Radio Mille Colombes

05/17/2026

GRANDS DEBATS SUR L'UNIVERSITE ET LE BICOLORE HAITIEN

05/03/2026

Istwa Flambeau de Meyer – Yon flanm ki pa janm etenn

Flambeau de Meyer se yon ekip foutbòl ki te fonde an 1977, nan yon epòk kote foutbòl lokal la t ap chèche idantite li. Depi premye jou yo, ekip la te pote yon lespri: disiplin, kouraj, ak fyète kominotè. Se pa yon ekip ki fèt pou jis patisipe li fèt pou fè bri.
Nan ane 2008, Flambeau te rive nan p*k li. Yo te viv yon moman glwa kote yo te make tèt yo kòm youn nan pi bon ekip nan chanpyona a. Men apre sa… bagay yo chanje.
Apre 2008,Flambeau pa t janm rive repran tit chanpyon an. Malgre bon match, bon jwè, ak anpil efò, chans lan pa t retounen bò kote yo. Ekip la menm te pran yon ti peryòd poz, kote li te sanble flanm nan t ap bese.
Men sa ki fè Flanbeau diferan, se ke li pa janm mouri.
An 2019, yon non te fè anpil bri:Rijkaart Augustin, pitit Meyer, Li vini ak yon nouvèl vizyon, yon nouvèl enèji, yon lide pou rekonstwi Flambeau depi rasin.
Li pa t vin sèlman pou jwe , li te vin pou rebati yon eritaj. Li mete disiplin, estrikti, ak lespri viktwa ankò nan ekip la.
Apre plizyè ane travay, sakrifis, ak rekonstriksyon, Flanbeau finalman reyalize yon gwo bagay: Yo vin chanpyon 4yèm edisyon Coupe Saint Jacques et Saint Philippe.
Se pa sèlman yon tit se yon rekonpans pou pasyans, lafwa, ak rekòmansman.

🔥 2 Me 2026 – Yon nouvo chapit.
Jodi a, 2 me 2026, Flambeau pa jis yon ekip ki gen istwa…
Li vin yon ekip ki gen lejand vivan.

Flanm nan pa janm etenn. Li jis t ap tann bon moman pou li limen pi fò ankò.

09/10/2025

Flambeau de Meyer, Viktim yon Desizyon kontwovèsal nan Coupe Dom Water
Jakmèl, septanm 2025
Yon gwo vag endiyasyon leve nan kominote foutbòl sidès la apre eliminasyon abitrè ekip Flambeau de Meyer nan kad Coupe Dom Water, yon chanpyona ki deja atire anpil enterè nan rejyon an.
Nan sant kontwovès la, se aplikasyon (oswa pi byen di vyolasyon) yon atik kle nan regleman konpetisyon an. Atik 15 nan dokiman ofisyèl la prevwa lòd ¼ de final yo:
• 1er A vs 2e B (1er match)
• 1er B vs 2e A (2e match)
• 1er C vs 2e D (3e match)
• 1er D vs 2e C (4e match)
Tèks la klè: premye Gwoup D la dwe jwe nan katriyèm match la.
Sepandan, kont tout atant, Komite Chanpyona a mande pou Flambeau de Meyer, ki te sòti 1er Gwoup D, antre nan teren pi bonè. Ekip la leve vwa pou defann dwa li dapre règ yo. Repons lan pa t yon dyalòg, men yon sanksyon: eliminasyon administrativ.
Pou ajoute sou dife a, olye yo rekonsidere pozisyon yo, òganizatè yo pibliye yon nòt pou di yo kanpe dèyè desizyon sa. Yon chwa ki soulve anpil kesyon sou kreyibilite ak transparans konpetisyon an.
Yon Ekip Senbolik nan Sidès
Flambeau de Meyer pa yon ekip òdinè. Fonde an 1977, li se youn nan pi ansyen ak pi respekte klèb nan Jacmel ak depatman Sidès la. Ekip la se pami ra fòmasyon nan rejyon an ki ofisyèlman anrejistre ak rekonèt pa Fédération Haïtienne de Football (FHF). Pandan prèske senkant ane, Flambeau pote koulè kominote li, fòme jenerasyon jèn foutbolè, epi rete yon pilye nan lavi espòtif lokal la.
Eliminasyon li sou baz yon desizyon ki pa ann amoni ak règ yo pa sèlman frape klèb la, men li souke tout moun ki kwè nan foutbòl kòm yon espò jistis, respè ak onètete.
Konsekans yo pi lwen pase yon match
Sa k pase nan Coupe Dom Water depase kad yon ¼ de final. Li mete sou tab la yon gwo kesyon:
• Èske òganizatè yo reyèlman respekte règ yo?
• Èske konpetisyon an kapab kenbe kredibilite li si règ ki ekri pa respekte?
• Ki mesaj sa voye bay lòt ekip yo ak jèn ki ap grandi nan foutbòl la?
Yon chanpyona ka gen defo, men lè desizyon yo antre dirèkteman an konfli ak tèks ofisyèl yo, sa louvri pòt pou abi ak paspouki.
Pou yon Foutbòl ki Plis Jis
Foutbòl se yon jwèt, men se tou yon zafè prensip. Règ yo egziste pou tout moun jwenn menm tretman, pou viktwa ak defèt yo sòti nan teren an, pa nan biwo. Ka Flambeau de Meyer la se yon tès pou òganizasyon espòtif nan Sidès: èske yo chwazi jistis ak respè, oubyen yo p ap janm bay foutbòl lokal la kredibilite li merite?

Pou anpil moun nan kominote a, repons lan deja klè: rejte abi, mande respè, defann valè foutbòl.

03/31/2025

Selon le média français, Cerfia.fr, Marine Le Pen est INÉLIGIBLE À LA PRÉSIDENTIELLE EN 2027. Elle serait CONDAMNÉE à 4 ans dont 2 ferme sous BRACELET avec 5 ANS D’INÉLIGIBILITÉ en EXÉCUTION PROVISOIRE.

03/29/2025

Le DHS commence à envoyer des emails aux bénéficiaires du programme Biden, leur informant que leur statut soit révoqué à compter du 24 avril et qu’ils doivent quitter les États-Unis.

03/29/2025

Kiyès nan lis Mizik Tropicana d’Haiti ki pote nan yon fanm ou plis renmen ?

03/21/2025

🚨🚨🚨Premyè Minis Babad la fè konnen ke li pare pou Gouvènman Donald Trump nan cancel Viza 🇺🇸🇺🇸🇺🇸 li a.

Premye Minis Motley mande pou peyi nan Kominote Karayib la pou yo defann peyi Kiba 🇨🇺🇨🇺🇨🇺 ak sistèm sante li an ki benefik pou anpil peyi nan rejyon an. E raple ke Kiba🇨🇺🇨🇺 voye Doktè bay anpil peyi selon sa Jamaica Obsever rapòte...

02/23/2025

Dimanche 23 Fevrier 2025 Relax Fresh Style Band nan okazyon 33 eme edisyon kanaval Jacmel

02/23/2025

Dimanche 23 Fevrier 2025 Relax Band de Jacmel nan okazyon 33 eme edisyon kanaval Jacmel

02/23/2025