HabariHub

Home
Tanzania
Njombe
HabariHub

Ukurasa huu ni maalumu kwa ajili ya kutoa habari za hivi karibuni katika uwanja wa burudani, michezo, siasa, na makala mbalimbali. Tunapenda kuwapa wafuasi wetu taarifa za kuvutia, za kuaminika, na za kuelimisha, zinazowapa ujuzi na kuburudisha kwa wakati mmoja. Tunajivunia kuwa chanzo chako cha kuaminika cha habari, tukijitahidi kuleta upeo mpana wa mada kufuatana na maslahi ya wasomaji wetu. Tun

a timu ya waandishi waliobobea ambao wanashughulikia habari zote muhimu na za kusisimua zinazohusiana na burudani, michezo, siasa, na zaidi. Kupitia ukurasa wetu, utapata makala za kina zinazoshughulikia mada mbalimbali, mahojiano na watu maarufu, taarifa za matukio ya kusisimua, na mapitio ya burudani na michezo. Tunajitahidi kuleta habari zinazoburudisha na kuelimisha ili kukidhi mahitaji ya wasomaji wetu wenye ladha tofauti. Tafadhali jiunge nasi katika mazungumzo kupitia sehemu ya maoni na ushiriki kwa kushirikiana habari zetu na yaliyomo na marafiki zako. Tuko hapa kukuletea habari sahihi na kuwaunganisha watu pamoja kupitia mawazo na maoni. Tuko hapa kukuletea habari za kuvutia na burudani kwa kila siku yako. Jiunge nasi na uwe sehemu ya safari yetu ya kusisimua na kuelimisha katika ulimwengu wa habari na burudani.

08/10/2024

📌Picha hizi zinatoka pale kaunti ya Antu, kaskazini mwa China katika jimbo la Jilin, Xueshanfeihs ni eneo la kitalii kutokana na mazingira yake hewa nzuri inayopatikana katika eneo hilo.
⬇
Sisi huku Tanzania tunakata miti hadi iitike "Rabeca" tukiambiwa ukikata mti panda mti, masikio hayasikii hata kidogo.
⬇
Wasimamizi wa hifadhi nao baadhi yao hawana uadilifu, wanakula rushwa na kuwarudisha nyuma wenzao wanaosimamia sheria kuonekana ni wanoko sana.
⬇
Tunajitetea kuwa "tukale wapi?" "Tusipochoma mkaa tutapata wapi pesa ya kuendesha familu?" Jiulize, hiyo familia (Watoto) wakikua wao watafaidika na nini k**a unakata na kumaliza miti yote kwa kuchoma mkaa?
⬇
Serikali mnapowak**ata hawa wachoma mkaa na wauza mkaa, mnawapeleka mahak**ani wanahukumiwa au mnawapiga faini mnawaacha waende mkaa mnautaifisha, mnadhani hawa wataenda wapi?
⬇
Kwanini serikali msiweke mpango nzuri kila Halmashauri, kuwakusanya hawa wakata miti, wachoma mikaa na wauza mikaa mkawapa project nyingine ya kuwaingizia kipato kupitia misitu hiyo hiyo na project zingine?
Mfano: Unawaweka kwenye vikundi mnawaanzishia mradi wa kufuga nyuki, wakilinda asali wanawauzia kikundi kingine wanaiongezea thamani asali ile hapo mnakuwa mmewaunganisha na SIDO.
Wengine wanashughulika na mazao mengine yanayozalishwa na nyuki kutengeneza nta nk.
⬇
Ifike wakati tufikirie tofauti, tusione ni fahari kujaza magereza tu, matatizo/changamoto na tabia za watu zibadilishwe na kutengenezwa fursa. Fursa hizo ziwasaidie kujiingizia kipato na kutunza mazingira yetu kwa vizazi vya sasa na vya baadae.
⬆
🖊Geofrey D.

03/10/2024

🔴USAHIHI WA TAARIFA

Ukipewa kichwa cha huyu jamaa unaweza usiamke kesho. Anaitwa Tyrese Gibson miaka 45, ni mwanamuziki wa R&B na Muigizaji kutokea pale nchini Marekani. Ameigiza filamu nyingi moja wapo ni muendelezo wa filamu za Fast and Furious imezidi kumuweka kwenye vichwa vya habari katika media mbalimbali na kujizolea mkwanza.

Leo nimeona kwenye page za watu kadha wa kadha hapa Bongo zikidai kuwa jamaa amepokonywa mali zake zote na jumba lake na kwamba hatakiwi kufika katika jumba hilo isipokuwa kwa mwaliko tu na pia amepewa ruhusa ya kumuona binti yake wa miaka mitano (5) aitwaye Soraya.

Nimepita katika vyanzo vya habari vinavyoaminika ikiwemo na kote huko hakuna taarifa hiyo ambayo baadhi ya watanzania wenzangu wameichapisha pasipo na kuweka vyanzo vya habari.

Taarifa iliyopo hadi sasa kuhusu Gibson ni ya wiki mbili zilizopita yaani wiki ya tarehe 11 mwezi wa 9 mwaka 2024 ambayo nayo ilipotoshwa na baadhi ya vyombo vya habari kuwa amek**atwa alipokuwa amehudhulia kesi inayomkabili ya kutokutoa matunzo k**a alivyoamriwa na mahak**a mwaka 2022. Usahihi wa taarifa hiyo ni kuwa alizuiliwa kwa saa 2 pekee kisha aliachiwa kuendelea na shughuli zake. Kuzuiliwa kwake kunatokana na kutolipa child support ya kiasi cha dola za marekani 75,000 kulingana na nakala za mahak**a ambazo walizipata.

Kushikiliwa kwake kunaanzia mwaka 2022 ambapo aliamriwa na mahak**a kutoa kiasi cha $10,690 kila mwezi kwa ajili ya matunzo ya mtoto (child support). Awali mzazi mwenzake, Samantha Lee aliomba kulipwa $20,000 kila mwezi lakini Gibson aliomba apunguziwe na kufikia kiasi hicho cha $ 10,690.

Gibson, na Lee waliachana mwaka 2020 na amekuwa akipuuza kutoa kiasi alichoamriwa na mahak**a na badala yake amekuwa akitoa $2,200 wa ajili ya matunzo ya mtoto, kwa mujibu wa , ambao ndiyo walikuwa wakwanza kuripoti taarifa hiyo. Gibson amekuwa akilipa chini ya asilimia 25 ya kile alicho amriwa mwaka 2022.

Hivyo ifahamike kuwa, taarifa zinazo sema, "Mmesikia alichofanyiwa mwenzenu huko" ikiambatanishwa na picha ya Tyrese Gibson na taarifa inayodai, "...amenyang'wa nyumba, na kila kitu na kupewa masharti makali ili kumuona mwanaye..." SIYO ZA KWELI!

🖊Geofrey D.

25/08/2024

🌹𝐇𝐚𝐩𝐩𝐲 𝐁𝐢𝐫𝐭𝐡𝐝𝐚𝐲 𝐀𝐮𝐧𝐭 Tedy Mgaya🌹

Ishi sana Aunt angu🎂🍾🥂

22/07/2024

📌Niliamua kupita kwenye page kadhaa ikiwemo Samson Charles , Malisa GJ, East Africa TV, millard ayo ili kujua undani wake na hiki ndicho nilichokutana nacho, Boniface Mwaitege Yuko hai.

NB:
Ukiona taarifa usiwahie kupost ili upate Likes na Comment nyingi, thibitisha kwanza ndipo upost itakuongezea credit kuliko kukurupuka....

20/06/2024

Aritz Adorrs : “ Kwenye mchezo dhidi ya Real Madrid C.F. nilimpiga kichwani Kepler Lima(Pepe) kisha Sergio Ramos akanifuata na kuniuliza, “Unataka kutoka ndani ya uwanja kwa lift au Ambulance?" Nikamuuliza kwanini unaniuliza swali hilo Sergi? Akajibu, “Kwasababu Pepe amenituma nikuulize"

Niliogopa na kumfuata kocha na kumuomba anibadilishe (Substitute) kocha akajibu, “Tumefika ukomo wa substitution." Kisha nikarudi kwa Sergio Ramos na kumwambia, "Nahitaji kuondoka kwa lift” Sergio Ramos akatabasamu na kumkimbilia Pepe kumwambia nilichosema, dakika chache baadae mchezaji mwenzangu akanipa pass nikawaona Pepe na Sergio Ramos wakinijia kwa kasi, ninachokumbuka ni jinsi nilivyodondoka na nilipoamka nilijikuta nipo hospitali."

"Huo ndiyo ulikuwa mchezo wangu wa mwisho k**a mchezaji. "

19/06/2024

⚠Pole kwa familia lakini kuna jambo moja la msingi sana lakujifunza.

🔴Madereva wa serikali kila uchwao mnaaswa, mnaelezwa, mnaonywa, mnalalamikiwa lakini hamsikii mnakuwa na viburi eti kwasababu unaendesha gari ya Serikali au umembeba kiongozi hivyo unaona ni haki yako kutoheshimu sheria za usalama barabarani!
Maajabu mengine hata hao viongozi wamefanana na madereva wao, nao wamekuwa wakipuuza sheria, wakiwahimiza madereva kufanya makosa.

🔴Kumekuwa na mijadala lukuki kuhusu madereva wa serikali, kumekuwa na malalamiko maelfu kwa maelfu kwa madereva wa gari za serikali. Wananchi wengi wamekuwa wakitoa malalamiko jinsi gani gari za serikali zinavyovunja sheria, zinavyokosakosa wananchi kuwagonga na mwishowe zinasababisha ajali mbaya k**a hii.

🔴Si madereva wote wa gari za serikali ni kero barabarani, ila baadhi yao. Si mnakumbuka yule dereva wa serikali aliyeingia kwenye 18 za afande Muslim? Aliendesha gari mwendo kasi ndani akiwa amebeba wataalamu fulani, akak**atwa na polisi kikosi cha usalama barabarani.

🔴Vipi kuhusu yule dereva wa gari ya serikali aliyekuwa amelewa chakali, akawa anaendesha gari ya serikali, akamgonga dereva wa bodaboda.

🔴Mnakumbuka pale Arusha miezi miwili iliyopita gari ya serikali imemgonga dereva wa bodaboda na kumburuza?

🔴 Mnakumbuka ajali iliyomuua mkurugenzi wa Halmashauri ya Igunga mkoani Tabora kule Mbeya? Askari polisi walimzuia na kumuelekeza kufuata utaratibu wa kupita eneo husika lakini alipuuza matokeo yake ni ajali iliyowaua Mkurugenzi na dereva.

🔴Na sasa ni hii iliyochukua uhai wa RAS!

➡Swali langu ni, kwanini madereva wa gari za serikali mnakuwa na mapuuza?

➡Kwanini viongozi wanaokuwa ndani ya hizo gari hawawazuii madereva kufanya makosa?

➡Je, madereva wa gari za Serikali wako juu ya sheria?

📌Mwisho ifike wakati ieleweke, ajali ya gari inapotojea inaleta madhara makubwa kwa taifa, jamii na familia kwa ujumla. Ajali inapotokea kunakuwepo na uharibifu wa mali ikiwemo gari lenyewe, miundombinu ya barabara na mali nyingine.

📌Madhara mengine ambayo ni makubwa zaidi ni uhai kupotea, nguvu kazi kupotea. Lakini pia familia zinapoteza baba/mama ni majonzi kwa familia.

🖋Rai yangu kwetu sote madereva, tuwe makini tuwapo barabarani, tufuate sheria za usalama barabarani iwe ni dereva wa serikali au gari binafsi sote tunawajibu wa kutii sheria.
Sote kwa pamoja tunalojukumu la kumlinda mtumiaji mwenzetu wa barabara.

MUNGU AWAPE FARAJA WAFIWA WOTE NA AWATIE NGUVU KATIKA KIPINDI HIKI KIGUMU...AMEN🙏🏾

06/05/2024

🚨𝐔𝐒𝐀𝐋𝐀𝐌𝐀⚠️

⚪Bajaji na Boda boda ni watu muhimu sana kwenye maisha na shughuli zetu za kila siku.

🔴Lakini si kila bodaboda/bajaji ni mwema.

⚪Hakikisha unapotumia usafiri huu, haufiki nyumbani kabisa, ni kheri akakushushia njiani karibu na nyumbani na ukatembea kwa miguu hadi kwako.

🟡Si kila dereva bajaji/bodaboda ni mbaya au anatabia mbaya au si mwaminifu, hapana, ila kuchukya tahadhali ni muhimu.

📌𝐙𝐢𝐧𝐠𝐚𝐭𝐢𝐚 𝐡𝐢𝐥𝐢, 𝐮𝐭𝐚𝐧𝐢𝐬𝐡𝐮𝐤𝐮𝐫𝐮 𝐛𝐚𝐚𝐝𝐚𝐞!

©𝐆𝐞𝐨𝐟𝐫𝐞𝐲𝐃𝐢𝐬𝐦𝐚𝐬

11/04/2024

😭𝐌𝐒𝐈𝐁𝐀 𝐌𝐖𝐈𝐍𝐆𝐈𝐍𝐄 𝐍𝐎𝐋𝐋𝐘𝐖𝐎𝐎𝐃😭

𝐊wa mara nyingine tena Nollywood inaingia katika msiba mzito baada ya kifo cha Mwigizaji nguli kutoka nchini Nigeria aitwaye 𝐉ohn 𝐏aul 𝐎donwodo maarufu k**a 𝐏ope 𝐉r.

Kifo cha 𝑷𝒐𝒑𝒆 𝑱𝒓 kimetokea siku ya Jumatano baada ya boti ndogo waliyokuwa wakisafiria kupata ajali katika mto Niger walipokuwa wakielekea Location kurekodi movie iitwayo “The Other Side of Life" ya kwake 𝐀danma 𝐄luke ambaye ni producer wa filamu hiyo. Taarifa zinaeleza kuwa, katika boti hiyo kulikuwa na watu wengine 15 akiwemo mwigizaji TC Virus, waliofariki pamoja na Pope ni watatu huku watatu wengine wakiwa hawajulikani walipo.

𝐊𝐔𝐀𝐍𝐙𝐀 𝐊𝐔𝐈𝐆𝐈𝐙𝐀
Pope Jr aliingia katika ulimwengu wa filamu mwaka 2006 lakini alianza kujulikana mwaka 2007 baada ya kuigiza filamu iliyoitwa Secret Adventure iliyoandaliwa na Tchidi Chekere. Ushiriki wake katika filamu hiyo ambayo aliitendea haki ulimfanya ajihakikishie ulaji ndani ya kiwanda cha filamu nchini humo maarufu k**a Nollywood kwani tangu mwaka 2007, Pope Jr amekwishaigiza filamu zipatazo 150 zikiwemo Bachelor's Eve, Bitter Generation, The Generals, Wrong Initiation, The Cat, Nwocha, Vengeance Bullet.

𝐁𝐀𝐀𝐃𝐀 𝐘𝐀 𝐓𝐀𝐀𝐑𝐈𝐅𝐀 𝐊𝐔𝐒𝐀𝐌𝐁𝐀𝐀
Baada ya taarifa za ajali ya boti yao kupata ajali kikosi cha polisi wanamaji kiliwasili katika eneo la tukio wakishirikiana na wavuvi waliweza kufanikiwa kuwaokoa watu kadhaa akiwemo Pope Jr ambaye aliokolewa na kukimbizwa hospitali akiwa katika hali mbaya.

Waigizaji wenzake akiwemo 𝐑egina 𝐃aniels na mama yake aitwaye 𝐑ita 𝐃aniels, rais wa shirikisho la waigizaji nchi nijeria “AGN” 𝐄meka 𝐑olls na waigizaji wengine walikuwepo hospitali kuhakikisha chochote kinachohitajika kuokoa maisha ya Pope Jr kinapatikana lakini Mungu akampenda zaidi.

𝐌𝐀𝐈𝐒𝐇𝐀 𝐁𝐈𝐍𝐀𝐅𝐒𝐈
Mwaka 2014 John Paul Odonwodo alipata wakufanana naye hakuwa mwingine bali ni Jennifer Awele ambaye hadi mauti yanamkuta alijuwa amefanikiwa kupata watoto watatu na mkewe.

𝐒𝐀𝐀 𝐂𝐇𝐀𝐂𝐇𝐄 𝐊𝐀𝐁𝐋𝐀 𝐘𝐀 𝐊𝐈𝐅𝐎
Katika video ya mwisho aliyopost katika mtandao wa Instagram saa chache kabla ya kupata ajali aliyoiambatanisha na maneno, “𝑯𝒊𝒊 𝒏𝒅𝒊𝒚𝒐 𝒉𝒂𝒕𝒂𝒓𝒊 𝒕𝒖𝒏𝒂𝒊𝒄𝒉𝒖𝒌𝒖𝒂 𝒊𝒍𝒊 𝒌𝒖𝒘𝒂𝒃𝒖𝒓𝒖𝒅𝒊𝒔𝒉𝒂”, Pope Jr alisikika akimueleza mwongoza chombo, “𝑻𝒂𝒇𝒂𝒅𝒉𝒂𝒍𝒊 𝒌𝒂𝒌𝒂 𝒑𝒖𝒏𝒈𝒖𝒛𝒂 𝒎𝒘𝒆𝒏𝒅𝒐, 𝒆𝒏𝒅𝒆𝒔𝒉𝒂 𝒕𝒂𝒓𝒂𝒕𝒊𝒃𝒖, 𝒎𝒊𝒎𝒊 𝒏𝒊 𝒎𝒕𝒐𝒕𝒐 𝒘𝒂 𝒑𝒆𝒌𝒆𝒆 𝒌𝒘𝒂 𝒘𝒂𝒛𝒂𝒛𝒊 𝒘𝒂𝒏𝒈𝒖, 𝒏𝒊𝒏𝒂 𝒘𝒂𝒕𝒐𝒕𝒐 𝒘𝒂𝒕𝒂𝒕𝒖 𝒏𝒂𝒕𝒂𝒎𝒂𝒏𝒊 𝒌𝒖𝒘𝒂𝒐𝒏𝒂 𝒘𝒂𝒌𝒊𝒌𝒖𝒘𝒂 𝒏𝒂 𝒏𝒊𝒘𝒆 𝒃𝒂𝒃𝒂 𝒃𝒐𝒓𝒂 𝒌𝒘𝒂𝒐. 𝑻𝒂𝒇𝒂𝒅𝒉𝒂𝒍𝒊 𝒌𝒂𝒌𝒂 𝒆𝒏𝒅𝒆𝒔𝒉𝒂 𝒕𝒂𝒓𝒂𝒕𝒊𝒃𝒖, 𝒀𝒆𝒔𝒖 𝒏𝒊𝒏𝒊 𝒉𝒊𝒌𝒊...”

Wapenzi wa filamu, watu maarufu, Waigizaji mbalimbali nchini Nigeria wameendelea kutoa salamu za pole huku wengi wakionesha kush*tushwa na taarifa za msiba huo.

ʙᴡᴀɴᴀ ᴀʟɪᴛᴏᴀ, ʙᴡᴀɴᴀ ᴀᴍᴇᴛᴡᴀᴀ, ᴊɪɴᴀ ʟᴀᴋᴇ ʟɪʙᴀʀɪᴋɪᴡᴇ, ᴀᴍɪɴ🙏

22/03/2024

🚨Hawa mashabiki wa Trabzonspor hawatamsahau Bright Osayi-Samuel walipigwa goli 3 mujarabu wakaona wawe mabondia wakamvamia Osayi na wenzake, akawakusanya k**a picha inavyoonekana hapo. Next time watawaza mara mbili kabla ya kugeuza uwanja wa soka kuwa ulingo wa ndondi.

11/03/2024

𝐊𝐮𝐭𝐨𝐤𝐚 𝐤𝐰𝐚 Malisa GJ

Mtoto Isaac Enock (miezi minne), mkazi wa kijiji cha Kondoa Wilaya ya Kilosa, Morogoro anapigania maisha yake katika chumba cha wagonjwa mahututi.

Alizaliwa Novemba 2023, akiwa mzima lakini baada ya miezi miwili alianza kupumua kwa shida, kushindwa kunyonya na kutoka jasho sana. Tar 29 Januari 2024 alipelekwa hospitali ya wilaya ya Kilosa lakini hawakuona tatizo.

Alipewa rufaa kwenda hospitali ya mkoa Morogoro akalazwa kwa siku 3 akifanyiwa vipimo. Majibu yakaonesha kuwa Isaac ana tatizo kwenye moyo na hivyo kupewa rufaa ya JKCI.

Alipofikishwa JKCI alifanyiwa vipimo upya na kugundulika kuwa na Tetralogy of Fallot (TOF), yani matatizo manne ya moyo yaliyounganika pamoja (combination of 4 congenital heart defects).

Matatizo hayo ni;
1. Pulmonary stenosis; yani mshipa mkubwa unaopeleka damu kwenye mapafu kushindwa kufanya kazi.
2. Ventricular septal defect (VSD); yani tundu kwenye moyo.
3. Overriding aorta; yani hitilafu kwenye mshipa mkubwa unaopeleka damu sehemu nyingine za mwili.
4. Hypertrophy of the right ventricle; yani kutanuka kwa chemba ya chini kulia ya moyo.

Isaac anahitaji upasuaji wa awamu mbili. Awamu ya kwanza ni "Temporary Shunt Operation" yani upasuaji wa kuimarisha mshipa mkubwa unaopeleka damu mwilini (aorta) na unaopeleka damu kwenye mapafu (pulmonary artery).

Awamu ya pili atafanyiwa TOF Complete Repair baada ya miezi 4. Upasuaji huu kwa muda mrefu umekua ukifanyika nje ya nchi; lakini kwa sasa unafanyika JKCI.

Kwa sasa Isaac anahitaji kufanyiwa Temporary Shunt Operation ili aweze kuimarika kiafya kabla ya kufanyiwa TOF Complete Repair.

Gharama za awamu ya kwanza ya upasuaji ni TZS 8M lakini familia yake ni duni sana kuweza kumudu gharama hizo. Baba yake ni kibarua kwenye mashamba ya mpunga huko Kilosa. Kutokana na hali yake kiuchumi aliandika barua ustawi wa jamii akapunguziwa hadi 3.5M ambazo hata hivyo ameshindwa kuzilipa.

Ukiguswa kuokoa maisha ya Isaac, tuma mchango wako kwenda M-PESA 0752581983, Tigopesa 0719744954, CRDB 0150633516500 Gifted Heart Foundation.

Address

Makambako
Njombe
59101

Website

http://www.facekitaa.blogspot.com/

Alerts

Be the first to know and let us send you an email when HabariHub posts news and promotions. Your email address will not be used for any other purpose, and you can unsubscribe at any time.

Contact The Business

Send a message to HabariHub: