https://www.youtube.com/c/Jayotruth/featured

Sedo entertainment, Kabalagala, Makindye, Kampala (2025)

15/12/2024

ንባብ 1 ደቒቕ - ዘይተጸበዮ ሕቶ!

ማርክ፡ ናይ ኮለጅ ትምህርቱ ካብ ዝጅምር ወርሒ ኣቚጺሩ ነበረ። እቲ ዝምህሮም ዝነበረ ፕሮፌሰር፡ ሓጺር ፈተና ኣዳልዩ ሃቦም። ማርክ፡ ጥንቁቕ ተመሃራይ ስለዝነበረ፡ ንነፍሲ-ወከፍ ሕቶ ካብ መጀመርታ ክሳብ መወዳእታ፡ ብህድኣት ተረጋጊኡ መለሰ። እታ ኣብ መወዳእታ ዝቐረበትሉ ሕቶ ግን፡ ካብ ኩለን ዝተፈልየት ኰይና ጸንሓቶ።

“ነዚ ቤት ትምህርቲ እትጸርዮ ሰበይቲ፡ መን'ዩ ስማ፧” እዚ ሕቶ'ዚ፡ ንማርክ ባጫ ኰይኑ ተሰመዖ። ነዛ ሰበይቲ፡ ቀጻሊ ከተጽሪ ርእይዋ እዩ። ቆማት፡ ጸሊም ጸጕራ፡ ኣብ ሓምሳታት ዕድመ እትርከብ'ያ ነይራ። ከመይ ኣቢሉ እዩ'ሞ ስማ ክፈልጦ፧ ነታ ሕቶ ከም ዘላታ ገዲፉ፡ ነቲ ናይ ፈተና ወረቐት ኣረከበ።

ፈተና ምስ ወድኡ፡ ሓደ ካብቶም ተመሃሮ፡ እታ ናይ መወዳእታ ሕቶ ምስ'ቲ ፈተና ትሕሰብ እንተዀይና ንመምህሮም ተወከሶ። “ብርግጽ! ክትሕሰብ'ያ” ድሕሪ ምባል፡ “ጽባሕ ንግሆ ትምህርቲ ወዲእኩም ስራሕ ምስ ጀመርኩም፡ ብሞያኹም ብዙሓት ሰባት ክትረኽቡ ኢኹም። ነፍሲ-ወከፍ ሰብ ኣገዳሲ ስለዝዀነ ከኣ፡ ንዅሉ ማዕረ ኣቓልቦን ሓልዮትን ክትህብዎ ይግባእ - ዋላ'ውን ነቲ ሰላም! ንምባል ጥራይ እትደልይዎ ሰብ” በሎም ይበሃል።

ሞራል፡ ምናልባት ብዝና ብፍልጠት ብገንዘብን ካልእን ዝልለዩ ሰባት ጥራይ ክብሪ ንህብ ከይንህሉ ንጠንቀቕ። ነፍሲወከፍ ሰብ ክብሪ ይግብኦ እዩ። ብዘለወን ዘይብሉን ኣይንፍረድ!!

10/12/2024

#ኣብዚ ሰሙን ካብ ዝፈረያ - ብሉጻት ደርፍታት ሓንቲ
‘’ባና ጸላም’’
ሰሲዐ - ድየ በዲለ
ግሉጽነት ብምጉዳለይ
ትም ዝበልኩ - ዘየፍኣምኩ
ጢዒምኒ ጥዒምክለይ
ከይጎድለኒ ፈሪሐ - ተሳሓቅኪ መድሃኒተይ
ማዓስ ጸሊአዮ -ሰኸመይ ክድርቢ
‘ጾረይ ክፈኩሰለይ- ኩሉ ክነግረኪ
ድሕሪ በርቂ ዘሎ- ነጎዳ ኣፍሪሕኒ
ብግስ ይብል እሞ- እግረይ ይሓልኸኒ
መሊእና ሰም ኢልና -እንዳራኣኩ ማሚቅና
ፈሪሐ በሰላይ ተሪእኺ. . .
ጉድል ከይትብልኒ -ፍሉይ ከይብለኪ

እዛ ግጥሚ እዚኣ ትፈጥሮ ሓደ ንጹር ዛንታ ምስ ዘደንግጽ ኣብ ዓሚቅ ውሽጣዊ #ግርጭት ዘለዎ ዝተሃንጸ ጠባይ እያ ሕሹክ ትብለካ። ንውሽጣዊ ምፍታሽን፡ ብውጥረት ስምዒታት ደቂ ሰባት ድማ ኣዝያ ሃብታም ግጥሚ እያ። ብዕምቆት ዝድመጽ ፣ ቴማታት በደልን፡ ፍርሕን ፡ናፍቖት፡ብዓቢኡ ውን ብሰንኪ ግልጹነት ዘይምህላዎ ዘለዎ ጾር ዝነግር ዓቢ መስመር ዛንታ ሒዛ ንረክባ።

#ቴማታት በደልን ግሉጽነትን
"ሰሲዐ ድየ - ጌጋ ድየ ገይረ / ብሰንኪ ስእነት ግሉጽነተይ" ዝብላ መኽፈቲ መስመራት፡ ንርእሰ-ኣስተንትኖን ኣብ መንጎ ምኽልካልን፡ምምቕቓልን ንዝፍጠር ውሽጣዊ ግርጭትን መድረኽ ኣቐሚጠን እየን። እቲ ዝተወጽዐ ጠባይ፡ ምስ ስቕትኡ እዩ ይቃለስ፣ ንፍርዲ ወይ ምንጻግ ከምቁሪ ፈሪሑ ንስቅታ ዕቁባ እዩ ዝገብሮ። እዚ ድማ ነቲ ኣድማሳዊ ዝኮነ ሰብኣዊ ተመክሮ ምስ ጌጋታትን ጣዕሳን ምቅላስ፡ ምስ ፍርሕን ጽሞናን ምንባር ይሕሰብ።

#ፍርሕን ድሌትን
"ነቲ ሕማቅ ኣነ ጥዒመዮ ንስኺ ዘይትፈልጥዮን/ ከይስእነኪ ውን ፈሪሐ" ዝብል ሓሳብ፡ ኣካታዒ ክኸውን እዩ ዝኽእል፡ ነቲ ጠባይ ኣብ መንጎ ምሕሳብን ሳዕቤናቱን ዝገድፎም ናይ ሓባር ተመክሮ ይእምት። ፍርሒ ምጥፋእ ዓቢ ፍታሕ ክከውን ይክእል ነበረ፡ብዓቢኡ ውን ግሉጽነት ነዚ ኩሉ መፍትሒ ምኮነ’ዶ፧ ይከውን እዩ ዝብል። ግን ድማ እቲ ግልጹነት ካልእ ዕንወት ከየምጻኣሉ ፍርሑ ኣይሓብእን።

እዚ ድማ ኣብ ሞንጎ ድሌትን ኣብ ሞንጎ ፍርሕን ዘሎ ንጹር ግርጭት የዕብዮ። እዚ ከምዚ ኢሉ እንከሎ ግን ዝዓሞቐ ዘይምርግጋእ እውን ይዘርእ እዩ። እቲ ብዛዕባ መሪር ስቅታ ናይቲ ጠባይ ገሚትካ ሓደ ዘስካሕክሕ ተፈጥሮኣዊ ጽምዋ ውሽጢ ከም ዘሕልፍ ብሓረጋቱ የረድኣካ።

#ስቕታን ጉድለትን
"ስቅታይ መዑቖብየይን እንኮ ናተይ ኣማራጽን እዩ / ከይፍለየኪ ከይትጎድልኒ ድማ ንሱ እዩ ዘዋጻኒ" ዝብላ መስመራት፡ ምናልባት ናይ ሓባር ርድኢቶም በበይኑ ምኻኑ ክትግምት ይገብር እዩ።ንሳ ብዛዕብኡ ዋላ ሓንቲ ከም ዘይትፈልጥ ከረድእ እዩ ዝፍትን። ግን ድማ ንሕና ውን ብዛዕብኡ ክንፈልጥ ዝገብረና ሓረጋት የለን። "ቁስሎም" ንኸይቃልዕ ዝፈጥሮ ፍርሒ፡ ከም ዘይተማልአ ወይ ጉድለት ዘለዎ ኮይኑ ከይፍረድ ፍርሑ ይገልጽ እዩ። እዚ ድማ "ጉድለት ኣለካ ኣይትበሉኒ" ዝብል ልቢ ዝትንክፍ ልመና ዘጉልሕ እዩ። ተቐባልነት ከም ዘይረክብ ዝገልጽ ጥረን ሓያልን ኣዋጅ ገይሩ ኣሎ። ዓቢ ዕንወት ጸገሙ ዘረድኦ ንጹር ዛንታ ብዘይምፍጣሩ ንድንጋጸና ይዕንቅጾ።
ብተወሳኪ እቲ ዝተበታተነን ስምዒት ዝፈጥር ዝመስልን ቅዲ ናይታ ግጥሚ፡ ነቲ ጠባይ ንሕድሕዱ ዝጋጮ ስምዒታት ከም ዘለዎ ንጹር ገይሩ ይነግር እዩ። እቲ ዘይተኣሳሰር ኣቃውማ ስምዒቱ ግን ኣብ ኑዛዜ ሓሳባቱ ዝፈስስ ኮይኑ ይስምዓካ፣ እዚ ድማ ንውልቃዊ ስምዒትና ምትእስሳር ሂቡ ምስኡ ክንቅንዞ ክገብረና ይክእል ነይሩ።
ኣብ መወዳእታ
እዛ ግጥሚ እዚኣ ብዛዕባ ድኻም ደቂ ሰባትን ጾር ምስጢርን ንኽትገድፎ ዝሓትት ትብዓትን ዓሚቝ ኣስተንትኖ እያ ተዘንቱ። ንዝኾነ ብናይ ገዛእ ርእሱ ስቕታ ተዓጽዩ ሳኣን ግልጹነቱ ከቢድ ስቃይ ዘሕልፍ ሰብ ትገልጽ። እዚ ድማ ግሉጽነት ንምርዳእ ዝግበር ኣውያትን ንርእሰ-ምቕባል ዝወስድ ስጉምትን እዩ ዝብል ትሕዝቶ ንረክበላ- ብዕምቆት ውልቃዊ መንገዲ ዝተነግረ ኣድማሳዊ ዛንታ ኣብዛ ሓጻርን ጽፍፍትን ደርፊ ኣሎ።

https://youtu.be/fAsbywO6awc?si=6Bub3DfrKcu0ieXB

06/12/2024

🎬 ጥበብ #ዳይረክቲንግ ኣብ ቪድዮ ክሊፕ፡ ስነ-ጥበባዊ ዮናስ ምሕረትኣብ( #ማይናስ) ብቪድዮ ክሊፕ ነባሪ ኣሰር ክገድፍ እዩ ግዲ🎥

#ዳይረክቲንግ ማለት ካሜራ ተኺልካ፡ብድሕሪ ካሜራ-ማን ኮንካ ናብዚ ኣብል፡ ከምዚ ኩን ዝብሉ ቃላት ምጥቃም ማለት ኣይኮነን።ነቲ ገለ ክብል ደልዩ #ብግጥሚ ዛንታ ጽሒፉ ዝሃበካ #ገጣሚ ነቢብካ - ናብ ሂወት ዘልብስ ተንቀሳቃሲ ስእሊ ፈጢርካ ዛንታ ምንጋር እዩ። ኣብ ምስራሕ ቪድዮ ክሊፕ ዳይረክቴር ማለት ተዋሳእቲ ዝመርጽን፡ከምዚ በሉ ናብዚ ኣብሉ እንዳበለ ዝኣሊ ጥራይ ኣይኮነን።

ሓደ ብቁዕ ዳይረክተር ንስምዒት፡ ቴማ፡ ህርመት፡ ናይ ሓደ ደርፊ ብልክዕ ተረዲኡ፣ ፍሬም፡ ሕብሪ፡ ኣንግላት፡ኣብ ርእሱ ቀሪጹ ይወፍር። ነቲ ዛንታ ናብ ሓደ ገላጺ ስእላዊ ትርኢት ዘለዎ ሂወታዊ ቪድዮ ድማ ይቕይሮ። ኣብ ሃገርና ድማ ኣብዚ ግዜ እዚ ብኣብነት ዝግለጽ፡ነዚ ዓቢ ሞያ ክለብስ ኩሉ ዓይነት ቃልሲ ዝገብር ዘሎ ስነ-ጥበባዊ ዮናስ ምሕረትኣብ(ማይናስ) ክነመስግኖ ይግባእ።

‘’ዮናስ ክሰርሕ ተኮይኑ 100% ክኣምነላ ኣለዎ 100% ተኣሚንላ ድማ 100% ከምጽኣ ኣለዎ’’ ትብል ናይ ሓደ ፈላጢኡ መግለጺ ዘኪረ።

ብርግጽ #ዝተገምጠለት መኪና ኣምጺኡ ጽርግያ ዓጽዩ እተን ክልተ ንግጥመን ሰሪዑ #ዘገርሙ ትርኢታት ካብ ፈጠረ፣ እዚ ኣማን ብኣማን 100% ኣብ ርእሱ ዝሃነጾ ትራኢታት ህዋይ ናይ ምግባር ትዕድልቲ(+ኒሕ) ኣለዎ።

ኣብ ኮሜዲ ዘለዎ ብቅዓት ኣድነቅቱ ውሑዳት ኣይኮኑን፡ ሎሚ ድማ ንሙዚቃዊ ቪድዮታት ሃገርና ናብ ንኣሽቱ ሲነማዊ ቅርጺ የበርኾ ኣሎ።፡ ንጽልዋ ናይ ሓንቲ ደርፊ ብስእላዊ ምርኢት ኣቢሉ ዝፈጥሮ ነባሪ ዛንታ፡ ብኸመይ ተዘካሪ ክገብሮ ከም ዝኽእል ዝፈልጥ ብሉጽ ሰብ እዩ ። ብፍሉይ ኣብዛ ሎሚ ዝተዘርግሐት "ንዒ በልዋ" እትብል ድምጻዊ ቃልኣብ ተወልደመድህን ዝደረፋ ደርፊ ዝሰርሖ ስራሕ ኣዝዩ ዘደንቅ እዩ።

ሓደ ዳይረክተር ነቶም ዛንታ ክፈጥሩ ይኽእሉ እዮም ዝበሎም ትርኢታት ምስ ፈጠረ፡ነቲ ኣብ ርእሲ ዳይረክተር ዘሎ ሓሳባት ህያው ዝገብር ሞያዊ ዳይረክተር ስኔማቶግራፊ(Director of Cinematography) እዩ። ንሓሳባት ኣብ ባይታ ተዘይቀይርዎ ኩሉ ድካም ኮንቱ ይከውን።እዛ ብኩሉ መልክዕ ዕውትቲ ኮይና ዘላ ደርፊ ቃልኣብ ተወልደመድሕን ድማ ብስእላዊ ትርኢ ሂወት ዝመቀለ፡ ሳኣላይ #ጆን መንግስትኣብ ይብሃል፡
ሳኣላይ ዝወሰዶ ቅልዓት ብግቡእ ተዘይተነቢቡ ውን ክሊፕ ወዲቁ ኣሎ ማለት እዩ።

ነዚ ዝነብብ ሞያዊ ድማ ኤዲተር እዩ። ኤዲተር #መለይ ኣብርሃም ውን ብሉጽ ስራሕ ሰሪሑ። ንኩልኩም ኣብዛ ስራሕ ዘለኩም ብፍሉይ ኣብ ቪድዮ ክሊፕ ዝተሳተፍኩም ምስጋና ይብጻሓኩም
#ንምጥቅላል ዳይረክቲንግ ኣብ ምፍጣር ተዘካሪ ቪድዮ ክሊፕ ወሳኒ ተራ ኣለዎ።ዝነበረ ድምጺ ኣብ ኣዝኒ ተነይሩ፣ ቪድዮ ክሊፕ ድማ ነቶም ዝፍጠሩ ስምዒታት ብዓይኒ ኣቢሉ ናብ ኣእምሮኻ ሰፊሩ ነባሪ ቦታ ይሕዝ ።

ስምዒት ዝፈጥሩ ትርኢታት ምህናጽን ፡ንሕመረት ናይ’ታ ደርፊ ዘንጸባርቕ ጉዕዞ ንሰማዕቲ ምምራሕን ምርዳእን ካልእ ዓሚቕ ጥበብ ዝደሊ ጥበብ እዩ።

ስነ-ጥበባዊ ዮናስ ምሕረትኣብ(ማይናስ) ነዚ ስነ-ጥበብ መሊኹ ኣሎ፡ነቶም ቕድሚ ሕጂ ዝፈጠሮም ስምዒታት ናይ ቪድዮ ክሊፕ ደሚርካ፣ነባሪ ዓሸራ ኣብ ስእላዊ ትርኢት ሙዚቃ ሃገርና የቀምጥ ኣሎ።

ስለዚ ኣብ ዝቕጽል እዋን ቪድዮ ሙዚቃ ኣብ እንርእየሉ ግዜ፡ እቲ ስሕበት መብዛሕትኡ ግዜ ብድሕሪ ካሜራ ከም ዘሎ ኣይንረስዕ። ስነ-ጥበባዊ ዮናስ ምሕረትኣብ(ማይናስ) ዓቢ ናይ ዳይረክቲን ክእለት ወኒኑ ኣሎ- ብዝፈጥሮም ትርኢታት ኣቢሉ ድማ ንልብን ኣእምሮን ዘራኽብ ባዓል ፍሉይ ተውህቦ ኮይኑ ክዝከር እዩ።

ብዮናስ ምሕረትኣብ ኣብ ሓሳብ ተቀሪጾም፣ ኣብ ባይታ ድማ ብጆን መንግስትኣብን፡ መለይ ኣብርሃምን ህያው ዝኮኑ ብሉጻት ቅልዓት ኣብዚ ኣለዎ. . .
ኣብ ክቢ ሓንቲ ጫማ ዝተሃንጸ ዛንታ፡ክልተ ተጻራሪ ስምዒት ናይቶም ፍቁራት ሕጉሳት ከለዎን ንሳ ምስ መተት ንሱ ዘሕልፎ ስቃይን፡ ነቲ ግርጭት ናይቲ ዛንታ ዝገልጽ ንዕኣ ካብኡ ዘርሓቀ ፍጻመ ዝነግር ናይ ሓደጋ ግዜ ዝገልጹ ስእልታት ርኢቶኹም ሃቡ።
https://youtu.be/99-Qi8O7AUQ?si=H4mgr37Tl1HCfHpt

05/12/2024

🎶✨ #ስእላዊ ምንጋር ዛንታ - ኣብ ሓጺር ሙዚቃዊ ስእሊ (video clip) 🎨🌟

#ብያዚማ ፒክቸርስ ዝተባህለ ትካል ዝፈረየት ብዘደንቕ ሕብራዊ ስእሊ ዝተደርሰት ቪድዮ ክሊፕ ክነላልየኩም። እዛ ብወልዱ ሻም ግጥሚ ተደሪሳ ብቴድሮስ ካሕሳይ(ጻኦዱ) ዜማ ተሰሪሓ ዝተደርፈት ‘ደበና’ ኣርእስታ ደርፊ፡ ትንፋስ ዝህብ ብሉጽ ስእላዊ ሙዚቃ (ክሊፕ) ገለ ንበል። እዚ ብሉጽ ናይ ዝእሊ ዛንታ ንፍጥረት ናይቲ ዓውዲ ሓቀኛ ድግስ ነይሩ ክንብሎ ንደፍር።- ሓያል ሙዚቃ ምስ ማራኺ ስእላዊ ትርኢታት ኣብ ደርፊ ደበና ኣሎ! 💖

ከምዚ ዓይነት ተውህቦ ዘለዎ ሳኣላይን ኤዲተርን፡ ንሓደ ዛንታ ንምዝንታውን ስምዒታት ንምልዕዓልን፡ ቅዲታት ስነ-ጥበብ ብምውህሃድ ዝመጽእ ጽባቐ ብምፍጣሩ፡ምስጋና ይብጻሓዮ። 🌍🎵 ኣብዚ ብሉጽ ስራሕ ዝተሳተፉ ኩሎም ሰብ ሞያ ድማ ሞሳ ይግብኦም!

እዛ ክሊፕ ኣብ ስእላዊ ትርኢታትን ብሉጻት ቅልዓትን ከመይ ረኪብኩማ፤ ሓሳብኩም ኣብ ታሕቲ ኣካፍሉና! 💬👇
ዝበለጻ ቅልዓት ዝበልናየን ድማ እዘን ዝሶባ ስእልታት እየን።
#ቴድሮስካሕሳይ #ያዚማስእልታት #ስነ-ጥበብንሙዚቃን #ፈጠራዊስሕበት

05/12/2024

🌟 (Queen of the South) ንግስቲ ደቡብ፡ 🌟

ስሕበት ዘለዎን ኣደናቒ ዛንታ ዝውንን ፊልም ትደልዩ እንተኾይንኩም፡ ንግስቲ ደቡብ (Queen of the South) ትብል ፊልም ግድን ክትከታተልዋ ኣለኩም! 🎥✨ እዛ ፊልም ኣብ ጉዕዞ ናይታ ካብ ትሑት ድሕረ ባይታ ዘለዎ ስድራ ተላዒላ ሓንቲ ካብተን ኣብ ንግዲ ዕጸፋርስ ዓቢ ሓይሊ ትረክብ ፡ ጓል ኣንስተይቲ #ተረዛ መንዶዛ ብዕምቆት እተዘንቱ ፊልም እያ።

እቲ ብሓቂ ዝማረኸኒ ነገር እንተሃልዩ፡ ንኽትኣምኖ ዘጸግም ጽንዓት #ተሬዛን እዩ።ንጸገማት ናብ ምንጪ ሓይሊ ቀይርካ ብጽንዓት ነኺስካ ብኸመይ ናብ ረብሓካ ከም እትቕይሮ ጽቡቅ ገይራ እያ ተዕልለካ። 💪 ገጸ ባህርያት ናይዛ ፊልም ኣዝዩ ዘገርም ውህደት እዩ ዘለዎም።- ኣብዛ ብደቂ ተባዕትዮ ተዓብሊላ ዘላ ዓለም ነቲ ዝተወሰነ ሓይሊ ደቀንስትዮ ተድምቅ ፊልም እያ።
እዚ ዛንታ እዚ ስልጣን ምርካብ ብዛዕባ ዕብለላ ጥራይ ከምዘይኮነ የዘኻኽረና- ብዛዕባ ጽንዓትን ትብዓትን ኣብ ነብስኻ ምጽናዕን እዩ። 💥 ኣድናቒ ናይ ገበን ድራማታት ዋላ ኣይኩን፣ መነቓቕሒ ገጸ ባህርያት ስለ ዘለዋ ግን ፍቅሪ ምስዛ ፊልም ፍቅሪ ሒዝኒ ኣሎ። እዛ ፊልም ብዛዕባ ሓቀኛ ሓይሊ ኣብ ሓሳባት ከም ዘሎ ክትነግረካ ከላ ከመይ ክትሕጎስ ኢካ ኣታ ብሕጂ ትርእያ።ወዲ ሰብ ነቲ ዝመረረ እዋን ውን ተኮነ ዝበለጹ ሓሳባትን ድፍረትን ምስ ዝህልዎ ዝኮነ ሕምቅ ግዜን ሕማቅ ሰብን ሕማቅ ቶንኮልን ንረብሕኡ ከውዕሎ ይካል እዩ ቀንዲ ሞራል ናይዛ ፊልም እዩ።

ኣነ ናይ ትሬዛ፡ናይ ጀምስ፡ናይ ንጉስ ጆርጅ ኣድናቂ እየ።

ንግስቲ ደቡብ (Queen of the South) ተዓዚብኩም ዶ፧ ብዛዕባ ጉዕዞ ተረዛ እንታይ ሓሲብካ፧ ብሓፈሻ እዛ ፊልም ከመይ ረኪብኩማ፧እስከ ንዘራረብ! 💬👇

እዛ ፊልም እዚኣ ኣብ ህንጸት ጠባያት ዘለዋ ሓይሊ ድማ ነቲ ንብሎ ሓይሊ ተባያት ኣብ ፊልም ዘጓልሕ ኮይኑ ረኪበዮ።
#ንግስቲደቡብ #ሓያላት ደቂ ኣንስትዮ #ኣነቓቓሒዛንታታት #ክትከታተልዎ ዘለኩም
ኣላትኩም

04/12/2024

ኣበይ ኣለኩም እቶም ቃንዛ ምስራሕ ኣልቡም ትፈልጡ ደረፍቲ፧
ኣበይ ኣለኩም እቶም መንግስ ደርፍታት ሰሪሑ ስም ዝመቀለኩም፧
ኣበይ ኣለኩም እቶም ዕቤት ስነ ጥበብ ኤርትራ ዘገድሰኩም፧
ኣበይ ኣለኩም እቶም ብሉጽ ስራሕ ሰሚዕኩም ስኣን እዛ ሸር ምርካብ ከቢድ ክሳራ ዝተሰከምኩም፧

ያላ ሕጂ ኩልና ነዚ ብሉጽ ኣልቡም ሰርሒ ዘርጊሕልና ዘሎ መንግስ ተጋይሸ ፍቅርና ነርእዮ ያላ ኩልካ ሸር ግበር።

$ስነ-ጥበባዊ መንግስተኣብ ገብረገርግስ (ተጋይሸ) ኣብ ዕቤት #ሙዚቃ ኤርትራ . . . ፨ ፨ ፨ \\\\\\\\\\\ መ...$

04/12/2024

ስነ-ጥበባዊ መንግስተኣብ ገብረገርግስ (ተጋይሸ) ኣብ ዕቤት #ሙዚቃ ኤርትራ . . . ፨ ፨ ፨ \\\\\\\\\\\
መድረኽ ሙዚቃ ኤርትራ ብዙሓት ንፉዓት ስነ-ጥበባውያን ዝነብሩላ’ኳ እንተኾኑ፡ ከም መንግስተኣብ ገብረገርግስ ብድሙቕ ዝደምቁ ናይ ወለዶና ጥበባውያን ውን ኣለዎ። ንፉዕ ደራፋይን ተመራማሪ ባህልን መንግስተኣብ ተጋይሽ፡ ካብቲ ልሙድ ካብ ሙዚቀኛታት ትጽቢት ዝግበረሎም ንላዕሊ ከይዱ እዩ። ኣብዚ ቀረባ እዋን ዘቕረቦ ፕሮጀክት ኣልቡም- ንሃብታም ባህላዊ ጽባቀ ትሽዓተ ብሄራት ኤርትራ ዝውክል ኣልቡም- ንብዙሕነት ሃገሩ ዘለዎ ተወፋይነትን ክእለትን ዓሚቝ ኣበርክቶ እዚ ኣልቡም ምስክር’ዩ።
ንመንግስተኣብ ፍሉይ ዝገብሮ ስነ-ጥበቡ ጥራይ ዘይኮነስ ንሓቅነት ዘለዎ ተወፋይነት እዩ ዝውንን።ደፋር ፈታኒ እዩ ውን። ስርሑ ኣብ ጽፉፍ መጽናዕቲ ሱር ዝሰደደ ኮይኑ፡ ነፍሲ ወከፍ ደርፊ ሓቀኛ ነጸብራቕ ልምድታትን ክብርታትን ናይቲ ዝውክሎ ህዝቢ እዩ። ብሄራት ኤርትራ ፍሉይ ቋንቋን ህርመትን ቅዲ ሙዚቃን ስለ ዝውንኑ እዚ ንእሽቶ ኣበርክቶ ኣይኮነን። መንግስተኣብ ብኣልበሙ ኣቢሉ ነዚ ፍልልያት’ዚ ብምድልዳል፡ ንባህላዊ ስኒት ኤርትራ ዝገልጽ ስራሕ ፈጢሩ’ሎ።
ዕድል ዕዳጋ
እዚ ንምእማኑ ዘጸግም ጻዕሪ ኣሕሊፉ ዘሎ ጥበባዊ ዝተከተሎ ናይ ዕዳጋ መስርሕ ኣዝዩ ድኩም እዩ ዘሎ፡ መንግስተኣብ ስነ-ጥበቡ ንምክፍፋል ዝተጠቀመሉ ኣገባብ፡ ንኤርትራውያን ሙዚቀኛታት ዘጋጥሞም ሓባራዊ ብድሆ ውን ስለ ዝኮነ ምዝራቡ ግዚኡ እዩ። ኩሉ ስነ ጥበባዊ ክርድኦ ዘለዎ ጥበብ ክስራሕ ከሎ ብጥበብ ይስራሕ ምስ ተወድአ ግን ናብ ጽሩይ ቢዝነስ እዩ ዝቅየር። እታ ኣልበም ኣብ ዩቱብ ብነጻ ክትዝርጋሕ እንከላ፡ ብዘይ መወዓውዒ ይኹን ግቡእ ምልላይ ተሰቒላ። እዚ ውሳነ’ዚ ትሕትና መንግስተኣብ ይገልጽ እዩ ዲና ክንብል ኣልቡም ምሉእ ኣብ ዩቲብ ደርብዩ ዋላ ሓንቲ ከየፋለጠ ወጻኢታቱ ብከመይ እዩ ክሽፍን። እቲ ዘጋጥሞ ከቢድ ክሳራ ከስዕበሉ ዝክእል ተስፋ ምቁራጽ ኣብ ግምት ኣእቲና ክንርድኦ ተፈቲና ክንከስሮ ውን ንክእል ኢና።
ኤርትራውያን ደረፍቲ፡ መብዛሕትኡ ግዜ ንኣገዳስነት ውጽኢታዊ ዕዳጋ ዕሽሽ ይብሉ። ብሉጽ ጠበባዊ ሙዚቃ ዓቢ ተዓዛቢ ይግብኦ እዩ፣ ሰብ ሞያ ዕዳጋን ሚድያን ድማ ነዚ ክፍተት ኣብ ምድልዳል ዓቢ ተራ ክጻወቱ ይኽእሉ። ፈጠራዊ ጅንየስ ዘለዎም ከም በዓል መንግስትኣብ ዝኣመሰሉ ሙዚቀኛታት ኣብ ሞያ እንበር ኣብ ዕዳጋ ዘለዎም ውህብቶ ውሑድ እዩ ሓገዝ ናይ ምሕታት ባህሪ ከማዕብሉ ይግባእ።
#ጻውዒት ለውጢ
እዚ ንኢንዱስትሪ ሙዚቃ ኤርትራ ዘበራብር ጻውዒት እዩ። ዛንታ መንግስተኣብ ገብረግፈርግሽ ዘረባ ጥራይ ዘይኮነስ ተግባር’ውን ዝሓወሰ ተበግሶ እዩ። ስነጥበባውያን ስርሖም ናብ ዓለማዊ ተዓዛቢ ንኽበጽሕ ምስ ሰብ ሞያ ዕዳጋ ምትሕብባር ቀዳምነት ክህቡ ኣለዎም። ሙዚቃ ኣድማሳዊ ቋንቋ ስለዝኾነ፡ ሃብታም ቅርሲ ኤርትራ ኣብ መድረኽ ዓለም ክቅልቀል ይግብኦ። ውሑዳት ናይ ዕዳጋ ክኢላታት ኣብዚ ዓውዲ ምሕዋስ እዋን ዝጠልቦ ዘሎ ጉዳይ እዩ።
ስነ ጥበባዊ መንግስተኣብ ገብረገርግስ ብሉጽ ስራሕ ሂቡና ኣሎ። ሕጂ፡ ስርሑ መታን ናብ ብዙሕ ሰብ ክበጽሕ ከም ደገፍቲ፡ ደገፍቲ ኣካላት ናትና ስራሕ ተሪፉ ኣሎ። ስርሑ ናብ ብዙሕ ሸር ንበለሉ፣ ንዓወቱ እጃምና ንግበር፣ ንፉዓት ሙዚቀኛታት ኤርትራ ንምዕባይ ዝሓሸ ስትራተጂታት ክህሉ ድማ ደገፍና ነርኢ።

ኣልቡም ኣብዚ ጥብቆ ኣላትኩም . .
https://youtu.be/GfE-eW0nWR0?si=BhIc-IzwcnqUCiOC

ራድዮ ጃዮ
sibhatu

of.mereb.estifanos

02/12/2024

#ትርጉም ምቕራጽን ኣቀማምጣን ስእሊ ኣብ ኤርትራዊ ፊልም፡🎥✨

ዝበልጸ ቅልዓት ኣብ ፊልም ፡ ካብቲ ዛንታዊ #ህሞታት ንላዕሊ እዩ ክንጸባረቕር ዘለዎ - ፊልም ምርኣይ እንበር ምንጋር ማለት ስለ ዘይኮነ።ብሉጻት ቅልዓት ምህላው ማለት በቲ ኣቀማምጣ #ስእላዊ ሓሳብ ነቲ ፊልም ትርጉም ምፍጣር እዩ። ነፍሲ ወከፍ ፍሬም( ) ምስ ርእሰ-ሓሳባት ጥራይ ዘይኮነስ ልዕሊኡ #ሶጊሙ፡ ብኣቃውማኡን፡ ብርሃኑን፡ ኣረኣእያኡን፡ ኣቢሉ ዛንታ ይነግር።
ኣብ ፊልምታትና ሸለል ዝብሃል ዘሎ ዓውዲ #ሲኔማቶግራፊ እዩ። ብሸለልትነት ዝተቀልዑ ፍሬማት ኢና ነቀምጥ። እዚ ድማ ብድምጺ ተዋሳእቲ ጥራይ ዝተቀርጸ ፊልም፣ ንትርኢታትና ናብ ናይ ሬድዮ ድራማ ገጹ ይወስዶ ኣሎ።
ምስ ብዙሕ ድካማትና ድማ ገለ ካብ ብሉጻት ቅልዓት ፊልምታት ሃገርና’ዶ ሃሰስ ንበል።ኩልና ሰራሕቲ ፊልም ነድንቆ #ሴማዊ ጄሪ ካብ ዝቀልዖም ዝበለጹ ፍሬማት እስከ ንርኣዮም። ርኢቶ ከም ቀደምና

ናይ ሎሚ ማዓልቲ መደብና ዛዚምና ኣለና ጽባሕ ብኻልእ ትሕዝቶ የራክበና ሰናይ ለይቲ

ፊልም ወዲ ገነት
https://youtu.be/PjH8LuhJ2ow?si=taFuIZlmkLdZ77Pr

$#ጣዕሞት . . . . ሳዓት 5፡00ድ\ቀ1. ትርጉም ህይወት ባዕሉ ክመጸካ ትጽበዮ ኣይኮነን-ንስካ ትፈጥሮ ትርጉም እዩ። ኣብ ነፍሲ ወከፍ ህሞት፡ ኣብ ስቓይ'ውን እንተኾነ ዘርኢ ዕላማካ...$

30/11/2024

#ጣዕሞት . . . .
ሳዓት 5፡00ድ\ቀ
1.
ትርጉም ህይወት ባዕሉ ክመጸካ ትጽበዮ ኣይኮነን-ንስካ ትፈጥሮ ትርጉም እዩ። ኣብ ነፍሲ ወከፍ ህሞት፡ ኣብ ስቓይ'ውን እንተኾነ ዘርኢ ዕላማካ እዩ ዝነብር። ንመጸናንዒ ወይ ድማ ንምጽናሕ ዘይኮነስ ንኣገዳስነትካ ንበር፡ ኣብቲ ዝነኣሰ ትጓዓዞ ናይ ሕልምካ ጉዕዞ ድማ ሓጎስ ክትረክብ ኢኻ’’።

2 .
"ሓቀኛ ዕብየት ዝጅምር ንሓቀኛ ነብስኻ ምስ ሓቖፍካ እዩ። ምስኡ ክትሰማማዕ ማስክ መሸፈኒ ሕመቕካ ኣይትግበር- ንነብስካ ብፍሉይ ቅኑዑን ሓቀኛን ክትከውን ደፍር። ንነብስኻ ሃኒጽካ ከም ዘላቶ ምስ ተቀበልካያ ፡ ንመን ኢካ ክትከውን ኣብዛ መሬት ዝተፈጠርካ ክርዳኣካ እዩ። ብዝያዳ ጽባቐ ክትምዕብል ኢካ።" .

ወዲእና'ኮ . . . እንታይ ትጽበ ኣለካ ምሸት ድሕሪ ድራር የራክበና ሕቶ ኣለና . . .

30/11/2024

#ብኤርትራውያን ኣውፈርቲ ዝውነን ባዓል 4 ኮኮብ ሆቴል . . .

Tulip Canaan Kampala ኣብ ናካሰሮ ዝርከብ ምዕሩግ ባዓል 4 ኮኾብ ሆቴል ኮይኑ፡ ሓደ ካብ ዓበይቲ ሆቴላት ካምፓላ ኮይኑ፡ ኣብ ጥቓ ማእከል ከተማን ከም ክለብ ጎልፍ ኡጋንዳን ሃገራዊ ቤተ መዘክር ኡጋንዳን ዝኣመሰሉ ዓበይቲ ትካላት ዝርከብዎ ከባቢ ይርከብ። ካብ ኣህጉራዊ መዓርፎ ነፈርቲ ኣስታት 45 ደቓይቕ ብመኪና ርሒቑ ይርከብ። እቲ ሆቴል 122 ብውቁብ ዲዛይን ዝተሰርሑ ክፍልታትን ሱይትስን ዝሓዘ ኮይኑ፡ ንንግዳውያንን ንመዘናግዕን ተጓዓዝቲ ዘገልግል ኮይኑ፡ ጽቡቅ ትርኢት ከተማን ዝኣመሰሉ ዘመናዊ ምቹእነት ዘለዎ እዩ።
ሆቴል ካምፓላ | ጎልደን ቱሊፕ
ትካላት፦ ናይ ደገ መሐንበሲ: ማእከል ምውስዋስ ኣካላት: ስፓ: ከምኡውን ተፈጥሮኣዊ ብርሃን ዘለዎም ምቹእ ሃዋሁ ዘለዎም ናይ ኣኼባ ክፍልታት። እዚኦም ንኽልቲኡ ምዝንጋዕን ንንግዳዊ ፍጻሜታትን ዘጠቃልሉ እዮም
ሆቴል ካምፓላ | ወርቃዊ ቱሊፕ

ንመዝገብን ተወሳኺ ሓበሬታን ኣብ...
ሆቴል ካምፓላ | ወርቃዊ ቱሊፕ
tps://canaan-kampala.goldentulip.com/en-us/)

https://canaan-kampala.goldentulip.com/en-us/

30/11/2024

#ንመወዓውዒ ገንዘብ ከይክፍሉ ክብሉ ከሲሮም ካብ ዕዳጋ ዝወጹ ትካላት።

#ኣብ ዝሓለፈ ጽሑፍና ብዛዕባ ኣገዳስነት ምውዕዋዕ(Advertisment) ቁንጭል ኣቢልና ንተዓዘብትና ከም ዘቕረብና ዝፍለጥ እዩ። ሎሚ ከኣ ሰኣን ምውዕዋዕ ገዚፍ ክሳራ ዘጋጠሞም ገለ ትካላት ክነላልየኩም ፈቲና ኣለና።

#ቅድሚ 132 ዓመት ጆርጅ ኢስትማን ዝተባህለ ኣሜሪካዊ ኮዳክ ዝተባህለ ኣብ ታሪኽ ፎቶግራፍ ዓቢ ዝላ ዝገበረ ኣብ ሳጹን ዝኣተወ ካሜራ መሃዘ። በዚ ምህዞ እዚ ከኣ ካብ ዓለም ቀዳማይ ደረጃ ብምሓዝ ንዕዳጋታት ካሜራ ክብሕቶ ግዜ ኣይወሰደሉን። በዚ ጸብለልታ ን 100 ምስ ጸንሐ ምስ ምምጻእ ዲጂታል ካሜራታት ንዝነበሮ ኣሰራርሓ ብምምዕባል ውድድሩ ብመርሒነት ክቕጽሎ ክኢሉ እዩ። ከም'ዚ ኢሉ እንከሎ፣ እዚ ምንቁልቋል ዕዳጋታት ዓለም ተጻዊሩ ንካልኣይ ኲናት ዓለም ዝሓለፈ ታሪኻዊ ትካል ብዘይብሱል ውሳነ ናይ ሰነፋት ሓለፍቱ ናብ ክሳራ ክኣቱ ጀመረ። ናይ ውድቀቱ ምኽንያት ብዙሓት ዝጥቀሱ ምኽንያታት እኳ እንተ ሃላዉ ሓደ ካብኡ ዝግባእ ማርኬት ክዕብልል ዘኽእል ምውዕዋዕ ዘይምግባር እዩ ኔሩ። ድሕሪ ናይ ነዊሕ ዓመታት ጉዕዝኡ ከኣ ኣብ 2012 ብወግዒ ከም ዝኸሰረ ኣዊጁ ካብ ዕዳጋ ኣግለለ።

#ነትፍሊክስ ናይ ፊልም ዓለም ከም'ዚ ሎሚ ከይተቖጻጸሮ ከሎ ፣ Blockbuster Inc ዝተባህለ ትካል ፊልምታት ምክፍፋልን ምርኣይን ንዓመታት ኣብ ትሕቲ ቁጽጽሩ ጌሩ ዝንቀሳቐስ ዝነበረ ትካል እዩ። እዚ ትካል ኣብ 2010 ድሕሪ ምምስራቱ ኣብ ሓጺር ግዜ ዕዉት ትካል ብምዃን ናይ ፊልም ዕዳጋ ክቆጻጸሮ ክኢሉ ኔሩ እዩ። እንተ ኾነ ግን ምስ ካልኦት ትካላት ከወዳድሮ ዝኽእል ፣ ብቚዕ ናይ ምውዕዋዕ ስትራቴጂ ብዘይምንዳፉ ፣ ኣብ 2013 ናይ ሓደ ቢልዮን ዶላር ክሳራ ተሸኪሙ ካብ ዕዳጋ ዓለም ነብሱ ከግልል ተገደደ።

#ሳልሳይ ዝጠፈሸ ትካል ከኣ፣ Borders Group እዩ ፣ እዚ ትካል ብዓለም ለኻዊ ደረጃ መጻሕፍትን ሙዚቃታትን ንምሻጥ ዓሊሙ ዝቖመ ትካል እዩ ኔሩ። ኣብ ሓጺር ግዜ ከኣ ገዚፍ መኽሰብ ብምርካብ ዓቢ ዝና ዘለዎ ትካል ንምዃን በቒዑ ነበረ። እንተ ኾነ ግን ተወዳዳሪ ኮይኑ ከቐጽሎ ዝኽእል ግቡእ ምውዕዋዕ ብዘይምግባሩ ዝነበሮ ዕዳጋ ብመወዳድርቱ ክውሰደ ስለ ዝኸኣለ ፣ ኣብ ከቢድ ክሳራ ተሸሚሙ ምሉእ ብምሉእ ካብ ዕዳጋ ጠፊሹ ተኣልየ።

#እዚኦም ኣብ እዋኖም ግዙፋት ትካላት ዝነበሩ ፣ ብሰንኪ መወዓውዒ ሞይቶም ዝተረፉ ፣ ነዞም ሎሚ ትካልኩም ደሓን ኣሎ ኢልኩም ብዘይዝኾነ መወዓውዒ ዕዳጋ ክንብሕቶ ኢና ኢልኩም ካብ ምውዕዋዕ ግልል ኢልኩም ዘለኹም ትካለት መምሃሪ ክኸውን ኢልና ኢና ኣምጺእናዮ'ሞ ፣ ንምህርትኹም ምስ ዓማውልኩም ክተራኽብዎ እንተ ደሊኹም ነዚ ኣብ ሞባይሉ ተሓቢኡ ዝውዕል ዘሎ ወለዶ ሎሚ ብመወዓውዑ ጌርኩም ኣብ ልቡ ክትኣትዉ ስለ ትኽእሉ ፣ ሎሚ መደብ ጌርኩም ንትካላትኩም ናይ መወዓውዒ ባጀት ብምስላዕ ምስ ህዝቢ ብቐጻሊ ኣራኽብዎ።

#ስለዚ ጃዮ ራድዮ ንምህርትኹም ናብ ህዝቢ ኣቕሪቡ ከዋዓውዓልኩም ድልው ስለ ዘሎ፣ ትካልኩም መወዓውዒ ክትገብርሉ ድልዋት ዘለኹም ብውሽጢ ክትውከሱና ትኽእሉ ኢኹም።

ጃዮ ራድዮ
23 ሕዳር 2024
ካምፓላ

Sedo entertainment

15/12/2024

10/12/2024

06/12/2024

05/12/2024

05/12/2024

04/12/2024

04/12/2024

02/12/2024

30/11/2024

30/11/2024

30/11/2024

Address

Website

Alerts

Contact The Business

Shortcuts

Share

Category