10/10/2026
AMYC YAAZIMIA KUBORESHA MUONGOZO WA COHAS NA SERA YA ELIMU YA AMYC
Ofisi ya Katibu Mkuu wa Ansaar Muslim Youth Centre (AMYC) imekutana na uongozi wa Baraza la Wakuu wa Shule za AMYC (COHAS) pamoja na wajumbe wa Kamati ya Mashindano ya Qur'an, katika kikao kilichofanyika tarehe 09 Oktoba 2026, Ofisi za Markaz Kuu, Tanga.
Kikao hicho kimeongozwa na Kaimu Katibu Mkuu wa AMYC, Shekeba Gilla, na kuhudhuriwa na wajumbe wa Ofisi ya Katibu Mkuu, viongozi wa COHAS wakiongozwa na Mwenyekiti wake, Suleiman Mzee, pamoja na wajumbe wa kamati hiyo.
Kikao kimefanya tathmini ya jumla ya mfumo na uratibu wa Baraza hilo, kwa kuzingatia changamoto zinazolikabili katika utekelezaji wa majukumu yake. Kutokana na tathmini hiyo, kikao kimeazimia kuboreshwa kwa Muongozo wa COHAS pamoja na Sera ya Elimu ya AMYC, ili viendane na mahitaji na mazingira ya sasa ya Taasisi.
.1
