Meznagnia, 50 pickitt, Alexandria, VA (2026)

08/29/2026

ክቡራን ውድ የፌስቡክ ቤተሰቦቻችን መዝናኛ ሚዲያ በሰፊው እናንተን ለማገልገል በማሰብ የከፈትነውን አዲስ የFacebook ገፅ ከታች ያለውን ሊንክ በመጫን Follow , Like , Share በማድረግ ቤተሰብ እንዲሆኑ እንጋብዛለን።

https://www.facebook.com/share/19NiaY3gSC/?mibextid=wwXIfr

08/29/2026

ከጥልቅ ሐዘን ወደ ታላቅ ዓላማ፡ የሞዴል ሩት ይርጋለም አስደናቂ የሚስ ወርልድ ውድድር ጉዞ

በቪዬትናም አስተናጋጅነት እየተካሄደ በሚገኘው 73ኛው የዓለም አቀፍ ሚስ ወርልድ መድረክ ላይ ሀገራችንን ኢትዮጵያን ወክላ እየተወዳደረች የምትገኘው ሞዴል ሩት ይርጋለም፣ በጽናትና በሰብዓዊነት የታጀበው አስደናቂ ጉዞዋ የብዙዎችን ልብ እየማረከ ይገኛል።

ውበትን ከማኅበራዊ በጎ ተፅዕኖ ጋር በማጣመር በሚታወቀው በዚህ ታላቅ መድረክ ላይ ሩት፣ ከግል ሕይወት ከባድ ፈተና ጀርባ የኢትዮጵያን ባህል፣ ታሪክና የሴቶችን ድምፅ ለዓለም እያስተጋባች ትገኛለች። ሩት በቅርቡ በተካሄደውና እጅግ ተጠባቂ በሆነው የ”Head-to-Head” ፈተና ላይ ያደረገችው ልብ የሚነካ ንግግር እና በውድድሩ የታላንት ዘርፍ እስከ መዝጊያው “ምርጥ 23” (Top 23 Finalist) ውስጥ መካተቷ በዓለም አቀፍ ደረጃ ከፍተኛ ትኩረትን እንድታገኝ አድርጓታል።

በመድረኩ ላይ ሩት ይርጋለም ኢትዮጵያ የሰው ዘር መገኛ፣ የ13 ወራት ፀጋ፣ የቡና መፍለቂያ እና የራሷ የቀን መቁጠሪያ ያላት ልዩ ሀገር መሆኗን በኩራት አስተዋውቃለች። በተጨማሪም፣ ውብ የሆኑ ሀገር በቀል የባህል ልብሶችን በመልበስ የሀገራችንን የቀለም፣ የጥበብ፣ የእጅ ሥራ እና የባህል ብዝኃነት በላቀ ጥበብ ለዓለም አሳይታለች።

ከዚህ ውብ ባህልና ፈገግታ በስተጀርባ ግን ሩት በሕይወቷ እጅግ ልብ ሰባሪ የሆነ እውነታን ይዛ ነው ወደ ቪዬትናም የተጓዘችው። በልጅነቷ እናቷን ያጣችው ሩት፣ ወደ ውድድሩ ልትሄድ ጥቂት ቀናት ሲቀሯት ለዓመታት ስታስታምማት የኖረችውና የልብስ ዲዛይነር የሆነችው ውድ እህቷ በቅርብ ጓደኛዋ በተፈጸመባት አሰቃቂ ጥቃት ሕይወቷ አልፏል።

ሩት ይህንን መራራ ሐዘን ተቋቁማ በዓለም መድረክ ላይ የቆመችው ከሐዘኗ ወጥታ ሳይሆን፣ ከእህቷና ከአባቷ የተቀበለችውን ዓላማ ለማሳካትና ለሴቶች ድምፅ ለመሆን የገባችውን ቃል ለመጠበቅ መሆኑን በንግግሯ ገልጻለች። “እኔ እዚህ የተገኘሁት ልበ ደንዝዝ ስለሆንኩ ሳይሆን የእህቴንና የአባቴን ህልም ለማክበር፣ ኢትዮጵያን ለመወከልና ለሴቶችና ሕፃናት መብት ለመቆም የገባሁትን ቃል ለመፈጸም ነው” ስትል የተናገረችው ቃል የመላውን ዓለም ታዳሚ አስለቅሷል።

ሩት ውበት ከዓላማ ጋር ይዛ ነው የተነሳቸው ፣ በተለይ የእህቷ ድንተኛ ሞት የሴቶች ጥቃት ላይ በትጋት እንድትሰራ አነሳስቷታል ፣ ህፃናት ልጆች ጥራት ያለው ትምህርትና የተሻለ ኑሮ እንዲኖሩ ለማድረግ የበኩሏን ግንዛቤ ለመፍጠር ስራዋን ጀምራለች ፣ ከሁሉም በላይ የኢትዮጵያን ባህልና ታሪክ ለማስተዋወቅ ጉዞዋን ጀምራለች።

ሩት ይርጋለም በሕዝብ ድምፅ አሰጣጥ (Public Voting) በዓለም አቀፍ ደረጃ በ2ኛ ደረጃ ላይ የምትገኝ ሲሆን፣ በመጪው መስከረም 5 (September 5, 2026) በቪዬትናሟ ንሃ ትራንግ ከተማ በሚካሄደው ታላቅ የፍፃሜ ውድድር ላይ የኢትዮጵያን ስም በደመቀ ሁኔታ እንደምታስጠራ ከፍተኛ ግምት ተሰጥቷታል።

ሞዴል ሩት ይርጋለም ፈተናዎችንና ከባድ እንቅፋቶችን በጽናት በመሻገር የኢትዮጵያን ውበት፣ ባህልና የሴቶችን ድምፅ ለዓለም ያደረሰች እውነተኛ የሀገር አምባሳደር ነች።

ክቡራን ውድ የፌስቡክ ቤተሰቦቻችን መዝናኛ ሚዲያ በሰፊው እናንተን ለማገልገል በማሰብ የከፈትነውን አዲስ የFacebook ገፅ Follow , Like , Share በማድረግ ቤተሰብ እንዲሆኑ እንጋብዛለን።

https://www.facebook.com/share/19NiaY3gSC/?mibextid=wwXIfr

08/29/2026

ቴይለር ስዊፍት በአሰቃቂ አደጋ ታዳጊዎችን ለማዳን ህይወቷን አደጋ ላይ ለጣለችው የሶስት ልጆች እናት የ50 ሺህ ዶላር ልገሳ አደረገች

ታዋቂዋ አሜሪካዊት የፖፕ ሙዚቃ ኮከብ ቴይለር ስዊፍትበአውራ ጎዳና ላይ በደረሰ ከባድ የመኪና አደጋ ታዳጊዎችን ለማዳን ስትል ህይወቷን አደጋ ላይ ለጣለችውና ከባድ ጉዳት ለደረሰባት የሶስት ልጆች እናት የ50,000 ዶላር (በግምት ከ5.7 ሚሊዮን ብር በላይ) ድጋፍ ማድረጓ ተዘገበ።

እንደ ፒፕል መጽሔት ዘገባ ከሆነ፥ አሽሊ ታውንተን የተባለችው ባለ ትዳር እና የሦስት ልጆች እናት የሆነችው የ42 ዓመቷ ረዳት ነርስ ባለፈው ወር በከባድ ዝናብ ምክንያት መኪናቸው ተንሸራቶ አደጋ የደረሰባቸውን ታዳጊዎች ለመርዳት በኢንተርስቴት 95 (I-95) አውራ ጎዳና ላይ መኪናዋን አቁማ ልጆቹን ለመርዳት ታዳጊዎቹን እያነጋገረች በነበረበት ወቅት ፣ በፍጥነት የሚመጣ መኪና ከቁጥጥር ውጭ ሆኖ ወደ እነሱ ሲምዘገገግ ተመልሳለች።

አሽሊ በወሰደችው ቅጽበታዊና ደፋር እርምጃ ከእሷ አጠገብ የነበረውን ቪኒ የተባለ ታዳጊ በመግፋት ከአደጋው ቀጠና ያወጣችው ቢሆንም፥ እርሷ ግን በመኪናው በመመታቷ ከፍተኛ የአካል ጉዳት ደርሶባታል። በአደጋው ምክንያት በውስጥ አካሏ ላይ ደም መፍሰስ ያጋጠማት ሲሆን፥ በርካታ የጎድን አጥንቶቿ ተሰብረው ሁለት ከባድ ቀዶ ጥገናዎችን አድርጋለች።

የአሽሊ ባለቤት ለህክምና ወጪዎች መሸፈኛ የሚሆን የገንዘብ ማሰባሰቢያ (GoFundMe) ገጽ የከፈተ ሲሆን፥ ድምፃዊት ቴይለር ስዊፍት ይህንን የጀግንነት ታሪክ ከሰማች በኋላ ከፍተኛውን የ50,000 ዶላር ልገሳ በራሷ ስም በመለገስ ለቤተሰቡ ያላትን አጋርነት አሳይታለች። ስዊፍት በገጹ ላይ ባሰፈረችው መልዕክት “ለአንቺ መልካም ማገገምን እመኛለሁ፤ ለቤተሰብሽም ፍቅሬን እልካለሁ!” ስትል ጽፋለች።

አሽሊ ያዳነችው ታዳጊ ከ14 ዓመታት በላይ ለምታውቃት የቅርብ ጓደኛዋ ልጅ መሆኑን ሆስፒታል ከደረሰች በኋላ ያወቀች ሲሆን፥ የልጁ እናት “አሽሊ ልጄን ለማዳን ህይወቷን አደጋ ላይ የጣለች እውነተኛ ጀግና ናት” ስትል ምስክርነቷን ሰጥታለች። የአሽሊ የህክምና እና የማገገሚያ ሂደት እስከ አንድ ዓመት ሊወስድ እንደሚችል ታውቋል።

Daniel Gebremariam

08/28/2026

ከመጠን ያለፈ ውፍረትና ከሐኪም ማስጠንቀቂያ እስከ ሚስ ዩኤስኤ (Miss USA) መድረክ::

አምስት ዓመታት በአንድ ሰው ሕይወት ውስጥ ምን ያህል ትልቅ ለውጥ ሊያመጡ ይችላሉ?

ለዚህ ጥያቄ ምላሽ የሚሆን ሕያው ምስክር ይዛ የቀረበችው የ41 ዓመቷ አሜሪካዊትና የሦስት ልጆች እናት አምበር ኡለር ናት። በ2021 ወደ 300 ፓውንድ የምትመዝን ሲሆን፣ በወቅቱ የነበራት ከባድ የጤና እክልና ከመጠን ያለፈ ውፍረት (Morbid Obesity) ሕይወቷን ለአደጋ አጋልጦት ነበር።

የሕክምና ባለሙያዎች «ቀሪ ዘመንሽን እያሳጠርሽ ነው፤ ወደ መቃብር እየተጣደፍሽ ስለሆነ አስቸኳይ ለውጥ ካላደረግሽ ልጆችሽ ከከፍተኛ ትምህርት ሲመረቁ ለማየት አትበቂም» የሚል ከባድ ማስጠንቀቂያ የለውጥ ጉዞዋን በቁርጠኝነት እንድትጀምር አደረጋት።
ይህ አጋጣሚ በሕይወቷ ውስጥ እጅግ ያፈረችበት ቢሆንም፣ የውስጥ ማንነቷን ቀስቅሶ አዲስ ምዕራፍ እንድትጀምር ብርታት ሆናታል።

ጃንዋሪ 1 ቀን 2021 ዓ.ም. አምበር በግል ማስታወሻዋ ላይ አንድ ትልቅ ግብ አስፈረመች፡ «ክብደቴን ቀንሼ በቁንጅና ውድድር ላይ እሳተፋለሁ» የሚል ነበር። በወቅቱ በነበራት የአካል ቁመና ይህንን ማሰብ የማይቻል ቅዠት ይመስል ነበር። ሆኖም ግን፣ ያለ ምንም ዘመናዊ የክብደት መቀነሻ መድኃኒቶች (እንደ Ozempic ያሉ)፣ በራሷ ቁርጠኝነት፣ በጠንካራ ስፖርታዊ እንቅስቃሴና በተስተካከለ አመጋገብ ብቻ በሦስት ዓመት ተኩል ጊዜ ውስጥ 170 ፓውንድ (77 ኪሎ ግራም) መቀነስ ቻለች።

አምበር ክብደቷን በመቀነስ ብቻ አላቆመችም። የነበራትን ህልም እውን ለማድረግ በመጀመሪያ በ2024 የ«ሚስስ ፍሎሪዳ ዩኒቨርስ» (Mrs. Florida Universe) አሸናፊ ሆነች። በመቀጠልም በ2025 የ«ሚስስ ዩኒቨርስ ዩኤስኤ» (Mrs. Universe USA) ዘውድን ተቀዳጀች። አሁን ላይ ደግሞ ሚቺጋን ግዛትን በመወከል በ75ኛው ሚስ ዩኤስኤ 2026 (Miss USA 2026)ታላቅ የቁንጅና ውድድር ላይ አምበር ኡለር በሁለት ታላላቅ ምክንያቶች የውድድሩን ታሪክ ቀይራለች።

በ41 ዓመቷ በውድድሩ ታሪክ ውስጥ የተሳተፈች እድሜ ጠገቧ ተወዳዳሪ ለመሆን በቅታለች። (ይህ የሆነው ድርጅቱ ከዚህ ቀደም የነበረውን የዕድሜ ገደብ በማንሳቱ ነው)። ሌላው ደግሞ ውድድሩ ያገቡና ልጆች ያሏቸውን ሴቶች እንዲሳተፉ ከፈቀደ ወዲህ፣ ባለ ትዳር እና የሁለት ልጆች እናት የሆነችው አምበር የመጀመሪያዋ እናት ለመጨረሻው ዙር ያለፈች ተወዳዳሪ አድርጓታል።

አምበር አሁን ላይ ከመድረክ ውበቷ ባሻገር፣ በሕጻናት ላይ የሚደርሰውን የውኃ ውስጥ መዋኘት አደጋዎች ለመከላከል (Swim safety and drowning prevention) ጠንካራ ማኅበራዊ ሥራዎችን እየሠራች ትገኛለች።

አምበር ኡህለር በ41 ዓመቷ የውድድሩ እድሜ ጠገብ ተወዳዳሪ በመሆን እና 170 ፓውንድ (77 ኪሎ ግራም) በመቀነስ ባሳየችው አበረታች የክብደት ለውጥ ከፍተኛ የሚዲያ ሽፋን አግኝታለች፣ በዘንድሮው ሚስUSA
ከአሸናፊዋ በላይ መነጋገሪያ ሆናለች። አምበር ዋናውን ሚስ ዩኤስኤ የክብር ዘውድ ባታሸንፍም፣ በውድድሩ ወቅት የ”ሚስ ኮንጄኒያሊቲ” (ተወዳጅና ተግባቢ) ተብላ ዘውድ ደፍታ ሽልማትን አግኝታለች።

አምበር ኡለር ለዓለም ማስተላለፍ የምትፈልገው መልዕክት አንድ ነው፡ «የሰው ልጅ የራሱን የሕይወት ታሪክ በገዛ እጁ መልሶ መጻፍ ይችላል፤ ለዚህ ደግሞ ዕድሜም ሆነ ያለፉ ውድቀቶች እንቅፋት ሊሆኑ አይችሉም።»

Daniel Gebremariam

08/27/2026

ካይሊ ጄነር የጡት ቀዶ ጥገናዋን ዝርዝር ይፋ ካደረገች በኋላ የጡቶቿን መጠን ይበልጥ ለመጨመር ማቀዷን አስታወቀች ።

አሜሪካዊቷ ታዋቂ የሪያሊቲ ሾው ኮከብ እና የውበት ምርቶች ነጋዴ ካይሊ ጄነር ቀደም ሲል ያደረገችውን የጡት ማሳደጊያ የፕላስቲክ ቀዶ ጥገና (Breast Augmentation) ትክክለኛ ዝርዝር መረጃ ለህዝብ ይፋ ካደረገች ከአንድ ዓመት በኋላ፣ አሁን ደግሞ የጡቶቿን መጠን ይበልጥ ለመጨመርና ጎልተው እንዲታዩ ፍላጎት እንዳላት ለማድረግ ገለጸች።

የ29 ዓመቷ ኮከብ ይህንን ያስታወቀችው የቅርብ ጓደኞቿ በሆኑት አናስታሲያ ካራኒኮላው እና ቪክቶሪያ ቪላሮኤል በሚዘጋጀው “Better Half with Stas & Vic” በተሰኘው የፖድካስት ፕሮግራም ላይ ቀርባ በተወያየችበት ወቅት ነው ።

ካይሊ ጄነር በሰኔ 2025 በቲክቶክ ማህበራዊ ገጽ ላይ ለአንድ አድናቂዋ በሰጠችው ግልጽ ምላሽ፣ በ19 ዓመቷ ያደረገችው የጡት የፕላስቲክ ቀዶ ጥገና 445ሲሲ ልኬት መጠን ያለው ሲሊከን (Silicone ) ጡቶቿ ዉስጥ እንዳስገባች እና አሁንም ጡቶቿን በቆዶ ጥገና ትልቅ የማድረግ ሀሳብ እንዳላት ገልፃለች።
፣ አሁን ላይ ግን አሁን ባላት መጠን እንዳልረካች አስታውቃለች።

ካይሊ በፖድካስቱ ላይ ስትናገር “ ጡቶቼ የበለጠ ትልቅ እንደሆኑና ጎልተው እንዲወጡ እፈልጋለሁ፤ እኔ ወደ ክፍል ከመግባቴ በፊት ጡቶቼ ደረቴን ቀድመው እንዲታዩ እሻለሁ” ስትል የፕላስቲክ ቀዶ ጥገናውን በድጋሚ ለማድረግ ያላትን ፍላጎት በግልጽ አስረድታለች።

የጄነር ጓደኞች ኮከቧ ላለፈው አንድ ዓመት ያህል በትላልቅ ጡቶች ላይ ከፍተኛ ትኩረት አድርጋ እንደነበር የገለጹ ሲሆን፣ ይህ አዲስ ውሳኔዋም ያልተጠበቀ እንዳልሆነ ጠቁመዋል።

በሌላ በኩል የፕላስቲክ ቀዶ ጥገና ባለሙያዎች እንደሚገልጹት፣ የካይሊ ግልፅነቷን አድንቀው ፣ የእርሷ ግልፅነት ሌሎች ሴቶች የፕላስቲክ ቀዶ ጥገና እንዲያደርጉ ያነሳሳል፣ ነገር ግን እያንዳንዱ ሰው ያለው የሰውነት መዋቅር የተለያየ በመሆኑ ተመሳሳይ የሲሊኮን መጠን (445 cc) ሙሌት በሁሉም ሰው ላይ ተመሳሳይ ውጤት እንደማያመጣ እያሳሰቡ ይገኛሉ።

ጉዳዩ በማህበራዊ ሚዲያ ተጠቃሚዎች ዘንድም ሰፊ መነጋገሪያ ሆኖ ቀጥሏል። ካይሊ ጄነር በኢንስታግራም የማህበራዊ ሚዲያ ብቻ 361 ሚሊዮን ተከታዮች ያላት ተፅዕኖ ፈጣሪ ስትሆን፣ ገና በ29 ዓመት እድሜዋ የ700 ሚሊዮን ዶላር ባለሀብት ናት።

Daniel Gebremariam

08/26/2026

ከሴተኛ አዳሪ ጋር የግብረ ስጋ ግኑኝነት ለመፈጸም ቀጠሮ የያዙት አሜሪካዊ ቢሊየነር ሐሳባቸው ሳይሳካ ቀረ::

በታዋቂው የአሜሪካ የእግር ኳስ ሊግ (NFL) ውስጥ የሚወዳደረው የሳን ፍራንሲስኮ 49ers ቡድን ዋና ባለቤትና ስራ አስፈፃሚ የሆኑት ቢሊየነሩ የ45 ዓመቱ ጄድ ዮርክ በኦሃዮ ግዛት በቁጥጥር ስር መዋላቸውና የቀረበባቸውን ክስ ላለመከራከር በመስማማት ጥፋተኛነታቸውን ማመናቸው ታውቋል።

እንደ ኦፊሴላዊ የፍርድ ቤት መዛግብት እና የፖሊስ መግለጫዎች ከሆነ፣ ዮርክ በቁጥጥር ስር የዋሉት በኦሃዮ ግዛት ምስራቅ ፓለስቲን በተባለ አካባቢ የሴተኛ አዳሪነት ግዢ ዝውውርን ለመከላከል በተዘረጋ የፖሊስ ወጥመድ አማካኝነት ነው።

ግለሰቡ ባሳለፍነው አርብ ወደ ኦሃዮ ግዛት ለስራ ጉዳይ ባቀኑበት ወቅት፣ ዝሙት ለመፈጸም በማሰብ ወደ ስልካቸው ጐራ ይሉና ሴተኛ አዳሪዎችን ማፈላለግ ይጀምራሉ፣ አንዷ ልጅ ጋር ቀልባቸው ያርፍና የፅሑፍ መልዕክት በስልካቸው መለዋወጥ ይጀምራሉ፣ 140 ዶላር ለመክፈል ተሰማምተው ወደ ግለሰቧ ቤት ዝሙት ለመፈጸም ያመራሉ። በቦታው ሲደርሱ ግን ያልጠበቁትና ያላሰቡት ጉዳይ ያጋጥማቸዋል::

የስልክ መልዕክት ሲለዋወጡ የነበሩት ከሴተኛ አዳሪዋ ጋር ሳይሆን ከስውር የፖሊስ ቡድን ጋር እንደነበረ ይረዳሉ:: የፀረ-ሴተኛ አዳሪነት ዝውውርን ለመቆጣጠር ወንጀለኞችን ለማጥመድ የተቋቋመ የፖሊስ ግብረ ሃይል ባወጣው የኦንላይን ምስጢራዊ ማስታወቂያ ኢላማ ሆነው ፣ ስልካቸው ላይ አይተዋት ባማለለቻቸውና ሊተኟት ባሰቧት ሴት ፈንታ በፖሊስ እጅ ከፍንጅ ተይዘው ያሰቡት እና ያለሙት ሳይሳካ ይቀራል።

ነገሩን ይበልጥ ገራሚ ያደረገው በዚህ ወጥመድ ውስጥ የተያዙት እኚህ ግለሰብ ተራ ሰው አለመሆናቸው ነው ፣ እኚህ ሰው አስር ቢሊዮን ዶላር ሀብት ያላቸው፣ አንድ ታዋቂ የአሜሪካ የእግር ኳስ ክለብ ባለቤት እና በርካታ ትልልቅ የንግድ ተቋማትን የሚያስተዳድሩ የሁለት ልጆች አባትና ባለ ትዳር መልከ መልካም እድሜ ያልመሸባቸው የ45 ዓመት ጐልማሳ መሆናቸው ነው።

መጀመሪያ ላይ “በወንጀል በማባበል/በዝሙት አዳሪነት” (Engaging in Prostitution) ክስ ተመስርቶባቸው የነበረ ቢሆንም፣ በኋላ ላይ ከዐቃቤ ህግ ጋር በተደረገ ስምምነት ክሱ ወደ ቀላል የህዝብ ሰላም ማናጋት (Disorderly Conduct) እና የወንጀል መፈጸሚያ መሳሪያ (ሞባይል ስልክ) መያዝ በሚሉ የደረጃ ዝቅታ ጥፋቶች ተቀይሯል።

ተከሳሹ ጄድ ዮርክ ፍርድ ቤት ቀርበው “አልከራከርም” (No Contest) የሚል የእምነት ቃል የሰጡ ሲሆን፣ ፍርድ ቤቱም የሁለት ቀናት የእስር ቅጣት (የአንድ ቀን ተቀንሶላቸው) እና የ1,150 የአሜሪካ ዶላር የገንዘብ መቀጮ እንዲከፍሉ ወስኖባቸዋል። እንዲሁም ለወንጀሉ ዝግጅት የተጠቀሙበት 160 ዶላር በጥሬ ገንዘብ ለፖሊስ ግብረ ሃይል ገቢ ሆኗል።

የ49ers ክለብ አስተዳደር ባወጣው አጭር መግለጫ “ጉዳዩ ህጋዊ ሂደት የነበረውና የተቋጨ በመሆኑ፣ በአሁኑ ወቅት ተጨማሪ አስተያየት አንሰጥም” ብሏል። በሌላ በኩል የNFL ቃል አቀባይ ብሪያን ማካርቲ በሰጡት መግለጫ፣ ሊጉ ስለጉዳዩ ግንዛቤ እንዳለውና በሊጉ የባህሪ ደንብ መሠረት ምርመራ እንደሚያደርግ አስታውቀዋል።

Daniel Gebremariam

08/26/2026

በአሜሪካ ሞንታና ግዛት አንድ ግለሰብ ስምንት የቅርብ ዘመዶቹን በጥይት ደብድቦ ገደለ::

በአሜሪካ ሞንታና ግዛት ቢሊንግስ ከተማ አቅራቢያ በሚገኝ አንድ መኖሪያ ቤት ውስጥ፣ በአንድ የቤተሰብ እራት ጥሪ ላይ የተሰበሰቡ አራት ህጻናትን ጨምሮ ስምንት የቅርብ ዘመዶቹን በጥይት ደብድቦ መግደሉ ተሰማ::

ባለስልጣናት እንደገለጹት፣ ጥቃቱን የፈጸመው የ44 ዓመቱ አላን ስሚዝ የተባለ ግለሰብ ሲሆን፣ ስምንቱን የቤተሰቡን አባላት በጥይት ከጨረሰ በኋላ መኖሪያ ቤቱን በእሳት አጋይቶታል። ፍጻሜውም ራሱን በጠመንጃ በማጥፋት ተጠናቋል።

በዚህ ዘግናኝ ጥቃት ህይወታቸውን ያጡት ሰለባዎች ከአያት እስከ ቅድመ-አያት፣ እንዲሁም ትናንሽ ህጻናትን ያካተቱ የአራት ትውልድ አባላት መሆናቸው ታውቋል። በጥቃቱ ወቅት የ12 ዓመቷ ህጻን ሻርለት ጌኪየር በቤቱ ውስጥ ግድያው ሲፈጸም በከፍተኛ ድንጋጤ ውስጥ ሆና ወደ 911 ለፖሊስ በመደወል ቤተሰቦቼን ጨረሳቸው ድረሰብን በማለት ድምጿን ለማሰማት ችላለች። ሆኖም ግን እርዳታ ከመድረሱ በፊት እሷም የጥቃቱ ሰለባ ሆናለች።

የአካባቢው ፖሊስ መኮንኖች ጥሪው በደረሳቸው በጥቂት ደቂቃዎች ውስጥ ወደ ስፍራው የደረሱ ቢሆንም፣ በወቅቱ ከመኖሪያ ቤቱ ውስጥ የተኩስ ድምጽ ይሰማ እንደነበርና ቤቱም በከፍተኛ እሳት መያያዙን ገልጸዋል።

ፖሊስ እና የቅርብ ዘመዶች እንዳረጋገጡት፣ ገዳዩ አላን ስሚዝ ላለፉት በርካታ ዓመታት ከወላጆቹ ጋር በዚሁ ቤት ውስጥ አብሮ ይኖር የነበረ ቢሆንም፣ ከጥቂት ሳምንታት በፊት ወላጆቹ ከቤት እንዲወጣ አስገድደውት ነበር። ይህ ውሳኔ በውስጡ የፈጠረውን ከፍተኛ ቂም ተከትሎ፣ ቤተሰቡ በተለመደው የእሁድ ምሽት እራት ላይ በተሰበሰቡበት ወቅት ሳይታሰብ በድንገት ተመልሶ በመግባት ይህንን አስነዋሪ ወንጀል ፈጽሟል።

እንደ ቤተሰቡ ምስክርነት፣ አላን ስሚዝ ምንም ዓይነት የቀደመ የወንጀል ታሪክ ያልነበረው ሲሆን፣ ነገር ግን አብዛኛውን ጊዜውን ብቻውን ኮምፒውተር ላይ የሚያሳልፍ፣ ማህበራዊ ግንኙነት የሌለው እና እጅግ ገለልተኛ ባህሪ የነበረው ሰው ነበር።

አደጋው የተከሰተበት ቀጠና ከከተማው ማዘጋጃ ቤት መዋቅር ውጪ) በመሆኑ፣ በአቅራቢያው ምንም ዓይነት የውሃ ማስተላለፊያ መስመሮች (Hydrants) አልነበሩም። በዚህም ምክንያት የእሳት አደጋ መከላከያ ቡድኖች ውሃ በቦቴ እየመላለሱ እሳቱን ሙሉ በሙሉ ለመቆጣጠር እስከ ሌሊቱ ሰባት ሰዓት ድረስ ከፍተኛ ትግል ለማድረግ ተገደዋል።

ጉዳዩ በአካባቢው ማህበረሰብ ዘንድ ከፍተኛ ድንጋጤንና ሀዘንን የፈጠረ ሲሆን፣ ፖሊስ የወንጀሉን ዝርዝር የምርመራ ሂደት አሁንም በስፋት እየገፋበት መሆኑን አስታውቋል።

Daniel Gebremariam

08/26/2026

የአርሰናል እግር ኳስ ክለብ ተጫዋቾች በፒኤፍኤ (PFA Awards) የሽልማት ስነ-ስርዓት ላይ እጅግ በሚያምርና በደመቀ አለባበስ ተውበው በመቅረብ የብዙሃኑን ቀልብ ስበዋል።

በእንግሊዝ ፕሮፌሽናል እግር ኳስ ተጫዋቾች ማህበር / Professional Footballers’ Association (PFA) አመታዊ የሽልማት ምሽት ላይ የተገኙት የሰሜን ለንደኑ ክለብ ኮከቦች፣ ከተለመደው የስፖርት ትጥቃቸው ወጥተው ዘመናዊና የተዋቡ ልብሶችን (ሱፎችን) በመልበስ በክብር ምንጣፉ ላይ ደምቀው ታይተዋል።

በተለይም የክለቡ ዋና ዋና ተጫዋቾች በልዩ ፋሽን ዲዛይናቸው የምሽቱ መነጋገሪያ መሆን ችለዋል።በዚህ ታላቅ የሽልማት ምሽት የአርሰናል ተጫዋቾች ለሽልማት የታጩ ሲሆን፣ ክለቡ ባለፈው የውድድር ዘመን ባሳየው ድንቅ ብቃት በርካታ ተጫዋቾቹ በዓመቱ ምርጥ ስብስብ (PFA Team of the Year) ውስጥ መካተት ችለዋል።

በ2026 የፒኤፍኤ (PFA Awards) ⚽ በወንዶች የዓመቱ ምርጥ ስብስብ (Men’s PFA Premier League Team of the Year)

- ዴቪድ ራያ (David Raya) — ግብ ጠባቂ
- ዊሊያም ሳሊባ (William Saliba) — ተከላካይ
- ጋብሪኤል ማጋልሃስ (Gabriel Magalhães) — ተከላካይ
- ዩሪየን ቲምበር (Jurriën Timber) — ተከላካይ
- ዴክላን ራይስ (Declan Rice) — አማካኝ
አምስቱ የአርሰናል ተጫዋቾች በስብስቡ ተካተዋል።

ተጫዋቾቹ በሜዳ ላይ ያላቸውን ጥራት በምሽቱ አለባበሳቸውም ጭምር በማንጸባረቅ “የለንደን ኮከቦች” መሆናቸውን በድጋሚ አስመስክረዋል።የማህበራዊ ሚዲያ ተጠቃሚዎች እና የክለቡ ደጋፊዎችም የተጫዋቾቹን ፎቶግራፎች በማጋራት በአለባበሳቸው የተሰማቸውን አድናቆት እየገለጹ ይገኛሉ።

Daniel Gebremariam

08/25/2026

የሙዚቃዋ ንግሥት ዶሊ ፓርተን በ80 ዓመቷ ከዚህ ዓለም በሞት ተለየች

በዓለም ዙሪያ በሚሊዮኖች የሚቆጠሩ አድናቂዎች ያሏት፣ በጆሊን (Jolene) እና “I Will Always Love You” በሚሉት ታዋቂ ስራዎቿ የምትታወቀው እውቅ የአሜሪካ የሙዚቃ እና የፊልም እምቡጥ ዶሊ ፓርተን (Dolly Parton) በተወለደች በ80 ዓመቷ በናሽቪል ቴነሲ በሰላም ማለፏን ቤተሰቦቿ አስታወቁ።

የዶሊ ፓርተን የህልፈት ዜና የተነገረው የወንድሟ ልጅ ብራያን ሲቨር (Bryan Seaver) በሰጠው የቪዲዮ መግለጫ ሲሆን፣ ይህንን ማስታወቂያ በቪዲዮ እንዲሰራላት እራሷ ዶሊ ከዓመታት በፊት ጠይቃው እንደነበር ገልጿል። ቤተሰቦቿ የሞቷን ትክክለኛ ምክንያት በይፋ ባይገልጹም፣ በቅርብ ወራት ውስጥ ከኩላሊት ጠጠር ኢንፌክሽን እና ከተለያዩ የጤና እክሎች ጋር ስትታገል እንደነበር ይታወቃል።

በተለይም እ.ኤ.አ. በ ማርች 2025 የ60 ዓመት የትዳር አጋሯ ካርል ዲን (Carl Dean) ከዚህ ዓለም በሞት መለየቱን ተከትሎ ከፍተኛ የጤና እና የስነ-ልቦና መዳከም አጋጥሟት ነበር።በኪነጥበብ ዓለም የነበራት አሻራእ.ኤ.አ በ1946 በቴነሲ ተራራማ መንደር በድህነት ውስጥ ያደገችው ዶሊ ፓርተን፣ ከ6 አስርት ዓመታት በላይ በዘለቀው የኪነጥበብ ጉዞዋ፦ከ160 ሚሊዮን በላይ የሙዚቃ አልበሞችን መሸጥ ችላለች።

11 የግራሚ (Grammy Awards) ሽልማቶችን አሸንፋለች።እንደ “9 to 5” እና “Steel Magnolias” ባሉ የሆሊውድ ፊልሞች ላይ በዋና ተዋናይነት ዘልቃለች። በሀገረሰብ (Country Music) እና በሮክ ኤንድ ሮል (Rock & Roll) የዝና አዳራሾች (Hall of Fame) ውስጥ ስሟ በክብር እንዲቀረጽ አድርጋለች።

ዶሊ በሙዚቃዋ ብቻ ሳይሆን በታላቅ በጎ አድራጎቷም ትታወቃለች። “Imagination Library” የተሰኘው ድርጅቷ በዓለም ዙሪያ ለሚገኙ ህጻናት ከ200 ሚሊዮን በላይ መጽሐፍትን በነጻ አድሏል። በተጨማሪም እ.ኤ.አ በ2021 ለሞደርና የኮቪድ-19 ክትባት ምርምር 1 ሚሊዮን ዶላር በመለገስ የዓለምን ማህበረሰብ ታድጋለች።

በቴነሲ የምታስተዳድረው “ዶሊውድ” (Dollywood) የተሰኘው የመዝናኛ ፓርክም ለብዙ ሺዎች የስራ እድል የፈጠረ ግዙፍ ተቋም ነው።ዶሊ ፓርተን ከመሞቷ ጥቂት ቀናት ቀደም ብሎ “ከከባድ የጌጣጌጥ ልብሶች (Rhinestones) በኋላ አሁን ማረፍ ይገባኛል፤ በጥጥ አልጋ ላይ ማረፍ እፈልጋለሁ” በማለት ለቤተሰቦቿ ተናግራ እንደነበር የወንድሟ ልጅ በሀዘን ገልጿል።

Daniel Gebremariam

08/25/2026

የኢትዮጵያ ቷ ሩት ይርጋለም በሚስ ወርልድ የቀንጅና ውድድር በሙዚቃ ክህሎት ዘርፍ አስደናቂ ብቃት በማሳየት ወደ ቀጣዩ ዙር ማለፋ ተረጋገጠ።

በቬትናም አስተናጋጅነት እየተካሄደ በሚገኘው 73ኛው የዓለም ሚስ (Miss World 2026) ውድድር ላይ የኢትዮጵያ፣ የኤርትራ እና የናይጄሪያ ተወካዮች በሙዚቃና ክህሎት ዘርፍ አስደናቂ ብቃት በማሳየት ወደ ቀጣዩ ዙር ማለፋቸውን የውድድሩ አዘጋጆች አስታውቀዋል።

በዚሁ የኪነ-ጥበብ መድረክ ላይ የኢትዮጵያዋ ተወካይ ሩት ይርጋለም፣ የኤርትራዋ ስኒት ሀብተአብ እና የናይጄሪያዋ ታሙኖሶዬ ካሪቢ-ጆርጅ ያቀረቡት ባህላዊና ዘመናዊ የሙዚቃ ትዕይንት የዳኞችን ከፍተኛ አድናቆት ያተረፈ ሲሆን፤ ይህም በቀጥታ ከዓለም ምርጥ 23 የክህሎት ፍፃሜ (Top 23 Talent Finalists) ዝርዝር ውስጥ እንዲካተቱ አስችሏቸዋል።

በዘንድሮው የዓለም ሚስ ውድድር ላይ ከአፍሪካ ቀጠና የተሳተፉት እነዚህ ወጣቶች ሀገራቸውንና አህጉራቸውን በዓለም መድረክ ለማስተዋወቅ የሙዚቃ ስራዎችን የመረጡ ሲሆን፣ ያቀረቡት ውብ የድምፅና የእንቅስቃሴ ብቃት ለአፍሪካ የጥበብ እድገት ትልቅ ማሳያ ሆኗል።

ይህ የክህሎት (Talent) ውድድር በዓለም ሚስ መድረክ ላይ ከፍተኛ ግምት የሚሰጠው ሲሆን፣ አሸናፊ የሚሆነው ተወዳዳሪ በቀጥታ ወደ ዋናው የውድድር ምዕራፍ ምርጥ 40 (Top 40) ውስጥ የመግባት ወሳኝ እድልን ያገኛል።

ከሙዚቃ ውድድሩ ጎን ለጎን የህዝብ ድምፅ አሰጣጥ (People’s Choice Award) በከፍተኛ ሁኔታ እየተከናወነ ይገኛል። በአሁኑ ሰዓት የኤርትራዋ ተወካይ ስኒት ሀብተአብ በአፍሪካ ቀጠና የደረጃ ሰንጠረዥ ላይ በአንደኝነት እየመራች የምትገኝ ሲሆን፣ የኢትዮጵያዋ ሩት ይርጋለም እንዲሁ በቅርብ ርቀት በመከተል ከፍተኛ ፉክክር እያደረገች ነው። ይህም የአፍሪካውያን ተሳትፎ በዘንድሮው ውድድር ላይ እጅግ ጠንካራ መሆኑን ያሳያል።

የችሎታ ዘርፍ አሸናፊውን የሚለየው ታላቁ የፍፃሜ መድረክ ዛሬ ማክሰኞ፣ ነሐሴ 19 ቀን 2018 ዓ.ም (Tuesday, August 25, 2026) ምሽት በቬትናም የሚካሄድ ሲሆን፣ መላው የአፍሪካ ጥበብ አፍቃሪዎች ተፎካካሪዎቻቸውን በጉጉት እየጠበቁ ይገኛሉ።

የ73ኛው የዓለም ሚስ ውድድር ማጠቃለያ እና የክብር ዘውድ የማልበስ ሥነ-ሥርዓት (Grand Finale) ደግሞ በቬትናም ትልቋ ከተማ ሆቺሚን ሲቲ በሚገኘው ታላቅ አዳራሽ ውስጥ በይፋ ቅዳሜ፣ ጳጉሜ 5 ቀን 2018 ዓ.ም (September 5, 2026) በደመቀ ሁኔታ እንደሚከናወን ከአዘጋጆቹ የተገኘው መረጃ ያመለክታል።

Daniel Gebremariam

Meznagnia

08/29/2026

08/29/2026

08/29/2026

08/28/2026

08/27/2026

08/26/2026

08/26/2026

08/26/2026

08/25/2026

08/25/2026

Address

Telephone

Website

Alerts

Contact The Business

Shortcuts

Share

Category

Listing takedown request