Radio Furaha FM

Radio Furaha FM RADIO FURAHA KUTANGAZA INJILI KWA WATU WOTE.RADIO INAYOFANYA VIPINDI VYA KIJAMII, MATANGAZO, BURUDAN

PAPA FRANCIS AFARIKI AKIWA NA UMRI WA MIAKA 88Kiongozi wa Kanisa Katoliki Duniani, Papa Francis amefariki Jumatatu ya P...
21/04/2025


PAPA FRANCIS AFARIKI AKIWA NA UMRI WA MIAKA 88
Kiongozi wa Kanisa Katoliki Duniani, Papa Francis amefariki Jumatatu ya Pasaka, Aprili 21, 2025, akiwa na umri wa miaka 88 katika makazi yake katika Casa Santa Marta, Vatican baada ya kuhudumu kwa miaka 12.
Muda mfupi uliopita, Mwadhama, Kardinali Farrell, alitangaza kwa masikitiko kifo cha Baba Mtakatifu Francis, kwa maneno haya:
"Ndugu wapendwa, kwa huzuni kubwa sina budi kutangaza kifo cha Baba Mtakatifu Francisko''.
Saa 7:35 asubuhi ya leo (saa za huko), Askofu wa Roma, Francis, alirudi nyumbani kwa Baba. Maisha yake yote yaliwekwa wakfu kwa huduma ya Bwana na Kanisa Lake."
Papa Francis amefariki tarehe 21 Aprili 2025 akiwa na umri wa miaka 88, baada ya kuugua kwa muda mrefu kutokana na nimonia ya mapafu yote mawili. Alikuwa amelazwa hospitalini kwa siku 38 kabla ya kufariki saa 1:35 asubuhi huko Roma.
Historia ya Ugonjwa na Matibabu
Katika miaka ya hivi karibuni, afya ya Papa Francis ilidorora. Alifanyiwa upasuaji wa utumbo mpana mwaka 2021 na baadaye kuugua bronchitis kali mwaka 2023, hali iliyomlazimu kutumia kiti cha magurudumu mara kwa mara.
Licha ya changamoto hizi za kiafya, aliendelea kutekeleza majukumu yake ya kichungaji hadi alipotoa baraka ya mwisho kwa umma katika Uwanja wa Mtakatifu Petro siku ya Jumapili ya Pasaka, siku moja kabla ya kifo chake.
Taratibu za Uongozi na Mazishi kwa Mujibu wa Itifaki za Kanisa Katoliki
Baada ya kifo chake, taratibu rasmi za Kanisa Katoliki zilianza: Camerlengo, Kardinali Kevin Farrell, alithibitisha kifo chake katika kanisa la kifalme, si chumbani k**a ilivyokuwa desturi. Pete ya Mvuvi (Fisherman's Ring) iliharibiwa, na ofisi za Papa zilifungwa rasmi.
Papa Francis alifanya mabadiliko makubwa katika itifaki za mazishi ya Kipapa akiondoa matumizi ya majeneza matatu ya jadi (mianzi, risasi, na mwaloni), akitaka jeneza moja rahisi la mbao. Mwili wake uliwekwa moja kwa moja kwenye jeneza hilo na kuwekwa wazi kwa waumini kutoa heshima zao ndani ya Basilika ya Mtakatifu Petro, badala ya kuwekwa juu ya jukwaa maalum k**a ilivyokuwa kawaida.
Mazishi yake yamepangwa kufanyika kati ya siku ya nne na ya sita baada ya kifo chake, katika Uwanja wa Mtakatifu Petro. Kwa ombi lake, atazikwa katika Basilika ya Santa Maria Maggiore, karibu na picha ya Bikira Maria, akivunja desturi ya kuzikwa katika Grottoes za Mtakatifu Petro.
Hatua za Baadaye
Baada ya mazishi, kipindi cha maombolezo cha siku tisa (Novendiale) kitaendelea. Kisha, ndani ya wiki mbili hadi tatu, makardinali walio chini ya umri wa miaka 80 watakusanyika katika Sistine Chapel kwa ajili ya Conclave ya kumchagua Papa mpya.
Kwa kuwa wengi wa makardinali hawa waliteuliwa na Papa Francis kutoka maeneo ya Kusini mwa Dunia, kuna uwezekano mkubwa wa kuendeleza maono yake ya Kanisa jumuishi na la huruma.
Urithi wa Papa Francis unakumbukwa kwa msisitizo wake wa huruma, haki ya kijamii, na kujumuisha makundi yaliyotengwa, pamoja na juhudi zake za kuleta mageuzi katika Kanisa Katoliki.
Papa Francis alianza kuongoza Kanisa Katoliki tarehe 13 Machi 2013, baada ya kuchaguliwa na Mkutano wa Makardinali (Conclave), akichukua nafasi ya Papa Benedict XVI, ambaye alijiuzulu tarehe 28 Februari 2013 — tukio la kipekee kwani ilikuwa mara ya kwanza kwa Papa kujiuzulu tangu mwaka 1415.
Taarifa Muhimu Kuhusu Papa Francis:
Jina halisi: Jorge Mario Bergoglio
Kutoka nchi gani: Argentina (Papa wa kwanza kutoka Amerika ya Kusini, na wa kwanza kutoka nje ya Ulaya kwa zaidi ya miaka 1,200)
Umri alipochaguliwa: Miaka 76
Papa wa 266 katika historia ya Kanisa Katoliki
Mapapa Waliokufa Wakiwa Madarakani
Katika historia ya Kanisa Katoliki, idadi kubwa ya mapapa wamefariki wakiwa bado madarakani. Kwa ujumla:
Zaidi ya Mapapa 260 kati ya 266 wamekufa wakiwa madarakani.
Kabla ya Papa Benedict XVI, mapapa wa mwisho waliojiuzulu walikuwa wachache sana — mfano:
Papa Celestine V (alijiuzulu mwaka 1294)
Papa Gregory XII (mwaka 1415)
Kwa hiyo, kifo cha Papa Francis kinamrudisha Kanisa katika hali ya kawaida ya kihistoria, ambapo kiongozi wa Kanisa hufariki akiwa bado madarakani.
ORODHA YA MAPAPA WALIOFARIKI MIAKA YA KARIBUNI
1. Papa Pius X
Alitawala: 1903 – 1914
Alifariki: 20 Agosti 1914
Maelezo: Alifariki kutokana na ugonjwa wa mapafu (bronchitis na kifua kikuu).
2. Papa Benedict XV
Alitawala: 1914 – 1922
Alifariki: 22 Januari 1922
Maelezo: Alifariki kutokana na nimonia.
3. Papa Pius XI
Alitawala: 1922 – 1939
Alifariki: 10 Februari 1939
Maelezo: Alifariki kutokana na mshtuko wa moyo (heart attack).
4. Papa Pius XII
Alitawala: 1939 – 1958
Alifariki: 9 Oktoba 1958
Maelezo: Alifariki akiwa Castel Gandolfo kutokana na ugonjwa wa moyo.
5. Papa John XXIII
Alitawala: 1958 – 1963
Alifariki: 3 Juni 1963
Maelezo: Alifariki kutokana na kansa ya tumbo.
6. Papa Paul VI
Alitawala: 1963 – 1978
Alifariki: 6 Agosti 1978
Maelezo: Alifariki kwa mshtuko wa moyo.
7. Papa John Paul I
Alitawala: 26 Agosti – 28 Septemba 1978 (siku 33 tu!)
Alifariki: 28 Septemba 1978
Maelezo: Kifo chake kilikuwa cha ghafla, kutokana na mshtuko wa moyo.
8. Papa John Paul II
Alitawala: 1978 – 2005
Alifariki: 2 Aprili 2005
Maelezo: Alifariki kutokana na matatizo ya moyo, figo, na kushindwa kupumua. Alikuwa mgonjwa kwa muda mrefu, akiteseka na ugonjwa wa Parkinson.
9. Papa Benedict XVI
Alitawala: 2005 – 2013
Hajafariki akiwa madarakani – alijiuzulu. Alifariki baadaye mnamo 31 Desemba 2022 akiwa Papa Mstaafu.









Usawa upo au haupo
18/03/2025

Usawa upo au haupo

HABARI KUBWA KUTOKA TFFDABI YANGA SC VS SIMBA SC YAOTA MBAWA
08/03/2025



HABARI KUBWA KUTOKA TFF

DABI YANGA SC VS SIMBA SC YAOTA MBAWA





Neema kwa Waimbaji wa Nyimbo za Injili Iriiiinga!! Tuzooo Elct Dira Chafumbwe Chasco Radio Furaha FM Injinji
05/03/2025

Neema kwa Waimbaji wa Nyimbo za Injili Iriiiinga!! Tuzooo

Elct Dira Chafumbwe Chasco Radio Furaha FM Injinji

Timu ya soka ya Shirika la Umeme Tanzania, Mkoa wa Iringa TANESCO FC imejipanga kikamilifu kwa ajili ya kushiriki na ku...
05/02/2025



Timu ya soka ya Shirika la Umeme Tanzania, Mkoa wa Iringa TANESCO FC imejipanga kikamilifu kwa ajili ya kushiriki na kufanya vizuri kwenye ligi ya mabingwa wa mkoani iringa inayotarajiwa kuanza hivi karibuni.

Timu hiyo inalenga kuonyesha uwezo wake na kushindana kwa nguvu ili kuhakikisha inapata matokeo mazuri katika michuano hiyo.

Msemaji wa timu hiyo, Bw. Emmanuel Kisigo, amesema kuwa maandalizi yanaendelea vizuri na wachezaji wako kwenye hali nzuri ya ushindani. alisisitiza kuwa timu imeimarisha mazoezi na mikakati yake ili kuhakikisha inakuwa na safu imara katika kila idara ya uwanja.

Akizungumza na Furaha Michezo, Bw. Kisigo alieleza kuwa kikosi chao kimefanya maboresho muhimu kwa lengo la kukabiliana na changamoto zinazoweza kujitokeza wakati wa ligi.

Aidha, alisema kuwa ari ya wachezaji ni kubwa na kila mmoja ana dhamira ya kushiriki kwa bidii kuhakikisha timu inapata ushindi.

Tanesco inatarajia kukutana na timu mbalimbali zenye ushindani mkubwa, lakini uongozi wa timu una imani kwamba maandalizi waliyofanya yatawasaidia kupata matokeo mazuri.

"Mbinu za kiufundi na mshik**ano wa wachezaji zimeimarishwa ili kuongeza ufanisi ndani ya uwanja."

Mashabiki wa tanesco wamehimizwa kuendelea kuipa sapoti timu yao kwa kuwa motisha yao ni sehemu muhimu ya mafanikio.

"Wadau wa michezo wanatarajia kuona ligi yenye ushindani mkubwa, huku tanesco ikitarajia kuwa miongoni mwa timu zitakazofanya vizuri katika mashindano hayo."




Yanga SC yaendeleza vichapo baada ya kuichabanga KenGold kutoka jijini Mbeya 6-1 mchezoambao umevurumishwa uwanja wa KM...
05/02/2025



Yanga SC yaendeleza vichapo baada ya kuichabanga KenGold kutoka jijini Mbeya 6-1 mchezoambao umevurumishwa uwanja wa KMC jijini Dar es Salaam.



Chama Cha Mapinduzi (CCM) kimebaini changamoto ya ajira nchini na kimeanza kuchukua hatua kwa kuboresha sera za elimu i...
05/02/2025



Chama Cha Mapinduzi (CCM) kimebaini changamoto ya ajira nchini na kimeanza kuchukua hatua kwa kuboresha sera za elimu ili kuhakikisha zinatoa majibu sahihi katika sekta ya ajira.

Hatua hii inalenga kuandaa mazingira mazuri kwa vijana kupata ujuzi unaohitajika kwenye soko la ajira na kuimarisha uchumi wa taifa.
Mwenyekiti wa CCM Taifa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alizungumza kuhusu jambo hilo wakati wa kilele cha maadhimisho ya miaka 48 ya chama hicho yaliyofanyika jijini Dodoma. Alisisitiza kuwa chama kinatambua changamoto za sasa na kinaendelea kuboresha mifumo yake ili kujenga taifa lenye maendeleo endelevu.

Aidha, Mhe. Dkt. Samia alieleza kuwa ili kuwa na mustakabali mzuri wa chama na taifa kwa ujumla, ni muhimu kuboresha jumuiya zilizopo ndani ya CCM. Alisema jumuiya hizo zinapaswa kujengwa kwa misingi ya itikadi thabiti na kuandaliwa kwa uongozi bora ili kudumisha mshik**ano na maadili ya chama.

Kwa upande wake, Makamu Mwenyekiti wa CCM Zanzibar, Dkt. Hussein Mwinyi, aliahidi kutekeleza kwa vitendo ilani ya chama kwa manufaa ya wananchi. Alisema serikali inaendelea kuwaletea wananchi maendeleo kwa kuhakikisha miradi mbalimbali ya kijamii na kiuchumi inatekelezwa ipasavyo.

Naye Katibu Mkuu wa CCM Taifa, Balozi Dkt. Emmanuel Nchimbi, alisisitiza umuhimu wa kila mwanachama kuwa mwadilifu na kuzingatia demokrasia ndani ya chama. Alisema uadilifu na uongozi wa haki ni nguzo muhimu katika kuimarisha chama na kuhakikisha kinaendelea kuwa imara kwa ajili ya maendeleo ya Watanzania wote.







Askofu Blaston Gavile Atoa Wito wa Ushirikiano Kati ya Jamii na Serikali kwa MaendeleoIringa Askofu wa Kanisa la Kiinji...
01/02/2025



Askofu Blaston Gavile Atoa Wito wa Ushirikiano Kati ya Jamii na Serikali kwa Maendeleo
Iringa
Askofu wa Kanisa la Kiinjili la Kilutheri Tanzania (KKKT) Dayosisi ya Iringa, Dkt. Blaston Gavile, ametoa wito kwa jamii kushirikiana na serikali ili kuleta maendeleo endelevu.
Askofu Gavile ametoa rai hiyo katika ibada maalum ya kumuingiza kazini Mkuu wa Jimbo Mpya la Kusini Mashariki, Mchungaji Medson Chengula, ambayo imefanyika katika Usharika wa Idete, Wilaya ya Kilolo, mkoani Iringa.
``Maendeleo hayawezi kupatikana kwa juhudi za mtu mmoja, tunahitaji mshik**ano wa pamoja,” amesema Askofu Gavile
Katika hotuba yake, Askofu Gavile amesisitiza umuhimu wa mshik**ano kati ya wananchi na serikali katika kutekeleza miradi ya maendeleo pamoja na miundombinu bora k**a vile barabara,maji,umeme pamoja na mawasiliano kwa ustawi wa jamii.

Katika kuhakikisha maendeleo yanapatikana kwa wakati Askofu Gavile alieleza kuwa ushirikiano wa pamoja kati ya viongozi wa dini, serikali na wananchi wote ni muhimu wote kushirikian kwa pamoja.

Aidha, ameataka waumini na jamii kwa ujumla kujikita katika kazi za maendeleo, akisisitiza kuwa mafanikio ya jamii yanategemea mshik**ano na juhudi za pamoja.

Ibada hiyo imehudhuriwa na viongozi mbalimbali wa dini, waumini, pamoja na viongozi wa serikali, ambapo wote walikubaliana kuwa mshik**ano ndiyo njia pekee ya kufanikisha maendeleo katika jamii.







Waziri Mkuu wa Jamhuri ya Muungano wa Tanzania Mhe. Kassim Majaliwa amefungua rasmi Bunge Bonanza 2025 ambalo limeanza ...
01/02/2025



Waziri Mkuu wa Jamhuri ya Muungano wa Tanzania Mhe. Kassim Majaliwa amefungua rasmi Bunge Bonanza 2025 ambalo limeanza kwa matembezi, kisha mazoezi ya viungo na mashindano ya kukimbia na michezo mingine ikiwemo mpira wa miguu itafuata.

Bonaza hilo pia linashirikisha vilabu vya Simba na Yanga.







Ufaransa inatarajia kupendekeza rasimu ya azimio kwa Baraza la Usalama la Umoja wa Mataifa ambayo inalenga "kuongeza sh...
01/02/2025



Ufaransa inatarajia kupendekeza rasimu ya azimio kwa Baraza la Usalama la Umoja wa Mataifa ambayo inalenga "kuongeza shinikizo kwa Rwanda" kuondoa wanajeshi wake mashariki mwa Jamhuri ya Kidemokrasia ya Congo, Balozi wa Ufaransa wa Umoja wa Mataifa Nicolas de Riviere amesema.

"Natumai azimio hili linaweza kupitishwa hivi karibuni," alisema, akiongeza kuwa hafikirii azimio hilo lingetishia vikwazo vyovyote katika hatua hii.

"Tunachohitaji ni ujumbe mzito na wa wazi wa Baraza la Usalama katika mfumo wa azimio, unaohimiza hatua ya sasa kusitisha na kuhimiza uondoaji wa wanajeshi wa kigeni, na kutaka kuanzishwa tena kwa mazungumzo," de Riviere aliongeza.

Rasimu ikishasambazwa kwa wajumbe 15, baraza litajadili lugha kabla ya kura kuratibiwa. Azimio la baraza hilo linahitaji angalau kura tisa za kuunga mkono na hakuna kura ya turufu ya Marekani, Urusi, Uchina, Uingereza au Ufaransa kupitishwa.

Ujumbe wa Ufaransa kwenye Umoja wa Mataifa ulisema baadaye Ijumaa kwamba ili kuunga mkono juhudi za upatanishi, Ufaransa pia ilikuwa katika "mawasiliano ya karibu na washirika wake katika Umoja wa Mataifa huko New York ili kuhimiza kuanzishwa tena kwa mazungumzo kati ya DRC na Rwanda, yaliyowezeshwa na Angola ndani ya Umoja wa Mataifa- yanayofahamika k**a mchakato wa Luanda."

Chanzo: BBC Swahili











Kutoka Harare, Zimbabwe.//Rais wa Jamhuri ya Muungano wa Tanzania ambaye pia ni Mwenyekiti wa Asasi ya Siasa, Ulinzi na...
31/01/2025



Kutoka Harare, Zimbabwe.
//
Rais wa Jamhuri ya Muungano wa Tanzania ambaye pia ni Mwenyekiti wa Asasi ya Siasa, Ulinzi na Usalama ya Jumuiya ya Maendeleo Kusini mwa Afrika (SADC-Organ) Mhe. Dkt. Samia Suluhu Hassan akishiriki Mkutano wa Dharura wa Wakuu wa Nchi na Serikali wa SADC katika ukumbi wa New Parliament Building, Harare nchini Zimbabwe tarehe 31 Januari, 2025. Mkutano huo pamoja na mambo mengine unajadili hali ya ulinzi na usalama Mashariki mwa Jamhuri ya Kidemokrasia ya Kongo (DRC).












TBT: MWAKA MMOJA TANGU MTUNZA HAZINA KKKT - DAYOSISI YA IRINGA CPA HENZRON NZIKU AINGIZWE KAZINIMtunza Hazina wa saba w...
28/01/2025



TBT: MWAKA MMOJA TANGU MTUNZA HAZINA KKKT - DAYOSISI YA IRINGA CPA HENZRON NZIKU AINGIZWE KAZINI

Mtunza Hazina wa saba wa Kanisa la Kiinjili la Kilutheri Tanzania, Dayosisi ya Iringa CPA Henzron Nziku aliingizwa kazini rasmi Jumapili Januari 28, 2024 katika Usharika wa Kanisa Kuu (Iringa Mjini), Jimbo la Magharibi, Ibada iliongozwa na Baba Askofu Dkt. Blaston Tuluwene Gavile akichukua nafasi ya Ndugu Vicenti Masanula ambaye alistaafu rasmi Septemba 3, 2023.













Address

Gangilonga/DIRA, P. O BOX 511
Iringa

Opening Hours

Monday 00:30 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00
Saturday 09:00 - 17:00
Sunday 09:00 - 17:00

Telephone

+255756492515

Website

Alerts

Be the first to know and let us send you an email when Radio Furaha FM posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Radio Furaha FM:

Shortcuts

Share

Category