समय-समाचार Samaya-Samachar

08/29/2025

भदौ २० गतेदेखि ‘रिमै’ प्रदर्शन : गुरुङ संस्कृतिको कथा पर्दामा
पोखरा । नेपाली सिनेमामा सांस्कृतिक मौलिकता र आदिवासी समुदायको जीवनशैलीलाई केन्द्रमा राखेर निर्माण भएको चलचित्र ‘रिमै’ आगामी भदौ २० गतेदेखि देशव्यापी प्रदर्शनमा आउने भएको छ । दयाहाङ राई, रिश्मा गुरुङ, अर्पण थापा र माओत्से गुरुङको मुख्य अभिनय रहेको यस सिनेमाले गुरुङ समाजको जीवन, संस्कार र भावनालाई पर्दामा उतार्ने प्रयास गरेको बताइएको हो ।

08/29/2025

अब ८४ को चुनाबमा एमाले र काङ्रेस, अझ एमाले त पुरै पतन हुने छाँट प्रष्टै देखिसकेको छ । कति न ठूलो काम गरे भन्ने लागिराको होला एमालेलाई तर भित्र भित्रै भ्वाङ भएर भत्किसकेको छ । कसैले गर्दा त्यस्तो भएको होइन-- फगत आफ्नै कर्मले । र त्यसको फल एमाले ले चाडैं ८४ मा चाख्ने प्रष्ट देखिन्छ । कति खुशिको कुरा ! युवाहरू आउन जरुरी थियो र अब बाटो खुलेको प्रष्ट छ । अब नयाँ नेतृत्वलाई हामी सबैले विश्वास गरौं । त्यसैमा हुने छ यो देश र नेपाली जनताको भलाई ।

08/28/2025

खेलकुद पत्रकार मञ्च गण्डकीको साधारण सभा भदौ २६ गते हुने

पोखरा । नेपाल खेलकुद पत्रकार मञ्च गण्डकीको सातौं साधारण सभा भदौ २६ गते हुने भएको छ ।
मञ्चको बिहीबार बसेको २१ औं बैठकले साधारण सभा सम्बन्धी निर्णय गरेको मञ्चका अध्यक्ष मानबहादुर घर्ती (एमबि आस्था) ले जानकारी दिए ।

सोही कार्यक्रममा मञ्चले आयोजना गरेको नवौं पोखरा स्पोर्ट्स अवार्डको समीक्षा र आयव्यय सार्वजनिक गरिने अध्यक्ष आस्थाले खुलाए । यसका अलावा खेल पत्रकारको क्षमता अभिवृद्धिका लागि भदौ २७ गते तालिम समेत आयोजना हुँनेछ ।

गण्डकी प्रदेशका सम्पूर्ण खेलकुद पत्रकारको साझा संस्थाको रुपमा रहेको मञ्चमा हाल ७४ जना पत्रकार आवद्ध छन् ।
नेपाल खेलकुद पत्रकार मञ्च गण्डकी २०७५ सालमा केशव पाठक नेतृत्वको तदर्थ समितिले दर्ता गरी प्रदेश संरचनामा लगेको थियो । २०५८ सालमा पोखराका खेल पत्रकारहरु संगठित भई रामकृष्ण ज्ञवाली संस्थापक अध्यक्ष रहेको मञ्च कास्कीको विस्तारित रुपमा यहाँसम्म आइपुगेको हो ।

08/28/2025

08/24/2025

रक्तदान परोपकारी हित सँगै स्वयंको पनि हित होः प्रदेश प्रमुख भट्ट
पोखरा, ८ भदौ ।

08/24/2025

जलेश्वर (महोत्तरी) । संघीय गणतान्त्रिक गठबन्धनद्वारा आयोजित जनजागरण अभियान अन्तर्गत रैली तथा अन्तरक्रिया सभा कार्यक्रम भव्यताका साथ सम्पन्न भएको छ।

08/23/2025

काठमाडौं । बुद्धवीर लामा चौंधौं गितिमय सांगितिक साँझको तयारी सहित छैठौं शुभकामना भेट्रान्स दौड प्रतियोगिता सम्पन्न भएको छ ।

08/23/2025

लामाचाैर कप एक्सपर्ट अन्तरमावि छात्रा भलिबल, सेमिफाइनल समिकरण पुरा -सिर्जना, टप्स, शान्त र पोखरा युनाइटेड सेमिफाइनलमा -खुला पुरुष भलिबलतर्फ ६ टिमको टुंगो, पुरूषकाे खेल भाेली देखि हुने

08/22/2025

बजेटको समयमै प्रयोग, महसुलको व्यवस्थापन, र विभागीय समन्वयमा तत्परता कायम राख्न आवश्यक छ: मन्त्री यादव

नगरकोट (भक्तपुर), ६ भदौ : खानेपानीमन्त्री प्रदीप यादवले खानेपानी आयोजनाहरूको प्रभावकारी कार्यान्वयनका लागि बजेटको समयमै प्रयोग, महसुलको व्यवस्थापन, र विभागीय समन्वयमा तत्परता कायम राख्न सबैले ध्यान दिन आवश्यक रहेको बताउनु भएको छ ।

आज नगरकोटमा आयोजना गरिएको आर्थिक वर्ष २०८१/८२ को वर्षीक समिक्षा बैठक तथा मन्त्रालय स्तरीय विकास, समस्या समाधान समितिको बैठकलाई सम्बोधन गर्नु हुँदै मन्त्री यादवले खानेपानी क्षेत्रमा देखिएका समस्याहरू अझै पनि गम्भीर रहेकाले समाधानका लागि सबै पक्ष गम्भीर र प्रतिबद्ध हुनुपर्ने बताउनुभयो ।

“खानेपानीका सवालमा अझै पनि गम्भीर चुनौतीहरू रहेका छन् । त्यसैले सबै तहका निकाय र कर्मचारीहरूले कार्यप्रति प्रतिबद्धता, पारदर्शिता र जिम्मेवारी निर्वाह गर्न आवश्यक छ,” उहाँले भन्नुभयो, “खानेपानीका आयोजनाहरूको प्रभावकारी कार्यान्वयनका लागि बजेटको समयमै प्रयोग, महसुलको व्यवस्थापन, र विभागीय समन्वयमा तत्परता कायम राख्न सबैले ध्यान दिन आवश्यक छ ।”

यसैगरी मन्त्री यादवले तराई–मधेशका विभिन्न स्थानहरूमा निर्माण भएका ओभरहेड ट्याङ्क योजनाहरू वितरण प्रणालीको अभावमा सञ्चालनमा आउन नसकेकाले यस्ता योजनाहरू पूर्ण रूपमा कार्यान्वयनमा ल्याउन सम्बन्धित निकायलाई रणनीतिक तथा प्राविधिक कदमहरू चाँडै चाल्न निर्देशन समेत दिनुभयो ।

उहाँले भन्नुभयो, “सम्पूर्ण योजनाहरू जनतालाई लक्षित गरी निर्माण गरिएका हुन् । तर तिनको उपयोग नगरी बस्नु भनेको स्रोतको दुरुपयोग हो । त्यसैले जति सक्दो चाँडो ती संरचनाहरू सञ्चालनमा ल्याइ नागरिकलाई सुविधा दिनुपर्छ ।”

जलवायु परिवर्तनका कारण तराई–मधेस सहित पहाडी र हिमाली क्षेत्रमा खानेपानीका मुहानहरु सुक्ने समस्या बढ्दो क्रममा रहेकाले यसका लागि मुहान संरक्षण र रिचार्जका कार्यक्रमहरुलाई थप प्राथमिकता दिएर काम आगाडि बढाउन मन्त्री यादवले आग्रह गर्नुभयो ।

उहाँले भन्नुभयो, “जलवायु परिवर्तनका कारण तराई–मधेस सहित पहाडी र हिमाली क्षेत्रमा पानीका मुहानहरू क्रमश: सुक्दै गएका छन् । यस्तो अवस्थामा खानेपानीको दीर्घकालीन सुनिश्चितताको लागि मुहान संरक्षण तथा रिचार्जका कार्यक्रमहरूलाई प्राथमिकता दिनु जरुरी छ ।”

खानेपानी सेवामा सुधार ल्याउन सबै पक्षको साझा उत्तरदायित्व रहेको स्पष्ट पार्दै मन्त्री यादवले भन्नुभयो, “हाम्रो साझा लक्ष्य भनेको सबै नेपाली नागरिकलाई स्वच्छ, सुरक्षित र दिगो खानेपानी सेवा उपलब्ध गराउनु हो । यो लक्ष्य प्राप्तिका लागि सरकार मात्र होइन, स्थानीय तह, उपभोक्ता समिति, विकास साझेदार र समुदायको समेत सक्रिय सहकार्य अपरिहार्य छ ।”

सोही कार्यक्रमलाई सम्बोधन गर्नु हुँदै राष्ट्रिय योजना आयोगका सदस्य डा जयबहादुर टण्डनले खानेपानीका आयोजनाहरुमा विनियोजित बजेट कार्यान्वयन गर्न नसक्दा समस्या हुने गरेकाले खानेपानीका आयोजनाहरुलाई सफलपार्नका लागि राष्ट्रिय योजना आयोग सधै सकारात्मक रहेको बताउनुभयो ।

उहाँले भन्नुभयो, “खानेपानी भनेको नभइ नहुने चिज हो । हामीसँग स्रोत र रकमको समस्या भएको होइन तर बजेट कार्यान्वयन गर्न नसकिँदा समस्या हुने गरेको छ ।”

उहाँले पछिल्लो समय फेसबुकमा राजनितिक दलका नेताहरुले आफुले हालेका योजनाहरु पोष्ट गर्ने प्रबृति बढ्दै गएको भन्दै चिन्ता समेत व्यक्त गर्नुभयो । उहाँले भन्नुभयो, “फेसबुकमा यति योजनाहाले भनेर पोष्ट गर्ने होइन बरु आयोजनाहरु कसरी छिटो कार्यान्वयन गर्ने त्यो काममा लागेमा उपयुक्त हुने म सुझाब दिन्छु ।”

मन्त्रालयका सचिव ईञ्जिनियर प्रमिलादेबी शाक्य बज्राचार्यले खानेपानीका आयोजनाहरु समयमै सम्पन्न कसरी गर्न सकिन्छ त्ये विषयमा केन्द्रित भएर सबै कर्मचारीले लाग्नु पर्ने धारणा राख्नुभयो । “खानेपानीका क्षेत्रमा राम्रो बजेट विनियोजन भएको छ । आयोजनाहरु समयमै कसरी सम्पन्न गर्ने त्यो विषयमा अहिले नै सबैले छलफल गरेर अगाडि बढ्न आवश्यक छ ।”

खानेपानी तथा ढल व्यवस्थापन विभागका महानिर्देशक ई रामकुमार श्रेष्ठले गत आर्थिक वर्ष २०८०/८१ मा विभागले ९० दशमलब १० प्रतिसत वित्तीय प्रगति हासिल गरेका र चालु आर्थिक वर्षमा थप प्रगति गर्ने गरी काम सुरु भएको जानकारी दिनुभयो ।

उहाँले भन्नुभयो, “ खानेपानी तथा ढल व्यवस्थापनमा गुणस्तरीयता र दिगोपनालाई प्राथमिकतामा राखेर कार्यक्रमहरू सञ्चालन भइरहेको छ । सेवा प्रवाहलाई प्रभावकारी बनाउँदै नागरिकको जीवनस्तर उकास्न विभाग निरन्तर क्रियाशील छ ।”

मन्त्रालयका सहसचिव कमलराज श्रेष्ठले आर्थिक वर्ष २०८१/८२ को वर्षीक समिक्षा तथा मन्त्रालय स्तरीय विकास, समस्या समाधानका बारेमा तयार गरिएको कार्यपत्र प्रस्तुत गर्नु भएको थियो ।

कार्यक्रममा राट्रिय योजना आयोगका सदस्य डा जयबहादुर टण्डन, मन्त्रालयका सचिव ई प्रमिलादेबी शाक्य बज्राचार्य, सहसचिव ई मीना श्रेष्ठ, कमलराज श्रेष्ठ, खानेपानी तथा ढल व्यवस्थापन विभागका महानिर्देशक ई रामकुमार श्रेष्ठ, काठमाडौँ उपत्यका खानेपानी लिमिटेड (केयुकेएल) का प्रमुख अशोक पौडेल, मेलम्ची विकास समितिका कार्यकारी निर्देशक जगरनाथ दास, भ्यालीबोर्डका प्रमुख सञ्जिवबिक्रम राणा, पिआइडीका प्रमुख लक्ष्मी उपाध्याय, खानेपानी संस्थानका महाप्रवन्धक अर्जुनबाबु ढकाल, एकिकृत खानेपानी आयोजना प्रमुख सुरत बम, जलवायु खानेपानी आयोजना प्रमुख टिका चौधरी, सह लगानी खानेपानीका उज्वल प्रजापति लगायतका कर्मचारीहरुको सहभागीता रहेको थियो ।

08/22/2025

कास्कीको आठौं जिल्ला सभा सम्पन्न
गण्डकी प्रदेश सरकार जिल्ला समन्वय समिति प्रति असहिष्णु भयो - जि .स.स.कास्की प्रमुख पौडेल
पोखरा ,भदौ ६
जिल्ला समन्वय समिति कास्कीको आयोजनामा कास्की जिल्लाको आठौं जिल्ला सभा शुक्रवार सम्पन्न भएको छ।
सभाको गण्डकी प्रदेशका जिल्ला समन्वय प्रमुखहरूले संयुक्त रूपमा उद्घाटन गर्नुभएको थियो।
जिल्ला समन्वय समिति महासंघका केन्द्रिय सदस्य एबम जिल्ला समन्वय समिति बागलुङका प्रमुख अमर बहादुर थापा ,जिल्ला समन्वय समिति महासंघका केन्द्रिय सदस्य एबम मुस्ताङका प्रमुख माया गुरुङ,जिल्ला समन्वय समिति लमजुङका प्रमुख पूर्ण बहादुर गुरुङ ,जिल्ला समन्वय समिति कास्कीका प्रमुख लिलाधर पौडेल ,जिल्ला समन्वय समिति तनहुँका प्रमुख शान्तीरमण वाग्लेले सभाको संयुक्त उद्घाटन गर्नुभएको हो।
जिल्ला समन्वय समिति महासंघ गण्डकीका अध्यक्ष समेत रहनुभएका जिल्ला समन्वय समिति कास्कीका प्रमुख लिलाधर पौडेलले जिल्ला समन्वय समिति बर्तमान संविधानको मर्म अनुसार क्रीयाशिल रहेको भन्दै थप सबलीकरणमा प्रदेश सरकार उदासिन देखिएको भन्दै प्रदेश सरकारले आबश्यक कानुनी ब्यबस्थाका लागि चासो नदेखाउनु चिन्ताको बिषय भएको उल्लेख गर्नुभयो ।
प्राप्त कानुनी र संबैधानिक ब्यबस्था अनुसार उच्च प्रतिफल प्राप्त हुने गरेर काममा निरन्तर लागि रहेको बताउनु भयो। पौडेलले गण्डकी प्रदेश सरकार जि स स लाई कानुनी ब्यबस्था गर्न लाग्नु पर्ने ठाउँमा उल्टो संविधान बिपरित निरन्तर बेवास्ता गर्नु शुभ लक्षण नभएको उल्लेख गर्नुभयो ।कहिले जिल्ला समन्वय प्रमुखको नेतृत्वको अस्पताल ब्यबस्थापन समिति बनाएको छ ,लगत्तै खारेज गरेको छ। जिल्ला समन्वय समितिलाई भनेर बजेट छुट्ट्याउने तर कानुनी झन्झट देखाएर बिनियोजित बजेट समेत कटौती गर्ने गण्डकी प्रदेश सरकारका अस्थिर रवैयाले काम गर्न अप्ठ्यारो भएको उल्लेख गर्नुभयो ।
बिना अध्ययन नीति बनाउनु र बिना विश्लेषण खारेजी गर्नु प्रदेश सरकारको अपरिपक्व काम मात्रै होइन जि स स प्रतिको अनुदार र असहिष्णु व्यवहार हो पौडेलले बताउनुभयो।
सो अबसरमा करार तथा ज्यालादारीमा ३० बर्षभन्दा बढी समय सडक डिभिजन कार्यालय पोखरा कार्यालय मार्फत सेवा प्रदान गर्ने कर्मचारीहरू ढाकाराम पोख्रेल ,बिश्वनाथ पौडेल र सुन्तली बि क लाई नगद रू दुई हजार पाँच सय नगद सहित सम्मान समेत गरिएको जिल्ला समन्वय अधिकारी नवराज बरालले उल्लेख गर्नुभयो।
सभामा नेपाल पत्रकार महासंघ कास्कीका अध्यक्ष माधब बराल ,पोखरा उद्योग बाणिज्य संघका महासचिव शोभा गौतम, साबिक जिल्ला बिकास समिति कास्की उप- सभापति श्रीनाथ बराल सहित,साबिक जिल्ला बिकास समिति कास्कीका सभापति पुण्यप्रसाद पौडेल ,जिल्ला समन्वय समिति कास्कीका पूर्ब प्रमुख बैन बहादुर अधिकारी क्षेत्री , अन्नपूर्ण गाउपालिकाका अध्यक्ष बिष्णु बहादुर क्षेत्री
,जिल्ला समन्वय समिति महासंघका केन्द्रिय सदस्य एबम जिल्ला समन्वय समिति बागलुङका प्रमुख अमर बहादुर थापा ,जिल्ला समन्वय समिति महासंघका केन्द्रिय सदस्य एबम मुस्ताङका प्रमुख माया गुरुङ,जिल्ला समन्वय समिति लमजुङका प्रमुख पूर्ण बहादुर गुरुङ ,जिल्ला समन्वय समिति कास्कीका प्रमुख लिलाधर पौडेल ,जिल्ला समन्वय समिति तनहुँका प्रमुख शान्तीरमण वाग्ले ,जिल्ला समन्वय समिति स्याङ्जाका प्रमुख श्रीप्रसाद जि. टि.सहितले शुभकामना मन्तव्य ब्यक्त गर्नुभएको थियो।
सभाले जिल्ला समन्वय समिति कास्कीको आन्तरिक नियन्त्रण कार्यबिधी र आन्तरिक आय ब्यबस्थापन सम्बन्धि कार्यबिधी पारित गरेको छ।
जिल्ला समन्वय समिति कास्कीका प्रमुख लिलाधर पौडेलको अध्यक्षतामा सम्पन्न उक्त कार्यक्रममा स्वागत उप- प्रमुख सरिता माल र संचालन जिल्ला समन्वय अधिकारी नवराज बरालले गर्नुभएको जिल्ला समन्वय समिति कास्कीका सूचना अधिकारी लक्षु शर्माले जानकारी दिनुभयो ।