wa Ulaya, na si Bunge lake, hivyo maazimio ya chombo hicho hayawi maagizo ya moja kwa moja kwa Serikali.

Kuhusu mjadala ulioibuka juu ya hatima ya misaada ya EU kwa Tanzania, Serikali imeweka wazi kuwa hakuna misaada yoyote iliyositishwa. Badala yake, Kamisheni ya EU imesubirisha tu kwa muda utiaji saini wa Programu ya AAP 2025 ili kutoa nafasi kwa mashauriano ya ziada. Serikali imesisitiza kuwa programu zote nyingine zilizoidhinishwa na zinazoendelea kutekelezwa hazijaathiriwa na uamuzi huo.

Waziri wa Nchi, Ofisi ya Rais – Menejimenti ya Utumishi wa Umma na Utawala Bora, Ridhiwani Jakaya Kikwete, amesema yupo ...
28/11/2025

Waziri wa Nchi, Ofisi ya Rais – Menejimenti ya Utumishi wa Umma na Utawala Bora, Ridhiwani Jakaya Kikwete, amesema yupo tayari kufika mbele ya Sekretarieti ya Maadili ya Viongozi wa Umma ili kuhojiwa kuhusu tuhuma zinazoelekezwa dhidi yake juu ya umiliki wa mali.

Akizungumza na watumishi wa wizara hiyo, Ridhiwani alisema ni muhimu kwa taarifa za watumishi wa umma kuwa wazi na za kuaminika, hasa ikizingatiwa kuwa wananchi wengi wamekuwa wakilalamikia kupungua kwa uadilifu miongoni mwa viongozi wa umma.

Akitolea mfano tuhuma zinazoenezwa dhidi yake, Ridhiwani alisema maandamano ya tarehe 29 Oktoba yalishuhudia vituo kadhaa vya mafuta vya kampuni ya Lake Oil kuchomwa moto baada ya madai kwamba vinamilikiwa naye.

“Kwa mfano, maandamano yaliyotokea juzi hapa, malalamiko yalikuwepo makubwa juu ya maadili ya viongozi ...kuna mtu mmoja anaitwa Ali Edha ana vituo vyake vya mafuta, vinaitwa Lake Oil, vingi vimechomwa moto kwa sababu zinasemwa ni za Ridhiwani."

Amesisitiza kuwa Sekretarieti ya Maadili ina wajibu wa kumuita na kumhoji kiongozi yeyote bila woga, lakini uchunguzi wa awali ufanyike kabla ya hatua hiyo.

“Mkimaliza kuwahoji viongozi wa umma, iteni mkutano na waandishi wa habari na elezeni mlichokifanya. Pia ombeni ushahidi wa ziada kutoka kwa wananchi ili kupata taswira kamili,” alisema.

Maandamano ya Oktoba 29 yalikuwa ya kupinga kufanyika kwa uchaguzi mkuu wa rais, wabunge na madiwani. Katika ghasia zilizodumu kwa siku tatu, vituo kadhaa vya mafuta vya Lake Oil vilichomwa moto na miundombinu mingine kuharibiwa.

Mahak**a Kuu, Masjala Ndogo ya Dar es Salaam, imetupilia mbali shauri la maombi ya kuidharau Mahak**a lililokuwa linawak...
28/11/2025

Mahak**a Kuu, Masjala Ndogo ya Dar es Salaam, imetupilia mbali shauri la maombi ya kuidharau Mahak**a lililokuwa linawakabili Makamu Mwenyekiti wa Chadema Bara, John Heche, Katibu Mkuu wa Chadema, John Mnyika, na wenzao.
Walikuwa wakidaiwa kukiuka amri ya Mahak**a iliyokizuia chama hicho kufanya shughuli za kisiasa na kutumia mali zake hadi kesi ya mgogoro wa mgawanyo wa rasilimali kati ya Chadema Bara na Chadema Zanzibar itakapotolewa uamuzi.

Shauri hilo liliwasilishwa na Said Issa Mohamed, Makamu Mwenyekiti mstaafu wa Chadema Zanzibar, pamoja na wajumbe wa Bodi ya Wadhamini wa Chadema kutoka Zanzibar, Ahmed Rashid Khamis na Maulida Anna Komu, ambao ni walalamikaji katika kesi ya msingi namba 8323 ya mwaka 2025.

Mbali na Heche na Mnyika, wajibu maombi wengine katika shauri hilo la madai ya kuidharau amri ya Mahak**a ni Rose Mayemba, Brenda Rupia, Hilda Newton, Twaha Mwaipaya, Gervas Bernard Lyenda, Wadhamini Waliosajiliwa wa Chadema pamoja na Katibu Mkuu wa Chadema.

Walalamikaji walikuwa wakiomba Mahak**a iamuru wajibu maombi hao wafungwe k**a wafungwa wa madai kwa tuhuma za kuidharau amri ya Mahak**a.

Hata hivyo, katika uamuzi uliotolewa leo, Ijumaa, Novemba 28, 2025 na Jaji Awamu Mbagwa, Mahak**a imetupilia mbali shauri hilo baada ya kukubaliana na moja ya hoja za pingamizi kwamba liliwasilishwa nje ya muda wa kisheria wa siku 60.

Mwalimu wa Shule ya Awali ya Saint Clemence jijini Mbeya, Clemence Kenan Mwandambo, ameachiwa kwa dhamana jioni ya leo, ...
27/11/2025

Mwalimu wa Shule ya Awali ya Saint Clemence jijini Mbeya, Clemence Kenan Mwandambo, ameachiwa kwa dhamana jioni ya leo, Novemba 27, 2025, na atatakiwa kuripoti katika Kituo Kikuu cha Polisi Mbeya kesho kwa ajili ya kuendelea na taratibu za uchunguzi.

Mwandambo, mkazi wa Uzunguni “A” Mbeya, alik**atwa Novemba 21, 2025 majira ya saa 5:20 asubuhi na Jeshi la Polisi Mkoa wa Mbeya kwa tuhuma za kutoa na kusambaza maneno ya uchochezi kupitia mitandao ya kijamii, ikiwemo Facebook na Instagram. Kamanda wa Polisi wa Mkoa wa Mbeya alithibitisha kumshikilia mtuhumiwa Novemba 22, 2025, akibainisha kuwa uchunguzi dhidi yake unaendelea.

Mtandao wa Watetezi wa Haki za Binadamu Tanzania (THRDC) ulitoa wito kuomba mtuhumiwa apatiwe dhamana kwa mujibu wa sheria.

Kupitia taarifa yao ya Novemba 22, 2025, THRDC ilieleza kuwa imewatuma mawakili wake mkoani Mbeya, wakiongozwa na Wakili Philip Mwakilima, kufuatilia hatua zote za kisheria, kumwakilisha Mwandambo na kulinda haki zake k**a raia na mtoa maudhui mtandaoni.

Hata hivyo, wakati Wakili Mwakilima alipotembelea kituo cha polisi kumwona mteja wake, hakuruhusiwa kuonana naye. Alielezwa kuwa Mwandambo tayari amehojiwa na kwamba upelelezi bado unaendelea, hivyo suala la dhamana lilikuwa bado halijafikiwa.

27/11/2025

Vijana jijini Mbeya wametoa maoni na mapendekezo yao mbele ya Waziri wa Nchi, Ofisi ya Rais Maendeleo ya Vijana, Joel Nanauka, wakisisitiza umuhimu wa kushirikishwa katika mchakato wa marekebisho ya Katiba Mpya. Wamesema ushirikishwaji wao utawapa nafasi ya kutoa mawazo chanya yatakayochangia maendeleo ya nchi na kuendana na mahitaji ya kizazi cha sasa.

Akizungumza na vijana hao, Waziri Nanauka amesema serikali kupitia Wizara ya Maendeleo ya Vijana iko tayari kuwasikiliza wakati wowote kwani Rais wa Jamhuri ya Muungano wa Tanzania ameunda wizara hiyo ili vijana wawe na mahali pa kusemea masuala yao.

Aidha Amewataka vijana kuwa watulivu kuhusu mchakato wa upatikanaji wa Katiba Mpya, akibainisha kuwa suala hilo ni miongoni mwa vipaumbele vya Rais wa Jamhuri ya Muungano wa Tanzania, Dkt. Samia Suluhu Hassan, katika siku 100 za utekelezaji wa ahadi zake.

Chama cha Demokrasia na Maendeleo (CHADEMA) kimetoa taarifa kwa umma kuhusu kusikilizwa kwa kesi inayowakabili baadhi ya...
27/11/2025

Chama cha Demokrasia na Maendeleo (CHADEMA) kimetoa taarifa kwa umma kuhusu kusikilizwa kwa kesi inayowakabili baadhi ya viongozi wake wakuu katika Mahak**a Kuu ya Tanzania, Masijala ya Dar es Salaam, kesho Ijumaa, Novemba 28, 2025.

Kesi hiyo yenye maombi namba 25480/2025 ilifunguliwa na aliyekuwa Makamu Mwenyekiti wa CHADEMA Zanzibar, Said Issa, pamoja na wenzake wawili, wakidai kuwa baadhi ya viongozi wa chama hicho wamekaidi amri ya mahak**a iliyowazuia kufanya shughuli za kisiasa.

Viongozi wanaotajwa katika kesi hiyo ni Makamu Mwenyekiti Bara, John Heche, Katibu Mkuu, John Mnyika, Mjumbe wa Kamati Kuu, Rose Mayemba, Mkurugenzi wa Mawasiliano na Uenezi, Brenda Rupia, Mkuu wa Idara ya Habari, Gerva Bernard Lyenda, Hilda Newton, Twaha Mwaipaya na Bodi ya Wadhamini wa chama.

Kupitia taarifa iliyotolewa na Mkurugenzi wa Mawasiliano na Uenezi, Brenda Rupia, CHADEMA kimewahamasisha wanachama na wananchi kujitokeza kufuatilia mwenendo wa kesi hiyo, wakieleza kuwa ni muhimu kwa mustakabali wa haki za kisiasa na uhuru wa vyama vya siasa nchini.

Msemaji wa Jeshi la Polisi nchini, DCP David Misime, amevitaka vyombo vya habari kuhakikisha vinaandika na kuripoti taar...
27/11/2025

Msemaji wa Jeshi la Polisi nchini, DCP David Misime, amevitaka vyombo vya habari kuhakikisha vinaandika na kuripoti taarifa kutoka katika vyanzo sahihi na vinavyoaminika, ili kuepusha kuzua taharuki katika jamii.

Akizungumza leo Novemba 27,205, jijini Dodoma katika kikao cha siku moja kilichoandaliwa na MISA Tanzania, Misime amesema kumekuwa na ongezeko la kusambaa kwa taarifa zisizo na uhakika kupitia baadhi ya majukwaa na mitandao ya kijamii, hali ambayo inaweza kuhatarisha usalama na amani ya nchi.

“Wajibu wa chombo cha habari ni kuelimisha, kuhabarisha na kujenga jamii, badala ya kusambaza taarifa zinazoibua hofu isiyo ya lazima,” amesema Misime.

Amebainisha kuwa mara nyingi taarifa zisizothibitishwa zimekuwa zikitumiwa vibaya na watu wenye nia ya kupotosha au kusababisha misukosuko, hivyo kuviomba vyombo vya habari kufanya uchambuzi wa kina na uhakiki kabla ya kuchapisha au kurusha taarifa yoyote.

Ameongeza kuwa ushirikiano kati ya vyombo vya habari, Jeshi la Polisi na taasisi nyingine za serikali ni muhimu katika kuongeza uaminifu kwa wananchi na kupunguza mkanganyiko wa taarifa. Aidha, ametoa wito kwa wananchi kuwa makini na taarifa wanazosambaza, akisisitiza kuwa kila mtu ana wajibu wa kulinda amani na utulivu wa taifa.

Shambulio la risasi karibu na Ikulu ya Marekani usiku wa kuamkia Alhamisi, Novemba 27, limewajeruhi vibaya walinzi wawil...
27/11/2025

Shambulio la risasi karibu na Ikulu ya Marekani usiku wa kuamkia Alhamisi, Novemba 27, limewajeruhi vibaya walinzi wawili wa Jeshi la Kitaifa na kuwaacha wakiwa katika hali mahututi.

Katika taarifa yake, Rais wa Marekani Donald Trump amelilaani tukio hilo na kulieleza kuwa shambulio la kigaidi lililochochewa na chuki. Amesema mtuhumiwa wa shambulio hilo ni mhamiaji raia wa Afghanistan aliyeingia nchini humo kinyume cha sheria mwaka 2021, wakati wa utawala wa aliyemtangulia, Joe Biden.

Rais Trump amesema serikali yake itaanzisha operesheni maalum ya kuchunguza mienendo na taratibu za uingizaji wageni nchini Marekani wakati wa utawala uliopita, ikiwa ni hatua ya kuongeza ulinzi na kuimarisha udhibiti wa mipaka.

Vyombo vya usalama vimekiri kumk**ata mshambuliaji huyo, ambaye pia alijeruhiwa wakati wa makabiliano na maofisa wa ulinzi katika eneo la tukio.

Wakati shambulio hilo linatokea, Rais Trump alikuwa Florida, jambo lililosababisha kusimamishwa kwa shughuli kadhaa za mji huo kwa muda kwa sababu za kiusalama.

Hili linatajwa kuwa shambulio baya dhidi ya walinzi wa kitaifa tangu Rais Trump aanze kuwapeleka kwenye doria maalum katika maeneo mbalimbali nchini tangu kurejea madarakani mwezi Januari.

27/11/2025

Bunge la Ulaya limejadili hali ya haki za binadamu na demokrasia nchini Tanzania, huku likigusa matukio yaliyotokea kabla ya uchaguzi, wakati wa uchaguzi na baada ya uchaguzi wa Oktoba 29,2025.

Kupitia hoja mbalimbali zilizotolewa, Bunge hilo limepitisha Azimio Maalum kulaani matumizi ya nguvu na kuzorota kwa haki za binadamu nchini Tanzania kufuatia uchaguzi wa Oktoba 29, 2025 ambao limedai kuwa haukuwa uchaguzi huru wala wa haki.

Bunge hilo limedai kuwa operesheni za vyombo vya usalama zimesababisha vifo, majeruhi na hata taarifa za makaburi ya umati, huku serikali ikidaiwa kuzima mtandao na mawasiliano ili kuzuia upatikanaji wa habari.

Aidha Azimio hilo limeipa uzito kesi ya kiongozi wa upinzani Tundu Lissu, likieleza wasiwasi kuhusu usalama wake mahabusu na kutaka aachiwe huru mara moja bila masharti, apate matibabu, kuonana na familia na kupata mawakili wake. Pia wamesisitiza kuachiwa kwa wafungwa wengine wa kisiasa na kukomesha k**ata k**ata ya wanaharakati wa haki za binadamu na wapinzani.

Katika hatua nyingine wamezungumzia masuala ya kiuchumi na kidiplomasia, Bunge hilo limeitaka Umoja wa Ulaya kusitisha msaada wa fedha wa moja kwa moja kwa Serikali ya Tanzania. Badala yake, wameelekeza kuwa rasilimali na misaada ya EU sasa ipewe kipaumbele kwa Asasi za Kiraia (CSOs), watetezi wa haki za binadamu, na waandishi wa habari ili kuimarisha utetezi wa haki huku likilitaka Baraza la Ulaya kuweka vikwazo kwa viongozi wanaotajwa kuhusika.

Pia limependekeza kuundwa kwa Tume Huru ya Kimataifa kuchunguza mauaji na watu kupotea, pamoja na kufanyika kwa mazungumzo ya kisiasa ili kufungua njia ya uchaguzi huru, haki na uwazi.

26/11/2025

Waziri wa Katiba na Sheria, Dk. Juma Homera, amesema jumla ya watu 2,045 walik**atwa wakati na baada ya maandamano yaliyoambatana na vurugu yaliyotokea Oktoba 29, 2025 katika maeneo mbalimbali nchini.

Dk. Homera ametoa maelezo hayo leo, Jumatano Novemba 26, 2025, alipotembelea Ofisi za Mkurugenzi wa Mashtaka jijini Dodoma kwa lengo la kuzungumza na watumishi, ikiwa ni siku chache tangu ateuliwe na kuapishwa kuwa Waziri wa Katiba na Sheria.

Kwa mujibu wa Dk. Homera, kati ya waliok**atwa, watu 1,736 wataachiwa huru kufuatia msamaha uliotolewa na Rais Samia Suluhu Hassan, ambaye alimuelekeza Mkurugenzi wa Mashtaka (DPP) kuchambua na kuwaachia wote waliofuta mkumbo kwenye maandamano bila kujihusisha na uhalifu. Hii ina maana kuwa watu 309 wataendelea kushikiliwa kwa hatua zaidi za kisheria.

Rais Samia alitoa msamaha huo Novemba 14, 2025, wakati akilihutubia na kulizindua Bunge la 13 jijini Dodoma.

Kundi la tatu lililokuwa na washtakiwa ishirini na sita wakikabiliwa na makosa ya uhaini katika Mahak**a ya Wilaya ya Il...
26/11/2025

Kundi la tatu lililokuwa na washtakiwa ishirini na sita wakikabiliwa na makosa ya uhaini katika Mahak**a ya Wilaya ya Ilemela, wameachiwa huru wote baada ya Mkurugenzi wa Mashtaka kutokuwa na nia ya kuendelea na nia ya mashtaka dhidi yao.

Washtakiwa hao wamefikishwa majira ya asubuhi katika Mahak**a ya Wilaya ya Ilemela wakikabiliwa na mashtaka ya uhaini ambapo Mwendesha Mashtaka wa Serikali ambaye pia ni Mkuu wa Mashtaka Wilaya ya Ilemela Safi Amani akawasilisha maombi ya Mkurugenzi wa Mashtaka mbele ya Hakimu Mkazi Mkuu wa Mahak**a ya Wilaya ya Ilemela Stella Kiama akieleza kuwa ofisi ya mashtaka haina nia ya kuendelea na mashtaka yanayowakabili washtakiwa wote 26 katika kundi la tatu kati ya makundi matatu yaliyokuwa na washtakiwa mia moja na tisa.

Baada ya mahak**a hiyo kupokea maombi ya upande wa Jamhuri ndipo Mheshimiwa Stella Kiama akatoa maamuzi ya kuwa washtakiwa hao waachiwe huru kwa mujibu wa kifungu cha 92(1) cha sheria ya mwenendo wa makosa ya jinai sura ya 20 marejeo ya mwaka 2023.

Serikali ya Tanzania imetuma barua rasmi ya kupinga mjadala uliopangwa kufanyika katika Bunge la Ulaya (European Parlia...
26/11/2025

Serikali ya Tanzania imetuma barua rasmi ya kupinga mjadala uliopangwa kufanyika katika Bunge la Ulaya (European Parliament) leo tarehe 26 Novemba 2025 kuhusu hali ya kisiasa na haki za binadamu nchini Tanzania, baada ya uchaguzi mkuu wa Oktoba 2025 pamoja na kesi inayomkabili kiongozi wa chama cha upinzani Tundu Lissu, bila kuipa Serikali ya Tanzania nafasi ya kujieleza.

Katika barua hiyo iliyoandikwa na Balozi wa Tanzania mjini Brussels, Job Yustino Masima, na kutumwa kwa Rais wa Bunge la Ulaya, Roberta Metsola, Tanzania imedai kuwa mjadala huo Unakiuka uhuru na mamlaka ya nchi (sovereignty) ya Tanzania na Unavunja kanuni za Mkataba wa Samoa (Samoa Agreement) unaosimamia uhusiano wa Ulaya na nchi za ACP, hasa kifungu kinachohitaji mazungumzo ya pande zote mbili.

Mada zinazotarajiwa kujadiliwa katika kikao hicho ni pamoja na Vurugu na mauaji yaliyotokea baada ya uchaguzi, Kuk**atwa na kufunguliwa mashtaka ya uhaini kwa kiongozi wa upinzani, Tundu Lissu, Madai ya wizi wa kura na ukandamizaji wa vyama vya upinzani.

Serikali ya Tanzania imesisitiza kuwa tayari imeunda Tume ya Uchunguzi ya Kitaifa inayoongozwa na Jaji Mstaafu Mohamed Chande Othman kukagua tuhuma zote, na kwamba mjadala wa Ulaya unaharibu mchakato huo wa ndani.

Katika barua hiyo, Tanzania imetoa mapendekezo kuwa Mjadala uahirishwe hadi uchunguzi wa ndani ukamilike au waruhusu wajumbe wa Tanzania washiriki moja kwa moja katika mjadala huo ili kuhakikisha mazungumzo ya pande mbili na ya usawa.

Hadi sasa Bunge la Ulaya halijatoa jibu rasmi kuhusu barua hiyo. Hata hivyo, wiki iliyopita Bunge hilo lilipitisha azimio la kusitisha misaada ya moja kwa moja ya bajeti kwa Tanzania hadi pale marekebisho ya kidemokrasia yatakapofanywa.

Address

P. O Box 105926
Dar Es Salaam
00225

Telephone

+255659963417

Website

Alerts

Be the first to know and let us send you an email when Watetezitv posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Watetezitv:

Shortcuts

Share

Category