https://sufianimzimbiri.blogspot.com/?m=1

Sufian Mzimbiri, Dar es Salaam (2026)

09/01/2026

Mwanachuoni mmoja mashuhuri anayehusishwa na Misikiti Miwili Mitukufu (Msikiti wa Makkah na Madina) ametoa mwongozo akieleza kwamba kuangalia skrini ya simu ya mtu mwingine bila ruhusa hairuhusiwi kisheria kwa mujibu wa misingi ya dini.

Sheikh Saad Al-Khathlan alifafanua kuwa tabia k**a hiyo ni miongoni mwa mienendo ya uvamizi wa faragha na inakwenda kinyume na maadili ya mipaka binafsi.
Akaeleza kwamba tendo hilo linakubalika tu pale ambapo kuna ruhusa ya wazi kutoka kwa mmiliki wa simu. Ujumbe huu ni ukumbusho kwamba heshima ya faragha ni jambo lililopewa msisitizo mkubwa na kulindwa ndani ya mafundisho ya Uislamu.

Wale wenye tabia ya kushika simu za watu bila ruhusa waache ni haramu.

09/01/2026

Leo ni Siku ya Ijumaa
Ninawatakia Ijumaa yenye Kheri na Baraka tele waislamu wote, tukithirishe kumswalia Mtume Muhammad (s.a.w)

09/01/2026

🌙Leo ni mwezi 19 Rajab mwaka 1447H, Allah atumiminie rizki, barka na kheri zote zitokanazo na siku hii ya leo, Ámiin🤲

08/01/2026

🌧️KISA CHA MACHOZI NA TOBA 🌧️

Kulikuwa na kijana mmoja aliyekuwa akiishi maisha ya dhambi bila kujali. Swalaah aliiacha, Qur’an aliisahau, na maneno ya mawaidha yalikuwa yakimpita k**a upepo. Alisema mara kwa mara:
“Bado nina muda… toba ni baadaye.”

🌙USIKU WA KUBADILISHA HATIMA
Usiku mmoja, alitoka kwenye starehe zake akiwa amechoka. Alipofika nyumbani, akajilaza bila hata kumkumbuka Allah. Lakini katikati ya usingizi mzito, akaota ndoto ya kutisha.
Alijikuta yupo kaburini—pana giza, baridi, na kimya kizito. Ardhi ikamkandamiza, na sauti ikaita:
“Ulikuwa wapi ulipoitwa kusujudu?”
Moyo wake ukapasuka kwa hofu. Akajaribu kujibu, lakini ulimi wake ukakataa. Machozi yakaanza kumtoka, akalia kwa uchungu:
“Ewe Mola wangu, nirudishe duniani hata kwa siku moja nitubu!”

🌅KUAMKA KWA MACHOZI
Akashtuka usingizini—uso wake umejaa machozi, moyo unadunda kwa kasi. Saa ilikuwa ni karibu na Alfajiri. Kwa mara ya kwanza baada ya miaka, akasimama akaenda kuoga, akavaa kwa unyenyekevu, na akasimama mbele ya Allah.
Aliposujudu, machozi yakadondoka juu ya mkeka. Akasema kwa sauti ya kuvunjika:
“Ewe Allah, nimekosea… nimerudi. Usinifukuze.”

🤲NGUVU YA TOBA YA KWELI
Tangu siku ile, maisha yake yakabadilika. Swalaah ikawa nuru yake, Qur’an ikawa rafiki yake, na machozi ya toba yakawa daraja lake la kumrudia Mola.
Akasema siku moja:
“Nililia kwa khofu ya adhabu, lakini Allah alinipokea kwa rehema.”

✨FUNZO KUU
Toba haingoji umri wala siku maalum
Machozi ya kweli huuzima moto wa dhambi
Allah hupokea mja wake hata arudi mara ngapi, mradi arudi kwa ikhlasi
Moyo unaolia mbele ya Allah haupotei kamwe

🤍Ujumbe kwako unayesoma:
K**a moyo wako unahisi uzito—usikate tamaa. Mlango wa toba bado uko wazi. Leo inaweza kuwa siku yako ya kuanza upya.

📿“Hakika Allah anawapenda wanaotubu.” (Al-Baqarah: 222)
Andika “Astaghfirullah” k**a dua ya toba, na unaweza ku share kisa hiki kumkumbusha mwingine. 🌙

08/01/2026

✨KISA CHA KARAMA NA UCHAMUNGU ✨

Kulikuwa na mzee mmoja miongoni mwa watu wema wa mji mdogo wa jangwani. Hakuwa maarufu, hakuwa na mali, wala hakujulikana kwa maneno mengi lakini alijulikana kwa jambo moja tu: uchamungu wake. Hakuwahi kuacha swalaah ya jamaah, na ulimi wake haukukauka kumdhukuru Allah.

🌿MAISHA YA UNYENYEKEVU
Mzee huyo aliishi kwa riziki ndogo sana. Kila siku alifanya kazi ya kuchota maji kisimani na kuwapelekea watu. Kile alichopata kilimtosha kula mkate na tende. Alipoulizwa kwa nini hachoki, alitabasamu akasema:
“Yule anayemtegemea Allah hachoki na kile alichogawiwa.”

🌙USIKU WA MTIHANI
Siku moja mji ukakumbwa na ukame mkali. Visima vikakauka, watu wakaanza kukata tamaa. Wazee wa mji wakakusanyika kuomba dua ya mvua lakini siku zikapita bila mvua.
Kwa unyenyekevu, mzee yule akasema:
“Niruhusuni nimuombe Allah kwa namna ninayojua.”
Wengine wakacheka kwa dharau:
“Wewe ni nani mpaka dua yako isikike kuliko yetu?”

☁️KARAMA YENYE KUNYAMAZA
Mzee akaondoka peke yake. Akaenda juu ya kilima kidogo, akainua mikono yake, machozi yakimdondoka, akasema kwa sauti ya kuvunjika:
“Ewe Allah, k**a mimi ni mfanya dhambi, basi niadhibu kwa sababu yangu; lakini k**a kuna mja miongoni mwetu anayekupenda kwa kweli, teremsha rehema zako.”
Hakuwa amemaliza kusema Ameen mawingu yakakusanyika ghafla. Radi ikapiga, mvua nzito ikaanza kunyesha. Watu wakapiga kelele za furaha, wakatambua kuwa Allah ameonyesha karama kupitia mja wake mchamungu.

😔UNYENYEKEVU WA WEMA
Watu walipomkimbilia wakisema:
“Dua yako imekubaliwa! Wewe ni walii wa Allah!”
Mzee akawajibu kwa upole:
“Sio mimi… ni Allah. Mimi ni mja tu dhaifu.”
Tangu siku hiyo, hakuongeza maneno wala kujionyesha. Aliendelea na maisha yake ya kawaida—lakini nyoyo za watu zilijifunza somo kubwa.

🌟FUNZO LA KARAMA NA UCHAMUNGU

1.👉Allah humuinua mja mnyenyekevu na mchamungu bila yeye kutafuta sifa; nguvu ya kweli iko katika ikhlasi (unyoofu wa moyo), si umaarufu.

2.Dua ya moyo safi ina nguvu kuliko maneno mengi

3.Wema wa kweli huambatana na unyenyekevu

🤲Ujumbe kwako:
Usimdharau mja mwema asiyeonekana. Huenda Allah anamtumia kubadilisha hatima ya wengi.
📿“Hakika wapenzi wa Allah hawana hofu wala hawatahuzunika.” (Yunus: 62)

K**a kisa hiki kimegusa moyo wako, andika moja miongoni mwa majina matukufu ya Allah Subhaanahu wataala ☝️ ♥️ 🤍

08/01/2026

Saudi Arabia imetangaza kuachia filamu kubwa ya kihistoria iitwayo The Unbroken Sword, inayotokana na maisha ya Swahaba Komandoo wa kivita Khalid bin Waleed (r.a.).

Filamu hiyo itatayarishwa katika PlayMaker Studios huko Qiddiya City, kituo kipya cha kisasa kilichozinduliwa nje ya mji wa Riyadh. Itaongozwa na Alik Sakharov, anayejulikana kwa kazi zake katika mfululizo wa Game of Thrones. Mradi huu utaonesha kwa kina nafasi muhimu ya k**anda huyu mashuhuri wa Kiislamu katika vita vikubwa k**a Vita vya Yarmouk.

Huu ni uzalishaji mkubwa wa kwanza kufanyika katika PlayMaker Studios, ikiwa ni sehemu ya upanuzi unaokua kwa kasi wa tasnia ya filamu nchini Saudi Arabia. Filamu inalenga kuhuisha simulizi ya Hazrat Khalid bin Waleed (r.a.), anayejulikana kwa lakabu ya Saifullah (Upanga wa Allah), kwa kuangazia uongozi wake, mbinu za kivita, na urithi wake wa kihistoria katika Uislamu.

Je unajua kwamba majeshi mengi ya sasa hutumia mbinu ambazo alizitumia Swahaba huyu Khalid bin Walid (r.a)

08/01/2026

Ni Swahaba nani ambaye alikuwa ni Rafiki wa Mtume Muhammad (s.a.w) hata kabla Mtume hajapewa Utume?

08/01/2026

🌙Leo ni mwezi 18 Rajab mwaka 1447H, Allah atumiminie rizki, barka na kheri zote zitokanazo na siku hii ya leo, Ámiin🤲

07/01/2026

Mmoja wa masheikh anasimulia:
“Nilikuwa nikitembelea hospitali na nyumba za wazee mara kwa mara, nikimshukuru Allah kwa neema ya afya na kuwafariji wagonjwa kwa dua njema au tabasamu jepesi.

Siku moja mgonjwa mmoja alinisimamisha mtu aliyenivutia kwa macho yake. Alikuwa mzee wa takribani miaka tisini. Nilimsalimu; alikuwa kipofu haoni. Akaniambia: ‘Nina ombi moja.’
Nikamuambia: ‘Sema ewe mjomba.’
Akasema: ‘Wallahi, kwa siku tatu sasa nina njaa.’

Nikamuuliza: ‘Je, hawakulishi hapa?’
Akasema: ‘Sipendi chakula chao, sikitamani.’
Nikamuuliza: ‘Unataka nikuletee nini?’
Akasema: ‘Ninatamani mkate.’
Nikaenda kununua mkate, maji, juisi na baadhi ya vyakula vya makopo. Niliporudi, alichukua mkate akaula kwa hamu huku akitabasamu na kusema: ‘Allah! Mkate ulivyo mtamu!’

Nikamuomba anisamehe kwa swali langu, nikamwuliza: ‘Je, huna watoto?’
Akaangusha kichwa kidogo, kisha akakiinua machozi yakimtiririka, akasema: ‘Ndiyo, nina watoto kumi wakiume sita na mabinti wanne. Walikua, wakaolewa na kuoa, kila mmoja akaenda na maisha yake. Waliniacha nyumbani peke yangu. Majira ya baridi yaliponijia nilikuwa naganda kwa baridi, nikipiga kelele kwa maumivu, lakini sikuwa na mtu.’

Akaendelea: ‘Siku moja, mtoto wangu aliyekuwa na huruma zaidi alikuja akaniambia: “Baba, utaondoka hapa.”

Nikafurahi nikidhani atanichukua nikaishi naye, kwamba amenitengenezea chumba nyumbani kwake. Wallahi, niliruka kwa furaha. Nikamwambia: “Allah akuridhie ewe mwanangu.” Tukatembea, kisha akanipa karatasi. Nikamuuliza: “Hii ni nini mwanangu?” Akasema: “Kaa hapa usubiri walitaje jina lako. Hapa ndipo utakapopumzika na kutupumzisha sisi sote.
Watakuhudumia kwa sababu sisi tuna shughuli nyingi.”’

Mzee huyo akalia akisema: ‘Nina miaka tisini, nipo kwenye nyumba ya wazee peke yangu. Sikuwahi kudhani watanitelekeza. Laiti nisingewazaa watoto laiti ningekuwa tasa.’

Nikamuuliza: ‘Je, hawakutembelei kabisa?’
Akasema: ‘Imepita miaka miwili tangu nifike hapa. Kila siku natamani waingie kuniona; mchana hupita wote na hakuna anayegonga mlango wangu.’

Nikamuambia: ‘Waombee dua, Allah awaongoze.’
Akasema: ‘La mwanangu. Wallahi sitawaacha Siku ya Kiyama nitakuwa mpinzani wao mbele ya Allah.’

Akalipuka kwa kilio. Nikamwambia: ‘Usilie, tafadhali waombee, huenda Allah akawaongoza.’
Akasema: ‘Niliwalea watoto wangu wote kumi, lakini hakuna hata mmoja mwenye kheri.’

Akainua mikono yake na kusema: ‘Ewe Mola, wangu, usiwafurahishe duniani wala Akhera.’

Nilitoka hospitalini nikilia, nikaazimia kumtembelea kila nitakapopata nafasi. Baada ya muda nikarudi—sikumkuta. Nikamuuliza msimamizi wa hospitali. Akasema: ‘Amefariki.’
Nikamuuliza: ‘Na watoto wake?’
Akasema: ‘Tulipowapigia simu, walisema: “Mwosheni na mumzike; sisi tuna shughuli nyingi.”’

Ole wake kwa yule ambaye wapinzani wake Siku ya Kiyama watakuwa wazazi wake.
Ujumbe kwa kila anayewadharau wazazi wake kabla ya kuchelewa.

Wallahi, wallahi—ni deni litakalorejeshwa kwenu na watoto wenu siku moja. 😪
Muwe salama chini ya ulinzi wa Allah.
K**a Wazazi wako wako hai hakikisha unawapambania na Allah awahifadhu na k**a wameshatangulia Allah awasamehe na uwaombee Dua na kuwatolea sadaqa zenye kuendelea na matunda yake utayaona.

07/01/2026

Muft wa Zamani wa Misri, Shekh Ali juma ameeleza mtazamo wa Uislamua juu ya Nabii Issa (Yesu) amani iwe juu yake.

Sheikh anasema:

"Yeyote atakayemvunjia heshima Yesu huyo ni Kafiri, yeye (Yesu) ni neno la kweli la Mwenyezi Mungu na ni nuru ya nuru na siri kuu."

Chanzo: Majallat Fanni.

Huu ndio Uislamu wetu ambao watu wa dini zingine hawaujui.

Kwa wasiojua;
Yesu ndiye Nabii Issa a.s tofauti ni lugha tu, sawa na Mariam na Marry, Wakristo wa Misri utawasikia Makanisani mwao wakisema:
"Yaa Issa bin Maryam!"

Na hii ina maana dini ni moja tu ila kuna wajanja wamekuja kupotosha watu.

Mwenyezi Mungu atuoneshe haki. Aamiin

07/01/2026

Kulikuwa na kijana mmoja, jina lake halikuwa muhimu, kwa sababu watu walimjua kwa sifa moja tu:
“Yule asiyeswali.”

Alikuwa mcheshi, mkarimu, na hakuwahi kumdhuru mtu. Lakini swalaah?
Aliichezea.

Akasema: “Moyo wangu ni msafi, Allah anajua.”

Siku zilisonga.
Marafiki walimkumbusha:
“Swalaah ndiyo uti wa mgongo wa dini.”
Alitabasamu na kujibu: “Nitakuja kutubu nikiwa mzee.”

🌙Usiku mmoja, alilala akiwa na simu mkononi, video ikicheza…
Hakuamka tena.
Asubuhi yake, kilio kilitanda mtaa mzima.
“Amekufa ghafla.”
Watu wakasema:
“Alikuwa kijana mzuri sana.”
Lakini Malaika hawahukumu kwa maneno ya watu.

⚰️WAKATI WA KUZIKWA
Maiti iliposhushwa kaburini, ghafla wale waliokuwa karibu wakasikia sauti dhaifu sana ikisema:
“Nirudisheni… nirudisheni…”
Wakadhani ni mawazo.
Lakini ardhi ikatetemeka kidogo, na sauti ikarudi tena kwa uchungu zaidi:
“Swalaah… swalaah… niliidharau…”
Watu wakakimbia kwa hofu.
Wengine wakazimia.
Sheikh aliyekuwepo akasema kwa sauti iliyokuwa ikitetemeka:
“Hili ni onyo, si hadithi.”
Kaburi likafunikwa.

🌑BAADA YA MAZISHI
Usiku ulipoingia, mtu mmoja mwema aliyekuwa akimuombea marehemu alimuona katika ndoto.
Alimwona kijana yule kaburini, uso wake umejaa hofu, akilia akisema:
“Niliambiwa swali nikajibu nitaswali baadaye nikiwa mzee…
Lakini ‘baadaye’ haikufika.”
Akauliza:
“Allah hajakusamehe?”
Akasema:
“Rehema ipo…
Lakini swalaah ndiyo ya kwanza kuulizwa.”
Kisha akapotea.

🕊️FUNZO LA KUTISHA LA IMANI
Moyo mzuri hauchukui nafasi ya swalaah
Kuahirisha toba ni udanganyifu wa Shetani
Kifo hakitumi ujumbe kabla ya kufika
Swalaah ni ngao ya kwanza kaburini
“Kile ulichokifanya kidogo duniani, kinaweza kuwa kizito Akhera.”

🤲Ewe unayesoma hili, k**a swalaah yako imedorora — rudi leo, si kesho.
Usiseme: “Nitakuja baadaye.”
Kwa sababu wengi walipanga kutubu…
lakini hawakupata muda.

💬DUA
“Allahumma thabbitna ‘ala swalaah”
( Ee Allah, tuthibitishe katika swalaah )

📌Share ujumbe huu na unaowapenda kuwazindua kwani ukumbusho humfaa muumini.

K**a umesoma kisa hiki cha kuzindua baasi usiondoke bure bali acha athari njema kwa kuandika moja miongoni mwa majina matukufu ya Allah Subhaanahu wataala ☝️ ♥️

07/01/2026

MUOSHA MAITI ALIYECHAPWA BAKORA 80 KWA KUMSINGIZIA MAITI UZINIFU

Mwanamke mmoja miongoni mwa wanawake wa Madina alifariki. Akapelekwa kwenye chumba cha kumuosha maiti ili aoshwe. Ilipowekwa maiti ili kuoshwa, yule mwanamke anayemuosha maiti akaanza kumimina maji juu ya mwili wa marehemu, lakini akamtaja kwa ubaya akisema:

“Mwili huu ulikuwa ukifanya uzinzi mara nyingi.”

Mara mkono wa yule mwanamke aliyekuwa anaosha ukashik**ana na mwili wa marehemu, kiasi kwamba akashindwa kabisa kuusogeza.

Akafunga mlango ili asionekane na mtu yeyote akiwa katika hali hiyo, ilhali watu wa marehemu walikuwa nje wakisubiri maiti ikafunikwe kwa sanda. Wakamuambia: Tulete sanda.” Naye akawa anajibu: “Subirini kidogo.” Wakazidi kurudia, naye akaendelea kusema: “Subirini.”

Baadaye, mwanamke mmoja akaingia ndani na akaona kilichotokea. Wakachukua maoni ya wanazuoni; miongoni mwao akasema: “Mkono wa mwanamke huyo ukatwe ili maiti izikwe, kwani kuzika maiti ni wajibu.”

Wengine wakasema: “Kipande cha mwili wa marehemu kikakatwe ili kumuokoa yule mwanamke, kwa sababu aliye hai ana haki zaidi kuliko maiti.” Khitilafu ikaongezeka, na wanazuoni wa Madina wakabaki katika mshangao: wakate mkono wa mwanamke anayesafisha au wakate kipande cha mwili wa marehemu?

Hatimaye wakaongoka wakaamua kumuuliza Imamu Mālik bin Anas (Allah amrehemu), wakasema: “Vipi tugombane ilhali Imamu Mālik yupo?” Wakaenda kwake wakamuuliza. Imamu Mālik akaja kwa haraka sana. Kati yake na yule mwanamke pamoja na maiti kulikuwa na pazia.

Imamu akamuuliza mwanamke: “Ulisema nini kuhusu yule marehemu?” Akajibu: “Nilimtuhumu kwa uzinzi.”
Imamu Mālik akasema:
“Waingie wanawake wengine wamchape yule mwanamke aliyemtuhumu maiti viboko themanini — adhabu ya qadhf (kumsingizia mtu uzinzi) — kwa mujibu wa kauli ya Mwenyezi Mungu Mtukufu:

‘Na wale wanaowatuhumu wanawake waliohifadhiwa (wenye heshima) kisha wasilete mashahidi wanne, wapigeni viboko themanini, wala msikubali ushahidi wao kamwe; hao ndio wapotovu.’
(An-Nūr: 4)

Wanawake wakaingia na wakampiga yule mwanamke viboko themanini. Baada ya viboko themanini kukamilika, mkono wake ukatengana na mwili wa marehemu.

Kwa hiyo, ni wajibu wetu kulinda ndimi zetu dhidi ya umbea, kusengenya, na kuingilia heshima za watu. Na hakika Allah ndiye Mkweli na Mwenye Haki.

Ikiwa kisa hiki kimekupendeza, usisahau kufuatilia ukurasa huu na kutuunga mkono kwa ku share ili kifike kwa nyoyo zote zinazohitaji kukisikia 💔

K**a umesoma kisa hiki baasi usiondoke bure bali acha athari njema kwa kuandika moja miongoni mwa majina matukufu ya Allah Subhaanahu wataala ☝️ ♥️

Sufian Mzimbiri

09/01/2026

09/01/2026

09/01/2026

08/01/2026

08/01/2026

08/01/2026

08/01/2026

08/01/2026

07/01/2026

07/01/2026

07/01/2026

07/01/2026

Address

Telephone

Website

Alerts

Contact The Business

Shortcuts

Share