09/19/2026
🚨 Judes Celestin fè yon bèl entèvansyon sou ka Westerlie a ki oblije fèmen pòt restoran li yo, li raple yon bagay enpòtan nan biznis: kritike yon pwojè pa vle di ou rayi moun ki dèyèl la.
Anpil moun te avèti Westerlie sou kèk risk ki te ka afekte restoran li yo. Sa pa vle di yo te egri oswa yo pa t vle li reyisi pou sa.
Judes fè konnen li menm tou li te bay Westerlie yon konsèy. Li te di Westerlie moun Indiana pa eklere ase pou mòd restoran sa. Li tap gen plis chans Boston, Nouyòk ou byen Miami men malerezman Pèp la te lapidel.
Ajan Pwokatè a kwè, nan antreprenarya, se pa tout moun ki di yon pwojè ka echwe ki egri oswa ki vle wè ou tonbe. Gen kritik ki ka baze sou analiz, eksperyans ak reyalite ekonomik. Se pa tout kritik ki merite joure. Gen kèk kritik ki ka pi itil pase yon seri konpliman ki pa gen okenn valè.
Ka restoran Westerlie yo montre yon bagay enpòtan. Gen yon biznis oswa plizyè ka bon lide, li ka toujou ekspoze ak gwo risk. Se responsablite antreprenè a pou evalye risk sa yo, aksepte konsekans yo epi ajiste estrateji li lè sa nesesè.
Nan biznis, se aprann koute, analize, korije epi kontinye avanse.
Kisa nou panse de bèl entèvansyon sa ?
