UVCCM Wilaya ya Njombe

31/03/2026

Vijana Njombe Waomba Kuthaminiwa na Kuwezeshwa Zaidi

Vijana katika Wilaya ya Njombe wameeleza haja ya kutambuliwa na kuthaminiwa k**a nguvu muhimu ya maendeleo ya sasa na ya baadaye. Wamesema kuwa mchango wao katika jamii ni mkubwa, hivyo wanastahili kupewa nafasi zaidi za kushiriki kikamilifu katika shughuli za kijamii na kiuchumi.

Aidha, vijana hao wameomba kuandaliwa kwa semina na mafunzo mbalimbali yatakayowaongezea ujuzi na kuwajengea uwezo wa kujiajiri na kushiriki katika ujenzi wa taifa.

Kwa upande mwingine, viongozi wamehimizwa kuchukua jukumu la kuibua na kukuza vipaji vya vijana, ili kuwasaidia kufikia ndoto zao na kuchangia maendeleo ya nchi kwa ufanisi zaidi.

Vijana hao pia wameeleza kutoridhishwa na tabia ya kutumika zaidi wakati wa dharura au misimu ya uchaguzi pekee, wakisisitiza umuhimu wa kushirikishwa kwao wakati wote katika michakato ya maendeleo.

Katika hatua nyingine, wametoa shukrani kwa Mheshimiwa Rais kwa kutoa mkopo wa shilingi bilioni 200, ambao wanaamini utasaidia kuinua hali ya maisha ya wananchi, hususan vijana.

Akizungumza katika kata za Idamba, Lupembe, Kidegembeye, Ikuna, Matembwe na Mtwango, Katibu wa UVCCM Wilaya ya Njombe, Ndugu Mengi Mwakisole,

31/03/2026

Katibu wa Umoja wa Vijana wa Chama Cha Mapinduzi (UVCCM) wilaya ya Njombe, Ndugu Mengi Mwakisole, amewataka vijana kujenga moyo wa ujasiri na kuacha woga katika kushiriki shughuli za maendeleo na ujenzi wa taifa.

Akizungumza katika mkutano wa vijana uliofanyika wilayani humo, Mwakisole alisema kuwa vijana ndio nguvu kazi ya taifa, hivyo hawapaswi kujiona dhaifu au kushindwa kuchangamkia fursa zilizopo. Alisisitiza kuwa uoga unawanyima vijana nafasi ya kufanikiwa katika nyanja mbalimbali ikiwemo ujasiriamali, elimu na siasa.

“Vijana lazima mujiamini. Msipokuwa jasiri, mtapoteza fursa nyingi zinazoweza kubadilisha maisha yenu na kuchangia maendeleo ya jamii,” alisema Mwakisole.

Aidha, aliwahimiza vijana kushiriki kikamilifu katika shughuli za Chama Cha Mapinduzi pamoja na kujitokeza kugombea nafasi mbalimbali za uongozi ili kuleta mabadiliko chanya katika jamii.

Kwa upande wao, baadhi ya vijana walioshiriki mkutano huo walimpongeza Mwakisole kwa ushauri wake na kuahidi kuyafanyia kazi maelekezo hayo kwa kujituma zaidi na kuacha tabia ya kuogopa changamoto.

Mkutano huo ulikuwa sehemu ya juhudi za kuwahamasisha vijana kujitambua, kujiajiri na kushiriki kikamilifu katika maendeleo ya wilaya ya Njombe na taifa kwa ujumla.

31/03/2026

MENGI KAJA NA MENGI SANA

Katibu wa Umoja wa vijana wilaya ya Njombe Ndugu Mengi Mwakisole ni siku chache tu tangu aripoti wilaya ya Njombe ameanza na ziara ya kitendaji pamoja na kujitambulisha kwa kata zote 37 za wilaya ya Njombe

📍Aidha ameendelea kuimarisha uhai wa jumuhiya kwakusikiliza maoni na kero za jumuhiya Ili kuona ni namna gani ataongoza jumuhiya isonge mbele.

29/03/2026

29/03/2026

MATUMAINI YA KATIBU

18/01/2026

Mwenyekiti UVCCM Njombe Aongoza Kikao cha Baraza la Mkoa Kujadili Fursa za Vijana

Mwenyekiti wa Umoja wa Vijana wa Chama Cha Mapinduzi (UVCCM) Mkoa wa Njombe, Ndugu Samwel Mgaya, tarehe 17 Januari 2026 ameongoza kikao cha Baraza la UVCCM Mkoa wa Njombe kilichofanyika kwa lengo la kujadili masuala mbalimbali yanayowahusu vijana pamoja na mikakati ya kuibua fursa za kiuchumi katika jamii.

Akizungumza wakati wa kikao hicho, Ndugu Mgaya amesisitiza umuhimu wa vijana kuwa mstari wa mbele katika kushiriki shughuli za maendeleo, hususan katika maeneo ya ujasiriamali, kilimo cha kisasa, ufundi na matumizi ya teknolojia k**a njia ya kujikwamua kiuchumi.

Ameeleza kuwa UVCCM ina wajibu wa kuwa daraja kati ya serikali na vijana kwa kuhakikisha wanapata taarifa sahihi kuhusu fursa zilizopo pamoja na namna ya kuzitumia.
Kikao hicho kimejadili pia changamoto zinazowakabili vijana katika mkoa wa Njombe, ikiwemo ukosefu wa ajira, mitaji ya kuanzisha miradi pamoja na uhitaji wa mafunzo ya ujuzi. Wajumbe wa baraza walipata nafasi ya kutoa maoni na mapendekezo mbalimbali yatakayosaidia kuimarisha ushiriki wa vijana katika shughuli za kijamii na kiuchumi.

Aidha, baraza limeazimia kuendelea kushirikiana na taasisi za serikali, sekta binafsi pamoja na wadau wa maendeleo ili kuhakikisha vijana wanapatiwa elimu, mafunzo na fursa zitakazowawezesha kujiajiri na kuchangia maendeleo ya mkoa na taifa kwa ujumla.

Kikao hicho kimehitimishwa kwa wito kwa viongozi wa UVCCM ngazi zote kuhakikisha wanashuka chini kuwasikiliza vijana, kuhamasisha mshik**ano na kuendeleza misingi ya uzalendo, uadilifu na uwajibikaji katika utekelezaji wa majukumu yao.